تير 4 والمرافقين

om-aisha كتب:

السلام عليكم ورحمة الله وبركاته
اخواني لدي سؤال او استفسار

كما ذكرتوا الى الاخت انه من لديه كاس نمبر و سيدرس برسشينال كورس لمدة اقل من 6 اشهر
فيمكنه الحصول على فيزا تاير 4 ولكن لا يمكن ان يضم مرافقين الى تأشيرته
سؤالي
باهي لو جاءت الاسرة معه بفيزا سياحة وهو بفيزا تاير 4 فهل التجديد سيكون في بريطانيا او لازم يرجع الى ليبيا
ولو بيرجع الى ليبيا فأذا متى يحق لحامل فيزا تاير 4 ان يصطحب مرافقين و يقوم بتجديدها من بريطانيا

للعلم ان الشخص لديه فقط ايلتس بدرجة 5

السؤال الاخر
توا الشخص درس اللغة لمدة 8 اشهر
وسيقدم على كورس برسشنال ولكن بسبب الاسرة فسوف يقدم على كورس لمدة 6 أشهر
السؤال هل الملحقية سترضى بمدة دراسة الكورس او سترفض دفع التكاليف ؟
و مدة الكورس عشان يقدر ايجيب المرافقين هل هي 6 اشهر او لازم تكون اكثر يعني 7 اشهر فما فوق

من لديه تأشيرة تير4 يستطيع تجديدها من بريطانيا أو ليبيا بغض النظر عن نوع تأشيرة المرافقين.
ويحق له اصحاب المرافقين بنفس نوع التاشيرة (تير 4 ) متى تحصل على قبول غير مشروط ومدة الكورس سواء لغة أو أكاديمي أكثر من 6 شهور.
والملحقية لاتقبل بدفع مصاريف اللغة أو حتى الاستمرار في اللغة أكثر من 12 شهر

صدقت أخي أبو محمد ،،، والله فعلاً بين مطرقة وسندان يعاني الطالب ...

إن شاء الله ربي يكون في العون وخلاص ...

بارك الله فيكم عالتوضيح ..
جزاكم الله كل خير
عندي استفسار اخر
في العادة قيمة الكورس كم تبلغ
لانه من الواضح ان فكرة ان الشخص يقدم على قبول اكاديمي مشروط بدراسة اللغة لمدة 7 أشهر
هو الحل الانسب في رائي
وصاحبنا ليس لديه سوى 3 أشهر من مدة اللغة المحسوبة في الملحقية
لهذا حيدفع باقي المدة من حسابه الشخصي
فأحتاج الى معرفة قيمة الكورس في العادة .. ولكم جزيل الشكر

والاستفسار الاخر
اريد شخصيا يؤكد لي ان من قدم على فيزا تاير 4 بقبول اكاديمي مشروط بدراسة اللغة لمدة 7 أشهر تم قبوله بالمرافقين او لا

Abu Mohamed كتب:

بالنسبة للقبول الأكاديمي المشروط لايقبل عند التقديم على التأشيرة سواء مرافقين أو لا حسب التعديلات الأخيرة التي أصدرتها وكالة الحدود والهجرة البريطانبة من فترة قريبة ويتم قبول فقط قبول اللغة الغير مشروط.

انا على حسب ما فهمت من كلامك
انه بما اني حنقرا كورس اللغة في الجامعة فالقبول الاكاديمي معاش مهم لانه حيكون مشروط
والقبول الاكاديمي المشروط معاش يمشي في قانون الهجرة
ولكن بنقدم من ليبيا بالقبول اللغة من الجامعة اللي حيكون معاه كاس نمبر
وحيعطوني مدة الفيزا على حسب كورس اللغة
وبما ان الكورس مدته 7 اشهر فحيعطوني فيزا بمدة الكورس
باهي
لما تنتهي المدة هل نقدر نجددها من بريطانيا ؟
خصوصا اني حنقرا في نفس الجامعة اللي قريت فيها كورس اللغة

ياريت الاخوة يجربوا الدخول لامتحان الايلتس في ليبيا لان الدرجة المطلوبة 4 مش صعبة نهائيا بشوية تحضير ممكن الحصول عليها وعلى اعلى منها وهي بصراحة درجة تحصل عليها وانت مش مجاوب كويس يعني لما تحس اجاباتك كويسة درجتك حتكون اكثر من 4 كل اللي تعرفهم خشوا للامتحان تحصلوا عليها والمعدل العام كان اعلى لو وفقت ترتاح من لخبطة التاشيرة ولو ما وفقتش تكسب التجربة وهذا شرح بسيط عن ما تعنيه الدرجة 4 في الايلتس
Band 4: Limited user: basic competence is limited to familiar situations. Has frequent problems in understanding and expression. Is not able to use complex language.
المعنى ان المستخدم محدود للغة :كفاءة اساسية محدود بالحالات او المواقف المالوفة لديه مشاكل في الفهم والتعبير (للغة طبعا) وليس لديه القدرة على استعمال اللغة المعقدة
يعني باللليبي شوية شجاعة تحضر للامتخان وتدخله وتجيبها ان شاءالله

ALBELAZI كتب:

ياريت الاخوة يجربوا الدخول لامتحان الايلتس في ليبيا لان الدرجة المطلوبة 4 مش صعبة نهائيا بشوية تحضير ممكن الحصول عليها وعلى اعلى منها وهي بصراحة درجة تحصل عليها وانت مش مجاوب كويس يعني لما تحس اجاباتك كويسة درجتك حتكون اكثر من 4 كل اللي تعرفهم خشوا للامتحان تحصلوا عليها والمعدل العام كان اعلى لو وفقت ترتاح من لخبطة التاشيرة ولو ما وفقتش تكسب التجربة وهذا شرح بسيط عن ما تعنيه الدرجة 4 في الايلتس
Band 4: Limited user: basic competence is limited to familiar situations. Has frequent problems in understanding and expression. Is not able to use complex language.
المعنى ان المستخدم محدود للغة :كفاءة اساسية محدود بالحالات او المواقف المالوفة لديه مشاكل في الفهم والتعبير (للغة طبعا) وليس لديه القدرة على استعمال اللغة المعقدة
يعني باللليبي شوية شجاعة تحضر للامتخان وتدخله وتجيبها ان شاءالله

صدقت اخي لاني انا عن نفسي خشيت للامتحان الايلتسس في السويد و حضرت روحي في اقل من شهر و فيكم تقولوا القراية الفعلية كانت مدتها اسبوع بس و كانت عندي شوي ظروف و خشيت للامتحان مريض و الحمدلله جبت 5 و ماعنديش درجة اقل من 4و نص يعني كان شديت ع روحي شوي كان ممكن نتحصل ع درجة اعلى ,, عموما من اول ماشفت تعليقاتكم حبيت انقول للطلبة انهم يقدروا يقروا الايلتس عن طريق اليوتيوب ختلاقوا ان شاء الله اكثر من حد يشرح في طريقة الامتحانات و كيف ممكن السؤال ايجي اهم شي الواحد ينظم نفسه في الدراسة عشان يضمن انه يجيب درجة كويسة ,, و الله ولي التوفيق

om-aisha كتب:

Abu Mohamed كتب:

بالنسبة للقبول الأكاديمي المشروط لايقبل عند التقديم على التأشيرة سواء مرافقين أو لا حسب التعديلات الأخيرة التي أصدرتها وكالة الحدود والهجرة البريطانبة من فترة قريبة ويتم قبول فقط قبول اللغة الغير مشروط.

انا على حسب ما فهمت من كلامك
انه بما اني حنقرا كورس اللغة في الجامعة فالقبول الاكاديمي معاش مهم لانه حيكون مشروط
والقبول الاكاديمي المشروط معاش يمشي في قانون الهجرة
ولكن بنقدم من ليبيا بالقبول اللغة من الجامعة اللي حيكون معاه كاس نمبر
وحيعطوني مدة الفيزا على حسب كورس اللغة
وبما ان الكورس مدته 7 اشهر فحيعطوني فيزا بمدة الكورس
باهي
لما تنتهي المدة هل نقدر نجددها من بريطانيا ؟
خصوصا اني حنقرا في نفس الجامعة اللي قريت فيها كورس اللغة

يا أختي أم عائشة طالما تحصلتي على تأشيرة تير 4 تقدري تجدديها من بريطانيا أو من أي مكان بغض النظر عن كيفية حصولك عليها بكورس لغة أو أكاديمي.

السلام عليكم هل ممكن في حد يعرف ما هي الاوراق المطلوبة للتجديد اقامة تاير4 للمرافقين

Inception كتب:

لان في هذا الدليل** و في البند رقم 317 النقطة الفرعية رقم 1 تقول لكي نستطيع منحك تاشيرة تغطي البريسيشنال و الاكاديمي فلا بد ان يكون البريسيشنال 3 شهور او اقل "no longer than three months’ duration" و بالتالي مع 7 شهور لغة و حتى مع قبول غير مشروط للدكتوراة لن يتم منحك تاشيرة تغطي الكورسين الاثنين معا

** http://www.ukba.homeoffice.gov.uk/sitecontent/applicationforms/pbs/Tier4migrantguidance.pdf

تصحيح معلومة فقط
الكورس الكورس التحضيري للغة ماقبل الدراسة الأكاديمية أو مايعرف ب pre-sessional course لكي يمكن لك التقديم به على التاشيرة مع الكورس الأكادبمي بتاشيرة واحدة بجب أن تتوفر فيه 3 شروط
1- أن لايزيد عن 3 أشهر
2- أن يكون لديك قبول أكاديمي غير مشروط أو يكون مشروط ولكن الجامعة واثقة أنك ستصل إلى المستوى المطلوب للغة بعد اجتيازك لهذا الكورس التحضيري للغة
3- الفترة مابين كورس اللغة والأكاديمي لاتزيد عن شهر

If you are a Tier 4 (General) student, then you can be given permission to stay to cover both
your pre- sessional course and your main course where your CAS is:
•
issued by a UK HEI to cover both a pre-sessional course of no longer than three
months’ duration;

and
•
you have an unconditional offer of a place on a course of degree level study at that UK
HEI. This includes where the pre-sessional course is to allow you to reach B2 level in
English language and your sponsor is satisfied that you will reach that level at the end
of the pre-sessional;

and
•
your course of degree level study commences no later than one month after the end
date of your pre-sessional course.

عدل سابقا من قبل Abu Mohamed في الإثنين 31 مارس 2014, 1:50 am عدل 3 مرات (السبب : تحديث وإضافة معلومات)

بالنسبة لتجديد التاشيرة من داخل بريطانيا له ميزات وعيوب ميزاته معروفة انه مايكلفش شئ لان السفارة بترجع لك المبلغ ونفس الوقت مافيش عرقلة لنظام حياتك او دراستك لكن عيبه انه ياخذ وقت طويل حسب ماشفت في 2009|2010 اقل وقت شهر انا شخصيا وصلني جوازي بعد شهر و زوجتي وصل جوازها شهر و3 اسابيع تقريبا صديق لي قعد جوازه في الهوم اوفس اكثر من شهرين هوا في الاخير ماعندك ما ادير الله غالب تستنى وخلاص لكن لمى يرن تلفونك وتلقى المكالمة من ليبيا وجوازك مش عندك تبدى ترعش وتدعي عموما ربي ان شاء الله مايوريكم سوء والاخ ابو محمد ممكن يقول لنا لويعرف مشكورا كم الوقت تقريبا اللي ياخده التجديد من بريطانيا

بارك الله فيكم وجزاكم الله كل خير
نشهد بالله ان شرحكم وافي ومفهوم
بس عندي استفسار اخر
وسامحوني للازعاج بس اهو مش حتى يستفيد الغير من تجربتنا

توا انا اليوم اتصلت بالجامعة اللي بنقرا فيها وهي جامعة سالفورد
وقلتلهم نبي كاس نمبر كيف نتحصل بيه
قالوا بحصولك على اي درجة في الايلتس نعطوك الكاس نمبر
قلتلهم انا عندي 4.5
قالوا تمام معناها لازم تقرا كورس بريسشنال في الاول
قلتلهم تمام نبي مدة الكورس 7 أشهر
فردوا عليا انه نعطوك كاس نمبر و قبول لغة بس بدون مدة محددة
يعني تقرا و اول ما انحسوا انك اصبحت جاهز لدراسة الاكاديمية نعطيك القبول الاكاديمي

يعني الكورس حيكون مفتوح ومش محدد بمدة
فهل في هذه الحالة نقدر نقدم على فيزا تاير 4 ونقدر انجيب مرافقين معاي ؟؟؟

السؤال الثاني بخصوص صرف المنحة في الملحقية
لنفرض اني بدأت دراسة كورس اللغة شهر 9 لمدة 3 أشهر
لان الملحقية لن تدفع لي سوى 3 اشهرر فقط
وبداية الدراسة الاكاديمية ستكون في بداية شهر 1 او شهر 3
فهل الفترة التي بين كورس اللغة وبداية الدراسة الاكاديمية ستتوقف المنحة او تستمر ؟؟؟

لاني للاسف اتصلت بالمشرف فلم يوجد رد .. بعدها رد عليا برسالة انه في اجازة ومش حيقدر يرد عليا الا بعد اسبوع
والله المستعان في الملحقية

فهل الفترة التي بين كورس اللغة وبداية الدراسة الاكاديمية ستتوقف المنحة او تستمر ؟؟؟

أختي في 2010 كان عندي صديق كان عنده مدة 5 أشهر بين كورس اللغة وبداية الدراسة الأكادمية ... وبمجرد أحضار قبول أكاديمي للسفارة المنحة أستمرت.

بس من يومين تقريبا أحد الأخوة .... مش مذكر سأل نف هالسؤال وتقريبا أخونا الفاضل ... الله يذكره بالخير ... قاله ان للأسف المنحه رح تقف خلال هذه الفتره ... يعني القوانين تغيرت.

رح أنحاول نبحث عن السؤال ونرفقلك الرابط الخاص به.

أختي الفاضلة

هذا الرابط فيه نقاش علي نفس الموضوع الي تسألي عليه:

www.almofad.com/t14205-topic

ربي يسهلك امورك وأمور كل الطلبة

اخت ام عائشة كيف اول مانحسو انك تتحسني..... الصراحة النقطة هادي خطيرة شويا لان الانجليز ماديين هلبا.... وحاجة ثانية انك بتدفعي علي حسابك يعني بتاخدي المدة الي اتحل مشكلتك فقط مش اكثر....
انا راسلت زوز جامعات وكان قبولي مشروط ب6 فيهم الاثنين
الجامعة الاولى قالولي انه كل نصف درجة في الايلتس تحتاج 10 اسابيع في كورس البريسشنال..... يعني من 4.5 ل5 10 اسابيع ومن 5- 5.5 نحتاج 10 اسابيع ومن 5.5 ل6 10 اسابيع
والجامعة الثانية قالتلي اقري معانا تيرمين من 24/6 ل 6/12...... رغم انهم يختلفو لكن المهم لازم يحددولك التواريخ

تحصلت على مشروط بتوفل او ايلتس او نقري عندهم كرس لغة
سؤال محتاج اجابه................تحصلت على قبول اكاديمى من جامعة لستر مشروط بلغة وفيه تلات اختيارات ايلتس او توفل او نقري عندهم كرس هل القبول هدا نقدر ناخد بيه تاشيرة ليا والمرافقين اللى معاى علما بان عدد افراد اسرتي 5....او شنى اندير بالزبط

يعني يعطونى تاشيرة انا والصغار والا ضروري قبول لغة وتاشيرة 11 شهر بس والصغار ما نرفعمش معاى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟