الذهاب الى مركز الجودة قبل أم ترجمة الشهادة الثانوية قبل ؟؟؟؟؟

لسلام عليكم خوتي الموفدين هدا الاستفسار:الذهاب الى مركز الجودة قبل أم ترجمة الشهادة الثانوية قبل؟؟؟؟ و في النمودج امتع الدعم المالي مطلوب الساحة و الجامعة شيني نكتب؟؟؟و اني قاعد مش عارف اما جامعة حتقبلني؟؟؟أو عادي نكتب أي جامعة و بعدين ع القبول؟؟؟؟ أو كان نكتب اسم ندبس و معش نقدر انغير ؟؟؟ و الله المشوار بحسابه نبي نتأكد خير ما نضرب مخطر و نرجع من غير فائدة ..

صحيتو مقدما و جمعة مباركة....

اخي الكريم ....اعتماد الجودة ..قبل الترجمة ...حتى يتم المصادقة على الترجمة وعلى الجودة معا .....
اما نموذج الدعم المالي ...اكتب الجامعة التي ترغب في مراسلتها ...

أخي ليبيا المستقبل يااما الكلية الملكية للجراحين أو يو سي دي و صحيت ع الاجابة ع موضوع الجودة,,,,,

حد يرد عليا بخصوص نمودج الدعم المالي بالله عليكم ....

بالنسبة لرسالة الدعم المالي للقبول اكتب الجامعة اللي بتراسلها و رسالة الدعم المالي عادي تقدر حتى تاخد 10 منها و في ساحات مختلفة و اللي تصدف معك و اتحصل منها قبول فيه هلبة ايقدموا في اكثر من ساحة و ايجيبوا اكثر من قبول حتى يكسبوا الوقت لو قدر الله و ماحصلوش فيزا من السفارة اللي قدموا فيها يكون عنده قبول في ساحات تانية

صحيتي جوجو ع الرد و موفقة ....

اخي الكريم
بالنسبة لشهادة الثانوية تختمها من الادارة العامه للتقويم و القياس في قرقارش بجنب البريد(ختم احمر من الخلف) حتى و لو لم تكن من طرابلس بعدها تمشي للجوده بيش يستقبلوها منك و بعدها تشيلها للترجمة تترجمها و بعدها تمشي للخبرة القضائية في شارع سيدي عيسى تصادق على الترجمة ثم الى الخارجية بالنوفليين.
اما بالنسبة للدعم المالي للقبول اختلف قليلا مع الاخت, لانه مرات مايعطوكش اكثر من دوله لكن حاول, اني عطوني اثنين فقط.
بالنسبة لاسم الجامعة مش ضروري اصلا تعبيه اكتب اسم الدولة و تقريبا المقصود باسم الجامعة جامعتك مش الجامعة اللي بتدرس فيها, زيد تأكد.
و ماتعدش الامور انت ليبيا
موفق

بالنسبة لرسالة الدعم المالي قبل مش مكتوب فيها الجامعة الا ادا غيروها و اسم الجامعة تكتبه في رسالة الدعم للفيزا بعدما تكون جايب القبول وعارف الجامعة اللي بتقرا فيها اني امعبيتها من شهر 11 اللي فات رسالة الدعم المالي وقبل كانوا يعطوا في رسائل دعم مالي عادي فيه حتى اللي حصل قبول من ثلاثة جامعات وبعدين يختار الجامعة اللي تناسبه
وقبل لما عبينا النمادج نسالوا في المندوب كان ماعرفناش حاجة عادي اسئل المندوب وهو و جوه مرات ايرد عليك ومرات لا


عدل سابقا من قبل حوحو في الإثنين 02 يوليو 2012, 12:51 pm عدل 1 مرات

خوي mabualawafy كفيت و وفيت منور هلبة و ان شاء الله ربي ايوفقك

الاخت جوجو كيف حنحصل ع قبول في أي جامعة كان اني ما عنديش الايلتس و ما عنديش الشهادة الثانوية الايرلندية و ما فيش قبول مشروط في جامعات الطب الايرلندية؟؟؟؟ ,ع فكرة اني بنقرأ بكالوريوس يعني ما عنديش مندوب ,,..

السلام عليكم اني حصلت الفيزا بقبول لغة والمعهد اللي بنقرا فيه اللغة تابع للجامعة اللي بنقرا فيها الماستر ان شاء الله