بكالوريس طب في بريطانيا

لا شكر على واجب أختي
وإن احتجتِ إلى مساعدة في مراسلة ذلك الموقع فاطلبي ولا تترددي

ولعلي اقول لكِ أمرًا لعله ينفعك

إن أنتِ تودين الدراسة في جامعة معينة في بريطانيا
فإني أنصح بمراسلتهم وشرح وضعكِ الحالي وقولي لهم ماذا تريدون مني كي أتمكن من الالتحاق بجامعتكم

سيطلبون اللغة طبعا
فلا تتوقفي عند هذا الامر

واطلبي ما بعده

أقول هذا لأن المعادلة تختلف قليلا من جامعة لأخرى

والامر الاهم ان الجامعات البريطانية قد تُرشدكِ الى الجهة المختصة فعلا باجراء المعادلات وتختصر عليكِ الطريق

وأكرر إن احتجتِ الى مساعدة في المراسلة فأنا وإخوتي واخواتي هنا لن نُقصر بما نقدر عليه

السلام عليكم انا طالبة من اوائل الثانوي وسيتم ايفادي عن قريب لبريطانيا اريد ان استفسر عن احسن الجامعات اللي درس وطب وكم سنة وهل اول مانمشي ندير معادلة الشهادة التانوية ام لا ومشكورين وياريت تنصحوني اي مدينة مناسبة للمعيشة وللدراسة

أرجوا المسآعدة من قبل الطلبة الموفدين بالساحة البرطانية تخصص طب عندي بعض الاستفسارات حول ال اي ليفل
يمكن التواصل عبر فيسبوك : Mohaned Elmosraty

انا من اوائل التانويات النازل بالقرار رقم 102 وحاب ادرس طب ف بريطانيآ ... هل من نصآئح حول افضل الجمآعات

اهتم باللغه و حاول اطور روحك بسرعه لان المعدل المطلوب في الايلتس يعتبر عالي جدا في معظم الجامعات.. الشي الثاني لازم تعرف ان الحصول على قبول بكالوريس في بريطانيا للتخصصات الطبيه مهمه جدا صعبه و الكثير من الطلبه وجدوا انفسهم مجبرين لتغيير تخصصهم لعدم توفيقهم في الحصول على قبول .. لهذا يجب الاستعداد جيدا و ذلك اولا بالاعتناء بالمستندات التي سيتم ارسالها الى الجامعات و التأكد من انها تتوافق مع ما هو مطلوب .. ثانيا الاستعداد الجيد للمقابله الشخصيه و التي يعتمد عليها بشكل كبير قبول الطالب من عدمه,,

كما اسلفت,, اهم شي اللغه في قبولات الطب لهذا اجعل اللغه هدفك الرئيس و الاساس ..

شكرا بارك الله فيك

السلام عليكم ورحمة الله
نبي نسئل على الطب في برطانيا شن وضعه كويس ولا في كندا احسن وشن الجامعات الكويسه بنقرا بكالوريس تخصص صيدله الي عنده معلومات ارجو ان يفدني وجزاكم الله كل خير

السلام عليكم
انا طالب اوله بشرى ونبى نكمل فى بريطانيا هل انه يعادلولى المواد فى بريطانيا ولا نبدا من الاول
ياربت اى حد فاهم يساعدنى

السلام عليكم ورحمة الله

ندااااااء إلى ذوي الخبرات والموفدين بالخارج ,, أرجوا المسااااااااعدة

في بادئ الأمر أشكر القائمين على هذا الملتقى الطيب وإتاحة الفرصة لكل الموفدين بالخارج للإطلاع على كافة الأمور التي تهمهم , وجزاكم الله عنا كل خير

لكن في الحقيقة لاحظت بعدم توفر كافة المعلومات حول الموفدين للدارسة البكالوريس بالخارج وأغلب المواضيع مقتصرة حول الموفدين من معيدين و دارسين لمرحلة ما بعد التخرج

لذا أرجوا منكم تخصيص مساحة حول هذا الموضوع للمساعدة في الحصول على أجوبة للتساؤلات التي قد يطرحها أي موفد من ذوي التجربة والخبرة

شاكرين لكم حسن تعاونكم معنا سلفا وجزاكم الله عنا كل خير

شكرا لردك الكريم أخي أبو محمد ، وبإذن الله وتوفيقه سوف اسعى لإفادة كافة موفدي البكالوريس بما أمكن لي من معلومات متوفرة لدي ، وأكون شاكرا لكل من يملك ولو معلومة واحدة أن يطرحها للاستفادة منها ،، و وفّق الله الجميع

السلام عليكم:
نحن مجموعة من طلبة التانويه الموفدين دفعة 2005-2006 بكالوريس طب بشري ببريطانيا... ان شاء الله لدينا لقاء بأوائل طلبة التانويه الطبية لشرح الية الطب في بريطانيا... اللقاء سيكون بعون الله غدا السبت 15-06
لقد تم حجز قاعة بجامعة طرابلس في قسم علم النفس - قاطع ب
سيكون اللقاء في المكان المذكور عند الساعة الواحدة ظهرا والدعوة مفتوحة للجميع
سوف نتطرق في اللقاء الي مسار دراسة الطب في بريطانيا بدءا بدراسة اللغه ثم A-Level ومنها الجامعة . اللقاء سيكون مفتوح للجميع للنقاش والاجابه عن اي استفسارات .
فيسبوك: طلبة بكالوريس طب في بريطانيا Libyan medics' society lms -uk
ابوعجيلة اسريح 0926106083 (ساكون بليبيا مساء اليوم الجمعة ان شا الله)

السلام عليكم: الرجاء تعميم الخبر علي صفحتكم للفائدة.
نحن مجموعة من طلبة التانويه الموفدين دفعة 2005-2006 بكالوريس طب بشري ببريطانيا... ان شاء الله لدينا لقاء بأوائل طلبة التانويه الطبية لشرح الية الطب في بريطانيا... اللقاء سيكون بعون الله غدا السبت 15-06
لقد تم حجز قاعة بجامعة طرابلس في قسم علم النفس - قاطع ب
سيكون اللقاء في المكان المذكور عند الساعة الواحدة ظهرا والدعوة مفتوحة للجميع
سوف نتطرق في اللقاء الي مسار دراسة الطب في بريطانيا بدءا بدراسة اللغه ثم A-Level ومنها الجامعة . اللقاء سيكون مفتوح للجميع للنقاش والاجابه عن اي استفسارات .
فيسبوك: طلبة بكالوريس طب في بريطانيا Libyan medics' society lms -uk
ابوعجيلة اسريح

السلام عليكم ورحمة الله تعالى وبركاته 
اخوتي ارجوا مساعدتكم انا طالب علي حسابي الخاص في بريطانيا ادرس لغة انجليزية الان وتحصلت علي 5 في الايلس واريد ان ادخل طب بشري بكالوريوس لكن للاسف لم اجد جامعه تقبل 5 يريدون علي الاقل 7 في الايلس فقررت ان ادخل سنة فاونديشن Foundation في معهد حتى تساعدني في اللغة وممكن نحل جامعه تقبلني بعد الفاونديشن فا باللله لي يعرف معلومه تفيدني يقولي شن ندير لانه درتي تتم في شهر 7 ان شاء الله وما نبيش نروح لين نحصل قبول جامعي ..
والله ولي التوفيق

عدل سابقا من قبل Abu Mohamed في الأحد 16 يونيو 2013, 5:54 pm عدل 1 مرات (السبب : كتابة إنجليزية غير معروفة للجميع بحروف عربية)

amjed1993 كتب:

السلام عليكم ورحمة الله تعالى وبركاته 
اخوتي ارجوا مساعدتكم انا طالب علي حسابي الخاص في بريطانيا ادرس لغة انجليزية الان وتحصلت علي 5 في الايلس واريد ان ادخل طب بشري بكالوريوس لكن للاسف لم اجد جامعه تقبل 5 يريدون علي الاقل 7 في الايلس فقررت ان ادخل سنة فاونديشن Foundation في معهد حتى تساعدني في اللغة وممكن نحل جامعه تقبلني بعد الفاونديشن فا باللله لي يعرف معلومه تفيدني يقولي شن ندير لانه درتي تتم في شهر 7 ان شاء الله وما نبيش نروح لين نحصل قبول جامعي ..
والله ولي التوفيق

وعليكم السلام ورحمة الله تعالى وبركاته
ياريت توضح سؤالك أكثر وفيه بعض الكلمات مش واضحة حاولت نوضح بعدها ولكن مازال البعض مش واضح وباريت ماتكتب مصلجات إنجليزية بحروف عربية عشان يفهمك الجميع ولو فيه حد عندم معلومة يساعدك

اللي فهمته منك أنهم طالبين منك 7 في الأيلس وأنت عندك 5 وتبي تخش توة برنامج الFoundation لمدة سنة لكن مافهمت بعدها ليش تبي قبول جامعى من توة قبل ماتكمل برنامج الFoundation وقبل ماتجيب الدرجة المطلوبة منك وياريت حتى تعطي تفاصيل عن هذا البرنامج.

اسف ادا كان خطي مش واضح ..
انا ابحث علي جامعه تدير في سنة تحضرية في الطب البشري فا بالله لي يعرف جامعه في بريطانيا فيها سنة ال foundation في الطب البشري يفيدني ..درجتي في الايلس 5 ....وشكرا

اخي عبدوا انا ابحت على قبول جامعي لسنة ال foundation في الطب البشري لا اريد ان ادخل طب طول اريد ان اخد سنة تحضريه قبل حتى ازيد اتقوا في اللغة

السلام عليكم و رحمة الله و بركاته 
انا طالب جامعي طب بشري... درست 3 سنوات ( سنه تمهيديه , سنه اولى , سنه تانيه ) طب بشري  في ليبيا.. والان لدي افاد للدارسة في بريطانيا ..
لدي استفسار هل يوجد معادله في الجامعات البريطانيه للسنوات التي درستها ام يجب اعادة الدراسه من البدايه ؟؟

omar elgubbi كتب:

السلام عليكم ورحمة الله وبركاته ..
كيف الحال اخي ابو محمد
انا عمر طالب جامعي تخصص طب بشري ..درست في ليبيا 3 سنوات جامعيه ( سنه تنهيديه - سنه اولى - سنه ثانيه ) والان تحصلت على افاد للدراسه بالخارج ( بريطانيا ) ..عندي استفسار حول دراسه الطب في بريطانيا هل في معادله لعدد السنوات التي درستها واستكمال الدراسه أو يجب عليا الاعاده من البدايه ؟؟

ليست لدي فكرة يمكنك مراسلة الجامعات وأخذ الجواب منهم مباشرة.

السلام عليكم
amjed1993
ضروري ما تقرا A-level  قبل ماتخش الجامعه الجامعات اصلا مش حيقبلوك ماغير الشهاده هادي وهذا زي التانوي مدتها سنتين وبعدها تقدر تخش للجامعه احني جماعه الطب مش زي الهندسه والتخصصات الاخري ياخدو سنه تحضيريه وبعدين يلتحقو وفي الي يخش طول ماغير السنه هادي ولهذا A-level must be taken
وتلقا هلبا مدارس علي حسب المدينه الي انته فيها في كوليجيس هلبا
وانما التوفيق من عند الله

  السلام عليكم 
كيف حالكم ان شاء الله طيبين !!
انا طالب أخذت الشهادة الثانوية وزي ماتشوفوا الواحد صعب يحقق هدفه وحلمه يلي يتمنى يوصله الا بعد ما يتعب ويقرأ برا ليبيا  
نبي نسال على اسم جامعة مناسبة ... أولا نقرا فيها سنة لغة وبعدين درجة البكالوريوس في تخصص الطب في بريطانيا
وعندي شوية اسئلة يااريت نلقى لها إجابة
أولا هل لو درست سنة لغة وحذيت شهادة من المكان يلي حنقرا فيه لازم من اختبار الإلمام باللغة واختبار القبول في الجامعة !؟؟ 
هل دراسة الطب ناجحة في بريطانيا مقارنة بتكاليفها !؟؟ 
لو خيروك تفضل ايطاليا او بريطانيا لدراسة الطب !!؟ 
وان شاء نلقى إجابات على الأسئلة وأكون ممنون جدا  
معليشي على الإطالة ،..... شكرا

عدل سابقا من قبل Abu Mohamed في الأربعاء 14 أغسطس 2013, 7:59 pm عدل 1 مرات (السبب : العنوان غير واضح)

اهلا وسهلا بك في المنتدى

بريطانيا فيها جامعات كثيرة ممتازة وطبعا اغلب الطلبة يتحصلون على موافقة من الجامعات

ذات الترتيب من 20 الى 60 من اصل 120 تقريبا .

وهذا الترتيب مناسب جدا ويختلف الترتيب وقوة الجامعة حسب التخصص .

فمثلا تجد جامعة في تخصص الميكانيكا ال15 وفي تخصص اخر 40 .

ولهذا سؤالك صعب الاجابة عليه من اول رد , عليك في البداية ان تستطلع على المدن

وتجد في هذا المنتدى كثير من الاعضاء يتكلمون عن تجاربهم في بريطانيا وعليك البدء من اول نقطة

والامر الثاني انصحك بدراسة كورس في ليبيا مدته 3-5 اشهر لكي يكون عندك خلفية في اللغة

الا اذا كان مستواك جيد وتريد الدراسة سنة هناك .

نتقل الى التكاليف درجة البكالوريس وهي حوالي 9800 باوند وتصل الى 12000

يختلف السعر من جامعة لاخرى وكل جامعة له تصنيف في اسعار التكاليف

فتجد الطب مرتفع عن بقية التخصصات  ولا تدفع مرة واحده , الاهم هو دفع الرسوم التسجيل

في البداية والذي يصل 2500-3000 باوند .

وعليكم السلام ورحمة الله

كان ليا صديق يبي يقرا بكالوريوس طب ولكن ماحصلش قبول الا من جامعتين بس اللي هما St. Andrews و St. George ، طبعا الطب بالدات صعب اتحصل فيه قبول بكالورويس الا اذا كانت شهادتك الثانوية ( A level ) من بريطانيا.

ولكن عندك خيار اللي هو St. George لانه تقدر اتدير فاونديشن year لمدة سنة وبعدين تخش تبدا تقرا جامعة عادي ، وتكلفتة سنة الاعداد هي £16,950 وطبعا تكلفة باقي السنوات اكتر.

وطبعا يطلبو في ايلتس 5.5

وربي يوفقك.