ahmed99 كتب:Abdelaaziz كتب:شكرًا علي الرد
مش حنقدر ان سافر قبل ما يجئ المولود
احتمال انحاول انقدمله علي child visiter visa عندك فكرة عن الموضوع
احد المكاتب قالي مافي مشكلة لأنه حيدفعو بعض رسوم الحضانة
وعليكم السلام
شوف لو المولود مازال 3 اشهر او اكتر .. مني انا نقولك توكل على الله وينزاد المولود في بريطانيا وماتخافش هنا امور الولاده بدون مقايل وتقدر تفتحلها ملف مع المركز الصحي من اول يوم ويتم متابعتها مع كل الفحوصات وكل الاجراءات عاديه اطمن..
اما لو المولود اقل من 3 اشهر فا في الامر نظر ... بس على فكره غير صحيح كلام المكاتب التجاريه على الاطلاق بخصوص حيدفعوا بعض رسوم الحضانه... ؟؟ من اللي حايدفع .. مافيش حد يدفعلك رسوم حضانه مولود جديد لا السفاره ولا الدوله البريطانيه.. فلا تسمع لهم.. نرجعوا لموضوع الفيزا لو ماتقدرش تسافر لان موعد الولاده قريب. هنا نصيحتي ليك في الوقت اللي تستنى فيه المولود اقرا ايلتس ودير امتحان ومش واعر انك تجيب 4 عادي جداااا لو بتقرا شهرين او تلاته ايلتس تجيبهم ... وربي ايسهل
موفق...
لو ماتقدر تجي قبل الولادة صعب تحصل له تأشيرة المولود لأن فيه رفض سواء في تأشيرة زائر عام وحتى طفل زائر child visiter visa مافيش فرق لأن لو الطقل وزوجتك بيقدموا على سياحية وبتكتب سبب الزيارة مرافق يحرفضوهم الاثنين لأن التأشيرة هذه مش للمرافق ولو أنت وزوجتك بتقدموا على طالب زائر حيرفضوا الطفل سواء مقدم على سياحية (زائر عام) أو طقل زائر لأن مافي حد حيهتم بيه والحصانات غاليات وحتى لو موفر مبلغ كويس في كشف حساب يغطي الدراسة والحضانة مرات يقتنعوا ومرات لا يعني فيها مخاطرة.
أحسن شئ تجوا قبل الولادة لو تقدروا أو تقدم على امتحان الأيلس زي ما قالك أخي أحمد وأتفق معه أن المكاتب يقولوا في كلام غير صحيح مرات
الحل الآخر هو تجي بروحك وتدير الأيلس في بريطانيا بعد تدرس 3 شهور مثلا ومطلوب 4 في كل جزء مش صعبات.
ملخص كيفية اختيار نوع التاشيرة البريطانية (كان ماتبيش تتصفح مواضيع المنتدى شوف هذا قبل)
عدل سابقا من قبل Abu Mohamed في الإثنين 05 مايو 2014, 11:33 pm عدل 1 مرات