رفض التاشيرة الايرلندية

كلامك صحيح تأكدت بأن لا تمنح التأشيرة للزوجة والأولاد ... إلا في حالة الدكتوراة

وفيك بارك الله وإسمي أم سالي .... وقالتلي في المدة الآخيرة تم منح التأشيرة للأزواج فقط أما الزوجة والأطفال فلم يتم منحهم إلا في الدكتوراة فقط ... ولكن قالتلي إنتي قدمي لإنك إنتي الموفدة واحتمال اتحصلي عليها .... وانظري للشروط في الـ web site ... وسألتني عن تخصصي يعني الشروط ما نعرفهنش ممكن هما لوحدهم يحددوا على أي أساس رح يعطوك التأشيرة

وأني ما عنديش موقعهم يا ريت اللي عنده يعطيه لينا بيش انشوفوا اللي مكتوب فيه

Abu Mohamed كتب:

kalid2010 كتب:

السلام عليكم انا صار معي نفس شي وحسب انا مافهمت بحسب لغتي الانجليزية بسيطه فهمت ان هدا رقم ليس في ابوظبي  علي مااعتقد انه الكميرون  والله اعلم

لايوجد دولة في العالم لديك هذا المفتاح
ومفتاح أبوظبي هو 00971

بارك فيك يا  يا ابو محمد

هذا موقعهم :  http://www.embassyofireland.ae/home/index.aspx?id=83637

وهذا موقع السفارة الخاص بليبيا
http://www.dfa.ie/home/index.aspx?id=85108

تم رفض اعطائى التاشيرة الايرلندية بعد انتظار 5 شهور ولله الحمد

اليوم تلقيت بريدا من السفارة بلغت فيه برفض اعطائى التاشيرة والاسباب من ضمنها ان رسالة الدعم من البعثات تذكر انى سوف ادرس اللغة والدكتوراة فى جامعة دبلن مع انى لم اقدم للبعثات الا قبول لغة فقط من جامعة دبلن ولم تجد السفارة مايثبت انى متحصلة على القبول الاكاديمى الذى  ذكرته البعثات  هذا الرفض جاء بعد انتظار 5شهور وكان التقديم من خلال المكتب الليبى الايرلندى  اللهم اخلف لى خيرا منها

قدر الله وماشاء فعل .. اني نعرف  3 رفضوهم في السفاره الايرلنديه شكلها صعبه تأشيرتهم ...

قدر الله وما شاء فعل ..........ربى ايعوضك  خير 
لكن السبب غير مقنع لان من الطبيعى فى رسالة القبول يذكروا ان الطالب ناوى يقرا عندهم لكن بعد ان يدرس كورس لغة وعادة السفارة الايرلندية لا تطلب قبول اكاديمى للتأشيرة فلماذا هذا التضييق على الطلبة ........الله المستعان .

للاسف تم الرد عليا اليوم بلرفض  بعد 45 يوم ولنفس السبب الدى دكرته رغم وحود قبول لغة .... 
قدر الله و ما شاء فعل

الحمد لله يارب العالمين اللهم اجرني في مصيبتي واخلفلي خيرا منها

الحمد لله على كل حال الخيرة فيما اختاره الله اللهم امين اخى boheda88

عدل سابقا من قبل DALAL في الخميس 12 سبتمبر 2013, 7:36 am عدل 2 مرات

الخيرة في ما إختاره الله يا اختي وعسى ربي ايباركلك في مكان افضل منها ،،

وتأكيداً لكلامك وكلام الزملاء التأشيرة الايرلندية اصبحت مرفوضة على الليبيين ،،

امس الصبح اتصلت بالسفارة في ابوظبي وردت عليا موظفة عربية ولهجتها مغربية او تونسية كنت نبي نتأكد من الرسوم ومن وضع التأشيرة هل يعطوا والا موقفين ،، قالت بالحرف الواحد علينا ضغط كبير وطلبات من ليبيا وكلهم عائلات والصراحة الفترة الأخيرة كلها رفض ، سألتها شني السبب ، قالت اي حد ايجيب قبول لغة ويقولك نبي نقرا لغة وبعدين اندور على جامعة ونحن مانعرفوش كيف بيصيرمعاهم وهم عائلات الاغلبية ،، ولكن الي عنده قبول اكاديمي من جامعة ممكن نعطوه التأشيرة ،،
وسألتها الكلام هذا للماجستير والا الدكتوراة ،، قالت الرفض فيه كل شي ،، قلتلها يعني توا خلاص مافيش تأشيرات قالت والله جرب حظك لكن الرفض وارد ،،

والحق في دولتنا اللي راقدة ،، والله لوكنت مسؤول اندير اتفاقية مع الدول ونلزمهم بعدد معين من الطلبة بدون قيد اوشرط والا انراجع علاقتنا بيها ،، شني هالمهزلة الليبيين اصبحنا درجة عاشرة والا مش عارف قداش معادش فيه حد قابلنا ،،

تحياتي للجميع

اللهم امين خوى موفد النسيان والله احنا اليبيين اصبحنا بلا درجة ياريت العاشرة  هذه درجة متقدمة

على الرغم من دراستي الماجستير في إيرالندا وحصولي على القرين كارد وتقديم لمستندات إيرالندية تدعم طلبي للتأشيرة إلا أن السفارة الإيرالندية رفضت منحي التأشيرة لدراسة الدكتوراة بعد مضي أكثر من شهرين من التقديم عليها، والأسباب غير واضحة ومفهومة.

بارك الله فيك خوى cp وفى كل من تفاعل معى والله حاجة تخلى الواحد يفرح انه فيه اخوة لايعرفهم يدعون له بظهر الغيب الحمد لله ليبيا فيها الخير وفق الله الجميع لما يحب ويرضى

على كلام الأخ سفيان مادي حتى ولو عندك قبول أكاديمي ما يعطوكش التأشيرة

للأسف الشديد لا يوجد ضمان أكيد لحصولك على التأشيرة الإيرالندية حتى مع القبول الأكاديمي .. وبغض النظر على ضياع الوقت في إنتظار التأشيرة خسرت مع رفض التأشيرة حوالي 1700 د.ل كرسوم تقديم طلبة التأشيرة ليّ ولأسرتي .. ومع هذا قمت بتخويل رجل أعمال إيرالندي كان صديق ليّ  فترة تواجدي في إيرالندا أثناء تحضير الماجستير بمتابعة الخارجية الإيرالندية والسفارة بأبوضبي وطلب توضيحات كافية ومقنعة عن أسباب الرفض .. وإن شاء الله سأقوم بموافتكم بأي مستجدات قد تطرأ على الموضوع.

ونصيحة أخوية لا تعقدوا أمالكم فقط على إيرالندا .. إسعوا للحصول على قبولات في قبرص التركية فيبدوا لي أن الأمور ميسرة هناك وخاصة في جامعة شرق البحر المتوسط .. فقد قمت بالإطلاع على موقعها وما تقدمه من خدمات فهي بإذن الله خير بديل .. المعضلة الوحيدة في قبرص التركية تكمن في عدم وجود مدرسة ليبية للأطفال .. أما للأعزب وحديثي الزواج فهي خيار مثالي.

موفد النسيان كتب:

الخيرة في ما إختاره الله يا اختي وعسى ربي ايباركلك في مكان افضل منها ،،

وتأكيداً لكلامك وكلام الزملاء التأشيرة الايرلندية اصبحت مرفوضة على الليبيين ،،

امس الصبح اتصلت بالسفارة في ابوظبي وردت عليا موظفة عربية ولهجتها مغربية او تونسية كنت نبي نتأكد من الرسوم ومن وضع التأشيرة هل يعطوا والا موقفين ،، قالت بالحرف الواحد علينا ضغط كبير وطلبات من ليبيا وكلهم عائلات والصراحة الفترة الأخيرة كلها رفض ، سألتها شني السبب ، قالت اي حد ايجيب قبول لغة ويقولك نبي نقرا لغة وبعدين اندور على جامعة ونحن مانعرفوش كيف بيصيرمعاهم وهم عائلات الاغلبية ،،  ولكن الي عنده قبول اكاديمي من جامعة ممكن نعطوه التأشيرة ،،
وسألتها الكلام هذا للماجستير والا الدكتوراة ،، قالت الرفض فيه كل شي ،، قلتلها يعني توا خلاص مافيش تأشيرات قالت والله جرب حظك لكن الرفض وارد ،،

والحق في دولتنا اللي راقدة ،، والله لوكنت مسؤول اندير اتفاقية مع الدول ونلزمهم بعدد معين من الطلبة بدون قيد اوشرط والا انراجع علاقتنا بيها ،، شني هالمهزلة الليبيين اصبحنا درجة عاشرة والا مش عارف قداش معادش فيه حد قابلنا ،،

تحياتي للجميع

هدا الكلاام مفروض للدولة يد للضغط عليهم شن يحسابونا ماشين نقرو علي رزقهم احنا الدولة مكلفتنا وجايينهم بفلوسنا

شي يقهر ,  معقولة الليبين منبوذين للدرجة هادي . لاحول ولاقوة الا بالله
بريطانيا سكرتها علينا , ايرلندا تتبع نفس النظام,  كنت ناوية نأخذ لغة فيها ونغير بس الباين فيه تعقيدات هلبااااا يستر الله وخلااااص

الحمدلله على كل حال .......والخيرة فيما اختاره الله

اي حد يعطينا  معلومات جديدة على موضوع رفض السفارة الايرلندية لتاشيرة المرافق

السلام عليكم 

ياشباب شن اخر اخبار التاشيرة الايرلندية  للمتزوجين 

جماعة المكاتب يقولو   نقدر نحصلك تاشيرة للموفد والمرافق 

لكن تسأل الطلبة المقدمين على التاشيرة   معظمهم  يقولو ماحصلوش  تاشيرة للمرافق 

وفي اللي يقولك تبي قبول اكاديمي باش تحصلها لكن قاعدة نفس المشكلة  في رفض للمرافق 

علمها كانت ساهلة تقدر تحصلها للموفد والمرافق        بقبول لغة فقط   

  شن الاسباب اللتي استجدت لصعوبة الحصول على التاشيرة الايرلندية للمرافق 

شكرا ليكم

سبب رفضهم التاشيرة للمرافق والله اعلم ان فيه عائلات يطلعو ع اساس ايفاد للدراسة ولما يوصلو لايرلندا يطلبو في لجوء سياسي وعذرهم الوضع الامني في بلادهم

السلام عليكم عندي سؤال وياريت الرد بسرعه كم تستغرق اقصي مده للتاشيره