التاشيرة البريطانية نوع ( Tier 4 ) القديم

الاخ toumi
أنشاالله أنفيدوك
بالنسبة لل CAS اذا عندك نتيجة امتحان ايلس =4.5 أو اي شهادة لغة معتمدة لدي بريطانيا = B1 LEVEL معهد اللغة سيمنحك CAS Statement ورسالة للسفارة بالنسبة لي عندي شهادة PET معتمدة من جامعة كامبردج وهذه عملتها داخل ليبيا وبيها تحصلت علي CAS وقدمت علي التأشيرة.

أما بالنسبة للترجمة ما تغير شي قدمت باوراق مترجمات من قبل
اذا عندك قبول قولي شن نوعه بيش نقدر انساعدك أكثر

بالتوفيق

عندي سؤال شن المقصود بقبول لغة ب CAS

التقديم على الفيزة بنظام التاير 4 يحتاج الى 40 نقطه . 30 نقطه تعطى للطالب من الجامعه عند الحصول على قبول غير مشروط و 10 نقاط تعطى عندما تتأكد السفاره من قدرة الطالب على التغطيه الماليه للدراسة و المعيشه وفق الشروط المنصوص عليها في مكتب الهجرة البريطانيه الهوم اوفس..
الكاس نمبر CAS
)Confirmation of Acceptance for Studies

هو حلقة الوصل بين الجامعه و السفاره المراد الحصول على تأشيرة من خلالها. يرسل هذا الرقم من الجامعه عند حصول الطالب على قبول غير مشروط منها. استلامك لهذا الرقم يعني حصولك على ال 30 نقطه المشار اليها اعلاه و يحتاج الطالب الى اما توفير رسالة دعم مالي او كشف حساب مصرفي للحصول على ال 10 نقاط الباقيه ليصبح عدد النقاط الاجمالي 40 و بذلك يحصل الطالب على التأشيرة.

وهذا ينطبق علي معاهد اللغة وهي تمنح CAS في الحالتين اللتين ذكرتهما سابقا مع العلم أنه اذا منحت التأشيرة خلال قبول اكاديمي لا تستطيع تغيير الجامعة لهذا السبب أفضل Tier 4 عن طريق معهد اللغة لكي تستطيع اختيار الجامعة المناسبة لك وأنت داخل بريطانيا

ابوشهاب كتب:

الل New Libya
نبي نسأل علي تخصصك بالتحديد وكيف حصلت علي القبول في الطب في اي جامعة ارجوا الرد شكرا

تخصصي طب صدرية وتحصلت على قبول ماجستير في جامعة أمبيريال كولج وخلصت الماجستير معاهم في 2008/2009

السلام عليكم.............عند تعبئتي للأبليكيشن للحصول على التأشيرة البريطانية صادفني عنوان السكن في بريطانيا,,,فكيف يتم حل هذه المشكلة؟؟؟...أفيدونا أفادكم الله؟؟؟؟....السلام عليكم

السلام عليكم و رحمة الله و بركاته

شكرا أخي ابوشهاب و بارك الله فيك علي كل هذة الافادة و بلاهي عليك سامحني.

أولا:
بخصوص شهادة ILETS موجودة عندي و الدرجة النهائية Overall score 5.5 .
ثانيا:
أما بخصوص القبول انا عندي قبول اكاديمي من جامعة Birmingham في تخصص الميكانيكا بس مشروط ب 6.0 من درجة ILETS .

حاليا انا قدمت اورقي علي مركز اللغة في الجامعة هذا كان من يومين قالولي تمام بس مازال لم يصلني اي شي منهم . المشكلة ان الكورس يبدا في 25 مايو .

CAS Statement هل ضروري اتكون عندي باش نمشي بيها الي السفارة او هما يبعثوها الي السفارة و خلاص؟

و بارك الله فيك اخي علي هذة المساعدات و الله يرحم و لديك و ربي يوفقك ان شاء الله

أخي toumi اي خدمة في اي وقت

بالنسبة لل CAS انشالله معندكش اي مشكلة ولازم تستنا الجامعة تبعثلك القبول برقم الكاس لانه مهم في السفارة وغالبا ما ايطولوش في الرد واذا تأخروا ابعثلهم ايميل استفسار وغالبا ايردوا بسرعة علي الايميلات عدا يوم السبت والاحد وارفعهم معاك للسفارة مع القبول الاكاديمي (وانت تملئ في الابليكيشن حتجد اسئلة ايخصن القبول ورقم الكاس)

وغالبا حتدرس في الجامعة Pre-Sessional Courses للغة وبعده انشالله الاكاديمي وربي ايوفقك
بالنسبة للوقت المشكلة في التفويض لانه بالحظ لكن القبول والتأشيرة خلال أيام معدودة الا اذا كان الموعد في السفارة بعيد اشويه وهذا ما تعرفاش الا بعد ما اتعبي الابلكيشن سلسلة متصلة وانشاالله اتمها بنجاح

شكرا NEW LIBYA

هل عندك فكرة علي جامعة جلاسكو وماجستير الطب فيها (الاطفال)

ابوشهاب كتب:

شكرا NEW LIBYA

هل عندك فكرة علي جامعة جلاسكو وماجستير الطب فيها (الاطفال)

أخي أبوشهاب ليس لدي فكرة عن ماجستير أطفال في جامعة جلاسكو ولكن لدي صديق حضّر ماجستير أطفال في جامعة جلاسكو والآن على وشك إنهاء الدكتوراه في نفس الجامعة.
أرسلتك رسالة خاصة فممكن ترد عليا على الخاص إذا تبي تفاصيل أو أرسلي أنت رسالة خاصة إذا رسالتي لم تصلك وأنا نرد عليك.

عنوان السكن مش مهم
تقدر اتعبي عنوان الجاعمة او كتابة اسم فندق تبي تنزل فيه
مافيش مشكلة ^^

السلام عليكم
اريد التقدم للحصول على التاشيرة البريطانية من تونس
اريد دراسة اللغة الانجليزية لمدة 10 اشهر
سؤالى : كيف يمكننى الحصول على حجز موعد فى السفارة فى تونس

شكرا و بارك الله في الجميع

السلام عليكم اخوتى ارجو منكم افدتى بخصوص الابليكيشن الخاص بالمرفقين مثل الزوج والابناء هل هو نفس الابليكيشن الدى سوف اقوم بتعبئته انا ام يختلف مع العلم ننى متحصله على قبول للغة

السلام عليكم اخوتي الاعزاء انا متحصل على درجة 5 في ILETS هل ممكن ان اتحصل على التاشيرة نوعTier 4 لي و لافراد الاسرة بقبول اللغة فقط

ايه تقدر.. لكن الايلتس لازم تكون دايرها خلال السنتين الي فاتوا

ولازم تقدمه لمدرسة اللغة بيش تعطيك CAS Number اللي بيه تندرج تحت فئة Tier 4

السلام عليكم ..نبي نسأل بخصوص تأشيرة الطالب الزائر والمرافقين مسموحلهم بتأشيرة سياحة طبعا هذا في حالة لو ماعندكش الايلس يعني بعد 6 شهور يردوا الاولاد والزوجة ..وطبيعي يرد معاهم الطالب (الزوج) ويجددوا التأشيرة ..سؤالي وين ممكن امتحان الايلس وكيف طبيعة الحجز للامتحان وهل المطلوب 4 أو 3؟؟+

الامتحان اكيد حيكون في بريطانيا في المدرسه او المركز الي تقري فيه اللغه .. المكان الي تقري فيه هو الي بوجهك بخصوص الامتحان,,

سلام عليكم ,,,,,

شباب انا ان شاء الله عندي موعد في السفارة البريطانيا في مصر بعد 10 ايام بالله عليكم قولولي بالتفصيل شن الاوراق المطلوبة نرفعها معاي لانه لاقدر الله ننسى ورقة تريح عليا الفيزا بالله ساعدوني
شكرا وبارك الله فيكم

خويا محمد شكرا لردك انا نقصد امتحان الايلس اللي في ليبيا قبل التقديم عالتأشيرة واللي لازم اتجيب فيه اقل شى 3 أو 4 عشن طبعا يفضل تأشيرة تاير4 ياريت اتفيدني ياخويا ومشكور

في ليبيا شوفي البرتش كونسل و الا مركز اللغه في معهد النفط و الزوز في السياحيه-طرابلس ,, .. الزوز هدم يديروا في امتحانات الايلتس .. اكيد ايفيدوك