التاشيرة البريطانية من تجربة

السلام عليكم
اود اضافة تجربتى مع التاشيرة البريطانية نصيحة من امجرب تغيير الساحة البريطانية هو افضل
خيار لكل طالب موفد يريد ان يدرس فى بريطانيا خصوصا المتزوج لان نسبة الرفض تكاد تكون 100% لقد تم رفضى مرتين فى مصر وفى ليبيا ماتحطوش ثقة فى اى حد راهو من سابع المستحيلات ان تحصلو التاشيرة من بريطانيا المرة الاولى كان فيه نواقص والثانية وفرتلهم جميع الاوراق المطلوبة ة وللاسف تم الرفض والسبب مافيش ثقة فى الحكومة الجديدة واسباب اخرى مش واضحة والى غاية الان لم يتم منح التاشيرة
لاى طالب متزوج وخصوصا الى عندة اطفال

منور ياخوي وبارك الله فيك... هذا الي مفروض ايصير انغيرو الساحة... شن ولو الانجليز ايبهدلو فينا بصراحة مرة مرافق ومرة منحة ومرة.... اصلا الليبين امتى يعرفو بريطانيا ... ماهو الخريجين القدم من السبعينات كلهم من امريكا...

مفروض كل الموفدين يغيرو الساحة وتو انشوفو اقتصادهم شن ايصير فيه...

اخوي البارز

مساء الخير

بالنسبة لتجربتي مع التأشيرة ولله الحمد تم الرفض المرة الاولى في تركيا في شهر 3 الماضي والمرة الثانية ولله الحمد والمنة تم قبولي واصدار التاشيرة من ليبيا في شهر 5 الماضي setudent visitor visa والمرافقين visitor visa لزوجتي وابنتي.

انقولك انت توكل على الله وبرا لمكتب السندباد في تعباية الابليكشن والاوراق المطلوبة وتوكل على الله.

واستخير الامر في بدايته والامور متروك لله ووفقك الله

اخى المتميز شن كان سبب الرفض فى المرة الاولى

اخى المتميز شن كان سبب الرفض فى المرة الاولى

عسى ان تكرهوا شيئا وهو خيرا لكم
قل لن يصيبنا الا ما كتب الله لنا
والخيرة فيما يختاره الله

اخواني الحكومة الانجليزية معصبة الامور
ولكن مرات يكون عندهم الحق لانهم خايفين على مصالحهم وعلى بلدهم
الانجليز ماعندهمش ثقة في دفع مصاريف الدراسة لليبين
و ماعندهمش ثقة في الليبين من ناحية الامن والامان و خايفين انهم يخربولهم الالعاب الاولمبية

و الدولة الليبية مقصرة معانا ولم تتحرك ولم تقف معانا و لا كأنه مهم
المفروض يكون هناك اتفاقات و تعاقدات مع الدولة البريطانية لايفاد الطلاب للدراسة و تسهيل الامور

يفرج الله و يسهل الامور على الجميع

وانا الا في انتظار الرد من السفارة و يستر الله

ربي ييسرلك ويسهل امرك انت وعائلتكى
لكن شن الحق يلى عندهم يعنى ياخدوا فى الوقت وهم عارفين قيمة الوقت يقبلوا فى العازب ويرفضوا فى العائلات

لو كان عندنا وزارة خارجية همها خدمة المواطن والا سفير ناجح مش كيف الشايب يلي ماسك سفارة ليبيا في لندن حتي جنسيته انجليزية لكان الانجليز احترمونا وسهلوا لنا اجراءات الفيزا ,,,,,لك الله ياليبيا .

السلام عليكم
حسب ماقريت واطلعت على المواضيع فى المنتدى

استنتجت انه علاش البريطانين يديرو هكى الا وعندهم سبب
قصدى من شهر 2 الى توا تقدمو 4000 طالب على التأشيرة بين موفدين وعلى الحساب الخاص وسياحة والخ قبلو مانسبته 10 فى الميه قصدى مية فى المية فيه سبب
لكن ماعندنا مانقولو يارب سخر لنا الحال بأفضل حال وسهل ويسر لكل الطلبة حالهم