كل مايخص خطوط طيران وتذاكر ورحلات بين ليبيا وبريطانيا

السلام عليكم ... ياريت لو فيه حد عنده معلومات عن الرحلات المتوفرة ألي لندن يوم 20_6 يقولي حاولت البحث ع المواقع اللي ذاكرينهن من قبل لكن ماطلعتلي الخطوط الليبيه او ألافريقيه . وبارك الله فيكم

عزف المطر كتب:

السلام عليكم ... ياريت لو فيه حد عنده معلومات عن الرحلات المتوفرة ألي لندن يوم 20_6 يقولي حاولت البحث ع المواقع اللي ذاكرينهن من قبل لكن ماطلعتلي الخطوط الليبيه او ألافريقيه . وبارك الله فيكم

وعليكم السلام

أحتي الكريمة 20/6 يوافق يوم جمعة ، وأعتقد لا الليبية ولا الأفريقية عندهم رحلات إلى لندن يوم الجمعة ... عليه يمكنك تحجزي على أي شركة طيران أخرى لو ضروري تسافري هذا البوم ...

وعليكم السلام ... بارك الله فيكم ع الرد ..
أني دراستي تبدأ 27-5 وأخر موعد للألتحاق هو 23-6 وطبعا التفويض مازال ولما حسبتها لقيت أني ممكن مانلحق ف التذاكر ولضيق الوقت قررت أني نحجز من توا وننزل ف ليدز قبل عشان المعهد وبعدين نسافر للسفارة.. فياريت تشاركوني الراي وطبعا تأشيرتي تاير 4

عزف المطر كتب:

وعليكم السلام ... بارك الله فيكم ع الرد ..
أني دراستي تبدأ 27-5 وأخر موعد للألتحاق هو 23-6 وطبعا التفويض مازال ولما حسبتها لقيت أني ممكن مانلحق ف التذاكر ولضيق الوقت قررت أني نحجز من توا وننزل ف ليدز قبل عشان المعهد وبعدين نسافر للسفارة.. فياريت تشاركوني الراي وطبعا تأشيرتي تاير 4

أختي الكريمة ... حسب وجهة نظري المتواضعة أرى أنه من الأفضل أنك تنتظري صدور تفويضك واستلام برقية بداية الصرف على الأقل ، و تالنسبة للمعهد (في حالة ما لحقتي على الدراسة في موعدها) يمكنك مراسلتهم وأعطيهم علم بأنك تحصلتي على التأشيرة وأنك فعلاً جادة وقادمة للدراسة معهم ولكن ظروف بطء وتأخر الإجراءات في بلادنا بمنعك من الالتحاق بالكورس في الموعد المحدد ، وقولبلهم أنك ترغبين في تأجيل بداية الكورس إلى موعد آخر على أن تحدديه لهم بعد استلام برقية بداية الصرف تفادياً للتأجيل المتكرر ..
وفكرة نزولك في ليدز أولاً هي فكرة كويسة وأشجعك عليها وهي أن تتجهي إلى مدينة دراستك تستريحي بعض الأيام وترتبي أمورك بعدها بمشي للندن لفتخ ملفك في الملحقية ...

شكرا أخي المتوكل علي الله ع ردك ونصيحتك ورح ناخد بيها وربي يوفقك ويوفق الجميع أن شاءالله

عزف المطر كتب:

شكرا أخي المتوكل علي الله ع ردك ونصيحتك  ورح ناخد بيها وربي يوفقك ويوفق الجميع أن شاءالله

الشكر لله أختي الكريمة ... وبالتوفيق لك وللجميع إن شاء الله ...

السلام عليكم

الاخوة الموفدين

في ظل الاحدات الراهنة في بلادنا من غلق المطار

على اي خطوط يسافرو فيها الليبين للدهاب او العودة من بريطانيا

شكرا

MILANO كتب:

السلام عليكم

الاخوة الموفدين  

في ظل الاحدات الراهنة في بلادنا من غلق المطار

على اي خطوط يسافرو فيها الليبين للدهاب او العودة من بريطانيا

شكرا

السلام عليكم ورحمة الله

بالنسبة لأخوتنا اللي بيرجعوا من ليبيا إلى بريطانيا ، تواصلت اليومين الماضيين مع صديق لي موجود حالياً في مدينة جربة التونسية ، وقال لو في اي شخص يبي يسافر على الخطوط التونسية إلى لندن هيثرو أو جاتويك انطلاقاً من مطار جربة (تذكرة واحدة) يمكنه مساعدته في الحجز من جربة باعتباره أقرب مطار إلى ليبيا ،،، لأن إمكانية حجز تذكرة واحدة مش متوفرة اون لاين على موقع الخطوط التونسية ، يمكن الحجز على الموقع ولكن تذكرتين مفصولتين من جربة لتونس ومن تونس إلى لندن بتذكرة مفصولة ،،، طبعاً هو ممكن يحجز لأي وجهة تطير إليها الخطوط التونسية، ولكني تناقشت معه الحجز إلى لندن فقط ... وممكن يحجز تذكرة رحلة داخلية من جربة إلى اي مطار آخر في تونس تصل إليه الخطوط التونسية الداخلية ....
وللأمانة هذا الصديق موجود بأسرته على حسابهم في جربة ويمكن ياخذ مبلغ بسيط جدا ثمن تنقلاته لأن يسكن بعيد شوية على وكالات الحجز ... لو في أي شخص محتاج مساعدة بهذا الخصوص يراسلني على الخاص ونربطه بهذا الشخص اللي في جربة مباشرة أو يمكنني أن أكون وسيطاً بينهما .

نسأل الله أن يحقن دماء الليبيين وأن يحفظ ليبيا وأهلها من كل سوء ...

السلام عليكم
ياريت لو فيه حد عند معلومة عن افضل الخطوط نحجز عليها للسفر من مطار الابراق الي مانشستر
لعائلة لديها أطفال, وبارك الله فيكم.

قبل السغر الى بريطانيا، سيتعين على الكثيرين مثلي السفر الى تونس و لتجنب الطريق البري واﻻنتظار في معبر راس اجدير و في غياب كامل لخيارات السفر الجوي لتونس، سمعت بعد 24-8 الماضي ان هناك خط بحري بين طرابلس و صفاقس سيفتتح قريبا هل صار منه بعدها ام ﻻ لست متاكد. افيدوني ثما واﻻ ما ثماش؟

ﻻ ما ثماش؟

السلام عليكم و رحمة الله وباركاته
أخي خليفة محمد هل انت تخصصك ميكروبايولوجي و هل بدأت بدراسة الماستر في بريطانيا وﻹذا نعم ما طبيعة الدراسة هناك ومانظامهم في الدراسه و في اي جامعة لان عن .دي إيفاد ماستر في تخصص الميكروبايولوجي

السلام عليكم
ممكن نعرف قداش الحمولة المسموح بها في المطارات؟ اي هل يوجد وزن معين يجب ان لاتتعداه او ستدفع ضريبه لو زدت عن هذا الرقم او لا؟ وهل صحيح انه غير مسموح برفع اي شئ فيه حديد معك في الحقائب؟

siham كتب:

السلام عليكم
ممكن نعرف قداش الحمولة المسموح بها في المطارات؟ اي هل يوجد وزن معين يجب ان لاتتعداه او ستدفع ضريبه لو زدت عن هذا الرقم او لا؟ وهل صحيح انه غير مسموح برفع اي شئ فيه حديد معك في الحقائب؟

وعليكم السلام الحمولة تعتمد على الخطوط اللي ماشية عليها

الحديد مافيش مشكلة ولكن أهم شئ مايكون فيه سوائل أكثر من 100 مللتر في شنطة اليد حتى لو كان عطر.
شوفي الصفحات الأولى من الموضوع وهذا الموضوع أيضا

افيدونا """ بالله شنو نرفعوا معانا لبريطانيا

اخوتى انا فى انتضار صدور التفويض بس شكلة الموضوع سوف يتاخر و ظروف الحروب فى كل مكان
انا من المنطقة الشرقية و اريد السفر الى ما نشيستر . لانى سوف اظطر لسفر على حسابى سؤالى خاصة اننا اسرة من 5 افراد
كيف و من اين يمكن السفر و على اى خطوط جوية؟
حيث اننى دخلت على موقع الخطوط التونسية لكى اعرف الجدول و الاسعار لم يعمل الموقع
و شكرا لكم

متعلق بالسابق
ملاحظة الطيران الليبيى الان بين الاردن و تركيا و تونس و الاسكندرية فقط
هذا من مطار الابرق اى مافيش خط سير كامل من بلدك الى بلد الدراسة اى يجب تغير الخطوط

السلام عليكم ورحمة الله
اطلب مشورتكم رواد المنتدى, حيث اني اريد السفر الى ادنبرا/اسكتلندا, ما هي افضل الطرق علما بأني حاليا في تونس وأنوي السفر منها؟

ALMOFADGB كتب:

السلام عليكم ورحمة الله
اطلب مشورتكم رواد المنتدى, حيث اني اريد السفر الى ادنبرا/اسكتلندا, ما هي افضل الطرق علما بأني حاليا في تونس وأنوي السفر منها؟

الخطوط التونسية يمشوا إلى مانشستر أقرب حاجة رحلة واحدة بالنسبة لك. يمكنك الحجز و التعرف على وجهاتهم ومواعيدهم واسعارهم...الخ في الرابط ادناه:
www.tunisair.com/site/publish/content/default.asp?lang=ar#

ربما "British Airways" يكون عندهم خط مباشر ما زال أقرب لك، إلى جلاسغو مثلا

عدل سابقا من قبل Abu Mohamed في الجمعة 05 ديسمبر 2014, 11:44 am عدل 1 مرات (السبب : كتابة إنجليزية بحروف عربية قد لايفهمها الجميع)

Meedo
شكرا يا خوي
مشيت لوكالة قريبة مني قالي مفيش بيع من تونس بالنسبة لخط تونس-مانشستر يعني ضروري ترازيت فلهذا فكرت ناخذ تونس ادنبرا ترانزيت افضل والله اعلم

السلام عليكم ورحمة الله .. ان شاء الله سوف ارجع الى ليبيا نهاية بعد اكمالي ولله الحمد لي الماجستير .. سؤالي اي الخطوط الافضل لي العودة الى طرابلس .. بصراحة انا حصلت الخطوط المغربية لكن الرحلة طويلة وتحتاج ترانزيبت في المغرب حوالي ١٦ ساعه هل الخطوط تعطي هوتيل ؟؟ لان معي عائلة .؟؟ بارك الله فيكم

السلام عليكم
نبي نسئل شنو اسعار السفر جوا لو قرر شخص السفر من ليبيا لمانشستر ؟
نبي السعر ولو في ترانزيت .....
واي نصيحة مرحب بيها

للرفع

march كتب:

السلام عليكم
نبي نسئل شنو اسعار السفر جوا لو قرر شخص السفر من ليبيا لمانشستر ؟
نبي السعر ولو في ترانزيت .....
واي نصيحة مرحب بيها

وعليكم السلام اختي ممكن تمشي برا لتونس وتأخدي طيران من غادي او تأخدي طيران الى مالطا عير شركة ماديفيا المالطية للطيران بس مأخرا تقريبا اليومين هادوا قالوا وقفوا الطيران وممكن تمشي لتركيا او عمان وتأخدي من غادي طيران... ولو تبي تعرفي الاسعار فيه موقع وفيه منه تطبيق اندرويد اسمه skyscanner مش دعاية ليه لكن رائع لانه يعطيك معظم شركات الطيران بأسعاره بس مش حتلقي الطيران الليبي اللي اسعاره مرتفعة طبعا من 650 لل900 دهابا وايابا للشخص الواحد و بتمشي بروحك لمكاتب الليبية او الافريقية او الغدامسية باش تعرفي الاسعار حتى على التليفون مش حيردوا عليك ...