رحلتي مع يوم المقابلة لغرض الحصول على التأشيرة البريطانية

بلال كتب:

باهى المرافقين ضرورى يحضروا للسفارة ؟ وشكرا على الردود

أي مرافق عمره 5 سنوات فما فوق يجب حضوره شخصياً معك للسفارة ،،، وما تحت الـ 5 سنوات مش مطلوب حضوره ، يعني ترفع له أوراقه كلهم معاك وتوقع عليه كل النماذج التي تتطلب توقيع.

emadegbaitha كتب:

الـــــــــــــســــــــــــــلا م عـــــــــلـــــــــكــــــيــم


اريد سؤال عندي خط في نموذج تاشير بعد مراجع ملاحظ في عداد ايام في قبول للغة الاخط تاني كان في شهر نهاية فترت لكورس للغة هل هده يكون ماشكل لي او هده عادي ان موعد قريب الان فس شهر 6 بالله عليك جوب شنولحل لهد

وعليكم السلام
لم أفهم شيئا.
أرجو أن تكتب كلاما مفهوما أخي الكبير ولاداعي لأن تكتب في أكثر من موضوع حتى لايتم حذف مشاركاتك كما حدث اليوم وهذا الموضوع للعلم لاستفسارات يوم المقابلة فإذا كان استفسارك عن كيفية ملأ استمارة التقديم على التأشيرة هناك موضوع ثاني مخصص لهذا الغرض أرجو أن تساعدنا كي نتمكن من مساعدتك.

بالتوفيق أخي
Inception

شكراً أخي الكريم على هذه الملاحظات المهمة ،،،

فقط ياريت تؤكد للأعضاء رسوم تأشيرة تاير 4 هي 578 دينار ،،،

لأني لما قدمت في شهر 4 السنة الماضية كانت الرسوم 578 دينار ، وحينها تم رفض طلبي ، فعاودت وقدمت في شهر 8 السنة الماضية ، اي بعدها بأربعة اشهر ، فكانت الرسوم 602 دينار !!!

هل هذا يعني أنهم خفضوا القيمة ورجعوها 578 دينار زي السابق ؟

بالتوفيق أخي الكريم ...

أخي المتوكل ممكن توضح لماذا تم رفض طلبك لأنه من النادر يتم رفض طلبات التير 4 إلا لأسباب قوية؟

عدل سابقا من قبل Abu Mohamed في الأربعاء 05 يونيو 2013, 3:46 am عدل 1 مرات

شكرا لأخوينا أبو محمد وإنسيبشون ...

بالنسبة لسبب رفض تاشيرتي فقد تعرضت له في مساهمة سابقة ،،، ولا بأس من التذكير به مرة ثانية ...

نعم أخي أبو محمد ، سبب الرفض مقنع وقوي ، وهو أن رسالة الدعم المالي اللي قدمت بيها على التاشيرة كانت النسخة القديمة اللي يكتبوا فيها في قيمة المنحة ، وحتى القيمة غالطين فيها البعثات سامحهم الله من ناحية القيمة ومن ناحية العملة ، مدايرينها بالدولار مش بالباوند ، و بما أني كنت مقدم لأسرتي معاي على التأشيرة تم الرفض بسبب عدم كفاية التغطية المالية ،،، وقدر الله ما شاء فعل ...

المرة الثانية قدمت النسخة الجديدة من رسالة البعثات مع كشف حساب لي وكشف حساب لزوجتي وتحصلنا على التأشيرة ولله الحمد ،،، وبالرغم من المصاريف والتعب الل تعبته لكن الحمدلله على كل حال ، كل شئ قدره الله لحكمة منه ، والخيرة فيما اختار الله لنا .

نسأل الله التوفيق والسداد للجميع !!!

السلام عليكم...
انا عبيت النماذج للتأشيره TIER 4 بس كاتبين ان الرسوم 602 ليا ولاسرتي والكلام هذا شهر 4 فهل توا تغيرت ؟؟؟؟؟؟؟؟؟؟؟؟؟ لاني وقتها لغيت الموعد وما مشيت

اختي شريفة

Inception كتب:

انا انصح بحسبة 578 دينار للفرد زائد حوالي 50 دينار احتياط لكل فرد

لوسمجتي ادزيلي الورقتين ك pdf

SARAHAGR كتب:

لوسمجتي ادزيلي الورقتين ك pdf

مافهمتش هل هذه شفرة بينك وبين حد أو غالطة في العنوان أو الموضوع؟؟؟؟؟؟!!!!!!!!!!


عدل سابقا من قبل Abu Mohamed في الأربعاء 19 يونيو 2013, 7:03 pm عدل 1 مرات

انا شاهدت في بدايه الموضوع ورقه كفاله هل ضروري معاها كشف حساب الكفيل

انظر الي تكلفة التاشيرة ( مرتين ) رفض لعدد شخصين و2 اطفال من بنغازي الي طرابلس والعودة باللعكس وحجز طائرة وفندق ورسوم تاشيرة ونقل ونصب داخل البريدجولد لعدد رحالتين لعدد 4 اشخاص يكلف 4300 ,,,, اما المرة الثالثة 1400 لثلاث اشخاص لتاشيرة اذن التكلفة الكلية = 5700
هل هذا يعقل بان احدهما يرفض او جزء منهم ...... لكن نتمني من الطلبة الذي سوف يوفدو الي بريطانيا ان ينشر اعلان للاعتصام امام السفارة الانجليزية بطرابلس او امام الخارجية الليبية الرقدين علي بظونهم والدجاء من فوقهم حجرو

مشكله والله ,, المركزيه هالكتنا في كل شي ,, حتي غير هذه الاوراق كل اجراءات الايفاد متعطلين فيها

ايش  تقول على انا من طبرق ماشي لطرابلس نفكر في التكاليف من الان

قدر الله ما شاء فعل أخي الكريم ،،، وإن شاء الله ربنا يعوضك خير ... 

أعتقد أن على الحكومة أن تستدعي السفير البريطاني في ليبيا وتناقش معه الموضوع بجدية ، إذا كان معادش يبوا طلبة ليبيين يمشوا لهم يقولوها صراحة وما يخلوش الناس تاعبة في أوراق التاشيرة وجري وترجمة وسفر وبهدلة ومصاريف لا حد لها ، وفي الأخير يرفضوا بأسباب تافهة جداً ، وحتى كلمة أسباب لا تليق بها ، لأنها أعذار لا أعلم كيف يختلقوا فيها ...

لا حول ولا قوة إلا بالله ،،، قداش يعاني المواطن الليبي ،،، إن شاء الله ربي يفرج علينا !!!

محمد المسماري كتب:

انا شاهدت في بدايه الموضوع ورقه كفاله هل ضروري معاها كشف حساب الكفيل

نعم 

السلام عليكم

انا ذهبت الي طرابلس وعبيت النماذج وحجزت عند مكتب ,مع وورلد بريدج. يوم 7/7/2013
وهذه اول مره ادخل طرابلس  , الحمدالله انتهت على خير , مع اني يوم ما دخلت طرابلس صارت مشكله في بوسليم وزنتان  ,,  الباين اني وجه خير عليهم,,

نريد دعواتكم لاني انا مرافق ويستر الله,, اي حد عنده ورقه مهمه يقوله لي ممكن ناسي عليها,,

انا جهزت دعم تأشيره+الشهادات+القبول+رساله الاجازه+كشف حساب+شهادة مرتب+شهاده الميلاد+الجواز+النماذج السفاره+الصور+الفلوس طبعا .


اوراقي انا دعم التأـشيره طبعا +شهاده ميلاد+القبول+الجواز+الصور + طبعا انا تخرجت الشهر يلى فات حتي شهادتي لم تطلع من جامعه عمر المختار لكن ان شاءالله أخذ افادة موقته, العمل لايوجد اكيد, لكن كتبت مزرعه بأسمي +ان شاءالله احاول ان اعمل توكيل على حساب للوالد كان احد عنده الطريقه يشرحلي,,


نريد دعواتكم يا شباب ,,

فيه موضوع مثبت خاص بأسباب رفض التأشيرة البريطانية من ليبيا ،، حاول تقراه وتتفادى أي سبب رفض التأشيرة ذكره الأخوة الأعضاء من خلال تجربتهم ،،، توكل على الله وإن شاء الله ربنا يسهل لك كل أمورك ...

بالتوفيق أخي الكريم لك ولجميع الأعضاء إن شاء الله ...

مشكورين جميعا على المشاركه والنصح ,, ربي يوفقكم

بالله عليكم انا قرأت موضوع اسباب الرفض ووجدت انه من الضروري دعم احد افراد العائله .. انا اريد اعمل دعم من والدي

كيف بدايه الاجراء هل اخذ كشف حساب واعمل توكيل لي وللأختي ولا اقرار تعهد ,,بالمصاريف

ممكن توضيح الصوره بالضبظ,,وشكرا لكم