الحمد لله وصلنا بريطانيا انا وخوى
فبارك الله فى كل من ساعدنى بالدعاء والنصيحة ومد يد العون
فمنهم من كان عضو بالمنتدى ومنهم من لم يعرف المنتدى
فكانو لى ناصحين ومساعدين وسند اعتمد عليهم
رحلتنا كانت على مطار قاتويك على الخطوط الافريقية الليبية
الطيارة كانت لشركة تونسية استاجرتها الخطوط لتامين رحلاتها
الرحلة استغرقت 3 و20 دقيقة
نزلنا وعلى طول ممر فى بدايته كان يخصنا نحن فقط ومن ثم بدا يلتقى بممرات اخرى الى ان اصبحنا من جميع الجنسيات الواردة للبريطانيا
وانتهى الامر بصالة كبيرة تاخد منها كرت اتعبيه وترفقه بجوازك واتشد الطابور باش تعرض نفسك على شرطى يطلب منك تبصم ويطلع على تاشيرتك
احنا كانت تاشيرتنا طالب زائر وضايع منها 4 اشهور وخاشين بالخامس
كنت قلقة بشان هالامر لكن كونى لغتى ضعيفة اعطيته الجوزا والكرت والقبول
فقال اوووو نيوكاسل وطلب منى البصمة وقال ويل كام
لما طلعت منه انا وخوى ماصدقت وقلت الحمد لله
وعلى طول بوجهنا للسير الرحلة باش ناخدو الدبش .اخدينا الشناطى وطلع وكان باانتضارنا سيارة اجرة تم التنسيق معها مسبقا
السواق ليبيى ماقصر بارك الله فيه
ومنها الى الملحقية وصلناها الساعة واحد وبدينا فى الاجراءات فتحنا الملف
العراقيل ماكانت فيه عرقيل متعبة الا انه
انا كنت خايفة انه الملحقية ماتعطينى ورقة الضمان المالى لخوى
بلغنا المشرف قال انتى رح نعطوك الورقة امتعك لكن خوك لا
فاعطيناها الورقة واسمها برقية المرافق مفادها ان الدولة تسمح بان يكون خوى مرافقى
وفتح الوارد عندهم بالجهاز فوجد ايظا الرسالة مرسلة من البعثات لانه خوى وقف عليها لين ارسلوها بالايميل ورحلتنا كانت بعد الارسال ب 4 ايام
وايظا القبول كان فيه اختلاف بعدد ساعتى وساعات خوى وابنفس الوقت متشابهين بالقيمة فهنا غلطة المعهد
وممكن لانى انا اجلت القبول اكثر من مرة ...والنقطة هادى عالجناها فى الملحية
وتمت الامور وجبت ورقتى وورقة خوى معاى لمعهد نيوكاسل
هضا من ناحية الاوراق
ومن ناحية التموين .نصيحة اللى يبي ايجى على الافريقية ايجيب اللى خاطره فيه والسوائل ايغلفهم باللصقة ويلف عليهم نايلون
انا من كثر ماقريت فى المنتدى على شن اللى يرتفع صار عندى خوف انى نرفع اى شئ يتاكل لكن
من تسخير ربى حصلت وحدة قبل ماانسافر بايام وبلغتنى انها جايبة معاها تموينها بنفس المطار وماردو عليها شئ
هو فعلا كل شئ متوفر ببريطانيا لكن احويجة ليبيا بروحها
سمنها والزميطة وزيت الزيتون لايعلا عليه ولايقارن بكيكاتهم وعسلهم
سامحونى طولت بالكلام
وجزاكم الله كل خير
_______________________________
لانك تحمل الاسلام فى قلبك
فيجب ان تكون متميزا
