تير 4 والمرافقين

السلام عليكم

انا متحصل علي بريسشنل كورس 12 اسبوع وايليس 5 وخذيت الكاس نمبر

ولكن واجهتني قصة جديدة بعد شهر 3 الجامعة قالتي الكاس نمبر ما يحقلكش تجيب معاك العائلة يعني تجي بروحك من غير مرافقين

استغربة الصراحة قالولي اتجي تحضر البريسشنل كورس ابروحه وترجع تجيب عائلتك لم نعطوك كاس نمبر البوست قرجويت لم تخلص البريسشنل كورس

وبخصوص الفيزا سياحيه مش حل انا كنت موجود غادي في مانشستر مع اسرتي بفيزا سياحيه ومشاكله واجد وضروي ترجع بصراحه معش نبي انصدع روحي

فا نبي منكم معلومه هل الكلام هذا مزبوط والله انتوكل علي الله وانقدم علي تاير 4 لي ولاسرتي وانخليه بالنصيب

محتار بارك الله فيكم

عدل سابقا من قبل Abu Mohamed في الثلاثاء 23 سبتمبر 2014, 8:11 am عدل 1 مرات (السبب : كتابة إنجليزية بحروف عربية قد لايفهمها الجميع)

بارك الله فيك اخي الفاضل

تم التنفيذ لخيار الثالث

وبخصوص التاير 4 الجديده اقصد بعد تغير القوانين الجديده

لو سمحتوا هل يستطيع الواحد لما ايجيب 5.5 او6 في الايلس ان يحصل قبول اكاديمي "كاس نمبر" او كورس لغة لمدة 6 اشهر ولو حتى ينقسم 3 اشهر كورس عام و3 كورس لغة اكاديمي عشان يستطيع المرافقين ان يذهبوا معه

Abu Mohamed كتب:

أخي الكريم
لا أعلم ماذا تقصد بتاير 4 الجديدة ؟
بخصوص الكلام الذي أخبرتك به الجامعة فهو صحيح 100% وقد ذكرنا هذا الكلام أكثر من مرة في عدة مشاركات سابقة لو شاهدت المواضيع المثبتة على التأشيرة.

على كل حال لديك 3 خيارات لا رابع لهم
الأول أن تطلب كورس اللغة أن يكون أكثر من 6 أشهر وبالتالي تستطيع أن تحضر العائلة كمرافقين.
الثاني أن تقدم للعائلة على تأشيرة سياحية ثم بعد تقوم بتغييرها من ليبيا بعد حصولك على القبول الأكاديمي والثالث هو أن تحضر بنفسك إلى حين انتهاء فترة اللغة.
والخيار لك واسختير ربك

ملاحظة لو قدمت أسرتك حاليا على تأشيرة تير 4 كمرافقين أستطيع أن أؤكد لك أنه سيتم رفضهم مليون في المائة

لا حول ولا قوة الا بالله العلي العظيم
الطالب بيقرا قرايته والا بيقعد يفكر غير في هالمنغصات هادي كل 4 شهور بيجدد اقامته مرة بره بريطانيا ومرة في بريطانيا ومرة هو باهي والمرافق لا......
قداش من التفكير الواحد راسه قريب يتفجر...... نصيحة ياناس الي بيجي لبريطانيا مايجيش الا بتاير فور من الاول ويقرا بريسسشنال كورس والا يدور دولة ثانية
نصيحة نصيحة لوجه الله من طالب قريب يتجنن

السلام عليكم

تعرفوا المفروض كل المبتعثين يتفقوا انهم ما يختاروش الساحه البريطانية لان بصراحة زادوها علي ما وصوهم يتشرطوا أعلينا والمشكله أقتصادهم تعبان ومحتاجين للقرش

عدل سابقا من قبل كوكي في السبت 13 أبريل 2013, 5:44 pm عدل 1 مرات

Pre-sessional course كم مدة القرص هذا

Abu Mohamed كتب:

ام رفيدة كتب:

لو سمحتوا هل يستطيع الواحد لما ايجيب 5.5 او6 في الايلس ان يحصل قبول اكاديمي "كاس نمبر" او كورس لغة لمدة 6 اشهر ولو حتى ينقسم 3 اشهر كورس عام و3 كورس لغة اكاديمي عشان يستطيع المرافقين ان يذهبوا معه

نعم تقدري لو جبتي على الأقل 4 في كل أجزاء امتحان الأيلتس بس حطي في بالك أن فترة اللغة محدودة ب8 شهور وبعدها عشان يعطوك 4 شهور لازم تديري كيف ماكاتبين هنا

ﺇﺫﺍ ﺃﻧﻬﻰ ﺍﻟﻁﺎﻟﺏ/ﺍﻟﻁﺎﻟﺑﺔ ﻣﺩﺓ ﺍﻟﺛﻣﺎﻧﻳﺔ ﺃﺷﻬﺭ ﺍﻷﻭﻟﻰ ﻣﻧﺫ ﻓﺗﺢ ﺍﻟﻣﻠﻑ، ﻓﺳﻭﻑ ﻳﺗﻭﻗﻑ ﺍﻟﺻﺭﻑ ﻋﻠﻳﻪ ﺗﻠﻘﺎﺋﻳﺎ،
ﻭﻳﺟﺏ ﺍﻟﺗﻧﻭﻳﻪ ﻋﻠﻰ ﺃﻥ ﻣﻔﺗﺎﺡ ﺍﻟﺣﺻﻭﻝ ﻋﻠﻰ ﺍﻟﻘﺑﻭﻝ ﺍﻷﻛﺎﺩﻳﻣﻲ ﻣﺷﺭﻭﻁ ﺑﺎﺟﺗﻳﺎﺯ ﺑﻌﺽ ﺍﻟﺑﺭﺍﻣﺞ ﺍﻟﺩﺭﺍﺳﻳﺔ
ﺍﻷﻛﺎﺩﻳﻣﻳﺔ ﺍﻟﻣﻌﺩﺓ ﻟﻣﺛﻝ ﻫﺫﺍ ﺍﻷﻣﺭ، ﻛﺎﻣﺗﺣﺎﻥ ﺍﻷﻳﻠﺱ (IELTS) ﻣﺛﻼ، ﺃﻭ ﺑﺎﻟﺣﺻﻭﻝ ﻋﻠﻰ (Pre-sessional)
ﺍﻟﺫﻱ ﻳﺅﻫﻝ ﺍﻟﻁﺎﻟﺏ/ﺍﻟﻁﺎﻟﺑﺔ ﻟﻠﺣﺻﻭﻝ ﻋﻠﻰ ﺍﻟﻘﺑﻭﻝ ﺍﻷﻛﺎﺩﻳﻣﻲ ﻏﻳﺭ ﺍﻟﻣﺷﺭﻭﻁ. ﻓﺈﺫﺍ ﺃﺣﺿﺭ ﺍﻟﻁﺎﻟﺏ/ﺍﻟﻁﺎﻟﺑﺔ ﻣﺛﻝ
ﻫﺫﺍ ﺍﻟﺑﺭﺍﻣﺞ ﺍﻟﺩﺭﺍﺳﻳﺔ ﻓﺳﻭﻑ ﻳﺳﺗﺄﻧﻑ ﺍﻟﺻﺭﻑ ﻋﻠﻳﻪ.
http://www.almofad.com/t15689-topic

ويفضل أنك تاخذي ال6 شهور (أعتقد مطلوب أكثر من 6 شهور عشان المرافيقن يقدروا يقدموا على مرافقين تير4 حتى هم) في نفس المكان ويكون Pre-sessional course عشان ترضي الملحقية وفي نفس الوقت ممكن ماتحتاجي تديري أيلس مرة ثانية لو خذيتي الكورس في جامعة عندك منها قبول أكاديمي وأيضا لما تكون الدراسة في مكان واحد لن تضطري إلى التقديم على التأشيرة في كل مرة تغييري مكان الدراسة.

لو سمحتو نبي نسال عالنقطة هاذي تحديدا اني جاني عرض باني نبدا بريسسشنال كورس يوم 24-6 المقبل وينتهي في 6-ديسمبر والكورس الاكاديمي في نفس الجامعة يبدا يوم 14 يناير 2014 هل استطيع ان اقدم على تاير فور واتحصل علي تاشيرة لي وللمرافقين؟؟

Heba2008 كتب:

لو سمحتو نبي نسال عالنقطة هاذي تحديدا اني جاني عرض باني نبدا بريسسشنال كورس يوم 24-6 المقبل وينتهي في 6-ديسمبر والكورس الاكاديمي في نفس الجامعة يبدا يوم 14 يناير 2014 هل استطيع ان اقدم على تاير فور واتحصل علي تاشيرة لي وللمرافقين؟؟

ولم لا ماتوفيتهاش الفرصة وتوكلي على الله وأمشي غيري تأشيرتك في ليبيا وتعالي أبدي.

عدل سابقا من قبل Abu Mohamed في الإثنين 15 أبريل 2013, 11:23 pm عدل 1 مرات

سوالي هل البريسسشنال كورس يعتبر 6 شهور ونقدر انقدم بيه علي تاير فور مع المرافقين؟؟والا مانحتاجش انجدد الفيزا لاني قاعدة في نفس الجامعة؟؟
بالله وضحوهالي النقطة هادي مش فاهمتها لو سمحتو

Inception كتب:

مش قلت يا ابو محمد ان لو فترة اللغة اقل من 6 شهور مش راج يقدر الموفد ياخذ معاه مرافقين على التير 4؟

نعم كلامك صحيح جزاك الله خيرا
أسف ما انتبهتش للمدة أنها أقل من 6 شهور معناها مش حتقدري توة تقدمي مع الصغار حتى لو قدمتي القبول الأكاديمي المشروط لأنه حينظروا للمدة متاع كورس اللغة فقط. يعني تقدري تقدمي بروحك ولكن الصغار مايقدروش يقدموا مرافقين لعند تبدي في الأكاديمي إلا إذا كان زادوا كورس اللغة شوية ليصبح أكثر من 6 شهور ولو بأسبوع وممكن تتأكدي من مكتب التاشيرة تبع الجامعة اللي عطوك العرض.

شكرا بارك الله فيكم....
لكن بجد زودوها الانجليز بقوانينهم الجديدة.... ان شاء الله ربي يفرجها علينا

الأنجليزي تو ما يهفتوش لحد ما تجي علي راسهم بعمايلهم مع الليبيين

بكل والله شئ مستفز

اخ ابو محمد سامحني لاني مافهمتش واجد الكلام السابق ولكن مااريد ان افعله بالضبط بانني بعد اول 5 اشهر نبي نمتحن ايلتس وانرد انا وعائلتي عشان التاير فور بعدها انرد انكمل سنة اللغة فهل هذا ايجيي والا في مشاكل علما بان تاشيرتي مدتها 9 اشهر ولكن نبي انروح مع اسرتي قبل ما تنتهي تاشيرتهم ،فهل اجرائي هكي صح وهل المعهد يعطيني قبول لتكملة باقي المدة عندهم بسهولة "وشن هو البرسينشل كورس" ارجو التوضيح لو سمحت

وصلت الفكرة جزاك الله خير

السلام عليكم
انا عندي ايلس 5.5 وبرسشينال كورس يبدا 5 /7 لمدة عشرة اسابيع ينتهي في 15 /9 وبعدين القبول الاكاديمي يبدا 23/ 9 لمدة سنة
نبي نقدم على فيزا التاير فور مع العلم ان المرافق الزوج قالولي المرالفق مايقدرش يقدم كمرافق في هالحالة وضحولي الصورة الله يبارك فيكم

daisy87 كتب:

السلام عليكم
انا عندي ايلس 5.5 وبرسشينال كورس يبدا 5 /7 لمدة عشرة اسابيع ينتهي في 15 /9 وبعدين القبول الاكاديمي يبدا 23/ 9 لمدة سنة
نبي نقدم على فيزا التاير فور مع العلم ان المرافق الزوج قالولي المرالفق مايقدرش يقدم كمرافق في هالحالة وضحولي الصورة الله يبارك فيكم

هذا صحيح لأن المرافق عشان يقدر يقدم معاك لازم يكون طول كورس اللغة أكثر من 6 أشهر.

تقدمي على تاشيرة تاير فور ويقدم زوجك معاك على تاشيرة سياحية 6 شهور وفي حالتك بيعطوك فيزا تاير فور لكن بتكون مدتها قصيرة اطول من كورسك بشوية وعند ما تكملي الكورس يتحول قبولك ان شاء الله لغير مشروط ترجعي لليبيا وتقدمي على تاير فور تاني وزوجك على تاشيرة مرافق تقريبا مافيش الا الطريقة بالنسبة لك

ياجماعة الخير نبي نعفب على قصة ان الانجليز زودوها والمفروض مانختاروش الساحة الانجليزية ولانهم محتاجين للفلوس زي ما قالوا الاخوة الافاضل
نحن الليبين بسرعة نتنرفزوا وناخدوا في الامور بصورة شخصية انا معاكم في ان الدبلوماسية الليبية لازم تضع الموضوع هذا في اعتبارها وتسعي في امكانية عقد اتفاق مع حكومة بريطانيا لاستثناء الطلبة الليبين من بعض الشروط وهذا شي ممكن لان الدول بينها مصالح لكن ان يكون الضغط من الطلبة انفسهم بان يقاطعوا الساحة هذا لن يؤدي لنتيجة لانه ببساطة الطلبة الليبين لا يمثلوا من حيث العدد ورقة ضغط لبريطانيا وانا متاكد انه عند وضع بريطانيا لهذه القوانين لم يكن الليبين هم السبب هناك طلبة الصين العدد الاكبر في كل الجامعات وبعدهم حسب علمي عدة دول اخرى من ضمنهم السعودية اللتي لديها في بريطانيا وحدها اضعاف عدد طلبتنا في كل دول العالم

ALBELAZI كتب:

ياجماعة الخير نبي نعفب على قصة ان الانجليز زودوها والمفروض مانختاروش الساحة الانجليزية ولانهم محتاجين للفلوس زي ما قالوا الاخوة الافاضل
نحن الليبين بسرعة نتنرفزوا وناخدوا في الامور بصورة شخصية انا معاكم في ان الدبلوماسية الليبية لازم تضع الموضوع هذا في اعتبارها وتسعي في امكانية عقد اتفاق مع حكومة بريطانيا لاستثناء الطلبة الليبين من بعض الشروط وهذا شي ممكن لان الدول بينها مصالح لكن ان يكون الضغط من الطلبة انفسهم بان يقاطعوا الساحة هذا لن يؤدي لنتيجة لانه ببساطة الطلبة الليبين لا يمثلوا من حيث العدد ورقة ضغط لبريطانيا وانا متاكد انه عند وضع بريطانيا لهذه القوانين لم يكن الليبين هم السبب هناك طلبة الصين العدد الاكبر في كل الجامعات وبعدهم حسب علمي عدة دول اخرى من ضمنهم السعودية اللتي لديها في بريطانيا وحدها اضعاف عدد طلبتنا في كل دول العالم

كلام صحيح 100%
جزاك الله خيرا.

Abu Mohamed كتب:

daisy87 كتب:

السلام عليكم
انا عندي ايلس 5.5 وبرسشينال كورس يبدا 5 /7 لمدة عشرة اسابيع ينتهي في 15 /9 وبعدين القبول الاكاديمي يبدا 23/ 9 لمدة سنة
نبي نقدم على فيزا التاير فور مع العلم ان المرافق الزوج قالولي المرالفق مايقدرش يقدم كمرافق في هالحالة وضحولي الصورة الله يبارك فيكم

هذا صحيح لأن المرافق عشان يقدر يقدم معاك لازم يكون طول كورس اللغة أكثر من 6 أشهر.

الا لو كان عندك قبول غير مشروط و تبي تقري بريسيشنال كورس بالزيادة،، ففي هذه الحالة تستطيعين التقديم على (تير فور) تغطي مدة البريسيشنال و الاكاديمي معا و تستطيعن ارفاق زوجك معك