وصلت بسلامة الله لبريطانيا

الحمد الله علي السلامه خوي الزلاوي انست بريطانيا

بس عندي سؤال هل من تفويض رقم 2

لان انا قاعد في بريطانيا ونستني في اذن الصرف من البعثات لفتح الملف



اجبني بارك الله فيك

لا والله انا من تفويض رقم 1 بس صارلي ظروف وتاخرت عن السفر والعقبه ليكم جميعا

شكرا ليك خويا ابو محمد ياريت والله. لان فعلا اندور في رقم سائق تاكسي ليبي علشان نمشوا معه لليدز ومكتب ايجار علشان السكن ... والله ماقصرت

الحمد لله على سلامة الوصول ووقكم الله ان شاء الله

حمد الله على السلامه .لو سمحت نبي استشاره اني مسافره بتاشيره ‏tier4‏ واخر موعد للوصول 17 ابريل ناويه نسافر على حسابي والتفويض يبدا 1 مايو بس خايفه يصير تعطيل في ليبيا مش عارفه شن اندير شكرا

Abu Mohamed كتب:

ماتخافي أختي الكريمة خوذي معاك مبلغ من المال وإن شاء الله مايعطل التفويض وبعدين السفارة توة في لندن يعطوا في سلفة كاش أول ماتوصلي ولونقصوا عليك فلوس نحن حاضرين توكلي على الله وماتخممي في شئ أبدا.

لكن السلفة ما تمنعش انك تاخذي معاك مبلغ محرز مثلا 3,000 او حتى اكثر لو امكن تحسبا لاي طارئ

شكرا لكل شخص هنئني وقدم ليا يد العون بعنوان او رقم تلفون او نصيحه ..... واخص بالشكر الى الاخ ابو محمد فعلا نعم الشخص يقدم في عطاء لا محدود بكل معنى الكلمه وجعله الله في ميزان حسناتك ..... وياختى الكريمه هنا في بريطانيا اي شخص في منتدي الموفد يقولك حنساعدك معنها خذيها كلمه كالسيف فعلا سوف يساعدك بكل ماتحمل الكلمه من معنى ..... والله لما اخترت بريطانيا كنت متردده وانها غربه واللهجه بس لما جيت تبين ليا العكس فنشجع كل موفد اختار بريطانيا انك اخترت الساحه الصح بشهامة الموفدين في الساحه ورب يوفق الجميع

ربي يوفقك اختي الزلاوي والحمد لله علي سلامتك
وان شاءالله نلحقوك في القريب العاجل

شكرا ليك اخي الكريم على الرد بجد طمنتني واني توا باذن الله ماشيه نحجز في الخطوط ونكلف خوي يكمل الاجراءت بعد الخزانه. بس نبي نسأل بعد مانوصل طول نمشي للسفاره حتى كان ماعنديش اذن الصرف

حمدا لله علي سلامتك و كل طالب ليبي إن شـاء الله

الحمد لله عالسلامة وربي يوفق جميع الموفدين
وانا رحلتي لبريطانيا يوم اﻻربعاء بس فيها ترنزيت علي اسطنبول الوصول بأذن الله لادنبرا يوم الخميس من بنغازي اسطنبول ادنبرا
دعواتكم تمشي اﻻمور تمام والله الموفق

كريمه كتب:

شكرا ليك اخي الكريم على الرد بجد طمنتني واني توا باذن الله ماشيه نحجز في الخطوط ونكلف خوي يكمل الاجراءت بعد الخزانه. بس نبي نسأل بعد مانوصل طول نمشي للسفاره حتى كان ماعنديش اذن الصرف

لا الأفضل ماتمشيش للسفارة قبل ماتحصلي إذن الصرف لأنه مش حيفتحولك ملفك إلا بيه ولو مشيتيلهم حياخذوا منك الأوراق اللي جايبتيهن لهم ويصورا جواز سفرك وبعد مايجيك إذن الصرف تبعثيها لهم بالبريد ولكن ما أعتقدش حيعطوك المنحة أو بعطوك أي ورقة او أي إجرائ من غير ورقة الصرف وكان تبي تبدي في الدراسة تأكدي أن الجامعة يخلوك تدرسي من غير ورقة الدعم المالي من السفارة حاليا وممكن تعطيهم ورقة الدعم متاع البعثات أو تدفعي عربون لعند يجي الصرف ويردوه لك بعد ماالسفارة تدفعلهم.

عدل سابقا من قبل Abu Mohamed في الجمعة 05 أبريل 2013, 3:31 am عدل 1 مرات

ان شاالله بالتوفيق لكل الواصلين
ونتمنى لكم بداية موفقة
وتفضلوا ان شاء الله ما نقصروا بالامكان
موفقين

عدل سابقا من قبل محمد الحاسي في الأحد 07 أبريل 2013, 6:11 am عدل 1 مرات

ان شاءالله بالتوفيق للجميع

الحمد لله علي سلامتكم

وان شاء الله اقامة طيبة

بالتوفيق

الله يسلمكم وبارك الله فيكم وجزاكم الله خيرا
وربي يوفق الجميع الي ما يحب ويرضى

Abu Mohamed كتب:

الحمد لله على سلامتكم وممكن تستعين بأعضاء الموفد اللي يسكنوا في أدنبرا مثل أخينا المتوكل على الله وغيره وغذا أردت اي مساعدة لاتتردد في الاتصال بيا وممكن تبعثلي رقمك على الخاص.

بارك الله فيك خوي ابو محمد وجزاك الله خيرا

وبعثتلك رسالة عالخاص

وفقـــكَ الله ..
وبارك لكَ ..في صديقك ورفيقك .. ففي هكــذا مواقف .. تُعرفُ الرجـــال .. ويعرف أصلُهم ومعدنهم..

ولن أنسى .. صديقتي التي وقفت إلى جانبي .. وفعلت معي .. مثل صديقك ..
بارك الله .. في هؤلا ء الطييبن .. وجزاهم عنا خير الجزاء ..

محمد الحاسي كتب:

الحمد لله وصلت بالسلامة انا والعائلة واستقبلنا صديق عزيز " رفيق " ربي يحفظه ما قصر معاي
خذاني من مطار ادنبرا الي السكن المؤقت " شقة صديقي مفتاح " في جلاسقو و ربي يفتحه في وجه عندا اجازة
شهر فأعطاني الشقة الي حين رجوعة من ليبيا وبعد الشقة ذهب معي رفيق الي المعهد واخذنا ورقة القبول لثلاثة اشهر و دلني علي مطعم حلال وسوبر ماركت رخيص وكذلك سوق توجد به لحم حلال ودجاج واشياء كثيرة لا تجدها في السوبر ماكت العادي
وأسأل الله الكريم رب العرش العظيم ان ييسر لهم امرهم ويجزيهم خير الجزاء
والحمد لله الذي بفضله تتم الصالحات

الحمد لله على سلامتك وفقك الله لما يحب ويرضى وفتح عليك من أوسع ابواب فضله