بخصوص الأوراق المطلوبة للتاشيرة البريطانية

لا أعتقد أنها ضرورية بس لا باس لو عندك شهادة عقارية على الأقل ترفع عنك شعور القلق و الخوف.. أنا نعرف واحد قدم على تير4 مع زوجته و ابناءه و بفضل الله تحصل عليها بدون لا شهادة عقارية و لا حتى كشف حساب و أنا كذلك تحصلت عليها فقط برسالة الدعم المالي.. توكلي على الله لو ماعندكش..

يا أخ أهم شي بعد كل هذه الاوراق الابلكيشن يلي يملا الابليكبشن لالالالالالالالالالالالالازم يكون منتبه وولا خطأ ولا خطأ

السلام عليكم انا اليوم خديت الدعم متع التأشيرة لما قعدت نشوف فى الاوراق المطلوبة للتأشيرة لقيت من المتطلبات الوضع الاجتماعي مافهمتاش هو نفسة الوضع العائلي او لا..... وبعدين حاجة تانية انا فى الجواز مديرة (ربة بيت ) انخلية ولا نغيره طالبة
وشكراااا هلبا ليكم ^_^

الوضع العائلي هو نفسه الوضع الاجتماعي.

المهنة مش لازم تغيريها عادي مش حيدوروها.

شكرا ليك ....انخاف يرفضو هم على سبلة

يرفضو ع اسباب تانية مش ع خاطر سبب زي هدا.

كملي اوراقك الباقية وتوكلي ع ربي.

السلام عليكم 
انا طالب في جامعة طرابلس قدمت يوم 18-8 اوراقي للحصول على تأشيرة بريطانية نوعها general Visitor لزيارة عمي والان بانتظار صدورها وان شاء الله يتم القبول 
الصراحة أنا خايف يتم رفضها و قلت نشوف اذا كانت اوراقي الداعمة تعتبر وافية وكافية للقبول او لا
اوراقي هي :
دعوة من عمي وهو متحصل على الجنسية البريطانية لذالك يعتبر مواطن مع صورة من جواز سفره و صورة من فاتورة الغاز لاثبات السكن
ورقة رعاية و تكفل بمصاريف السفر من عمي الأخر المقيم هنا في ليبيا بسبب ان والدي متوفي مع كشف حساب لعمي لمدة اكثر من 6 أشهر و صورة من جواز سفره الانجليزي والعربي
ورقة تعريف طالب لاثبات اني ادرس في جامعة طرابلس 
كل الاوراق المقدمة مترجمة من قبل مترجم قانوني 
سؤالي هل هذه الأوراق كافية لحصولي على القبول ان شاء الله من وجهة نطركم ؟ ....وشكرا لكم 
تحياتي

الله يبارك فيك 
شكرا هلبا

وعليكم السلام

مثلما اجابك الاخ بضبط .

ولكن في القادم اتمنى عدم فتح مواضيع متكررة بشكل كبير في المنتدى

و وضع اي استفسار في الموضوع الذي له علاقة في المواضيع المثبته .

شكرا لتفهمك .

ان شاء الله امور تتيسر وتتحصل على التاشيرة .

ولكن اكثر اسباب الرفض تتركز على العودة وكيف تقنعهم في تقديمك بالعودة .

في مشكلة عندك وهي نوع التأشيرة

انت قلت انك ماشي بتزور عمك ومداير جينيرال فيزيتور المفروض درت زيارة عائلية

لكن ان شاء الله مايكون الا خير وان شاء الله موفق

بارك الله فيكم بس بالنسبة لنوع الزيارة جيت بندير فاميلي في الابليكيشن لقيت ان زيارة العم مايعتبرش فاميلي هذا على حسب ماكاتبين

هذا الي كاتبينه بالزبط
To apply for this visa you must be visiting one of the following family members who is permanently settled in the UK

• Spouse, civil partner, father, mother, son, daughter, brother or sister;
  
• Grandfather, grandmother, grandson or granddaughter;
  
• Spouse's or civil partner's father, mother, brother or sister;
  
• Son or daughter's spouse or civil partner;
  
• Stepfather, stepmother, stepson, stepdaughter, stepbrother or stepsister; or
  
• Unmarried partner with whom you have lived as a couple for at least two of the last three years
  

If you are visiting any other family members not listed above or who is notpermanently settled in the UK then you should apply as a General Visitor.

و طبعا وضحتلهم في الابليكيشن ان انا لازم نولي خلال اقل من شهر بسبب الدراسة وقبل بدأ الفصل الدراسي القادم ان شاء الله و ايضا وضحت ان سبب الزيارة هو زيارة عمي باعتباره اقرب شخص ليا خصوصا بعد وافاة الوالد وان شاء الله يكون سبب مقنع

mtellesy كتب:

هذا الي كاتبينه بالزبط
To apply for this visa you must be visiting one of the following family members who is permanently settled in the UK

• Spouse, civil partner, father, mother, son, daughter, brother or sister;
  
  
• Grandfather, grandmother, grandson or granddaughter;
  
  
• Spouse's or civil partner's father, mother, brother or sister;
  
  
• Son or daughter's spouse or civil partner;
  
  
• Stepfather, stepmother, stepson, stepdaughter, stepbrother or stepsister; or
  
  
• Unmarried partner with whom you have lived as a couple for at least two of the last three years
  

If you are visiting any other family members not listed above or who is notpermanently settled in the UK then you should apply as a General Visitor.

اها اوكي تمام معناها، غير استغربت لانه قبل مداير زيارة لعمي وقدمت ع تأشيرة زيارة عائلية واعطوهالي عادي في خلال يومين
لكن نتكلم ع ايامات كانت التأشيرة مافيهاش صعوبة انك اتحصلها قبل تقريبا 4 او 5 سنين قدمت عليها.

ان شاء الله نسمعو عليك اخبار طيبة خلال اسبوع او اتنين وبشرنا لما تصدرلك التأشيرة ان شاء الله.

للأسف التأشيرة كل سنة تولي اصعب من قبل.... عموما بارك الله فيك أخي وإن شاء الله اول ماتطلع نقوللكم حتى نفيد غيري وشكرا

شكرا اخوتي على ردودكم واود استفسر حول الابن المرافق حيث انا من لديه قرار ايفاد وزوجي وابني سيرافقاني بأذن الله واود التقديم على تاير فور ابني ليس لديه جواز خاص به وهو معي في الجواز ووجدت سؤال في الابليكيشن حول من سيكون مرافق للطفل هل اجيب انا من سيرافقه او اقول ان ابوه من سيرافقه حيث انني سمعت انه لا يجوز للطالب اصطحاب اطفال الا في وجود احد الوالدين مرافق ولا يدرس ولا اعرف ما الصحيح في هذه الحالة لانه موجود معي بالجواز وفي التأشيرات السياحية السابقة تضاف ملاحظة تحت تأشيرة ابني لا يمكن لهذا الطفل السفر الا مع صاحبه هذا الجواز.

manarlibya كتب:

شكرا اخوتي على ردودكم واود استفسر حول الابن المرافق حيث انا من لديه قرار ايفاد وزوجي وابني سيرافقاني بأذن الله واود التقديم على تاير فور ابني ليس لديه جواز خاص به وهو معي في الجواز ووجدت سؤال في الابليكيشن حول من سيكون مرافق للطفل هل اجيب انا من سيرافقه او اقول ان ابوه من سيرافقه حيث انني سمعت انه لا يجوز للطالب اصطحاب اطفال الا في وجود احد الوالدين مرافق ولا يدرس ولا اعرف ما الصحيح في هذه الحالة لانه موجود معي بالجواز وفي التأشيرات السياحية السابقة تضاف ملاحظة تحت تأشيرة ابني لا يمكن لهذا الطفل السفر الا مع صاحبه هذا الجواز.

الأفضل تطلعوله جواز بروحه ولو مافي إمكانية تكتبي أنه مرافقك لأنه معاك في الجواز.

السلام عليكم
من اشياء التى يجب ان ارفقها لموعد المقابلة فى السفارة البريطانية هى صورتان شخصية _ السوال حتى الطفل الي عمره شهرين مطلوب منه صور ؟؟؟ وكان الجواب نعم مش عارف كيف بيصوره المصور؟؟

اخي عز الدين

حتى الطفل سوف يقومون بتصويره وحصلت مع الكثيرين .

شكرا جزيلا اخي حالد

شكرا جزيلا على الرد

ezzeddin كتب:

السلام عليكم
من اشياء التى يجب ان ارفقها لموعد المقابلة فى السفارة البريطانية هى صورتان شخصية _ السوال حتى الطفل الي عمره شهرين مطلوب منه صور ؟؟؟ وكان الجواب نعم مش عارف كيف بيصوره المصور؟؟

الطفل يقعمز لو يقدر وتمسكه والمصور المحترف مايطلع يدك
حصلت معاي من قبل.

عدل سابقا من قبل Abu Mohamed في الأربعاء 21 أغسطس 2013, 10:40 pm عدل 1 مرات (السبب : العنوان غير واضح)