ملخص كيفية اختيار نوع التاشيرة البريطانية (لو لاترغب في قراءة مواضيع المنتدى شوف هذا قبل)

بالرك الله فيك اخي الكريم

باهي ممكن نعرف كيف الامتحان الايلتس وين ايدرو فيه بزبط وهل شهادة مقدمة من دورات او مادا

وجزاكم الله الف خير

http://www.almofad.com/t9322-topic
هدا الرابط فيه معلومات عن الايلتس
ويديروا فيه فى البرتش كانسل فى طرابلس جهة معهد النفط فى السياحية ... ولو لغتك ضعيفة تقدر تاخد دورة فى المركز هدا وبعدين ادير امتحان ...وطبعا الامتحان ليه مواعيد معينة ولازم تحجز قبل موعد الامتحان ع الاقل ب 5 اسابيع ... وتعبيئ الابلكشن ومعاه صورتين خلفية بيضاء ومبلغ 225 دينار ...
والامتحان ينقسم الى اربعة استماع ... قراءة ... كتابة ... محادثة ...
ولازم تجيب 4 فى كل قسم منه ومعدل العام 4.5

بالتوووووووووووفيق للجميع
ملاحظة لو لغتك متوسطة اقرأ وخضر كويس قبل الامتحان وحتجيب الدرجة المطلوبة ان شاء الله بدون تاخد دورة من المركز

بارك الله فيكم على هدا التوضيج الممتاز

السلام عليكم
بالله عليكم ممكن تفيدوني ...انا ارغب في دراسة اللغة الانجليزية وتحصلت على ايفاد لدراسة اللغة لمدة سنة الى بريطانيا وقد تحصلت على قبول من احدى كليات اللغة الانجليزية(كلية ميلتون كولج) بنيوكاسل والان واجهتني مشكلة التاشيرة لاني متزوج ولدي طفل واحد البعض اخبرني بانة يتم منح التاشيرة لك لدة 11 شهر اما زوجتك لمدة 6شهور ... بالله عليكم افيدوني ماذا افعل هل ادرس 6شهور ثم ارجع الى ليبيا ام ماذا افيدونى افادكم الله وسامحوني على الاطالة .

محمد يونس كتب:

السلام عليكم
بالله عليكم ممكن تفيدوني ...انا ارغب في دراسة اللغة الانجليزية وتحصلت على ايفاد لدراسة اللغة لمدة سنة الى بريطانيا وقد تحصلت على قبول من احدى كليات اللغة الانجليزية(كلية ميلتون كولج) بنيوكاسل والان واجهتني مشكلة التاشيرة لاني متزوج ولدي طفل واحد البعض اخبرني بانة يتم منح التاشيرة لك لدة 11 شهر اما زوجتك لمدة 6شهور ... بالله عليكم افيدوني ماذا افعل هل ادرس 6شهور ثم ارجع الى ليبيا ام ماذا افيدونى افادكم الله وسامحوني على الاطالة .

زوجتك راح ترجع لان تاشيرتها حتكون سياحية لمدة 6 شهور بس ,,, وانت لو تبي تكمل 11 الشهر ادرس اللغة لمدة 11 .. خلى زوجتك تقدم على تاشيرة سياحية مرة تانية وتمشى لبريطانيا من جديد ... ولو انت اكتفيت ب 6 شهور روحوا مع بعض ... يعنى فى كل الاحوال الامر راجع ليك انت

السلام عليكم ممكن المساعدة عندي قرار ايفاد لبريطانيا لمدة سنة لدراسة اللغة السؤوال كيف نحصل على التاشيرة مع العلم انة لدي قبول لغة الرررررررررررررررجاء المساعدة

السلام عليكم

كل ما في الموضوع ان اختي لديها قرار ايفاد وهو502نا مرافق معه واسمي مرفق فى الدعم مالي للقبول وتحصلنا على قبول من نفس المعهد ,اريد ان اعرف ما هو نوع التأشيره التي اخذها وماهي الاوراق بالضبط اريد توضيح بالتفصيل لوسمحتو..

نفس أوراق أختك بالزبط زيد عليها ورقة الدعم المالي لغرض التأشيرة بيعطوهالك من البعتات خوذ منها صورة وراميها في ملفك
وكيفية حصول رسالة الدعم المالي لغرض التأشيرة هي بوضع صورة من جواز سفرك انت وأختك عند مندوب الجامعة اللي مكلف بنقل الملفات الي طرابلس للبعثات بعد اسبوع تقريبا تصدرلك واكن في اي استفسار راسل علي الخاص
والله ولي والتوفيق

بارك الله فيكم .. مشكورين جدا جدا

اني موفدة على حساب الدولة لدراسة الماجستير وناوية نقرا في بريطانيا لكن مرافقي هو خوي وعندي ولدي عمره 4 سنوات ونصف وماعنديش ايلتس ممكن تقولولي كيف بيصير في خوي وولدي لو تقدمت على فيزا طالب زائر لكورس لغة 6 شهور يعني ولدي هل يحقلة يدخل حضانة يالتاشيرة السياحية

ولو صار واخديت الايلتس هل ممكن ناخد خوي وولدي معاي كمرافقين ويحقلهم الدراسة على حساب الدولة ام لا

علما بان اسمهم موجود في ورقة الدعم المالي ارجوكم اعطوني الجواب كيف نتصرف واي نوع فيزا هو المناسب لحالتي

سؤال اخير لو تقدمت لامتحان ايلتس وما جبتش المعدل المطلوب هل ممكن نسافر ونرفعهم معاي ونرجع تاني وانعاود الامتحان

اني حايرة اسفة عالاطالة وشكرا مقدما

شكرا اخي على الرد .. بس بش تكون الامور اوضح ابني هل يحقلة يدرس او يدخل حضانة على حساب الدولة بالتاشيرة السياحية

وشكرا تاني

شكرا خوي ابو محمد على التوضيح

لكن ليش مايسمحوش لخوي يجي معاي كمرافق اني ماعنديش حد غيره يعني اعتقد مش معقول يمشي معاي 6 شهور وبعدين يخليني ويرجع باش ايجدد التاشيرة واشبح يعطوهاله ولا اعتقد هادا اجراء مجحد من السفارة البريطانية

وفي الحالة هادي ماقعدش قدامي حل الا اني نغير الساحة صح ولا فيه حل تاني

واسفة عالاطالة

لا أملك لك الا الدعاء...................أسأل الله المعطي الكريم الذي علم أدم الأسماء كلها وفهم سليمان أن يعينك على تعلم اللغه الانجليزية وأن تتحصلي على الدرجه المطلوبه في الايلس خلال ستة شهور ......
نصيحة لكي أحد الحلين الآتيين لا تالت لهما :-
1:-تدخلي في دورة للغه الانجليزيه في ليبيا حتى توصلي لمستوى Intermidit وبعدها تقدمي على إمتحان الايلس في ليبيا وبإذن الله حتتحصلي على 4.5 في الايلس وبعدها تأخدي تأشيرة 4 TIER ,وبإذن الله خلال خلال 7 شهور وبعد جد وإجتهاد حتوصلي لدرجه المطلوبه.
2:-أو تتوكلي على ربي وتسافري بتأشيرة طالب زائر وتشدي روحك وتقري بجد وإجتهاد وبإذن الله خلال سته شهور في بريطانيا حتتحصلي على الدرجه المطلوبه في الجامعه 6 أو 6.5 في الايلس .........توكلي على ربي وبإذن الله أمورك حتتيسر أهم شيء أبدلي مجهود وخودي بالأسباب وقبل كل شيء توكلي على ربي =بإذن الله ربي حيوفقك

فيه حل ثاني وهو أن يقدم خوك على تأشيرة تير 4 بعد مايدير امتحان أيلتس ويجيب قبول لغة وبعده يدرس ماجستير ديري حسابك راهو المدرسة الانجليزية يدرسوا فيها الأطفال من الساعة 8:30 إلى 3:15 وممكن يختلف الوقت من مدرسة لآخرى.

بالنسبة لامتحان الأياتس مش محتاج لدورة أكثر من شهر أو شهرين مع ممارسة ودراسة في البيت عشان تجيبي 4 وبالنسبة لمعدل 6 ممكن يحتاج إلى 6 شهور بس توة مش مطلوب منك أكثر من 4

عدل سابقا من قبل Abu Mohamed في الأحد 09 يونيو 2013, 1:18 am عدل 1 مرات

نعم اعتقد احسن حل لك اختي هوا تأشيرة التير 4 فبتساعد من وضع المدة والتجديد

بالتوفيق لك

شكرا لكم خوتي وان شاء الله في ميزان حسناتكم

بس سؤالي على الدورة المطلوبة باش نقدر نحصل 4.5 في الامتحان علما باني سالت على كورسات الايلتس وقالولي مافيش واليوم فيه ناس قالولي الكورسات موجودة فاني توة معاش عرفت شي, ولو فيه اي كورسات تانية ممكن ناخدها لمدة شهر بالله عليكم اللي يعرفها يقولي وبارك الله فيكم

ِAbu Mohamed كتب:

فيه حل ثاني وهو أن يقدم خوك على تأشيرة تير 4 بعد مايدير امتحان أيلتس ويجيبك قبول لغة وبعده يدرس ماجستير ديري حسابك راهو المدرسة الانجليزية يدرسوا فيها الأطفال من الساعة 8:30 إلى 3:15 وممكن يختلف الوقت من مدرسة لآخرى.

بالنسبة لامتحان الأياتس مش محتاج لدورة أكثر من شهر أو شهرين مع ممارسة ودراسة في البيت عشان تجيبي 4.5 وبالنسبة لمعدل 6 ممكن يحتاج إلى 6 شهور بس توة مش مطلوب منك أكثر من 4.5

شكرا خوي عالمعلومة بس شن قصدك بدوام المدارس البريطانية؟؟ ليش هوة يعني يمكن ان يصير فيه تضارب بين توقيت الدراسة في كورسات اللغة وبين توقيت المدارس البريطانية

واذا ممكن تقولي على الدوام الدراسي بالنسبة ليا كيف بيكون يعني من 8 او 9 او حسب المكان

وشكرا مرة تانية

بعد المعاناة في التاشير لبريطانيا قدمت علي ماليزيا لكن بعدها فكرت اني نقرا سنة اللغة في ماليزيا بعدين نقغير الاكاديمية الي بريطانية لكن اني مش فاهم قصة تاشيرة تير وكاس نمبر ياريت حد يفهمني ولما يكون عندك الايلس يعني انا لما يبدا عندي الايلس نقدر نرفع معاي مرافقين الرجاء حد يفهمني

شكرا خوي ابو محمد على الاجابة

بس نبي نستفسر منك مع اني عارفة اني كثرت لكن والله وخيتكم خايفة وحايرة ومش عارفة كيف تتصرف ومتعشمة فيكم خير

1- فيه من نصحني اني نقدم على تاشيرة طالب زائر وخوي وولدي على التاشيرة السياحية مع العلم ان الكل يبو يدرسو هل هادا ممكن وهل الدولة رح تقبل تصرف على دراسة المرافقين حتى ولو كانت تاشيرتهم سياحية

2- هل يوجد معاهد لغة تقبل تدريس الاجانب ذوي التاشيرة السياحية

3- هل يوجد دوام مسائي لكورسات اللغة

4- هل ممكن ان الواحد يسافر قبل بداية الكورس بيومين مثلا لبريطانية ويرجع قبل نهايته بيومين او ثلاثة بسبب انتهاء مدة التاشيرة علما بان الكورس رح يكون لمدة 6 اشهر

5- "هل ممكن ان يروح المرافق"خوي وابني ونقعد اني غاديلغاية ما نكمل الاجراء طبعا لو اضطريت يعني ممكن حتى ايجي اي حد تاني من العيلة ويقعد معاي في هالفترة القصيرة

اسفة جدا عالاطالة عارفة روحي وجعتلكم راسكم

بارك الله فيكم جميعا

denou كتب:

شكرا خوي ابو محمد على الاجابة

بس نبي نستفسر منك مع اني عارفة اني كثرت لكن والله وخيتكم خايفة وحايرة ومش عارفة كيف تتصرف ومتعشمة فيكم خير

1- فيه من نصحني اني نقدم على تاشيرة طالب زائر وخوي وولدي على التاشيرة السياحية مع العلم ان الكل يبو يدرسو هل هادا ممكن وهل الدولة رح تقبل تصرف على دراسة المرافقين حتى ولو كانت تاشيرتهم سياحية

2- هل يوجد معاهد لغة تقبل تدريس الاجانب ذوي التاشيرة السياحية

3- هل يوجد دوام مسائي لكورسات اللغة

4- هل ممكن ان الواحد يسافر قبل بداية الكورس بيومين مثلا لبريطانية ويرجع قبل نهايته بيومين او ثلاثة بسبب انتهاء مدة التاشيرة علما بان الكورس رح يكون لمدة 6 اشهر

5- "هل ممكن ان يروح المرافق"خوي وابني ونقعد اني غاديلغاية ما نكمل الاجراء طبعا لو اضطريت يعني ممكن حتى ايجي اي حد تاني من العيلة ويقعد معاي في هالفترة القصيرة

اسفة جدا عالاطالة عارفة روحي وجعتلكم راسكم

بارك الله فيكم جميعا

1- فيه من نصحني اني نقدم على تاشيرة طالب زائر وخوي وولدي على التاشيرة السياحية مع العلم ان الكل يبو يدرسو هل هادا ممكن وهل الدولة رح تقبل تصرف على دراسة المرافقين حتى ولو كانت تاشيرتهم سياحية

نعم تقريبا ممكن بس مش متأكد ممكن تسألي المرافقين اللي مشوا بتأشيرة سياحية

2- هل يوجد معاهد لغة تقبل تدريس الاجانب ذوي التاشيرة السياحية

نعم يوجد إذا قبلت السفارة بإعطاء المرافق رسالة دعم مالي للدراسة يقبلوا حتى هم من غير مشاكل.

3- هل يوجد دوام مسائي لكورسات اللغة

نعم يوجد في معاهد محدودة منها في مدينة ليدز.

4- هل ممكن ان الواحد يسافر قبل بداية الكورس بيومين مثلا لبريطانية ويرجع قبل نهايته بيومين او ثلاثة بسبب انتهاء مدة التاشيرة علما بان الكورس رح يكون لمدة 6 اشهر

أعتقد ممكن بس مش متأكد 100%

5- "هل ممكن ان يروح المرافق"خوي وابني ونقعد اني غاديلغاية ما نكمل الاجراء طبعا لو اضطريت يعني ممكن حتى ايجي اي حد تاني من العيلة ويقعد معاي في هالفترة القصيرة

أعتقد ممكن بشرط أن يكون لديه جواز سفره المستقل وأن تكتبي اسم خاله (أخوك) عند ملأ نموذج التأشيرة لابنك على أساس أنه واحد من المسؤولين عليه
في الجزء الرابع من النموذج
Part 4 > Mother Travelling with Applicant Under 18
Would you like to nominate a second parent,
legal guardian, other relative or any other
adult?

اسفة جدا عالاطالة عارفة روحي وجعتلكم راسكم

بارك الله فيكم جميعا

وفيك بارك الله