رحلتي مع يوم المقابلة لغرض الحصول على التأشيرة البريطانية

mar1408 كتب:

انا مقدم من السعودية
والمقابلة تكون عن طريق اسكايب مع موظف في السفارة البريطانية لان تسليم الاوراق يكون عن طريق شركة وليس السفارة نفسها

أخي الكريم في السعودية يختلف عن ليبيا ونحن هنا نتكلم على الإجراءات من ليبيا وفي هذه الحالة لايعملوا في أي نوع من المقابلات والأوراق نفس الشئ يتم تسليمهم إلى شركة وسيطة.

السلام عليكم يا ريت حد من الاعضاء اينزل الرابط الخاص بالسفارة ونمؤذج التسجيل ونمؤذج الابلكيشن وكل ما يتعلق بالتاشيرة الله يرحم ولديكم

احمد بدر كتب:

السلام عليكم يا ريت حد من الاعضاء اينزل الرابط الخاص بالسفارة ونمؤذج التسجيل ونمؤذج الابلكيشن وكل ما يتعلق بالتاشيرة الله يرحم ولديكم

وعليكم السلام

موجود من زمان كل اللي قلت عليه وبالصور والتوضيح والتفصيل ومثبت في هذا الموضوع
كيفية حجز موعد للتأشيرة وملأ استمارة التقديم (الأصلي)

منقول
Rabei Arhaim Elfakhry
October 17 at 9:22pm
قدمت امس 16-10-2014 علي التاير فور في تونس وإليكم الخطوات''' اسم المكان كما يعرف آصحاب التاكسيات تيليس -مقر التقديم عالسفارة الفرنسيه وفي الداخل تلقي مكتب الانجيليزيه ،،،، جنب مصحة عليسه ،،، توصل المكان تلقي آمه لاإله إلا الله كلها قدامك تخافش كلهم توانسه بيقدموا عالفرنسيه هذا الطابور اللي عاليسار عاليمين 3 او 4 اشخاص هذوم جايين للانجلزيه تسآل الامن عالباب آنا جاي تقدم عالتآشيره الانجليزيه يدخلك ولان مكان التقديم بعيد من اماكن تاجير اليبين وطريقه زحمه لانه نفس طريق المطار آطلعوا بكري آقل شي قبل ساعه ونص من الموعد ،،،، عند البوابه ياخدو منك ورقه الموعد ويقوللك انتظر بعد دقايق يدخلوك ،،، دخلت آنا والاسره زوجتي ،،الموفده،، وابنتي وانا المرافق ،، في داخل مركز التقديم يجلسوك علي كراسي وينادوا بالاسم بنت علي الطاوله في زاويه جنب باب المكان تطلب منك الابليكيشن وصوره شخصيه وحده والجواز تاخذهم منك ادخل بيانات بعدين تعطيك توقع الابليكيشن الصفحة الثانية و الاخيرة ،، التوقيع و تاريخ اليوم ،، وتقولك للعلم الجواز حيبقى عندنا 15 يوم عمل تقول موافق تقولك امشي للشباك اللي بعدي ادفع اي للخزينة،،، و قيمة تاير فور 1107 للفرد نحن 3 افراد دفعت 3321 دينار تونسي ،، فالخزينة تعطيك اوصال بعدد المتقدمين و تقولك احتفظ بيهم و تقولك اجلس في الانتظار و راقب الشاشة اللي فيها الاسماء ومن يضوي اسمك فالشاشة يصبح برتقالي اتجه لرقم الشباك المقابل لاسمك ،،،، نادوا زوجتي بعدين بنتي بعدين انا ،،، ياخذوا منك كل الاوراق اصل و صورة عدا الابليكيشن نسخة وحدة فقط و يعطو كل فرد ورقة يستلم بيها جوازه ،،، و يقولك الان اجلس في منطقة انتظار2 بايو مترك لحد ما تضوي الشاشة باسمك والبايومترك هو المكان اللي يصوروك و يبصموك فيه،،، انا وبنتي مرافقين كانت هذي اخر خطوة لنا و قالوا لنا تقدروا تغادروا،،،، زوجتي بعد بصمة و تصوير قالولها اصعدي دور ثاني عندك مقابلة عبر سكايب مع وزارة الهجرة البريطانية لان هي الموفدة ،،، يتحدث معك شخص لا تراه تسمع صوت فقطالاسئلة كالتالي : اسمك مواليدك رقم جوازك و حنسيتك . سبب اختيار الجامعة سبب اختيار بريطانيا اسم الكورس ومستواه و سبب وهدف الدراسة و ماذا سيقدم لك فالمستقبل .. أين وكيف ستسكن في بريطانيا و كيف ستتنقل داخل المدينة وما تكاليف المواصلات .. ماهو عنوان جامعة تفصيلي داخل بريطانيا متى قدمت الابليكيشن ومتى حصلت على القبول وكيف كانت الاجراءات للعلم أنا دكتوراة مقابلة نصف ساعة قبلها بنتين لغة برسيشنال كورس فقط 10 دقائق مدة مقابلة
https://www.facebook.com/groups/246835678714963/791395264258999/?comment_id=791445597587299&notif_t=group_comment_reply

السلام عليكم
حابه نعرف شن نوع الاسئله اللي يتم اسئلتهم في المقابله؟؟
يعني عليش يسألوا ؟؟
شكرا

السلام عليكم
اني فهمت من المشاركات السابقه ان الرد علي التأشيره ممكن ياخذ 4 اسابيع فـــ سؤالي كم ممكن تكلف القعده من اجار ومعيشه ومواصلات في المتوسط؟؟؟ وايضا رسوم الفيزا التير فور كم تحديدا ونبي عنوان السفاره في تونس وين؟؟ وفي اي مدينه تونسيه...بارك الله فيكم

الجهمي كتب:

السلام عليكم
اني فهمت من المشاركات السابقه ان الرد علي التأشيره ممكن ياخذ 4 اسابيع فـــ سؤالي كم ممكن تكلف القعده من اجار ومعيشه ومواصلات في المتوسط؟؟؟ وايضا رسوم الفيزا التير فور كم تحديدا ونبي عنوان السفاره في تونس وين؟؟ وفي اي مدينه تونسيه...بارك الله فيكم

التاشيرة الانجليزية من تونس

رسوم التاشيرة 1107 دينار تونسي وتوة فيه رسوم جديدة بقيمة 150 باوند في السنة (اضربي في 3 تقريبا) عن كل فرد يقدم على التاشيرة في حالة الطلبة و200 باوند لغير الطلبة وهنا شرح للرسوم
https://www.gov.uk/government/publications/immigration-health-surcharge-information-for-migrants