أسئلة بخصوص ليدز والدراسة فيها

سؤال عن كيفية الحصول على حاضنة و روضة أطفال في ليدز

السلام عليكم

انا ناوي السفر انشاء الله لبريطانيا نهاية شهر 9 ودراستي ودراسة زوجتي تبدا1/10 و عندنا طفلين واحد 3 سنوات والثانية سنتين ارجو من الاخوة ان يفيدوني على كيفية الحصول على حاضنة وروضة أطفال في ليدز ولكم جزيل الشكر مسبقا

جزاك الله خيرا اخي ابا محمد وجعل محمد قرة عين لك

السلام عليكم ورحمة الله وبركاته
الصراحة المنتدى ساعدني بنسبة95في المئة في اجراءات الايفاد من قبول وتاشيرة وتفويض والحمدلله الامور تمام وحاليا كملت اجراءات التفويض وعطيت الاوراق للمندوب بالجامعة ونستنى في التفويض
بس نتمنى مساعدة اخرى من الاخوة القاطنين بمدينة ليدز نتمنى لو في عضو يدرس هناك يراسلني نبي نستشيره بعض الامور وخاصة انها مكان دراستي
او يعطيني معلومات على السكن ونصيحته بالخصوص لانه اعتقد الصعوبة الوحيدة بالنسبة للدارس بالمملكة المتحدة
وتحياتي للجميع

بارك الله فيك خوي ابومحمد

بالنسبة للسكن هل الافضل السكن مع عائلة او بمفردي حسب خبرتك في سرعة تعلم اللغة كذلك من ناحية الاسعار لو عندك معلومة وايضا هل نحجز من توا عن طريق النت او نوصل ليدز وبعدها نختار

تحياتي ليك

ان شاء الله ستكون دراسة اللغة في مدينة ليدز

ومن هنا لا وقت الدراسة بعد 3 اشهر ان شاء الله نكونوا صورة عامة عليها ونتعرفوا بحد كان او لازال هناك فالمدينة ويسهل الله ان شاء الله

dadaa1982 اخونا

السلام عليكم ورحمة الله

من باب ان الدين النصيحة

فاود ان انصحك انك تحاول ان تدرس لغة في ليبيا حتي عندماا تاتي باذن الله تكون امورك تمام

لاتترك فراغ من وقتك الا وتملئه بدراسة اللغة

اقصد اتعب شوية في ليبيا بيش ترتاح عندماا تصل لبريظانيا وفي المظار وفي تعاملاتك عندما تصل

وعليكم السلام ورحمة الله وبركاته

بارك الله فيك أخوي هيتم

إن شاء الله أهو أحاول أهو على الأقل نهيء روحي شوية

ونراجع في الإنجليزي مرة مرة لأني طالب توا في اكاديمية الدراسات العليا وبصراحة مبيتش نوقف على الأقل نكمل الفصل هذا بيش نسافر وتبقالي مادتين هناك في الاكاديمية عالماستر على الأقل مرات يجيبنا الوقت ليهم

فلهذا نحاول مع محاضرات الأكاديمية اني نقرا شوية في الإنجليزي ومعتمد علي الله اولا ثم مجهودي في هالأمر ويسهل الله

شكرا ليك وبارك الله فيك على النصيحة أخوي

وكانك وصلت لليدز وقاعد غادي عاد منوصوكش رد بالك مننا خصوصا لما نوصلوا هناك

تحياتي

ياخوي 1982 ممكن تقولي اما معهد مسجل فيه بليدز لو معهد بوب معناها خوك الكراخلي بتلقاه قدامك ههههههههه

السلام عليكم

هههههههههههههه

اهلين خوي محمد لا في مدرسة ليدز انجلش

ونتشرفوا بيك اخوي محمد من امتى انتا غادي في معهد بوب؟

لا انا مازال في ليبيا بس شهر نص على الاكثر نمشي لكن بالرسمي دوختني قصة السكن معاش فهمت شئ لو فهمتها بالله عليك قولي تدير فيا معروف

dadaa1982 كتب:

السلام عليكم

هههههههههههههه

اهلين خوي محمد لا في مدرسة ليدز انجلش

ونتشرفوا بيك اخوي محمد من امتى انتا غادي في معهد بوب؟

خوي dadaa1982 مدرسة ليدز انجلش هو نفسه معهد البوب اللي يحكي عليه خوي محمد كراخلي وهذا اسم الشهرة للمعهد.

أهااا اخوي ابو محمد هذي معلومة مقلتليش عليها

*******

اخوي كراخلي اهو طلع نفس المعهد ههههههه ان شاء الله نتلاقوا عالخير

الحقيقة السكن توا محوله من دماغي بكل لأنه قدامي زوز غول نطلع منهم بعدين ساهل

التأشيره + التفويض

بعدين السكن نفكر فيه لكن مبدئيا حندور سكن في عائلة باعتبار اني بروحي

على الأقل لمدة 3 شهور بعدين ساهل يمكن نشوفولنا استوديوا لو فيه رخيص

انشاء الله موفق خوي 1982 وعموما انا نستنى في التفويض 17 انشاء الله وحتى اني نفس الشئ عزابي والجو فرررررررررررري
لكن ياخوي عالق للخير لان مالقيت حد في ليدز او يعطيني فكره على المدينة لكن بنتوكل على الله وبما ان الواحد عزابي ماعنده مايخسر
وباذن الله لو وصلت قبلك والامور تمام ماتدور شئ وباذن الله تلقاني قدامك في اي حاجة
اهممممممممم حاجة كارطه او بلايستيشن معاك ضروري ياحر ههههههههههههههههههههههههههه
نهدرز طبعا مش بالرسمي ههههههههههه

خلي نجربو فيك فيك يا خو محمد وان شاء الله توصل غادي وتستقر وتكتبنا موضوع علي مدينة ليدز مرات نلحقوقك غادي وانت تكون دليلنا السياحي هههه

بأذن الله يا اختي فرح لو سافرت واستقريت مش حنقصر معاك ومع اي ليبي في اي حاجة وخاصة السكن لانه هو اصعب شئ من ناحية الحجز وتوابعه وباذن الله حتى تاكسي عربي حنمدكم برقمه يستناكم في المطار معناها بالنسبة لليدز مادوري شئ.
وانشاء الله ربي يوفقنا جميعا

السلام عليكم

ههههههههههه تكيف تشاور الكارطة جاياتك والبلي ستيشن ما يهمك في شي غير جيب يد معاك بس هههههههههه

لا الحمد لله اهو متهنييك بيك ان شاء الله غير اول ما توصل عندك اسبوع راحة مننا بعدين كلمنا وتو نريحوك باهي هههههه

أختنا فرح أهليك بيك وخوتك ان شاء الله يهنوا في اي مكان وانا مانعرف شي علي ليدز لكن مادام لقيت ليبي واحد معناها معاش تخمم في شي

وان شاء الله خير

هههههههه

الله يبارك فيك تسلم جي في وقته بصراحة

عشت يا باشا منور

السلام عليكم
انا عضو جديد في المنتدى عندي ايفاد للدراسة بالخارج في مجال دكتوراة ادارة الاعمال وعندي قبول لغة في ليدز اود معرفة بعض المعلومات عن المنطقة والمعهد وهو الملقب بالبوب تقريبا وخصوصا السكن وجزاكم الله خير

السلام عليكم / خويا انا انصحك بالاخ محمد الاصيبعى هو عضو في المنتدى ورب يفتحها عليه دنيا واخره صدقني حتستفيد منه في حاجات واجده فوق ماتتصور

السلام عليكم

أهلا بك اخوي الكريم في المنتدى نتمنى لك الإستفادة والإفادة

ونتمنى لك كل التوفيق في دراستك إن شاء الله

أخي الكريم أنا أيضا موفد لدراسة الماجستير حاسب آلي إن شاء الله لدي كورس إنجلش في نفس المعهد ومفترض أن يبدأ في شهر 2 قبولي هناك

والحقيقة حسب ما سمعت عن المعهد لا بأس به فهو سناسب أولا وأخرا ماديا الإيفاد في رسومه

وأيضا مستواه على حسب ما شفت في مواقع الإنترنت أنه ليس بالسيء وليس بالخارق ولكنه جيد جدا

وعن مستوى المعيشة في ليدز يعتبر أفضل من كثير من المناطق ولا بأس به

أخونا العزيز أبو محمد نقل لنا موضوع متكامل وجيد عن المدينة تجده في الرابط التالي

ولك كل التوفيق اخوي

http://www.almofad.com/t12588-topic

شكرا اخي الزلاوي على الرد ونتمنى لك التوفيق