اقتراح فيما يخص مشكلة المكتب الكندي والميزانية.

السلام عليكم ورحمة الله وبركاته

اقترح اننا نحن الطلبة الموفدين لكندا وكذلك الطلبة الموفدين لامريكا واللي مازلنا في ليبيا
نشكلوا لجنة من حوالي 5 الى 10 اعضاء يتكلموا بخصوص هذه المشكلة
ويتحركوا في كل الاتجهات مقابلة الطاهر بن طاهر
مقابلة وزير التعليم
واي مسئول في المالية ان كان ليهم علاقة بالموضوع.


"اللهم لاسهلا الا ماجعلته سهلا وانت تجعل الحزن إذا شئت سهلا"

عدل سابقا من قبل امة الرحمن في الجمعة 05 أبريل 2013, 7:14 pm عدل 1 مرات

السلام عليكم و رحمة الله وبركاته

أقتراح جيد يا أختي, نحن الموفدين لكندا يجب أن نضغطوا علي الوزاره لتسريع حل هذه المشكلة, و خاصة للطلبة الذين أستوفوا كل أجراءاتهم مع إدرارة البعتاث و يعدوا في أنفسهم للسفر و لهم ألتزامات مهمة في كندا مثل مواعيد بداية كورسات اللغة و إجراءات الأستقرار.

اهم شي في الموضوع ان نتفق نحن الطلبة مع بعض ونحدد موعد باش نتلاقوا مع بعض للدهاب الي وزير التعليم العالي او وكيل الوزارة لانهم اصحاب القرار وعلي ما اعتقد ان وكيل الوزارة محدد يوم مفتوح لاستقبال اي شكاوي علي حسب علمي

السلام عليكم ، المشكلة نفسها لموفدي أمريكا ولو تلاحظوا الطلبة الموفدين إلى أمريكا وكندا في التفويض رقم 2 و 4 وأخيرا التفويض رقم 5 هم كثر ولذا يتوجب على وزارة التعليم العالي أن تكون في غاية الشفافية بخصوص المشكلة وخصوصا للطلبة الجدد لأن الجميع مرتبط ببداية الدراسة والدراسة مرتبطة برسالة من المكتب الكندي إلى المعهد اللي يبي الواحد يقرا فيه بيش يبدا قرايته ، فياريت تنحل المشكلة بسرعة أختصارا للوقت ونسمعوا رد من أحد المسئولين بخصوص المشكلة وكيفية حلها ،، والله ولي التوفيق

بسم الله الرحمن الرحيم .
ياريت نتحركوا بسرعه ونتفاهموا ونكونوا يد وحده مع بعض لانه كلنا عارفين لوقعدت على البعثات والوزاره ليبيا كلها تمشي لكندا ويموتوا وهما في نوم عميق .فأحسن حل زي ماقال الاخ ابو الحسن نتفقوا ونحددوا موعد بداية الاسبوع بيش نتحركوا لانه لو متحركنه مش راح يصير شي .
وربي يسهل ان شاءالله وتنحل المشكله في اسرع وقت.

انا معكم يا ريت التواصل

السلام عليكم يا اخوتي
يا ريت اتحددو الموعد بسرعة ومع بعض ويكون موعد جدى حتى نلتقى ونذهب الى الوزارة وانشوف شن ايصر فى الامر ما انضيع الوقت
والله الموفق

السلام عليكم

كيف الحال

الحمد لله انه فيه اتفاق مبدئي بيننا

وفعلا زي ماقال الاخ Z K M R ان هذه المشكلة تخص الموفدين لكندا وامريكا معناها نقدروا نتفقوا ونجمعوا عدد 10 موفدين بشكل سريع خاصة ان التفويض 2 و4 و5 فيه عدد لاباس بيه للساحتين الامريكية والكندية

من وجهة نظري ان

الاتفاق يتم من خلال تواجدنا في المنتدى في وقت موحد او شبه موحد واللي يبي يمشي يقول انه ماعنداش مانع ونحددوا موعد مبدئي والافضل انه يكون بداية الاسبوع الجاي ومايزيدش عن يوم الثلاثاء.

انا من ناحيتي ماعنديش مشكلة بس المهم يكون معاي بنات غيري فياريت من اخواتنا المشاركة كمحاولة منا لكسب الوقت وان شاء الله ربي يقدر لنا حل سريع ونهائي لهذه المعضلة.


"اللهم لاسهلا الا ماجعلته سهلا وانت تجعل الحزن إذا شئت سهلا"

انا موظف بالوزاره ومسافر كندا يوم الخميس وعلي استعداد لذهاب معكم وتسهيل المقابلات مع كل المسؤلين.انا معاي 8 موفدين الي كندا تقريبا يوم الثلاثاء بنتلاقوا في الوزارة لنبدء العمل

ياريت اي حد مستعد انه يمشي للوزارة انسقوا مع اخينا abubaker.sasi

بحيث ينسق لنا موعد او يسهلنا موضوع المقابلات مع المسؤلين

(( رغم اني نشوف ان يوم الثلاثاء بعيد )) لكن

بما ان الاخ abubaker.sasi هو ومجموعة الشباب اللي من طرفه بيتلاقو يوم الثلاثاء في الوزارة

فشن رايكم انخلوا موعدنا يوم الثلاثاء ونحاولوا نتواصلوا معاه قبله للتنسيق على الموعد والتوقيت بشكل محدد

هذه وجهة نظري ولو اي حد عنده راي اخر يقوله بس نبوا الجدية التامة والتنفيذ في اسرع وقت

ونسئل الله التوفيق والسداد


"اللهم لاسهلا الا ماجعلته سهلا وانت تجعل الحزن إذا شئت سهلا"

بالله يا اختي امة الرحمن وين واصلة باجراءاتك...

ابوالحسن كتب:

بالله يا اختي امة الرحمن وين واصلة باجراءاتك...

اخي ابو الحسن حياك الله

اني اسمي في التفويض رقم 4 وتوا نستنوا في الابراق من الخزانة والتذاكر وباقي الاوراق
لكن مشكلة الميزانية اربكتنا بصراحة
والحمد لله على كل حال.

بالتوفيق انشالله بالنسبة ليا مزال ماوصلتش لهده المرحلة ومع هدا لو احتجتوا مساعدة اني تحت امركم

الله يبارك في الاخ ابوبكر و شكرا على البادرة الطيبة و رديت على رسالتك و لو تحب انزلوا موضوع بخصوص المشية للوزير يوم الثلاثاء و يا ريت يكون في تجاوب من الموفدين اللي مازالوا ما سافروش المشكلة صعبة خصوصا للطلبة الجدد اللي قاعدين بدون تفعيل ملفاتهم و ربي يقدركم و اللي اني نقدر نسويه من كندا نساعدكم بيه

الله اكبر

انا معاكم بس شباب ياريت ايكون الموعد ابكر من يوم الثلاثاء علي الاقل نعرفو اي يوم يستقبلونا مرات ايقولك

تعال الاحد القادم ولهدا راي ايكون يوم ابكر اشويا وانا مستعد حتي انبات قدام الوزارة معاش فيها يمكن اكثر

طالب انا عندي مشكله في الوقت


ممكن الي يعرف عنوان الوزاره وين انا نسكن خارج طرابلس بس قريب يعني نقدر انكون واحد منكم إن شـاء الله

ســـــــــــــــــــــــــــــــــــــــــــــــــــــــــــــلام

ابوالحسن كتب:

بالتوفيق انشالله بالنسبة ليا مزال ماوصلتش لهده المرحلة ومع هدا لو احتجتوا مساعدة اني تحت امركم

بارك الله فيك ان شاء الله ربي يوفقنا جميعا وييسر لنا كل خير

اعتقد ان مشكلتك في تأشيرة زوجتك وابنك وعدم وصول كشفهم الطبي
ممكن حالتك استثنائية

لكن اعتقد ان بالنسبة لتأخر التأشيرات اغلبها متوقفة علي نفس مشكلة المكتب الكندي والميزانية

فنتمنوا اي حد يقدر ينضم لينا بحيث نمشوا للوزارة ايكون افضل ونكونوا شاكرين ليه

ونسئل الله التوفيق والسداد

abdo_abadi كتب:

الله اكبر

انا معاكم بس شباب ياريت ايكون الموعد ابكر من يوم الثلاثاء علي الاقل نعرفو اي يوم يستقبلونا مرات ايقولك

تعال الاحد القادم ولهدا راي ايكون يوم ابكر اشويا وانا مستعد حتي انبات قدام الوزارة معاش فيها يمكن اكثر

طالب انا عندي مشكله في الوقت


ممكن الي يعرف عنوان الوزاره وين انا نسكن خارج طرابلس بس قريب يعني نقدر انكون واحد منكم إن شـاء الله

ســـــــــــــــــــــــــــــــــــــــــــــــــــــــــــــلام

خوي عبدو حياك الله

بالنسبة للموعد اتفقوا مع الاخ ابوبكر ولو يقدر اينسقلنا قبل اليوم اللي بنمشوا فيه فحيكون الثلاثاء مناسب يعني بحيث نمشوا عالموعد على طول او شوفوا اي يوم يناسبكم من ناحيتي ماعندي اشكال بس نتمنى ايكونوا فيه بنات معاي

وبالنسبة لمكان الوزارة طريق صلاح الدين وانت ماشي اتجاه كوري القصر بعد دار ال ISUZU , قيل ماتوص لكوبري القصر اتجيك علي اليمين

مكان الهيئة الوطنية للبحث العلمي سابقا

يا اخوتي الطلبة حددو المكان والزمان باش نتلاقوا وربي يوفق الجميع وفي حالة مافيش رد لا سمح الله من المسئولين نحاولو انجيبوا وسائل الاعلام..

المكان مافيشي اختلاف اعتقد انسب مكان نتلاقو في الوزارة

بس نحددوا الموعد (( اقصد اليوم والتوقيت المناسب )) بالتنسيق مع الاخ ابوبكر

وفكرة الاعلام مهمة جدا لانه حيخلي فيه تجاوب اكثر لو تحولت لقضية رأي عام

وبصراحة الوضوع يستاهل لانه كيف ما قالت الاخت حنان فيه طلبة توا في كندا وقرايتهم المفروض انها بادية

والله اعلم بحالهم.

لانريد ان نسبق الاحداث ،الاعلام سهل احضاره(العاصمة وغيرها) لتغطية الموضوع، من وجهة نظري ان يكون العدد لايتجاوز 6 (دكور واناث)

وياريت الاخ ابوبكر يعطينا رقم تليفونه لكي يتم الاتصال بيه قبل الدخول للوزارة(يعني الناس اللي بتمشي للوزارة يتلاقوا مع بعض ويخشوا مع بعض)

معناها حاولوا تتراسلوا مع الاخ ابوبكر عالخاص وتتفقوا معاه وبلغونا

وربي يوفقنا لما فيه الخير

وانت حاولي تتواصلي مع الاخوات وخلي خبرانشالله

وهو كذلك

ان شاء الله حنديروا جهدنا وربي وفقنا .