الطلبة القادمين لكندا بعد 31-3 الرجاء الدخول

السلام عليكم جميعا
اليوم وصلتني رسالة من جامعة واترلو بخصوص طالبة كنت قدمتلها على قبول لغة في الجامعة هي وزوجها.. المهم الرسالة واصلة للجامعة من المكتب الكندي و مضمونها ان أي طالب او طالبة يجي كندا بعد 31-3 لن يصدر له المكتب الكندي اي رسالة دعم مالي ولو درس على حسابه و هذا الكلام للموفد و للمرافقين حسب ما فهمت لن يتكفل المكتب برد اي مبلغ. يعني الطلبة اللي جايين ان شاء الله في شهر ابريل الرجاء ما تجوش لين تنحل مشكلة السيولة و ربي يستر لأن الايميل هذا وصلني اليوم و ما اعتقدش في حل قريب و ان شاء الله خير..
دعواتكم و ربي يجيب اللي فيه الخير.

السلام عليكم معليش اختي حنان الكلام هدا ينطبق علي الساحة الامريكيه؟؟؟ لاني نبي انسافر نهاية شهر 4 وعلي الحال هدا الواحد يصبر احسن

للأسف يا خوي ينطبق الكلام ع الساحة الامريكية لأن منحتنا مع بعض و مشكلة السيولة واحدة
اذا صار اي تطور بإذن الله نضيفه
بالتوفيق

معليشي أختي لكن الكلام هادا ينطبق على اللي بيبدو الدراسة ف شهر أبريل ؟؟؟؟؟

السلام عليكم
ربي يكون في العون سبحان الله انا دراستي ستبدا وكل اموري تمام وحجزت يوم 9 ابريل للسفر واجرنا بيت ودفعنا الغربون ....... لن اتراجع خلاص تعبت من عقبة لاخرى سمعت انه كل المشكلة في اعتماد الميزانية وهي اعتمدت وان شاء الله سوف تحل قريبا تفاءلى اخت حنان
المهم هل تشكل هذه المشكلة اي اشكال لنا في المطار يعني ما يقوللناش ارجعوا من حيث اتيتم من بيصرف عليكم؟؟؟؟؟؟؟؟؟؟؟
ربي يستر وبس

شكرا على مروركم جميعا.. خوي المهندس هذا ما يخصش الطلبة اللي في كندا و بيدرسوا في ابريل.. خوي ناصر مشكور و ان شاء الله تنحل المشكلة.. اختي امان اني مش متشائمة بس انتي لو جيتي بدون ما تنحل هالمشكلة معناها بتقري على حسابك و المكتب مش راح يعترف بيك ما اعتقدش يا اختي انك بتجازفي هكي مجازفة و تعرضي نفسك و المرافقين لمصير مش واضح.. لو وصلتي كندا و ما انحلتش المشكلة لاسمح الله قريبا شن بتستفيدي؟؟ بترجعي لليبيا في كل الاحوال.. الصبر يا احتي و احني متفائلين تنحل هالمشكلة و ما تستعجليش انتي مش جاية بروحك و الحياة هني غالية هلبه.. هذي نصيحة و القرار عندك
بالتوفيق جميعا

السلام عليكم
ممكن سؤال انا طلبت من المكتب الكندي رسالة دعم التاشيرة ( بعثنالهم من البعثاث رسالة دعم التاشيرة )لكي اتقدم للتاشير مازال مارد عليا يعني حتي دعم التاشيرة يوقفوه ؟؟؟؟؟
انا قبولي علي شهر 8؟؟؟؟؟؟؟

للأسف وقفوه و حتى لو عطوك رسالة الدعم المالي السفارة عندها تعليمات ما تعطيش اي طالب ليبي التأشيرة لحد ما تنحل المشكلة ... ربي يحلها بأسرع وقت لأنها لو على الوزارة مازال موسعين بالهم

يستر الله وربي يسهل الامور
المهم يوفرولكم انتم مرتباتكم يلي موجودين في الغربة
اما نحن مازلنا عند هلنا جت في الانتظار نتحملوا
مشكورة اختي علي الرد وربي يوفقك ويسهل امورك

مشكورة اخت حنان والله حجزت حتى الحجز وماشي يوم الخميس القادم لكن الان سوف يتأجل كل شئ مرتباتنا في ليبيا وقفت وفي كندا ما نزلتش ربي يجازي اللي كان السبب
حسبنا الله ونعم الوكيل

ال ميروك

CBIE Message to Libyan Scholarship Students in North America
March 28th, 2013
Dear Libyan Students in North America,
The purpose of this message is to provide an update regarding the funding situation impacting the Monthly Living Allowance (MLA) for April. We are continuing to collaborate with relevant departments at the Ministry of Higher Education and Scientific Research to expedite the release of the funds.

We have learned today through our Liaison in Libya that the Ministry has authorised the release of the MLA for active students for the second quarter (April to June 2013), and that the money will be transferred to CBIE in the coming days. We will notify you and pay the MLA for active students as soon as we receive the funds.
Finally, please note that our office will be closed from Friday March 29th until Monday April 1st for the Easter Holidays. Our operations will resume on Tuesday April 2nd, 2013.
Sincerely,

The Libyan North American Scholarship Program

يا خوي الرسالة هذي للطلبة الموجودين Active students يعني مافيهاش شي يشمل الطلبة اللي بيجو.. ننصحكم يا خوتي اللي حجز منكم يتصل بالمكتب و يتأكد يجي عادي او لا..

ننصح بعدم التسرع ... ليبيين ونعرفو بعضنا اتقول هيا توا نمشي وتو تمشي الامور غادي المهم نطلع ... راهو الموضوع مش سهل انك اتجي على عين عمياء زاي ما ايقول المثل .. لان الحياة صعبة خارج ابلادك

المشكلة يا اخت حنان مش انه مستعجلين لكن التاشيرات تطيح خلاصر في ابريل والله التاشيرة ما خديناها الا بطلوع الروح واستغرقت اكثر من 8 اشهر
اللهم خير لي واختر لي

aman كتب:

المشكلة يا اخت حنان مش انه مستعجلين لكن التاشيرات تطيح خلاصر في ابريل والله التاشيرة ما خديناها الا بطلوع الروح واستغرقت اكثر من 8 اشهر
اللهم خير لي واختر لي

بالله يا aman قداش تاخد التاشبرة باش اطيح ؟؟؟؟؟؟؟؟؟؟

و قداش تقعد في كندا

ليش في ابريل ... امتى واخدينها انتو

السلام عليكم

اللهم لاحول ولا قوة الا بالله

والله الا طفح الكيل واحني من مشكلة لكارثة لغاية ما الواحد خلاص مل

ارجوكم اخوتي افيدوني

في حالة ما تغير شي لنهاية شهر ابريل واني موعد الكورس 1-5
هل تنصحوني نغير موعد الكورس ولا كيف ايصير
علما باني اجلت الكورس ثلاثة مرات

وحاجة ثانية شن بيصير بخصوص التفويض لانه على حد علمي انه لازم انسافروا خلال شهر من صدور التفويض او من بداية الصرف او حاجة زي هكي

ندعوا ومتفائلين ان هالمشكلة نتحل خلال هاليومين او على الاكثر في هالاسبوع

ربي يكون في عونا وعونكم

وربي يوفقنا كلنا

حتي اني موعد الكورس يبدا في 5 والي الان لم تصدر لي التاشيرة ومزال عرس التفويض قالو عرس بالزمزمات ههههه
اعدروني بس ضروري تفوض امرك لله؟
مع هدا ننصحك اول ماتصدرك التاشيرة خاطبي المكتب الكندي وهم يحصلولك قبول من اي جامعة هدا في حالة المكان الي محصلة منه قبول معاش مددلك وبالنسبة للسفارة بعد ماتقدمي علي التفويض تقدري ماتنفديش علي طول وماتاخديش برقية بداية الصرف علي طول هدا علي حسب علمي لاني هكي درت لما درست ماجستير والله اعلم لو فيه حاجة تغيرت توة والله الموفق

السلام عليكم
حتى انا قبول الدراسة لزوجتي يبدأ في بداية شهر 5 والتأشيرة حتى الان لم تصدر و لا اعرف الحل علما بأن الدراسة في
المعهد نظام فصلي اي التأجيل سيكون لبداية شهر 9 وهل جميع المعاهد نفس النظام ؟

الله غالب
لا نملك الا الصبر

ربي يجيب اللي فيه الخير و اذا صار أي تطور ان شاء الله نخبروكم بيه... بإذن الله سحابة صيف و تعدي و خليكم متفائلين

ان تملك الصبر معناه انك في خير كثير ان شاء الله . وجدت هذة المعلومة عاي صفحة ادارةالبعثات http://ados.ly/high/ في اهم الاخبار. توحي بقرب الانفراج و قدوم الفرج بخصوص منحة الربع الثاني . 2013. فقد احيلت المعاملة الي وزارة التعليم من 2013/03/06و اتمني من مشرف الساحة الكندية مشكورة التاكيد علي هذا الخبرو تعميمة باسم المشرف لان لة وقع طيب علي نفوس طلبتنا في غربتهم ان شاء الله.

صبرا جميل والله المستعان
ان شاء الله سحابه صيف وتمر
ويفرجها ربي علي الجميع