كل مايخص خطوط طيران وتذاكر ورحلات بين ليبيا وبريطانيا

تذكرة سنوية ذهاب وإياب إلى لندن على اللوفتهانزا بمبلغ 696 دينار ،،، مع العلم أن الترانزيت مش هلبة ،،، بالإضافة إلى أنه يمكنك أن تحجز على موقعهم أون لاين وتمشي تخلص التذكرو وتستلمها من مكتب اللوفتهانزا في طرابلس ، برج طرابلس الدور الثاني ...

الخطوط ممتازة جداً ،،، سافرت على متنها مرتين قبل حوالي 13 سنة !!!

اريد استفسار عن البضائع الممنوع وضعها في الحقيبه حتي لا تسبب المشاكل

تذكرة سنوية من طرابلس مباشرة إلى هيثرو لندن بسعر 643 دينار على الخطوط البريطانية ،،، أعتقد لأنه سعر مخفض ، لأن البريطانية كان سعر التذكرة الشهرية فيها حوالي 1200 دينار ليبي ،،،

يمكنكم زيارة موقعهم والاطلاع على أسعار الشهرية أو لمدة أكثر أو ذاهب فقط !!!

للتو اطلعت عليها ،،،

شهرية بـ 632 دينار !!!

ذهاب فقط بـ 820 دينار !!!

طبعاً لو في شخص بيسافر عليها الأفضل أن ياخذ سنوية ، لو استعمل الذاهب والإياب كويس ، ولو ما استعملش الإياب أو العودة يخلي توكيل لأي شخص يرجعله جزء الإياب متع التذكرة ، وبذلك تجيه رخيصة نوعاً ما (حسب وجهة نظري) !!!

صحيح أخي محمد ، حتى أنا تفجأت بالأسعار ،،، لأني قبل فترة شفتها لقيتها غالية جداً ،،،، ولكنها فعلاً هذه هي الأسعار الفعلية مع الضرائب التي أعطاها لي موقعهم (ببعض التواريخ التجريبية) !!!

يمكن الدخول لموقعهم التأكد من ذلك !!!

حتى الافريقية اولا لاغية التخفيض اللى من حق الطالب بعد ماتوريهم كرت الطالب وورقه القرار مفروض فيه تخفيض

ومش مشكله المشكله انه لما سافرنا عليها ودفعنا وامورنا تمام تفاجئنا بانهم دفعونا مبلغ مش هين ع الوزن الزائد ... مع ان والله مش واخذين شئ ثانوى ابدا يعنى طبيعى الواحد عنده اطفال بياخذ غيارات معاه ....بس عبينا ع شناطى الصغار انها تشيل وزن طلعوا خارج الوزن يعنى تذاكرهم ماعليهاش وزن وشلتهم انا وزوجى ودفعنا المقسوم

انتبهوا للنقطه اهياه اخوانى ..

بالله اللي يعرف كم الوزن اللي يعطوا فيه الخطوط الليبية أو الأفريقية على كل تذكرة ؟؟

قبل أيام درت حجز أون لاين على موقع الخطوط التركية إلى أدنبرا وأعطاني الوزن المسموح به 30 كيلو عن التذكرة ذهابا وإيابا .

حتى انا نبي نسال علي الوزن المسموح بيه.... وعن عمر الاطفال؟؟
مثلا الرضع تذكرتهم مبلغ بسيط..... لكن الي عمرهم فوق السنتين يدفعو 76% من قيمة التذكرة معقولة ماعندهمش وزن!!!
بالله اخواني وضحولنا اكثر قبل مالواحد يتبهدل قدام الناس.....

نعم أختي هبة ،،، حسب ما أعرف وما مررت به سابقاً في سفري مع أسرتي ،،، فإن الخطوط يعطوا للرضيع اللي أقل من عامين في 10 كيلو وطبعاً ما ياخذش كرسي في الطائرة (إلا إذا كانت هناك كراسي شاغرة بها) !!!

أما الطفل اللي عمره عامين فما فوق فهو يأخذ كرسي في الطائرة ويعطوه وزن مثله مثل المسافر البالغ !!!

رحلة آمنة لجميع المسافرين !!!

آآمين يارب.... ربي يسهل الاجراءات للجميع ويوصلهم بالسلامة.....

من خلال الاشعارات بالتذكرة الخاصة بالخطوط الليبية هناك بعض الادوات تنقل ومجانا وهي:
كرسي بعجل قابل للطي للمقعدين وعكازين يشترط ان لا يكون للراكب غنى عنها.... ومظلة المستعلمة عند المطر...مهد قابل للطي وطعام للطفل... صحف ومجلات للمطالعة اثناء الرحلة... الة تصوير صغيرة ونظارة مزدوجة... معطف غطاء للسفر... حقيبة يد للسيدات...

عندي سؤال الي ذوي الخبره....الان انا في صدد حجز تذاكر سفر الي لندن علي حسابي الخاص و لا اريد انتظار صدورهن من البعثات ... السؤال هل حجز تذاكر الذهاب و العوده يكون افضل من حجز الذهاب فقط مع العلم ان من وجهة نظر المسافر علي حسابه الخاص بالتأكيد انه سوف يفضل الحجز بالذهاب و العوده... لان الفارق في السعر ليس كبير في حين شراء كل مرحله علي حده تكون التكلفه اكبر بكثير....اريد رد علي تساؤلي هذا كطالب موفد وليس كمسافر علي حسابه الخص؟؟
افيدونا بارك الله فيكم

السلام عليكم ورحمة الله وبركاته
اكيد حجز التذاكر ذهاب واياب يكون افضل للطالب الموفد او على حساب نفسه لان الفارق في السعر بين التذكرتين ليس كبيرا . كما ان العديد من الطلبة عندما يتحصلون على التذاكر من البعثاث يقومون بدفع الفرق حتى تصدر لهم ذهاب وعودة لان البعتاث كما تعلم تصدر في التذاكر ذهاب فقط

بارك الله فيك اخ حمزه

السلام عليكم

بالنسبالنا الاطفال كانت البنت الصغرى عمرها سنة ووالله ماخذولهش وزن ابدا وقالولنا ماعليهاش وزن واما الباقى ولدين والله مجبناهمش لاسباب خاصة*متخلينيش نبكى ***

وان شاء الله نجيبوهم قريب لما نديروا تاشيرة التاير فور بعون الله..

بالنسبه للوزن المسموح ع الافريقيه 30 ك للشخص

وبالنسبه للسعر اعتقد تذكره الطفلة كانت 32 دينار او 72 والله ماعاد نتفكر

بالنسبة للى دفعناه 100 دينار بعد المداولة لانها كانت 200 بالاول

ونزيدكم من الشعر بيت والله الطائره اللى فيها ماوصلوش ل 30 راكب منعرفش ليش ياخذوا فلوس ؟؟؟

نعرف عائله خذوا اضعاف اللى خذيناه وعدد صغارهم قليل والصغيره اقل من سنه كانوا مسافرين ع الليبيه والله مادفعوهمش شئ

فممكن بالك افضل للى شناطيه كثيره

وهذا للفائده

انا قمت بالحجز ذهاب فقط ,, لان عند سؤالي على تذاكر الذهاب والعوده السنويه قيمتها تصل الى 1200 دينار تقريباوالخطوط التركيه كانت 1450 دينار في حين الذهاب فقط دفعت تقريبا 650 دينار !!

السلام عليكم ورحمة الله وبركاتة
عند الحجز في مكتب الخطوط الليبية مصرين علي ان تكون التذكرة ذهاب واياب والسبب ان في حالة حجزت تذكرة ذهاب فقط سوف يتم ارجاعك من المطار في المملكة المتحدة ... ما صحة هذا الكلام للاخوة اللي سافروا ذهاب فقط..

السلام عليكم ورحمة الله وبركاته

اهلا بيكم اخوتي بالمنتذى

هذا الكلام لا اساس له من الصحة لانه بالامس فقط صديقنا بالمنتذى حمزة ذهب الى لندن بتذكرة ذهاب فقط ولم يتم ارجاعه ولكن للعلم انه عنده تأشيرة طالب زائر لانه بيدرس 11 شهر كورس لغة انجليزية

بس ممكن تكون تذكرة الذهاب والعودة مطلوبة للي عندهم تأشيرة سياحية

والله المستعان

بارك الله فيك اخي الكريم
ليس تأشيرة طالب زائر او سياحية وانما تأشيرة تير فور

والغريب ان جميع المكاتب مصرة علي أصدار تذكرة الذهاب والعودة .