افيدونا """ بالله شنو نرفعوا معانا لبريطانيا

هو من ناحية الاكل الليبي يجي في الخاطر عندك حق لكن في رمضان بس ..... اما باقي الايام وخاصة بالنسبة ليا عادي متعود لانه عندي محل واغلب الوقت ناخد من المطاعم فعادي مش حتفرق معاي .. وكان نقولك سنة كلها تغذي 6مرات بس في بيتنا
وبعدين بالك عمنا زيدان يوزع شقق او يديرنا حل خلي نتزجوا مره واحده ونفتك من اكل المطاعم للابد ونبدوا نتجكتروا على العزابية ههههههههههههههههههههههههه

هههههههههههه من زيدان حدد متعنا ولا متع فرنسا

كانهو متع فرنسا يمكن هاه

لكن كان متعنا

ترا برا كان بتوتي حوايجك خيرلك

هههههههه

أمي شادتها في جرتي بتعبيلي الشنطة قديد وقلاية كل يوم يخطر عليها شي شكلها غدوة بتقولي نديرلك لحم راس ترفعه معاك ...... .....

ربي يحفظهالك... هذا حال الام ديما وهي تخمم وباكية هم صغارها.... ربي يفرحها بيك

تسلمي والله مش عارف كيف بتكون لحظة الوداع ...... عندي خوي عايش في السويد وأني أهو بنسافر وربي يكون في عونها ....

في اي مدينة الدراسة يا اخي الحسين؟؟

east anglia .... norwich city

بالتوفيق ليك ولينا فعلا لحظات الفراق صعبة جدا على النفس وخصوصا فراق الوالدين....
مرات وين تصير عرقلة في اجراءات البعثات والواحد يتنرفز..... انقول بيني وبين نفسي معليشي التفديد هذا عل الاقل يسهل عليا لحظة الفراق....
لو الدولة مسهلة كل شئ نتوقع روحي مانقدرش علي فراق الاهل.... ربي يستر وخلاص

[quote]
بالتوفيق ليك ولينا فعلا لحظات الفراق صعبة جدا على النفس وخصوصا فراق الوالدين....
مرات وين تصير عرقلة في اجراءات البعثات والواحد يتنرفز..... انقول بيني وبين نفسي معليشي التفديد هذا عل الاقل يسهل عليا لحظة الفراق....
لو الدولة مسهلة كل شئ نتوقع روحي مانقدرش علي فراق الاهل.... ربي يستر وخلاص[/quo
إن شاء الله ربي يوفقك ويوفق الجميع وربي يعيننا على مبتلانا .....

الحال من بعضه يا حسين المشكلة امي شادتها في جرتي الزوج الزوج وبالنسبة للتطييب والله ما نعرف حتى الشاهي مش عارف الواحد شن بدير لكن اهو يمشي الحال وبالنسبة للفراق بالله معاش اذكروني بيه لحظة قوية وقبل جربتها 3 مرات حالة والله وانا امي شكلها بدير شكوى في البتعات انا وخوي هههههه رب يوفقكم يارب

<P align=right><IMG border=0 src="https://2img.net/u/2613/17/71/57/smiles/163703.gif" smilieid="67">الجمــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــيع</P>

السلام عليكم

مما شفت ننصح بالتالى للى يحب طبعا

حرارات لان الحرارات هنا مش نفس النكهه ابدا... بكرج اصغير عشان القهوه

لان لنا فتره هنا ومالقيناش بكل...

لو حد معاه زوجته وصغاره فمفيش باس من صحنين تلاته ولو بلاستيك مقوى وكم ملعقه وشوكه مش وااااااااااااااااااااااجد لا

طروف ايمشوا بيهن الايام الاولى لان الحق شريناهم بالغلا والكوا اسعار خياليه فمتنيت انى شلت بشناطيي اشويا منهم

طنجره وكسكاس يكون سان استيل او تيفال اصلي عشان تستفيدوا منها لطبخ الرز المحبب

مفرش للاكل خفيف ومش حياخذ وزن...

قهوه عربيه

ولو اتفكرت شئ اخر حنكتبه ليكم

شكراً أختنا أم تومي على هذه النصيحة ،،، ويا ريت لو تفكرتي حاجات أخرى تقولي لنا عليها ،،، بس بسرعة لأن موعد السفر اقترب إن شاء الله !!!

اخى المتوكل راك تنسى فيش متاع اللى يحول من ثنائى إلى ثلاثى لان هنا مختلفات ومهمات جدا هنا وبليبيا رخاص فمفيش باس تجيب لانك مش حتستنى انك تعرف ارخص او انسب مكان تشرى منه وانت جاى جديد ومش عارف المدينه

أختي om_tomy بارك الله فيك وجزاك الله عنا ألف خير وموفقة إن شاء الله

شكرأ أختي الكريمة على المعلومة ،،،

هذا يعني أن أجهزتهم الوصلات متعها ثلاثية ،،، وأن المآخذ الكهربية (البريزة) اللي في المنازل ثنائية ،،، أليس كذلك ؟

لالا المآخذ هنا ثلاثية

اعتذر

معناها بالعكس ،،، الوصلات متع أجهزتهم الكهربية ثنائية ،،، و المآخذ الكهربية (البريزة) اللي في المنازل ثلاثية ،،، أليس كذلك ؟

المتوكل على الله كتب:

معناها بالعكس ،،، الوصلات متع أجهزتهم الكهربية ثنائية ،،، و المآخذ الكهربية (البريزة) اللي في المنازل ثلاثية ،،، أليس كذلك ؟

اخي المتوكل نطلب منك ان تدعيلي اني انحصل ايفاد وانت مسافر ودعاء المسفر مستجاب بإذن الله راك تنساني
الوصلات كلها ثلاثية في البيوت والاجهزة لان الثنائية حتى لو جيت تبي اتبيع جهاز موبايل وصلة ثنائية السعر ينزل

شكرأ إخواني أخواتي على التوضيح ،،،

أختنا أم عبدالرحمن إن شاء الله ربي يفتح عليك وتحصلي على قرار إيفاد في القريب العاجل ،،، وإن شاء الله سأدعو لك أثناء سفري ونسأل الله أن يستجب دعائنا ، إنه نعم المولى ونعم الوكيل !!!

وفيك بارك الله اختى زهور ليبيا ...واخى المتوكل

...

اخت ام عبد الرحمن ربي يسهلك ويعطيك اللى فيه الخير اللهم امين

يعني وحدة زي هذي

او هذي
http://www.argos.co.uk/static/Search/searchTerms/SHAVER+ADAPTOR+.htm
كما ترى فان سعرها غالي مقارنة بليبيا، و الله اعلم