ليا اكثر من شهر مقدم عالتاشيرة الكندية وما فيش رد. . مالحل؟

السلام عليكم
شكراً للم اخوتي جميعاً على ردودكم وتفاعلكم , وادعوا الله العلي القدير ان يوفقكم في الدنيا والآخرة

واخيراً وصلني ايميل الكشف الطبي
تاريخ التقديم كان يوم 06-01-2013 ورسالة الكشف الطبي وصلتني يوم 15-03-2013

وبعثولي موقع فيه اسماء الدكاترة اللي اندير عندهم الكشف , انا حاولت نتصل باثنين منهم لكن واحد هاتفه مقفل والثاني خارج التغطية
غضوة الثلاثاء ماشيلهم بإذن الله باش نحجز موعد للكشف

عقبال باقي الطلبة اللي ايراجوا ,ان شاءالله ربي يطمن بالكم وتسمعوا اخبار سارة

مبروك ياخىf_libya وعقبال صدور التاشيرة وربى يوفقك فى رحلتك القادمة

mayar salem كتب:

مبروك ياخىf_libya وعقبال صدور التاشيرة وربى يوفقك فى رحلتك القادمة

الله يبارك فيك ويوفقك في الدنيا والآخرة

الحمد لله والله فرحتلك هلبة ,,,,, اني من بكري خطرت علي بالي و قلت زعما شنو صاير فيه


بالتوفيق

عقبال لاختنا ام احمد انا قدمت عالتاشيرة يوم 6 1 وجوني الكشوف يوم 21 2 ودرت الكشف يوم 23 2 في عيادة السلام وميزتها صح تشحوير بس كل شي في مكان واحد وتكمل في نفس اليوم بالذات زي حالاتي لاني من خارج طرابلس من مصراتة بس معليش في حد مقدم في شهر واحد وطلعتله التاشيرة لاني تو قريب ليا 23 يوم عالكشوف ومازال ماطلعت التاشيرة

Joy Libya كتب:

الحمد لله والله فرحتلك هلبة ,,,,, اني من بكري خطرت علي بالي و قلت زعما شنو صاير فيه


بالتوفيق

الله يفرح قلبك يارب

basmalibya كتب:

عقبال لاختنا ام احمد انا قدمت عالتاشيرة يوم 6 1 وجوني الكشوف يوم 21 2 ودرت الكشف
يوم 23 2 في عيادة السلام وميزتها صح تشحوير بس كل شي في مكان واحد وتكمل في نفس اليوم بالذات زي حالاتي لاني من خارج طرابلس من مصراتة بس معليش في حد مقدم في شهر واحد وطلعتله التاشيرة لاني تو قريب ليا 23 يوم عالكشوف ومازال ماطلعت التاشيرة

موفقة بإذن الله

عقبال لاختنا ام احمد وجميع الطلبة اللي مازال ايراجوا, ان شاء الله ربي يوفقهم

السلام عليكم
المعلومه اللي سمعتها ان التاشيرة تطلع بعد ثلاته شهور من تقديمها والاسوء ان المواعيد التاشيرة بعد شهرين من حجز يعني كلها خمس شهور وربي يسخر ان شاء اللة

أنا درت الكشف الطبي من يوم 2\2 وإلي هاللحظه ما في شيء أنا في المقابلة ما أعطيتهم ورقة الدعم المالي لتأشيره من cbie
قدمت لتأشيره بورقة الإبراق فقط هل هذا السبب لتأخر تأشيرتي أااو التأخير علي كل

السلام عليكم إخوتي الكرام
أنا أيضاً أجريت الكشف الطبي يوم 3-2 ووصل لفرنسا يوم 5-2 والى الان ما فيش اي شي
وبالامس كنت في طرابلس مشيت للسفارة الكندية وسالتهم
قالوا عادي أنا قاعد في الزمن الطبيعي للأجراء
والموظفة الكندية قالتلي لما يوصل شهرين وما يوصلك شي نبلغهم عشان يستفسروا من السفارة الرئيسية
فانا نقول اطمئنوا ولا داعي للقلق
لان القلق سي قلقنا نحن أيضاً
وفقكم الله وبالتوفيق

sande كتب:

السلام عليكم
المعلومه اللي سمعتها ان التاشيرة تطلع بعد ثلاته شهور من تقديمها والاسوء ان المواعيد التاشيرة بعد شهرين من حجز يعني كلها خمس شهور وربي يسخر ان شاء الله

forgive me sister, but this is not always the case. time depends on
many factors like your documents, eligibility and the Canadian embassy
employee who has your file.
good luck to you all

عليكم بالدعاء

بالتوفيق ام احمد و ان شاء الله القادم افضل

Om Ahmed كتب:

بعد ان دخلت موسوعة غينيس للأرقام القياسية
وحطمت الرقم القياسي في انتظار نماذج الكشف الطبي
وبعد ان ضقت ذرعاً بالبريد الوارد
وبكل هدوء تصل نماذج الكشف الطبى اليوم صباحاً لي وجميع افراد عائلتي
شكرا لدعواتكم وبالتوفيق لنا جميعاً

الف ترليون مبروك والله فرحتلك هلبا يارب يوفقكم ان شاء الله

Om Ahmed كتب:

بعد ان دخلت موسوعة غينيس للأرقام القياسية
وحطمت الرقم القياسي في انتظار نماذج الكشف الطبي
وبعد ان ضقت ذرعاً بالبريد الوارد
وبكل هدوء تصل نماذج الكشف الطبى اليوم صباحاً لي وجميع افراد عائلتي
شكرا لدعواتكم وبالتوفيق لنا جميعاً

الحمد لله الذى بنعمته تتم الصالحات مباااااااااااااااااااااااارك أختى ام أحمد والله كنت أتابع موضوعك بصمت والحمد لله كانت النتيجة خيراا
فانتم مثالنا فى الصبر والانتظار ...........والصمود أمام عقبات الاجراءات
الحمد لله ...........وان الله لا يضيع عبدا دعاه .......بالتوفيق ياااااااارب

مبارك العقبة للتاشيرة والسفر ان شاءالله

بعد انتظار الشهرين من يوم اجراء الكشف الطبي اليوم اتصلت بالسفارة للاستفسار عن التاخير في اصدار التاشيرة فقاموا مشكورين بمخاطبة السفارة في تونس فكانت الاجابة بان الاوراق المتعلقة بالكشف الطبي الخاصة بي قد وصلت تونس من السفارة في فرنسا وباقي الاوراق الخاصة بزوجتي وابنتي لم تصل بعد؟ انا حاير شنو اندير بالزبط معاش عرفت شنو اندير انصحوني بالله عليكم

السلام عليكم
اخي انصحك تمشي للسفارة تخليهم يقترحوا عليك كيف تتصرف ؟
وفي نفس الوقت شوف المركز اللي درت فيه الكشف الطبي وخليهم يعطوك رقم الشحن الخاص بالكشف الطبي ليك ولاسرتك وحاول تتواصل مع شركة الشحن مباشرة.
اسعى في كل اتجاه واكيد حتوصل لحل بحول الله.
ربي يسهل لك الامور
ويوفقنا جميعا يارب

بارك الله فيك علي النصيحة بس اني تابعت الشحنة لين وصلت فرنسا وتاكدت منها واليوم زدت اتصلت بالشركة وتاكدت انهم بعتوها هدا من جانب ومن جهة اخري اني تاكدت من السفارة في ليبيا ان السفارة في تونس وصلهم الكشف الخاص بي فقط... معاش عارف شي؟ بنحاول نبعث ايميل للسفارة في فرنسا انشالله نلقي اجابة؟ لاني بعتث اكثر من مسج للسفارة في تونس ولم اجد اجابة الي ان قامت السفارة بطرابلس بمراسلتهم باش ردوا علهم بشان موضوعي

فيك بارك الله اخي ابو الحسن
بعد فهمت منك انك تاكدت من ارسال ووصول الشحنة الخاصة بالكشف الطبي ليك ولاسرتك
ننصحك انك تمشي للسفارة وتحاول تاخد وقت مع احد الموظفين بقسم التأشيرات فيها وافهم منه كيفية التصرف الانسب في مثل حالتك ونتوقعهم حيتعاونوا معاك
ربي يوفقكم وييسر لكم الخير.

بالله يا اختي لو تعرفي ايميل السفارة في فرنسا ابعتيهولي ؟

ابوالحسن كتب:

بالله يا اختي لو تعرفي ايميل السفارة في فرنسا ابعتيهولي ؟

هذى العناوين و ارقام الهواتف للسفارة فى فرنسا
Canadian Embassy in Paris, France
Embassy of Canada in France
35, avenue Montaigne
Paris, France, 75008
Tel.: (011 33 1) 44 43 29 00
Fax: (011-33-1) 44 43 29 99

Canadian Consulate in Lyon, France
Consulate of Canada in France
21 rue Bourgelat
Lyon, France, 69002
Tel.: (011 33 4) 72 77 64 07
Fax: (011 33 4) 72 77 65 09

وهذا الايميل
paris_webmaster@international.gc.ca
وان شاء الله ربي يسهلك امورك

بارك الله فيك وجعله الله في ميزان حسناتك

والله حتى السفارات خذو فينا غايتهم