عاجل عاجل عاجل (استفسار عن ماجستير محاسبة)

اسف خوتي لكتابة العنوان بجملة عاجل لكن ماعندي حل كيف نلفت انتباهكم ومساعدتكم.
انا عني ايفاد من الايفادات الاخيرة ونبي ندرس ماجستير تخصص محاسبة في بريطانيا مثلا فنبي مشورتكم لو مافيش باس.
طبعا انا دارس 5 مواد في الدبلوم في ليبيا ومعدلي 3.25 ونبي المعيشة والسكن والاجواء والمنحة هل تكفي او لا واي الجامعة تنصحوني الدراسة.
وبارك الله فيكم مقدما والله يرحم والدين كل من ساعدني

اخي الكريم دير لفة في المنتدى و تصفح مواضيع الركن
لان كل اسئلتك ستجد اجابتها في المنتدى و المواضيع السابقة

وعموما وبصفة عامة المعيشة غالية والمنحة لا تكفي لحياة الرغد ولكن مستورة والحمدلله

وبخصوص الجامعة في مواضيع سابقة تتكلم بهذا الخصوص

يعني نصيحتي دير لفة في المنتدى وكان مالقيتش اجابة لسؤالك او مافهمت شئ ان شاء الله تلقى الشباب مش مقصرين معاك

سامحني يا خوي ولكن مدير الركن مسكين تقطع ورانا ..
كل واحد يسئل في اسئلة متكررة وموجودة اجابتها في المواضيع السابقة

ومشكلتنا مانحبوش انراجعوا المواضيع القديمة وماذا بينا اتجينا الاجابة لعندنا ^^
معليش يا اوخيي دير لفة و ان شاء الله مايكون الا اللي في خاطرك ^^

الله ايبارك فيك و شكرا على النصيحه القيمه

الموضوع كله محتااااااااااااااااااااااج
شوية لفه في المنتدي
وكل شئ حيكووووووووووووووون كلييييييييييييييييير

ياشباب لفيت لفيت مافهمت شئ نبي واحد تخصصه نفس تخصصي ودرس في بريطانيا او يعرف حد درس غادي يعطيني التفاصيل لو مافيش مانع

أكتب تخصصك بالإنجليزي ودور في هذا الموقع اضغط هنا وبعدين ممكن تسأل على الجامعات اللي فيهن تخصصك وطلعن معاك في البحث أو تشوف تصنيفهم وتصنيف الكورس




عدل سابقا من قبل ِAbu Mohamed في الأحد 29 يوليو 2012, 4:24 am عدل 1 مرات (السبب : خطأ مطبعي)

مساعدة الله يرحم والديكم لانهي هرمت ومافهمت شئ

السلام عليكم ورحمة الله وبركاته
ياخوتي الليبين بالله الي يقدر يساعدني يساعد لاني ليا مدة اندور وماعرفت شئ:
انا عندي قرار ايفاد 393 لدراسة ماجستير تخصص محاسبة وقررت الذهاب الى بريطانيا لكن معاش عرفت اي جامعة كويسة لتخصص المحاسبة من حيث صعوبة الدراسة ومن حيث المعيشة يعني نتمنى لو حد قاري محاسبة في بريطانيا او يعرف حد قاري يساعدني لان خوكم راني كملت اغب الاوراق وواقف لان الواحد يخاف يمشي اي جامعة بدون معلومات تامة عليها يفشل غادي ويروح بخفي حنين.
وبارك الله في كل من يريد مساعدتي

تبي نصيحتي برا لهدرسفيلد او كوفنتري

هدرسفيلد فيها كورس محاسبة يبدا في شهر 1

توكل على الله

لكن اني ماعنديش لغة اصلا كيف بندخل على الكورس طول

السلام عليكم ....
اطلب المساعدة .... في تحديد المدينة المناسبة لي للدراسة الدكتورة في تخصص المحاسبة في بريطانيا
ولكم جزيل الشكر

عدل سابقا من قبل ِAbu Mohamed في الإثنين 29 أكتوبر 2012, 11:46 pm عدل 1 مرات (السبب : العنوان غير واضح)

للاسف عدد الجامعات المعتمد لدى السفارة قليل في تخصص المحاسبة وهي كالاتي:
University of Bristol
University of Essex
University of Exeter
University of Huddersfield
Open University
University of the West of England, Bristol
University of Dundee
University of Glasgow
Glasgow Caledonian University
Robert Gordon University
University of Stirling
University of the West of Scotland
Bangor University
ومن خلال ملخص بحث الدكتوراة وحصولك على مشرف هو من يحدد مكان درستك لانك قد ترغب في جامعة معينة ولكن لاتحصل على مشرف يقبل موضوعك . أرجوا أن أكون قدت لك الصورة واضحة وانا جاهز لأي استفسار