سؤال ما بعد التقرير الطبي ؟

السلام عليكم ورحمه الله وبركاته

سؤال ليا اكثر من شهر باعث التقرير الطبي والي الان . ولهم حوالي قبل اسبوعين بعثو لي يسألو
علي السي في ومنها الي لا رد ؟

انا خاش علي شهرين و20 يوم ومزال مفيش رد ... حد يفسرلي بس شنو صاير ؟؟ خصوصا ان موعد الدراسه
قريب جدا

وشكرا

ربي يستر

يا اخوان هو احنا مش ليبين ولا شنو ليش الاجانب خير مننا ليش الاجراءات اطول هكي تقول بيعطونا من جيوبهم الله لا تسامحهم لا دنيا ولا اخرة قولو امين

راجع السفاره الكنديه في تونس
وهدا ايميلهم re-tunis.immigration@international.gc.ca
اشرحلهم المشكله بختصار
ونصحيه ياخوي ابعت ايميل واحد بس

لحظه يا جماعه,,,علي حد علمي السفارة الكنديه في طرابلس,,كيف تونس,,,,ارجوا التوضيح

أخت لوزة. سابقاً والله أعلم تقارير الكشف الطبي ونتائجة ترجع للسفارة الكندية بتونس على طول. وهم اللي يبغلوك بنتيجة التقرير الطبي. يعني المكتب اللي في طرابلس ماعنداش علاقة بالموضوع. وهذا الكلام على مانعرفه من 3 سنوات النظام هكي.
يعني الرجوع و الإستفسار عن الكشف الطبي الأفضل يكون عن طريق مراسلة السفارة الكندية بتونس.

والله أعلم شن صاير في الوقت الحالي

السلام عليكم

جميع الاراق الي يتم تسليمهن لمكتب السفاره في طرابلس يتم نقلهن لتونس ...


بالنسبه للكشف الطبي بعد مايتم ..ترسله بالبريد الي يعطيه ليك الدكتور الي فرنسا (او يبعته هوا بروحه ع حسب )وتبعه عن طريق موقع شركه البريد لين يوصل احيانا يبي 6 ايام كحد اقصى بعدها تستني لين تجيك رساله علي الايميل مكتوب فيها
Dear applicant,

Your study permit application is finalized.
Could you present yourself to the canadian embassy in tripoli to pick-up your visa

Best regards,
الف مبرووووووووووووووك

تسحب الورقه المرفقه بالايميل وترفعها معاك للسفاره عشان يحطوها بظرف وتسلمها اول ماتوصل غادي في المطار

والله يا أخ بو عمود قصتي مثل قصتك لي شهرين ونص نستني في التأشيرة , وأني قاعدة نستني علي نار والله مش عارفة شن المشكلة وليش كل هالتطويل , وبالنسبة للأخ اللي نصحنا نبعثو إيميل واحد فقط شن السبب هل اللي يبعث أكثر من إيميل ما يردو عليه

noura23 كتب:

وبالنسبة للأخ اللي نصحنا نبعثو إيميل واحد فقط شن السبب هل اللي يبعث أكثر من إيميل ما يردو عليه

لاياختي يردو عليك بس بعد مده لانهم مايردوش علي طول لليبعث اكثر من ايميل لانك تسببلهم في تزاحم وربكه في الايميلات علي حسب ماذكر حاطين شرط او تحذير بهدا الخصوص ...
علي العموم لو ماردوش عليك اتصلي بالمكتب في طرابلس واشرحيلهم المشكله .. والموظفه في المكتب متعاونه بصراحه
لو ماعندك رقمها نعطيه ليك
وتقريبا هيا نفس مشكله الاخ buamod

السلام عليكم يااخوان
اني صايرلي كيفكم بالضبط ليا شهرين داز التقرير ولا تو مافي شي لاكن من ايام فاتن تلاقيت مع واحد صاحب بالصدفة طلع يخدم موظف في السفارة الكندية وين حكيتله عل الموضوع تعرفو شن قالي ..... السفارة الكندية مركحة الطلبات لين يشوفو شن بيصير يوم الانتخابات كان الامور مشت كويس بيستانفو نشاطهم وكان خشت بعضها بيصكرو حتى سفارتهم في طرابلس لان لو خشت بعضها هما مشحيعترفو بالمجلس الوطني لان ولايته تمت وبما ان مفيش سلطة جديدة يعني تمتيلهم الدبلوماسي لكندا في ليبيا غير مشروع وبالتالي حيسحبو الطاقم ويعدو علي حالهم .... طبعا الكلام هدا غير رسمي بس يدور خلف الابواب المغلقة وبين الطاقم الليبي في السفارة في طرابلس

انا نأيد كلام الاخ سوف الجين لان الكشف الطبي ما يقعد أكثر من شهر وهذا في اسوأ الاحوال وانه يقعد شهرين وعشرين يوم هذي عمرها ما صارت لان الاوراق غالبا تمشي لفرنسا بعد يوم او يومين من الكشف وتبي اسبوع باش توصل وبعدين طول ايردو عليك

ان شاء الله ربي يلطف بالموفدين وبليبيا وما يصير شي وتعدي الانتخابات على خير

بالتوفيق

يعني إذا مرت الانتخابات بكري علي خير إن شالله فيه احتمال يردو علينا والا يراجو لعند ما تتكون الحكومة الجديدة شكلها قصة مطولة وأني الصراحة مليت وكرهت الايفاد من التشحوير والتغيير من ساحة لساحة أستراليا وبريطانيا وتوا كندا وإن شالله خير

السلام عليكم

والله حتى انى زيكم كرهت البعته وما يجي منها ربك يستر لينا اكثر من شهر والتاشيره مازال


ما طلعتيش ومازال التقرير الطبى ويا قلبى لا تحزن ان شاء الله الحكومه الجديده ادير قيمه لليبين ياسر من التشحوير والله عيينا وفدينا انى متاكده انا الليبين بس هكى يشحورو فيهم وربى يستر ويسهل الامور

الحمد لله الانتخابات مشت علي خير وبي يكمل علينا


توا شن صاير في البرنامج؟؟