عاجل: مشكلة السيولة في المكتب الكندي

السلام عليكم جميعا
الحقيقة في اخبار غير سارة بس حبيت نشارك الجميع و آسفة لأن ممكن هالأخبار تضايقكم بس الظاهر في مشكلة في السيولة يعاني منها المكتب الكندي و بعد التواصل مع الوزارة في ليبيا و الاجتماع اللي تم في طرابلس في شهر مارس الحالي تعهدت الوزارة بتحويل ميزانية الطلبة في كندا و أمريكا بس للأسف للآن ما وصل شي و المكتب الكندي اضطر يبعث ايميل ينبه فيه الطلبة ان منحة شهر ابريل مش راح تنزل و قرارات ضم المرافقين راح توقف ولازم الطلبة ايدبروا امورهم و اذا صار تحويل ممكن المنحة تنزل متأخرة و مرات اطول القصة لا سمح الله...
يعني اي شخص جاي جديد لكندا لو سمحتوا جيبوا معاكم مبلغ زيادة لان شهر ابريل بيكون بلا منحة على الاقل الايام الاولي و ان شاء الله يتم تحويل الفلوس و ما نتبهدلوش
حبيت نوقظكم و سامحوني ازعجتكم و ان شاء الله ربي يلطف
تحياتي

بارك الله فيك اختي وجزاك الله كل خير .....ان شاء الله ربي يوفقك ويكتر من امثالك .
منورة

و يبارك فيكم جميعا و ما تنسونا من الدعاء و ربي يستر علينا جميعا

ان شاء الله خير

ربي يستر ...... ان شاء الله خير يااختي واسال الله ان تنحل مشكلتكم في اسرع وقت ياااارب

ايه وصلني المسج المشكلة اتصلت بالبعثات و قالولي حليناها المشكلة عندي صديق غادي... ماعاش تفهم شي و شن سبب التأخير ... بالنسبة ليا الحمد لله فيه كيف نمشي اموري و عازب في الاخير بكل بس فيه ناس بعائلاتها

لا ما احلتش يا خوي و ربي يستر
شوف الخاص عندك خوي Latiwesh

شكرا اخت حنانعلى التنبيه
ارجو الا يتاخر اكثر

ان شاء الله خير ربي يسهل الامور ويمشي كل شئ على ما يرام

السلام عليكم
شكرا جزيلا اختي حنان على هذا التنبيه والمعلومة والتي بجد ضايقتنا
ربي يكون في عونكم وان شاء الله ماتتاخرش المنحة عليكم اكثر من هكي.

ولو فيه اي شي نقدروا انساعدوكم بيه ياريت اتدلينا عليه
مثلا لو نمشي لادارة البعثات مع منو نتكلموا وشن نقولوله لعلها تنحل المشكلة بشكل اسرع .

بالتوفيق لنا جميعاً.

الله يبارك فيكم يا اخواتي و يبارك في الجميع ... ما اعتقدش في شي الان نقدروا انديروه الا الدعاء و ربي رحمن رحيم و الوزارة و البعثات عارفين اننا احني مواطنين ليبيين مش من بنجلاديش مثلا يعني المفروض بدون ما يذكرهم المكتب الكندي هما يطمنوا على اولادهم و بناتهم الطلبة ( فصبر جميل و الله المستعان عما يصفون )
تحياتي

كيف الحل عندنا عايلة وصغار ومصاريف دراسة وايجار ومعيشة غالية كييف بندبروا امورنا بنقروا ولا نفكروا نخدموا باش نعيش صغارنا

اذكري الله يا أختي و ان شاء الله القصة تنحل .. المكتب الكندي ان شاء الله بيرسل ايميل ثاني يوم 28 مارس و بيأكد الوضع و خير ان شاء الله... الحمدلله عندنا الله ديما رحمن رحيم

صار المشكلة منك ^_^ خلاص الحل موجود نتفقوا كلنا انرجعوك ليبيا
هههه نبصر يا خوي بس حابة نعير اجواء الموضوع

هههه نبصر و كل شي تسخير من الله و ان شاء الله تنحل هالمشكلة على خير

تفائلو خيرا تجدوه...

لاحوله ولاقوة الابالله العلي العظيم. الحمد لله على كل حال .وربي يبارك فيك أختي حنان ويعاونك على فعل الخير ويوفقك في دراستك.

السلام عليكم ورحمة الله
أولا ترددت في نشر هذا المعلومة لان مصدرها غير موثوق 100 بالمائة ولكن اطرحها هنا لكي تتاكدو منها
من شهر مضى تكلمت مع دكتور في وزارة التعليم وخبرتة اني بنسافر لكندا نهاية مارس وتحدنا عن المكتب الكندي فقالي المكتب الكندي مشاكله هلبا والمنحة محولينهالة الى شهر ابريل كنت اعتقد نهاية شهر ابريل نازللكم والوزارة ممكن تحول الطلبة الى السفارة الليبية الى حين تنشي الوزارة مكتب خاص بالطلبة الليبين.

حاولو تتاكدو من الخبر وانا بكرة ماشي الى البعثات وسوف اسال على الخبر وحنمشي الى مشرف الساحة ولو القيت مشكلة سوف اذهب الى الوزارة لنرى ماذا فعلو بالخصوص.
لا أعرف صحة هذا الكلام واذا كان راى مدير المنتدى ان هذا الخبر غير جيد او مافيش داعى ينذكر فأبمكانة ان يلفى هذة المشاركة

بالتوفيق للجميع

السلام عليكم ورحمة الله
أولا ترددت في نشر هذا المعلومة لان مصدرها غير موثوق 100 بالمائة ولكن اطرحها هنا لكي تتاكدو منها
من شهر مضى تكلمت مع دكتور في وزارة التعليم وخبرتة اني بنسافر لكندا نهاية مارس وتحدنا عن المكتب الكندي فقالي المكتب الكندي مشاكله هلبا والمنحة محولينهالة الى شهر ابريل كنت اعتقد نهاية شهر ابريل نازللكم والوزارة ممكن تحول الطلبة الى السفارة الليبية الى حين تنشي الوزارة مكتب خاص بالطلبة الليبين.

حاولو تتاكدو من الخبر وانا بكرة ماشي الى البعثات وسوف اسال على الخبر وحنمشي الى مشرف الساحة ولو القيت مشكلة سوف اذهب الى الوزارة لنرى ماذا فعلو بالخصوص.
لا أعرف صحة هذا الكلام واذا كان راى مدير المنتدى ان هذا الخبر غير جيد او مافيش داعى ينذكر فأبمكانة ان يلفى هذة المشاركة

بالتوفيق للجميع

لا حول ولا قوة إلا بالله العلي العظيم

سامحني يا خوي بس في اعتقادي المشاكل مش من المكتب الكندي المشاكل من ليبيا دائما و اذا يتكلم عن تحويل المنحة فنحب نقوله من 2011 المكتب محولولاش اي مبلغ و حتى ميزانية السنة الماضية ما وصلنا منها شي يعني المشاكل و الفساد من وين؟؟
وبي يستر و ما يحولوناش ع السفارة وهذا رأيي الشخصي