محتارة في اختيار بلد الدراسة

انا نفسك محتار فى اختيار الدوله مع العلم ان تخصصى ادارة فنادق

وينكم مافيش حد يرد عليا

عليكي بالاستخارة اني في الاول نبي كندا وصليت صلاة الاستخارة وفوتت كندا واختارت امريكا والخيرة في مااختاره الله ولاخاب من استخار .

إذا كنتي موفدة لتحضير الماجستير ننصحك ماتمشيش لبريطانيا لأن الماجستير في بريطانيا اسهل من البكالوريوس عندنا وصمعتها في الماجستير مش محبدة وعن تجربة خرجينهم ضعاف في التدريس إلا من رحم ربي، ولك حرية الاختيار

ربي ايوفقك أختي حتى اني محتار و تخصصي طب

اقل ساحه تعقيد من ناحية الدراسه هي الساحه البريطانيه,,,

انا ياخوان تخصصي محاسة نبي ندرس ماجستير طبعا وخوكم مش عارف اي بلد يمشي وبالله عليكم ساعدوني راني هرمت ندور ومافهمت شئ.
مع العلم اني كملت في ليبيا 5مواد في الدبلوم فلو في بلاد تقبلني بموادي يكون افضل.
ومشكورين.

المحاسبة والإحصاء اعتقد وجهتها تكون بريطانيا فهي دولة عريقة في هذا المجال بالاضافة إلى التسهيلات المتعلقة بالدراسة.....

عليك بمصر مشكوره

السلام عليكم : السلام عليكم: الأخ الكريم كان تبي تكمل بنفس المواد عدي لمصر جامعة حلوان إيديرولك معادلة وتكمل باقي المواد وتقوم بإعداد رسالة لق نفسك وكان يدرس الماجستير بجامعة طرابلس ودار معادلة

توا ماعاش فى حد يختار يعنى الدولة يلى فيزتها اسهل قدم عليها وريحوا دماغكم شن الفائدة تختار بلد وبعدين ترفض الفيزا

كلام الاخ رزق حلو

حتي انا عنديي اطفال في سن الدراسه وحصلت قبول في بريطانيا ولكن صعوبه التأشيره للمرافقين والشروط الموضوعه من السفاره البريطانيه خلتني احتمال انغير علي كندا لوكان التأشيره اسهل واستخرت والخيره فيما اختاره الله

عدل سابقا من قبل ام ايمن في الأربعاء 26 سبتمبر 2012, 5:22 pm عدل 3 مرات

حتي انا عنديث اطفال في سن الدراسه وحصلت قبول في بريطانيا ولكن صعوبه التأشيره للمرافقين والشروط الموضوعه من السفاره البريطانيه خلتني احتمال انغير علي كندا لوكان التأشيره اسهل

عليك بفرنسا فهنالك ام التخصصات الفندقية ومعاها تقرا بالانجليزي وتتعلم الفرنسي والايتيكيت الراقي متع الفرنسيس واستخير في الاول والاخير

اذا كان الامر متعلق بالادارة الفندقية... اعتقد ايطاليا هي الانسب جدا لان ايطاليا عريقة جدا في هذا المجال واول قانون لتنظيم عمل الفنادق هو قانون روماني....وهناك معهد في فلورنسا خاص بالادارة الفندقية..ممكن نساعدك في التواصل معه وشكرا

يا أختي كندا أصعب من بريطانيا في كل شي ...هارب من الغوله طايح في سلال لقلووووب..و ربي ايقدر الخير للجميع يارب.