ليا اكثر من شهر مقدم عالتاشيرة الكندية وما فيش رد. . مالحل؟

السلام عليكم
انا قدمت عالتاشيرة الكندية من يوم 06-01-2013 ومازال ما وصلني شي منهم بالرغم ان الموظف قاللي حيوصلك ايميل بخصوص الكشف الطبي بعد ثلاثة اسابيع

واتا ابعثلهم ايميل استفسار يوم الاحد بتاريخ 03-02-2013 وايضا مافيش رد
شن المشكلة؟
وهل التاخير مؤشر على الرفض ؟

وانا كذلك. قدمت يوم 9 يناير ولحد الان مافيش رد لدرجة اصيبت بالاحباط من الانتظار.
قلت نصبر الى بداية الاسبوع الجاي ونبعث الايميل وانشاءالله خير.

ان شاء الله يردو عليكم قريب ان ردوا بعد 4 اسابيع و 4 ايام تقربيا

موفقين جميعا

السبلم عليكم : حتى انا نفس اليوم 6 1 ولتوة ما بعتولي شي والموظف قال لو بعد 5 اسابيع ماردوش ابعتو ايميل واستفسرو والاحد الجاي يولو خمس اسابيع ويستر الله

السلام عليكم

بالتوفيق للجميع


الرجاء المرور بهذه المشاركات فلعلها تُصبركم بعض الشيء
^^

الرابط الاول
السلام عليكم والله فديت فهموني بالله عليكم


ثم رابط الفرحة
^^

هنا
الحمد لله ياااااارب وصلتني التأشيرة اليوم

شكرا لمروركم وردودكم
ان شاء الله ربي ايطمن بالكم جميعا

الاخ alhusain

لو سمحت شن قلتلهم في الايميل ياريت لو تعرض لنا نص الايميل الى بعثه للسفارة. انا اليوم ليا شهر مقدمة على التأشيرة ونفكر ابعث ايميل يوم الاثنين القادم بإذن الله.

كيف صار مرات السفارة تطول فى بعث رسالة الاميل بشان تاشيرة جاهزة ؟
2- كم المدة زمنيه بين تقدم ااتاشيرة الى ارسال لك كشف طبى ؟ مدة طبيعية
3- كم المدة زمنية بين اجراء فحص الطبى الى صدور تاشيرة ؟ يعنى يبعثولك رسالة بان تاشيرتك جاهزة
4- امتى نبعث الاميل للسفارة ؟ اريد اميل سفارة كندية فى تونس
افدونا ولكم شكر

salem.amssad كتب:

كيف صار مرات السفارة تطول فى بعث رسالة الاميل بشان تاشيرة جاهزة ؟
2- كم المدة زمنيه بين تقدم ااتاشيرة الى ارسال لك كشف طبى ؟ مدة طبيعية
3- كم المدة زمنية بين اجراء فحص الطبى الى صدور تاشيرة ؟ يعنى يبعثولك رسالة بان تاشيرتك جاهزة
4- امتى نبعث الاميل للسفارة ؟ اريد اميل سفارة كندية فى تونس
افدونا ولكم شكر

خوي سالم المدد تختلف من شخص لاخر يعني فيه من بعتوله الكشف الطبي حتي قبل شهر بعد تاريخ التقديم وفيه حتى بعد شهرين من التقديم يعني الظروف تختلف ,,,
وبالنسبة بعد الكشف الطبي في العادة تاخد من 3 أسابيع إلى شهر كمدة طبيعية
والفترة كلها من تاريخ التقديم إلى تاريخ الحصول على التأشيرة من شهرين إلى 3 أشهر
بالتوفيق

اخواتي يا ريت تعطوني الايميل اللي بنراسل بيه السفارة في طرابلس وفي تونس وشكرا

basmalibya كتب:

اخواتي يا ريت تعطوني الايميل اللي بنراسل بيه السفارة في طرابلس وفي تونس وشكرا

أختي هادا ايميل السفارة في طرابلس
trpli.immigration@international.gc.ca,
وهادا ايميلهم في تونس
tunis.immigration@international.gc.ca
بالنسبة للايميل اكتبي فيه معلوماتك كاملة وتاريخ التقديم والافضل انك تكتبي عنوان الرسالة برقم جوازك
بالتوفيق

السلام عليكم
احي انالعندي تجربة مريرة مع السفارة الكندية ولكنها لن تتكرر مع اي احد باذن الله .التاشيرة تحصلت عليها بعد 8 اشهر من التقديم وماوجدته من خلال التعامل معهم ان الحضور الشخصي في السفارة له تاثير اكبر من الايميلات زوعليك وعلى الاخ الموجود في قسم التاشيرة اللي اسمه فراس على ما اتذكر لانه شخص متعاون جدا وممكن يفيدكتقدر تكلمه على تلفون السفارة وهدا تلفون السفارة0213351633 اختر اللغة العربية ( اصغط 1)ثم اما تكلم الاستعلامات بضغط على 0 والاحسن تكلم قسم الفيزا بالرقم 3401
اخيرا وليس اخرا الكشف الطبي حتى انا جاني بعد حوالي شهر يعني ترقب الكشف الطبي هذه الايام .موفق باذن الله وان شاء الله تحصل على التاشيرة

السلام عليكم
التعطيل في الرد امر طبيعي من قبل السفارة يعني شخصيا بعتولي نماذج الكشف بعد 48 يوم بالتحديد ودرت الكشف وبعدها ب10 ايام فقط طلعتلي التأشير والحمد لله لكن المشكلة مش هنا التأشيرة من تاريخ 28\ 11 يعني قريب ليها شهرين ونص طالعة ولحد الان مزال ما طلعتش وشكلهن بيسكرن عالتلاتة شهور

السلام عليكم
الى الاخت f-Libya , om Ahmed , basmalibya نبي نستفسر منكم هل وصلتكم نمادج الكشف الطبي ؟
لاني انا ايضا مقدم علي التأشيرة منذ 24 يوم وفي انتظار نماذج الى الان

والله لتوة لا وانا لبا اكتر من 35 يوم ولتوة مافيش خبر ولا رد واليوم السفارة في طرابلس مايردوش كانه مهناكش حد

ان شاء الله خير يارب يسر امور كل الطلبة

بالنسبة لاستفسار amro_mat

انا قدمت عالتاشيرة يوم 06-01-2013 ومازال ما وصلنيش نماذج الكشف الطبي

شكرا يا اخوتي على اجابتكم
وبالنسبة لي انا نستنى ليوم الاثنين ولو ماجاش رد بنبعث ايميل استفسار على العنوان الي اعطاهولي الموظف في السفارة وقالي ابعث استفسار بعد 4اسابيع

السلام عليكم وكيف حالكم جميعاً وكل العام وانتم بخييييير بمناسبة الثورة المجيدة.
عموما اعتقد ان الاسبوع القادم تو يبدو يردو على المجموعة الي قدمت اوراقها بداية شهر يناير ومن بينهم انا بإذن الله. لانهم ممكن كانو يستنوا في شائعات 15 - 2 والذي اتبث فيه الشعب الليبي الذي قدم الشهداء وضحى بالغالي والنفيس من اجل حريته وكرامته والذي اسس لدولته وتمسك بوحدته واحتفل بثورته رغم العثرات ورغم التهديدات وهو عاقد العزم على المسير بخطى ثابتة وهمة صابرة وعزم يفل الحديد متوكلا على الله و معتمدا علىه.

الحمد لله ,اليوم وصلتني نماذج الكشف الطبي لي ولزوجتي, بعد 30 يوم , وبالامس فقط ارسلت ايميل استفسار للسفارة واليوم ردوا عليا وبعتولي النماذج ,

مبروك وصول النماذج. انا مقدمه ليا 40 يوم ومازال ماردوش. ياريت تقولنا شن كتبت في الايميل بالزبط .

الحمدلله حتى انا وصلوني النماذج اليوم وعقبالك ام احمد امس يعتلهم ثالث ايميل واليوم بعتولي وبعتو لايميل زوجي