من لديه موعد في السفارة البريطانية يريد تغييره

السلام عليكم .. بالله لو فيه اي شخص عنده لشخصين موعد لتاشيره البريطانبه قبل شهر رمضان و يبي يلغي موعد يقولي .

13.06.2014
23:52:06


السلام عليكم ...............


أبحت عن موعد لتأشيرة التاير فور  الايام القادمة قبل رمضان لو فيه طالب او طالبة يبى يلغى موعده يعطهولى الله يبارك فيكم .

السلام عليكم اخوتى
ياريت لو فى حد عندة موعد يوم 30 من شهر 6 الجارى او يوم 3 -7 ويريد تغييرة او الغائة ايقولى لانو والله محتاج الموعد ضرورى ومن فرج على اخية كربة من كرب الدنيا فرج الله علية كربة من كرب الاخرة
وبارك الله فيكم شباب
وبتوفيق لجميع

22.06.2014
09:17:12

وعليكم السلام ورحمة الله وبركاته

شن نوع تأشيرتك اللى مقدم عليها ؟؟

لو كانت طالب زائر بامكانك اتقدم على خدمة او حجز priority services لانها متوفرة وتشمل الطالب الزائر بس لازم اتشوف شروطها قبل مااتقدم لان فيه اسئلة بخصوص مادا اذا كنت فى بريطانيا من قبل, وباذن الله تلقى مواعيد فى نهاية 6 .

لو كنت بتقدم على التاير فور زي ونظرا لان مواعيد التاير فور معبية بامكانك تحجز موعد عادى standard appointment باذن الله تمشى امورى وامورك ان شاء الله انى بنقدم على التاير فور وحجزت موعد standard appointment .

شوف الرابط http://www.almofad.com/t26687-topic#205310


وهذا الرابط لشروط priority services

http://www.almofad.com/t26687-topic#196619

السلام عليكم شباب
نظرا لغلق ادارة البعثات الى اجل غير معلوم الى حد الان فانا عندى موعدين تير فور يوم 14-7 ونبى انغيرهم مع حد يكون عندة موعدين ليوم 16 او 17 - 7 الله غالب كان مفروض الاسبوع هذا نستلم ورقة الدعم المالى لغرض التاشيرة لاسف قعدنا كل يوم ناجلو فى موعد التقديم لحتى تبدا الدراسة والله يسامح الى كان السبب
وتحياتى لجميع

عندي موعد زائد عالpriority visit يوم الاثنين 14/07/2014 الي يبيه يبعثلي رساله علي نقالي 0923294490
والسلام عليكم

عدل سابقا من قبل Abu Mohamed في السبت 12 يوليو 2014, 5:46 pm عدل 1 مرات (السبب : كتابة إنجليزية بحروف عربية لايفهمها الجميع)

salah alzwei كتب:

السلام عليكم شباب
نظرا لغلق ادارة البعثات الى اجل غير معلوم الى حد الان فانا عندى موعدين تير فور يوم 14-7 ونبى انغيرهم مع حد يكون عندة موعدين ليوم 16 او 17 - 7 الله غالب كان مفروض الاسبوع هذا نستلم ورقة الدعم المالى لغرض التاشيرة لاسف قعدنا كل يوم ناجلو فى موعد التقديم لحتى تبدا الدراسة والله يسامح الى كان السبب
وتحياتى لجميع

كان تحصلي موعد يوم 13 أخ صالح علي الستاندرد . لأن موعدي اليوم ضاع بسبب تسكير الطرقات والشوارع بالسواتر الترابية

السلام عليكم
حياكم الله
أخوتي انا بحاجة الى موعد في السفارة البريطانية بطرابلس هذا الأسبوع او بداية الأسبوع المقبل نظرا لان قبول اللغة يبدأ في منتصف 8 والوقت لايكفي والحجوزات مليئة بالكامل وانا مستعد بأن أبادل الموعد بيوم 24 / 7
وقمت بدفع تكاليف الرحلة كاملة يعني كل يوم انأخر فيه فلوسي يمشوا في مهب الريح والله المستعان
والله يعلم الله كم أحتاجه
وانا مستعد حتى لشراء اي موعد قريب
ومن فرج على أخيه كربة من كرب الدنيا , فرج الله عليه كربة من كرب الأخرة
رقمي 0925851245
ايميلي sun_libya93 على الياهو
وبارك الله فيكم
ارجو من المشرف عدم نقل الموضوع الى مواضيع مثبتة نظرا لأن تلك المواضيع نسبة الاقبال عليها ضعيف .

لو فيه اي طالب عنده موعد يوم الاثنين القادم 9/8 ويبي يلغيه يا ريت يتواصل معي ولكم جزيل الشكر

Libya Libya كتب:

لو فيه اي طالب عنده موعد يوم الاثنين القادم 9/8 ويبي يلغيه يا ريت يتواصل معي ولكم جزيل الشكر

خش الموقع كل شوية ممكن تلقى حد لاغي موعده خصوصا قبل الاثنين بيومين أو 3
يوجد عندي موعد يوم 10-9 لو تبي.

عدل سابقا من قبل Abu Mohamed في الأربعاء 03 سبتمبر 2014, 12:28 am عدل 1 مرات

تحياتي للجميع

عندي صاحبي هو و زوجته وصلوا يوم 1/9 متأخرين و فاتهم موعدهم و مانكم غابيين وضع المعيشه و غلائها في تونس فا ياريت زد ع هادا انه اقرب موعد هو في يوم 17/9 فا ياريت لو نقدر نحصلهم زوز مواعيد خلال هلفتره القريبه و يا رب يجازيكم و أني من بعدكم في كل الأحوال

سؤالي للأخ أبو محمد هل الزوج و الزوجه يقدرو يخشوا في موعد واحد أم لازم لكل منهم موعد منفصل ع الأخر ؟


شكرا للجميع

basem111989 كتب:

تحياتي للجميع

عندي صاحبي هو و زوجته وصلوا يوم 1/9 متأخرين و فاتهم موعدهم و مانكم غابيين وضع المعيشه و غلائها في تونس فا ياريت زد ع هادا انه اقرب موعد هو في يوم 17/9 فا ياريت لو نقدر نحصلهم زوز مواعيد خلال هلفتره القريبه و يا رب يجازيكم و أني من بعدكم في كل الأحوال

سؤالي للأخ أبو محمد هل الزوج و الزوجه يقدرو يخشوا في موعد واحد أم لازم لكل منهم موعد منفصل ع الأخر ؟


شكرا للجميع

في 3 مواعيد اليوم لغيتهم يوم 5-9 ودرت عليهم إعلان من أمس بس توة خشيت لقيتهم ماشيات بس كل مرة خشوا وشوفوا مرات تحصلوا وحدات فاضيات بس المفروض توة يجهزوا استمارتين جدد لأن ماعاد يقدروا يحجزوا بالاستمارات القديمة طالما ماغيروا المواعيد اللي عليهن قبل يوم التقديم.

أعتقد أفضل شئ يحجزوا مواعيد خاصة premium lounge بزايدة 89 باوند للموعد خير مايقعدوا الفترة هذه كلها يستنوا يصرفوا فلوسهم ويضيعوا وقتهم
فيه عندي موعدين يوم 10-9 كان تبيهم 
بس خلي مواضيع التأشيرة في قسم التاشيرة وسيتم نقل استفسارك إلى موضوع
من لديه موعد في السفارة البريطانية يريد تغييره

للأسف حتى المواعيد الخاصة premium lounge خشيت توة لقيتهم محجزات ليوم 15-9
كان تبي المواعيد اللي يوم 10-9 راسلني على الخاص وعطيني الموعد اللي تبيني نلغيهم فيه عشان ياخذوهن في نفس الوقت بالضبط.


طبعا لازم يكون لكل واحد موعد منفصل بس لو قريبات من بعض يخشوا مع بعض ويقدر المتقدم الأساسي يقدم في يوم والمرافقين في يوم آخر بس يكتبوا في الاستمارة أنهم مش مقدمين في نفس اليوم مع بعض.

Thank you so much Abo Mahemed.


عدل سابقا من قبل Libya Libya في الإثنين 08 سبتمبر 2014, 7:34 pm عدل 1 مرات

للعلم المنظومة بتاع المواعيد منهارة . مرات تتطلعلك ان غدوة في مواعيد ومرات ل 15-09 ابعثوا ايميل لموقع visa4uk ان في خلل في المنظومة توا المواعيد ترجع وهذا الي صار معاي , وبالنسبة للpremium زيها زي الstandard مش حتدفع ولا فلس وحتخش طول لموعدك احجزوا عليها لو الstandard معبي
وان شاء الله بالتوفيق للجميع

ديروا مرة مرة تشك ورح تحصلوا موعد ان شاء الله

عدل سابقا من قبل Abu Mohamed في الخميس 04 سبتمبر 2014, 2:04 am عدل 1 مرات (السبب : كتابة إنجليزية بحروف عربية قد لايفهمها الجميع)

لا أعتقد يوجد خلل في المنظومة حاليا كل ماهنالك أنه مرات مواعيد يفضوا نتيجة ناس يلغوا وبعد يتم حجزهم من ناس ثانية يتعبوا.


كيف تأكدت أن الpremium appointments أو المواعيد الخاصة مافيها دفع زيادة لأن في الموقع مكتوب زيادة 89 باوند

عدل سابقا من قبل Abu Mohamed في الخميس 04 سبتمبر 2014, 2:51 pm عدل 1 مرات

أحد الأخوة قالي حجزت عالبريموم ومادفعتش ولافلس زائد

صحيح سألنا عليها الموظفة على اساس فيها نت ومقهى وخدمات اضافية قالتلنا مافيش الخدمة هذه الكلام هذا كان يوم 12\8 الا اذا تم تفعيله توا

ايه حتى انا صار معاي ضروري قبله بيوم

موعد يوم 9-9