الطلبة الموفدين والعزوبة

السلام عليكم ورحمة الله وبركاته

اهلا بيكم اخوتي فى المنتذى

فى هذا الشهر المبارك لا يسعنى الا ان ادعو الله عز وعلى ان يقوي سعد بناتنا ويوفق شبابنا ويساعدهم على تكوين انفسهم بسرعة قبل مايعجزوا بناتنا ويكبروا ويصلو الى مرحلة العنوسة يارب يارب يارب

موجودين ياخوتي لكن المشكلة ماحدش مدورهم ......
شباب.... كان تبو ندورلكم ونشتغل خطابة دبرولي في قبول

غير كان تحصلينا واحده حفيانة بالرسمي ويصير منها حتى ايفادي نتنازلك عليه
لان طايحة السعد مايمشي معاها الا كر وفر متع ليبيا مايطلعلهاش فسحة برا متع ايفاد

ما عندناش حفيانين كلهم يطقو في كنادرهم والحمد لله

حفيانة هذا نلبسوا فيه للي عنده خطيبة مش قصد ثاني
لكن طايح سعدها ولابسة كندرة مررررررات تزلق على برسلين المطار صح

المشكلـــة مش بس الصعب في ايجاد الزوجة الصالحه،، حتــــــى الــــزوج صعب ان البنت تثق في اخلاقه لأن بصراحة الشباب الايام هادو (البــــعــــض طــبـعـــــا) زي المثل اللي يقول ( يا مزوق من برا شن حالك من داخل) يغرنا المنظر الخارجي بس الجوهر يكون أجوف..

ياشدى الي نشوف فيه بعيني ياداير يالاقي
لو البنت مش متع خبث بكل انواعه اخلاقي وغيره حتطيح في شاب نفس الشئ ولو العكس ماخصها الا في واحد يقطرلها في عيونها الملح
الطيبون للطيبات والخبيثون للخبيثاث

زي ما انتو تقولوا ان البنت الكويسة والمحترمة صعب تلاقوها في الوقت الحالي، وفعلا معكم حق لأن الحسنة تخص والسيئة تعمّ، والبنات مع الأسف الصورة يلي موجوده عليهن هي السيئة اكتر شيء ،، وهدا يلـــي خلانا نقولوا ان الفئة الثالثه مهمشة، بـــــس بنفس الوقت بصراحه الشباب ينطبق عنهم نفس الحال.. ونتمنى ان كل حد يعطيه ربي ع قياس نيته ..

انا انصح جميع الشباب بعدم التغرب والذهاب الي الخارج من دون زواج وبالاخص الدول الاوروبية

اما البنات فانا انصح جميع البنات بعدم الذهاب اساسا وانها اتفوت برنامج الدراسة بالمرة ان كانت غير متزوجة

وانا احكي عن تجربتبي الشخصية التي عشتها

والله اعلم

الباين ان العرسان اكثار في هل الصفحه او مافي حد يبي ايوصل الي في قلبه
والا كلامي غلط يااخت لوزا وهبه

طيب حسنون خير من يقعد حاجه اخرى وياختي لوزا الموضوع مش قديم اخر تعليق قبلي يوم 10/8/2012 لكن على كل حال نفس ماقال خوي اكرم العملية صيام اوكان زاد حرف والا نقص مفيش مشكله تاكل حرف خير من تاكل حاجه اخرى لكن نصيحتي لكي يا خت لوزا ماتكثري من اكل الحروف لانه قد تصيبك التخمه

ههههههههههههههههــــــــــهههههههههههههه
شكرا يالوزا بس انتي اكثر حناطه مني وان شاء عيدك مبارك
يالوزا بس نبي نساللك سوال محيرني من اول مالقيت اسمك ممكن؟؟؟؟؟
طبعا اكيد ممكن
هو انتي اسمك لوزا ياترى خضرا والا طايبه شكلك طايبه اللوز اليابس مش سهل التكسير؟؟؟

اخير ارجو الا تاخذي على خاطرك مني وشكر يالوزا

بعدين تعالي انتي برضوى ادلعي في روحك لوزا؟؟

ربي يهني سعيد بسعيدة

يممممممممممممممممممممممم الرز بالخلطه افضل اكله عندي صراحه وخصوصا لم تكوني انتي اكثر من الرز (يعني قصدي باانتي الوزا) بيش مايمش تفكير حد من الاعضاء الى بعيد لان كل بنت في المنتدى اعامله مثل اختي لاني الي مانرضاه في اختي مانرضاه في بنات الناس والا لا يا ldbea

والله يا اخت هبه شكلي نبي نقولك انتي واختي لوزا ادورولي على راحت البال قبل الايفاد

لوزا كتب:

كيف اندوروها لك,,,,,,,انا ما اشتغلتش خطابه من قبل,,,,,,لكن عادي نجرب وليش لا