رحلتي مع يوم المقابلة لغرض الحصول على التأشيرة البريطانية

عدل سابقا من قبل Abu Mohamed في الأربعاء 27 أغسطس 2014, 6:18 am عدل 3 مرات (السبب : تحديث معلومات)

اتمنى ان ادارة الركن عدم ضم الموضوع مع موضوع التأشيرة لتعم الفائدة للجميع
فهناك من لم يذهب او يعرف ماذا يفعل او ماذا يحدث في المقابلة
فياريت اتخلوا الموضوع مستقل عشان الفائدة تعم للجميع

و اي سؤال بخصوص المقابلة انا حاضرة
وبخصوص صيغة الورقة التي تقدمها بأنك ستعود للعمل في الجامعة بعد انهاء الدراسة
سأقوم بأنزالها في هنا الليلة ان شاء الله

ملاحظة ..
هذه الخطوات هي نفسها مع اي نوع فيزا مقدم عليها
الاختلاف سيكون في الاوراق فقط ولكن الخطوات هي هي ليست مختلفة ..

السلام عليكم أختي الكريمه أم عائشه
بارك الله فيك على الموضوع القيم وبجدب بجد ناس واجده محتاجه تفهم حاجات زي هكي كيف اتم وكيف ممكن تتصرف فيها وليا صديقه عندها قرار إيفاد وحابه اتقدم للدراسه في بريطانيا بس قالولها لو بروحها تبي تمشي وما معاهاش مرافق ممكن تقدم على تأشيرة طالب زائر واللي مدتها زي ما ذكرتي 11 شهر لكن لو معاها مُرافق لازم اتقدم على امتحان الأيلتس ولازم تتحصل فيه على درجة 4 أو 4.5 تقريباً
فتوا بانتلي من كلامك فكرة إنها تاخذ تأشيرة طالب زائر والمرافقين تأشيره سياحيه لكن بنسألك أختي مدة التأشيره السياحيه زي ما ذكرتي 6 شهور بس فكيف حتتصرفي بعد هكي هل حيقدموا المرافقين على تأشيره سياحيه من جديد؟؟ وهل يضمن الواحد إن يعطوها للمرافقين من جديد تأشيره سياحيه ثانيه عادي بدون أي مشاكل أو عراقيل ؟؟ ياريت لو تقدري اتفيديني في الموضوع هذا أختي أم عائشه لأن صديقتي ايهمها الموضوع هذا وبقى هوا شُغلها الشاغل حالياً
وبارك الله فيك مره ثانيه عالموضوع وجزاك عنا كل الخير بإذنه تعالى

منذ 7-7-2014 الأطفال الأصغر من 5 سنوات يتطلب أخذ مواعيد لهم وحضورهم شخصيا لمراكز التقديم على التأشيرة
تم التحديث يوم27-08-2014
Biometric Appointments for Under 5s


As of 07 July 2014, children under the age of five will be required to apply for their UK visa in person in order to attend a biometric enrolment appointment. New rules governing the collection of biometric data comes into effect at this time, requiring all applicants to provide a live-capture digital photograph.


Changes to application process for children under 5 years old

With effect from 7th July 2014, parents will also need to book an appointment at the UK Visa Application Centre for any children under the age of 5 when applying for a UK visa. A facial image (photograph) will be taken of child applicants as part of the submission process. Children under 5 are not required to provide fingerprints.


http://www.ge2tn.tpcontact.co.uk/node/41


عدل سابقا من قبل Abu Mohamed في الأربعاء 27 أغسطس 2014, 6:36 am عدل 5 مرات (السبب : تحديث وإضافة معلومات)

اولا السلام عليكم
تانيا بارك الله فيك على الشرح المفصل الرائع وان شاء الله ربى يسهلك ويوفقك وتحصلى الفيزا انتى والعائلة الكريمة
عندى بعض الاسئلة اولا ورقة تعهد على اساس ترجع بعد مانكمل دراسنى الاكاديمة هدى زى ماقلتى مجهودك الخاص السؤال انا طالب هل نقدر نرفع الورقه للعميد او رئيس القسم ويوقعلى عليها ؟؟؟ ومن الى يختم عليها تانى بالله فهمينا الحطوة اهيا

تانيا شهادة المرتب ؟؟؟؟ ضرورى نطلعها ؟؟؟ ولا كيف مش جايب معاى رسالة الدعم المالى لغرض التأشيرة ؟
مع العلم انى طالب ومترشح من وزارة التعليم العالى ؟؟؟ بالله فهمونا وشكرا مرة اخرى

illusion كتب:

السلام عليكم أختي الكريمه أم عائشه
بارك الله فيك على الموضوع القيم وبجدب بجد ناس واجده محتاجه تفهم حاجات زي هكي كيف اتم وكيف ممكن تتصرف فيها وليا صديقه عندها قرار إيفاد وحابه اتقدم للدراسه في بريطانيا بس قالولها لو بروحها تبي تمشي وما معاهاش مرافق ممكن تقدم على تأشيرة طالب زائر واللي مدتها زي ما ذكرتي 11 شهر لكن لو معاها مُرافق لازم اتقدم على امتحان الأيلتس ولازم تتحصل فيه على درجة 4 أو 4.5 تقريباً
فتوا بانتلي من كلامك فكرة إنها تاخذ تأشيرة طالب زائر والمرافقين تأشيره سياحيه لكن بنسألك أختي مدة التأشيره السياحيه زي ما ذكرتي 6 شهور بس فكيف حتتصرفي بعد هكي هل حيقدموا المرافقين على تأشيره سياحيه من جديد؟؟ وهل يضمن الواحد إن يعطوها للمرافقين من جديد تأشيره سياحيه ثانيه عادي بدون أي مشاكل أو عراقيل ؟؟ ياريت لو تقدري اتفيديني في الموضوع هذا أختي أم عائشه لأن صديقتي ايهمها الموضوع هذا وبقى هوا شُغلها الشاغل حالياً
وبارك الله فيك مره ثانيه عالموضوع وجزاك عنا كل الخير بإذنه تعالى

وفيك بارك الله .. الهدف من الموضوع هو توضيح الصورة و مساعدة الغير
وان شاء الله الموضوع يكون فيه افادة للغير و نكون ساعدنا الطلاب ولو قليل

شوفي بخصوص الايفاد الخاص بصديقتك انا انحاول انوضحلك الصورة مع الخيارات

اولا اذا كانت صديقتك عزباء و غير متزوجة
الاخ و الاب لا يعتبر مرافق للبنت و يقدم على التأشيرة مستقلة
يعني فيزا سياحة مدتها 6 شهور وبعدها يرجع الى ليبيا و يبقى 6 شهور ثم يجدد فيزا سياحة مرة اخرى
او يقدم على فيزا طالب زائر ومعناها حتى هو يقرا اللغة ومدتها 11 شهرا

ثانيا اذا كانت متزوجة
فهناك احتمالين
اولا .. اذا كانت لديها درجة في الايلس لا تقل عن 4.5 فهنا تقدم على فيزا تاير 4
وبهذه الفيزا تستطيع اخذ مرافقين معها ومافيهاش مشاكل ابدا

ثانيا .. اذا كانت ليس لديها درجة في الايلس فمعناها مافيش الا فيزا طالب زائر
لانه شرط درجة الايلس اصبح اساسي للتقديم على الفيزا
الا اذا كانت فيزا طالب لغة او سياحة
فيزا طالب الزائر مدتها 11 شهرا وخلال هذه المدة تقرا وتجتهد للحصول على هذه الدرجة
ثم ترجع الى ليبيا وتقدم على فيزا تاير 4
طبعا فيزا طالب الزائر لايمكن بها ارفاق مرافقين معاها
ولكن يقدر الزوج و الابناء السفر معها بفيزا سياحة ومدتها 6 شهور

وفي احتمالين هنا ..
اما انه الطالبة تتحصل على درجة الايلس خلال 6 شهور وترجع مع المرافقين الى ليبيا وتغير الفيزا الى فيزا تاير 4 و ترجع مرة اخرى ..
او انه المرافقين يرجعون الى ليبيا وتبقى هي 5 شهور في بريطانيا لمفردها ..

في حل اخر اذا كان الزوج هو المرافق وهي ان يقدم هو ايضا على فيزا طالب لغة ويقعد معاها 11 شهرا
ولكن هذا الحل ينفع لمن ليس لديهم اطفال اما اذا كان لديهم اطفال فسيتم رفضهم من السفارة
لانه سيرد عليهم اذا كان الزوجين سيدرسون فمن سيهتم بالاطفال ...

ان شاء الله انكون وضحتلك بعض الامور واي سؤال انا في الخدمة ..

ام عائشة السلام عليكم بالله شوفى الاسئلة الى طرحتها لان موعدى قريب وشكرا ليك

sky_libya كتب:

اولا السلام عليكم
تانيا بارك الله فيك على الشرح المفصل الرائع وان شاء الله ربى يسهلك ويوفقك وتحصلى الفيزا انتى والعائلة الكريمة
عندى بعض الاسئلة اولا ورقة تعهد على اساس ترجع بعد مانكمل دراسنى الاكاديمة هدى زى ماقلتى مجهودك الخاص السؤال انا طالب هل نقدر نرفع الورقه للعميد او رئيس القسم ويوقعلى عليها ؟؟؟ ومن الى يختم عليها تانى بالله فهمينا الحطوة اهيا

تانيا شهادة المرتب ؟؟؟؟ ضرورى نطلعها ؟؟؟ ولا كيف مش جايب معاى رسالة الدعم المالى لغرض التأشيرة ؟
مع العلم انى طالب ومترشح من وزارة التعليم العالى ؟؟؟ بالله فهمونا وشكرا مرة اخرى

وفيك بارك الله ..
وان شاء الله يسهل الامور للجميع يارب..

بخصوص ورقة التعهد هذه كانت من مجهودنا الشخصي لانه زي ماقلت في رفض صار لبعض اصدقائنا
وكان الرد من السفارة انه ليس لديهم اي ضامن بأنك بعد انهاء الدراسة من العودة للعمل في ليبيا
يعني هذه الورقة هي زي التعهد من الجامعة ان مكانك في العمل سيكون في انتظارك عند انهاء الدراسة
يعني هذه الورقة تخص اعضاء هيئة التدريس في الجامعة فقط ..

و بما انك طالب فأنت غير ملزم بهذه الورقة لانك غير متعيين في الجامعة
يعني مش عضو هيئة تدريس في الجامعة عشان يطلب منك هذه الورقة ..


بخصوص شهادة المرتب بما انك معيد في الجامعة فأعتقد انك تحضرها من مكتب شؤن الموظفين او الادارة المالية
وطبعا هي مش ضرورية كما ذكرت سابقا ولكن قد تساعدك او تعزز قبولك في الفيزا
لهذا انت قدمها من ضمن الاوراق و مش صعب الحصول عليها ..
وطبعا السبب انه في من تم رفضهم كان الرد عليهم انه ليس لديك معاش كافي ونحن لا نضمن انك ستعود لليبيا
يعني هذه الورقة توضيح للامور ...

الانجليز اصبحوا معقدين و ضروري جدا ان نوضح لهم اي شئ عشان لانترك لهم سبب لرفضنا
ويستر الله ويوفق الجميع يارب

ِAbu Mohamed كتب:

اليوم أخت أم عائشة منورة المنتدى ماشاء الله عليك

المنتدى منور بوجودك وبوجود الاخوة الاعضاء .. وهذا قليل من ما لديك استاذي العزيز

السلام عليكم

ربي يوفقك ان شاء الله وييسرها ليك..

لو ممكن اختى الكريمة نسألك ... افادة البكالوريوس برضو مطلوبه؟؟؟ وهى والماستر لازم ايكونوا مصدقين من السفاره اما لا؟؟

ولو الافادة متاع البكالوريوس مش معايا يعنى بملفى من ايام كنت معيدة فكيف اندير؟؟

اخيرا عزيزتى **وسامحينا ع غلبتك ** بعضهم قالولى اجازه من العمل؟؟؟ بما انه وضعك العلمى مشابه لوضعى فكيف درتى فيها؟؟ لان اخلاء الطرف يعنى قطع الراتب...

وهل ياترى الورقه اهياه مهمه اما لا؟؟؟

سامحينا ع تعبك عزيزتى وربي يوفقك ويرد تعبك وتعب الجميع ,,,

بارك الله فيك أختي أم عائشه ،،،بجد شكرا أف شكر على الرد الشافي والوافي

جزاك الله عنا كل خير

وربنا ايسرلك كل أمورك يااااااااارب

منورة اختي ام عائشة ربي يحفظك

السلام عليكم بارك الله فيك اخت ام عائشة واتمني ان تتحصلي علي الفيزا لدي سؤالين بالغم من تكرارهما اولا ورقة تعهد الحضور بعد اكمال الدراسة انا عضو هيئة تدريس هل يجب ان اعتمدها من عميد الكلية ثانيا ورقة كشف الحساب المالي هل تقصدي من المصرف او شهادة من شؤون اعضاء هيئة التدريس بقيمة الراتب لان الموفد يكون معاه دعم مالي وبارك الله فيك مجددا

السلام عليكم


انا عندى استفسار يمكن للجميع اجابتى انا عندى درجة 467 فى التوفل والرتن 4

وابنتى عمرها سنة ومسجلة فى جوازى

وزوجى لديه جنسية انجليزية

ماهو نوع الفيزا الذى اقدم عليه

وشكراا

om_tomy كتب:

السلام عليكم
ربي يوفقك ان شاء الله وييسرها ليك..
لو ممكن اختى الكريمة نسألك ... افادة البكالوريوس برضو مطلوبه؟؟؟ وهى والماستر لازم ايكونوا مصدقين من السفاره اما لا؟؟
ولو الافادة متاع البكالوريوس مش معايا يعنى بملفى من ايام كنت معيدة فكيف اندير؟؟
اخيرا عزيزتى **وسامحينا ع غلبتك ** بعضهم قالولى اجازه من العمل؟؟؟ بما انه وضعك العلمى مشابه لوضعى فكيف درتى فيها؟؟ لان اخلاء الطرف يعنى قطع الراتب...
وهل ياترى الورقه اهياه مهمه اما لا؟؟؟
سامحينا ع تعبك عزيزتى وربي يوفقك ويرد تعبك وتعب الجميع ,,,

وعليكم السلام ورحمة الله وبركاته
ربي يوفقنا جميعا يارب
بخصوص البكالوريوس مطلوبة لمن لديه ايفاد ماستر
يعني هم يطلبوا في اخر شهادة تحصلتي عليها
وبما ان زوجي لديه ايفاد دكتوراة فطلبوا منه شهادة الماستر


بخصوص التصديق مش مهم في المقابلة تكون الاوراق مصدقة من الخارجية
المهم تكون اصل وصورة مختومة من المكان الصادرة منه يعني الجامعة


بخصوص ورقة الاجازة من العمل مش مهمة
ولكن اللي اهم ورقة من العمل تثبت انك عضو هيئة تدريس في الجامعة
وشهادة مرتب من الجامعة و لكن الاجازة مش توا هذه بعدين ^^

وان شاء الله نكون افدتك ووضحت بعض الامور
وان شاء الله انكون اصبت ولم اخطئ
لانه حتى انا زيكم و لكن بحكم اني سبقت بخطوتين فلدي خلفية على الموضوع
ولكن راني مش خبيرة او متخصصة ^^ وان شاء الله يارب يقدرنا على المساعدة

jamila tobruk كتب:

السلام عليكم بارك الله فيك اخت ام عائشة واتمني ان تتحصلي علي الفيزا لدي سؤالين بالغم من تكرارهما اولا ورقة تعهد الحضور بعد اكمال الدراسة انا عضو هيئة تدريس هل يجب ان اعتمدها من عميد الكلية ثانيا ورقة كشف الحساب المالي هل تقصدي من المصرف او شهادة من شؤون اعضاء هيئة التدريس بقيمة الراتب لان الموفد يكون معاه دعم مالي وبارك الله فيك مجددا

وعليكم السلام ورحمة الله وبركاته
ان شاء الله يارب
وان شاء الله يارب يسهل الامور على الجميع ويوفق الجميع

ورقة تعهد العمل بعد انهاء الدراسة
زي ماقلت سلفا هذه كانت من مجهودنا الشخصي يعني مافيش حد دايرها من قبل
ونعتبروا نحن اول من دار هذه الورقة وقدمها في السفارة
و الحقيقة انه قمنا بتوقيعها من عميد الكلية و وكيل عميد الجامعة
و سأقوم بارفاق مع الرد صورة من الصيغة الصحيحة للورقة
وتقدري اديريها و تطلبي من رئيس القسم و عميد الكلية انه يوقعوها ليك
وكان حصلتي توقيع عميد الجامعة خير وخير ^^

بخصوص كشف الحساب
هذه من المصرف فيها حركة كشف حساب لمدة 6 شهور وتكون مترجمة
وطبعا هذه يفضل لو موجودة ان تضعيها مع الاوراق اثناء التقديم
لانه الانجليز ليس لديهم ثقة في الدولة الليبية ان تقوم بدفع رسوم الدراسة
ولهذا في كم شخص نعرفهم شخصيا تم رفضهم و كان ردهم انهم ليس لديهم ثقة في الدولة بسداد رسوم الدراسة
وشخص اخر تم رفضه لانه المنحة المكتوبة لاتكفي للمعيشة له و لزوجته و اولاده ولهذا تم رفضه
لهذا قمت بوضع كشف حساب لوالدي على اساس انه يتكفل بمصاريف المعيشة لي و لبنتي
وزوجي وضع رسالة الدعم المالي
وطبعا لما يكون كشف الحساب مش ليك ضروري اتجيبي مع كشف الحساب
رخصة مزالة العمل لصاحب الحساب
وورقة مكتوب فيها ان هذا الشخص يتكفل بمصاريف المعيشة في بريطانيا
وحتى هي توا نرفقها مع الرد لمن يريدها او يحتاجها ^^

وربي يوفق الجميع

asmadent كتب:

السلام عليكم
انا عندى استفسار يمكن للجميع اجابتى انا عندى درجة 467 فى التوفل والرتن 4
وابنتى عمرها سنة ومسجلة فى جوازى
وزوجى لديه جنسية انجليزية
ماهو نوع الفيزا الذى اقدم عليه
وشكراا

اختي العزيزة انا مانحبش نفتي فيما لا علم لي به
ولكن اللي معروف انه لو درجة التوفل تعادل او اكثر من 4 في الايلس
اذا يمكنك تقديم على فيزا تاير 4

ولكن بما ان زوجك لديه الجنسية الانجليزية اليس لديه اقامة ؟
اتمنى ان يكون في حد اكثر تخصص يفيدك بالموضوع ^^

السلام عليكم


اشكرك على الرد ...

والله ياوخيتى كل مره نسمع على ورق بشكل... واحد ايقول الافادتين مطلوبات الماستر والبكالوريوس ووالثانى ايقول لا .. واخر يقول اجازه والاخر لا ,,, وانت توا قلتى شهاده مرتب من الجامعه ,,, وهذى حاجه جديده اخرى ,,,,


نبي طلببببببببببببببببببببببببببب ارجوكم ,,,, حد تكون تأشيرته طلعت من فتره اقريبه ايقولى الاوراق بالدقه والديتيلس ,,,

وطلب اخر لو ممكن ... ختم الجوده مطلوب؟؟؟ مع العلم ان الماستر امتاعى من دولة اجنبية ,,,,

اخى ابومحمد ارجوك ماتقوليش ديرى انديترو وفتشى ,,, التفتيش ياخذ وقت وانت سيد العارفين ,,, واعتبروها خدمه وخوذوا الاجر ,,, والكلام للجميع

والشكر موصول لصاحبه الموضوع

om_tomy كتب:

السلام عليكم
اشكرك على الرد ...
والله ياوخيتى كل مره نسمع على ورق بشكل... واحد ايقول الافادتين مطلوبات الماستر والبكالوريوس ووالثانى ايقول لا .. واخر يقول اجازه والاخر لا ,,, وانت توا قلتى شهاده مرتب من الجامعه ,,, وهذى حاجه جديده اخرى ,,,,
نبي طلببببببببببببببببببببببببببب ارجوكم ,,,, حد تكون تأشيرته طلعت من فتره اقريبه ايقولى الاوراق بالدقه والديتيلس ,,,
وطلب اخر لو ممكن ... ختم الجوده مطلوب؟؟؟ مع العلم ان الماستر امتاعى من دولة اجنبية ,,,,
اخى ابومحمد ارجوك ماتقوليش ديرى انديترو وفتشى ,,, التفتيش ياخذ وقت وانت سيد العارفين ,,, واعتبروها خدمه وخوذوا الاجر ,,, والكلام للجميع
والشكر موصول لصاحبه الموضوع

حبيبتي ركزي شوية على كلامي في الموضوع ^^
انا قلت انه في اوراق مطلوبة ومهمة و هي اللي ذكرتها اول شئ

واما الباقي فهو غير مهم وانما يعزز و يزيد من نسبة الموافقة على الفيزا
يعني لو ما جبتيهم لا بأس و كان جبتيهم خير و خير

ختم ادارة الجودة موجود نعم وهو في المقابلة مش مهم
اهم شئ التصديق من الجامعة الصادرة منها الشهادة

ولكن في التعاملات اللي في بريطانيا
التصديق من ادارة الجودة و الخارجية مهمين جدا جدا جدا

وبما انه لديك ماستر من دولة اجنبية فلو الدولة ناطقة بالانجليزية فهذا سعزز على قبولك ان شاء الله
واهم شئ انه تكون شهادة الماستر مصدقة واصل وصورة من الجامعة اللي اعطاتك الماستر

و الموظف طلب منا الماستر اي اخر شهادة تحصلتي عليها فقط ^^

سؤال اخر لو ممكن

هل ختم الجوده مطلوب؟؟ مع العلم ان الماستر متاعى من دوله اجنبيه ؟؟؟ ووين مكان الجوده لو كان مطلوب؟؟

والله المفروض الخارجيه الليبيه يكون عندها موقف من الرفض الغريب و المبالغ للطلبه خاصة إللي ماشيين على حساب الدوله و لازم يكون في معامله بالمثل صح نحن ما عندناش لا طرق او مباني او جولات سياحيه مبهرة و مهرجانات بس في شركات إنجليزيه تبي تدخل السوق الليبي و لازم اتكون المنافسه تشمل الإحترام المتبادل بس يبدو إن إللي عندنا في الحكومه لانهم ما عندهمش مشاكل في التاشيره او التغطية الماليه فباقي الشعب طز طز طز .......بمعني موسى خو عيسى وعيسى خو موسى

اتمنى من الشباب ان لايقف فقط خلف مطالب الحياه كمرتبات او غيرها فقط لكن يجب ان ان يطالب الحكومه بإعادة كرامة الشعب الليبي في الخارج صح نحن كان الطاغيه ماسحنا بكل بس كان العالم عارف صعوبة النظام والظلم يلا موضوع طوييييييييييل ......المهم نحن بعد الثوره المجيده لن نهان ولن يدوس حد على كرامتنا لا في ليبيا او خارجها ولن نصبح تبع لاحد لن نعود للقيود ......والصور السيئه اللي تنقل عن ليبيا يجب ان يحاسب المسؤل عنها .....او نعترفو نحن نسترو ارواحنا وانلزو وكالات الانباء و انسكرو على ارواحنا عشان ماحد لا يشوف او يسمع ......اسف على الإطاله لكن من دراه كبدي والله

السلام عليكم ورحمة الله وبركاته
قدمنا على الفيزا طالب زائر لزوجي
وانا وبنتي على فيزا سياحية
يوم 20-6-2012
وتم الرد علينا بعد 21 يوما بالزبط
وردوا علينا برسالة في النقال يوم 10-7-2012
لاننا اشتركنا في خدمة الرسائل
بأن الاوراق وصلت و هي جاهزة لاستلامها
واستلمنا الاوراق
والحمدلله تحصلنا على التأشيرة

الف مبروك اختي ام عائشة
وربي اوفقك ويفتح عليك