أسئلة بخصوص ليدز والدراسة فيها

شكرا اخي dadaa1982 على الرد ونتمنى لك التوفيق

بالنسبة لمعهد بوب معهد متميز واني حنبدأ الدراسة فيه يوم 26/11 ومشكلته حسب المنتديات الخليجية نص الطلبة فيه سعوديين وخليج الباقي معهد رائع
وعموما لو تصبر شهر اخر حنعطيك خلاصة ممتازة من ارض الواقع
وانشاء الله بالتوفيق

شكرا اخي محمد على الرد وجزاك الله خير ياريت لو مافيهاش احراج شن فكرتك عن المستندات المطلوبة لفتح الملف في السفارة وهل كتيب العائلة مهم

الصراحة والله ماعندي فكرة لانه اسمي طلع اليوم بس في تفويض 17 لذلك المستندات مافكرتش فيهم

السلام علييكم ورحمة الله وبركاته اخوتي الكرام انا موفد لدراسة الماجستير ومحتار بين مانشستر وليدز وكوفنتري وكاردف فبماذا تنصحوني ايهم افضل للعائله الليبيه من حيث السكن والمناخ والتسوق انا في انتظار الرد

مانشستر

هي اضرب هي حتى عمدة مانشستر ما يجاوبكش بالثقة هذي

ههههههههههههههه

شكرا اخ محمد

ابو ايهم كتب:

السلام علييكم ورحمة الله وبركاته اخوتي الكرام انا موفد لدراسة الماجستير ومحتار بين مانشستر وليدز وكوفنتري وكاردف فبماذا تنصحوني ايهم افضل للعائله الليبيه من حيث السكن والمناخ والتسوق انا في انتظار الرد

اللي يحكمك هو تخصصك والقبول بس لو أنا مكانك نختار بالترتيب:
1- مانشستر
2- ليدز
3-كوفنتري
4- كاردف

السلام عليكم ورحمة الله وبركاته شكرا للاخوه على الرد ولكن انا متتردد في اختيار مانشستر لمعلوماتي بانه يصعب ايجاد مسكن ملائم في وسط المدينه فهل هذا صحيح

اخى ابو محمد واخى لاصيبعى ...



مع احترامى ليكم بس مش التخصص وقوة الجامعه فيه هيا اللى تحكم؟....؟؟؟؟

بشكل العام الشمال كله معقول نسبيا مقارنة بالجنوب بس تبقى مساله تخصصى اقوى بانهو جامعه؟؟؟.

والا شن رايكم

ع فكره : الحق تعلمت هالكلام والمنطق من الموقع وخصوصا من الاخ محمد لاصيبعى الله يوفقه ياما ساعدنا ونصحنا مستحيل ننسوا جميله معانا

ومن بعده الاخ ابو محمد الله يوفقه ياما تعبناه بالاسئله وديما موسع باله لينا

نشكرهم شكر خاااااااااااااااااااااااااااااااااص

سلام

السلام عليكم ورحمة الله

dadaa1982 محمد كراخلي

العبد لله ايضا في معهد بوب

اهم شئ اللي تجبوه معاكم هو برقية االخزانه لان المعهد مش حيخليكم تفرو لين تجيبو ورقة الضمان المالي من السفارة والسفارة اهم ورقتين هم برقية الخزانه الحمراء وبداية الصرف من البعثات

وايضا اخر الشهادات تكون مصدقة من االجودة

ضروري جداا يا اخوة

سامحوني على تقصيري الشديد لاني والله الذي لا اله االا هو اني قاعد مش زبظ هلبه بس اي شئ في الامكان مش حنقصرو ان شاء الله

طيب شن معلوماتك بخصوص السكن مع عائلة .... ويكون السكن قريب هلبا من المعهد يعنى مايحتاجش مواصلات....
وهل بامكان المعهد استقبالك فى المطار ويوفلك سكن مع عائلة او يججزلك فندق للايام الاولى من الوصول ,,,,
يعنى باختصار خدمات المعهد للطلاب ....

بالله ماتغيبش علينا هلبا يا خوى هيتم ... وربي يعاونك ع الدراسة ...تحياتى

سؤال تانى هل فيه شخص يقدر يستقبلك فى المطار وينسقلك امورك ويكون صاحب خبرة ويعرف الفنادق كويس ...

شكرا اخونا الكريم هيثم نمنولك التوفيق

انت كم ليك غادي في ليدز من امتى بدأت ؟

ونفس سؤال سوما مع اني وعلى حسب علمي ان المعهد يوفر لك الإستقبال والمساعدة في إجراءاتك الأولية كبطاقة الطالب والتسجيل في الشرطة وحتى السكن والله اعلم

ياريت تقولنا في ليدز اما انسب وارخص نسبيا (لعزابي زي حالاتي)

وان شاء الله لينا بعض الأمور الأخرى خصوصا مع اقتراب موعد السفر ويا حبذ اخو لو تقوللنا فترات دخولك هل مستمرة او تعطينا الإيميل وشكرا لك

والله مش عارف بالضبط لكن نسال الزملاء في المعهد ونرد عليكم ولو في اي شئ مهم ابعثولي عالخاص

باهي شوف براحتك خوي واي معلومة بلغنا ومنور هلبة وشكرا

على فكرة هوا فيه موضوع ممتاز لأخونا ابو محمد فيه اغلب الأجابات على هالأسئلة وبارك الله فيه

بالنسبة لمعهد بوب ثمن الاستقبال من مطار مانشيستر 100باوند

هده معلومات موجودة فى الموقع متاع المعهد

مش عارفة ياخوى dadaa
لو انك شوفت الموقع هدا او لا وهو بخصوص فندق 3 نجوم وقريب هلبا من المعهد واسعاره رخيصة جدا
وخدماته كويسة .... ان شاء الله يعجبك ....

وتقدر تاخد العنوان من خلال الموقع
وهو يبعد دقيقتين مشى من المعهد ]http://leedsenglish.com/portal/alias__LeedsEnglish/lang__en/tabid__2108/default.aspx

مشكورة جدا اخت سوما

شكرا اختي سوما

لا قبل ما شفتاش لكن فعلا يعتبر مناسب على الأقل الواحد لين يرتب اموره شوية

تسلمي

تفضلوا انى فى الخدمة ... ربي يوفقكم ان شاء الله