سامي الهاشمي كتب:السلام عليكم
الفترة اللي فاتت بدينا في الدراسة في بريطانيا
وصلتني فاتورة متع الضرائب في صندوق البريد لمدة ال 3 شهور الأولي مع بعض
كلمنا السكرتيرة متع مدرسة اللغة تديرلنا رسالة متع استثناء من الضرائب لكن قالتلنا منقدرش نديرها ليكم لأن رسالة الضمان المالي متع الملحقية فيها 3 شهور
وزي ما معروف ان الملحقية الثقافية تعطي في الضمان المالي ب 3 شهور
قالت منقدرش نديرلكم رسالة الاستنثناء الا لو جت رسالة الضمان المالي متع ال 3 شهور اللي بعدها
كيف الحل توة ؟؟؟؟؟
وعليكم السلام
مادام عندك قبول منهم لمدة 6 شهور أو أكثر المفروض يساعدوك ويعطوك رسالة أنك حتدرس معهم طول هذه المدة لو ماعطوك وسكروا روسهم جيب قبول من معهد ثاني لباقي المدة وجيب رسالة من المعهد هذا أنك حتدرس معهم أول 3 شهور وبعدها سيبهم وأمشي للمعهد الثاني ومرات لو تقوللهم حنسيبكم لو ماعطيتوني الرسالة يخافوا ويعطوها لك.
طبعا مرات يختلفوا الإجراءات من مدينة لآخري مش عارف أي مدينة تحكي عليها.