بخصوص الدعم المالي للتأشيرة

اهم شئ يكون اسم و عنوان و تليفون و ختم و توقيع المترجم واضح (يفضل لو يحط بريد الكتروني فزيادة الخير خيرين)

عدل سابقا من قبل Inception في السبت 30 مارس 2013, 12:16 am عدل 1 مرات

مشكورين

السلام عليكم

أسف يا أخي بحثت ما وجدت المطلوب لهذا سالت

ممكن طريقة بحثي خطأ

أسفه جدا أعتذر

السلام عليكم و رحمة الله و بركاته
معليش اخواني هذا ع رسالة الدعم المالي لغرض التاشيرة و الا حتى الدعم المالي لغرض القبول لان انا موفد ع حساب الدولة ضمن الطلبة الاوائل , اول مرة نلاقي ان رسالة الدعم المالي صلاحيتها 28 يوم فقط ,, وانا رسالة الدعم المالي متاعي ع السويد و قبلها كنت داير وحدة ع بريطانيا ,, و المشكلة هي طايحة وانا مش عارف قاعد انراسل بيها مانحسابش ان رسالة الدعم المالي تسقط بعد فترة ,, انا راسلت السويد و مشيتلهم مشي قاعدة في السويد ع امل اني ننهي لان القيت واحد كاتب من الافضل انك تكون غادي افضلك ,, المشكلة باب القبول في السويد يفتح في فترة معينة بس يعني في اوقات معينة ,, وليبيا كلكم عارفينها مافيش لاقانون لاشي ,, المرة الي فاتت رسالة الدعم المالي قعدت 3 شهور ماطلعت و ماجتني في الحوش يعني بالشكل هذا احتمال اندز عليها لاقدر الله و بعد توصلني يكون باب القبول مسكر او لاقدر الله اندز عليها و اتطيح عندي ع بال مايفتح باب القبول بالله ترا قولولي شن الحل لمشكلتي

يعني لازم نعاود تجديد رسالة دعم المالي من جديد لعمل التاشيرة ....انا طالبه قمت بنقل من ساحه الامريكية الى بريطانيا تعبت الى ان حصلت دعم المالي من الفوضى البعثات تقريبا شهر الى طلعت وشهر الى ان حصلت القبول ودعم التاشيره...قصدكم نجدد الدعم المالي من جديد دلوني ياهل الخير والله تعبت من شوف هالاخبار

البتول محمد كتب:

يعني لازم نعاود تجديد رسالة دعم المالي من جديد لعمل التاشيرة ....انا طالبه قمت بنقل من ساحه الامريكية الى بريطانيا تعبت الى ان حصلت دعم المالي من الفوضى البعثات تقريبا شهر الى طلعت وشهر الى ان حصلت القبول ودعم التاشيره...قصدكم نجدد الدعم المالي من جديد دلوني ياهل الخير والله تعبت من شوف هالاخبار

للأسف هذا صحيح وفيه وحدة في المنتدى تم رفضها بسبب أن رسالة الدعم مافيهاش تاريخ.

السلام عليكم في نقطة مهمة يجب ان نفهمها قبل السفر "طبعا في فرق بين الدعم المالي ودعم التاشيرة "دعم التاشيرة انا شخصيا قالولي لازم ايكون اقل من 28 يوم لكن الدعم المالي والذي هو اول خطوة وتجيب بيه القبول هل له صلاحية ايضا عشان القبول الاكاديمي والا اول تاريخ يكفي .

ام رفيدة كتب:

السلام عليكم في نقطة مهمة يجب ان نفهمها قبل السفر "طبعا في فرق بين الدعم المالي ودعم التاشيرة "دعم التاشيرة انا شخصيا قالولي لازم ايكون اقل من 28 يوم لكن الدعم المالي والذي هو اول خطوة وتجيب بيه القبول هل له صلاحية ايضا عشان القبول الاكاديمي والا اول تاريخ يكفي .

هذا صحيح وبالنسبة لدعم القبول فصلاحيته تعتمد على المعهد يعني فيه معاهد ممكن مايدوروش الصلاحية وفيه اللي يقبلوا لعند 6 شهور يعني الموضوع يعتمد على تقدير الموظف اللي يتعامل معاك ومافيش أبيض وأسود.

السلام عليكم: أناطالب دكتوراه موفد للدراسة الدقيقة وعندي موعد بالسفارة يوم 4/28 الاحد وقدمت على تأشيرة 11 شهر لي و11 شهر لزوجتي على أن زوجتي ترغب إستكمال دراستة حسب دعم التأشيرة وأن التأشيرة السياحية لا تمكنها من الدراسة وعندنا رسالة دعم تأشيرة واحدة صورت منها صورة ملونة بملف زوجتي - هل يكون هذا الامر عادي ؟

السلام عليكم
نفس السؤال اخي كوكي الي اني حاصلة فيه واحني موعدنا يوم 29 4وزوجي يطلع في تاشيرة دعم مالي جديدة على امل ان يعطونا نسختين اصليات وحدة نحطوها في ملفي ووحدة في ملفه وان شالله خير

كوكي كتب:

أخي الفاضل
نوري رزق
هذا سؤالك نقلتهولك الي المكان المناسب

[السلام عليكم: أناطالب دكتوراه موفد للدراسة الدقيقة وعندي موعد بالسفارة يوم 4/28 الاحد وقدمت على تأشيرة 11 شهر لي و11 شهر لزوجتي على أن زوجتي ترغب إستكمال دراستة حسب دعم التأشيرة وأن التأشيرة السياحية لا تمكنها من الدراسة وعندنا رسالة دعم تأشيرة واحدة صورت منها صورة ملونة بملف زوجتي - هل يكون هذا الامر عادي ؟]

بالتوفيق

السؤال مش واضح ولكن حسب مافهمت أنه يسأل هل عادي رسالة الدعم المالي للتاشيرة تكون واحدة للطالب والمرافق والجواب نعم طالما أن اسم الموفد والمرافق مذكورين في الرسالة ولكن إذا كان المرافق يريد الدراسة يجب أن يذكر في الرسالة ذلك بوضوح.

السلام عليكم....لو سمحتم هل رسالة الدعم المالى لغرض التاشيرة تسقط بعد فترة معينة اذا لم اقدم خلالها على التاشيرة.

السلام عليكم ورحمة الله وبركاته
انا اليوم اخدت رسالة دعم التأشيرة من مندوب المعاهد ( علي دخيل ) قال لي لابد من تغيير الصيغة القديمة وفيه صيغة جديدة للموفدين لبريطانيا لانهم يرفضو في التأشيرة بالصيغة القديمة وغيرت الرسالة وان شاء الله خير

بالله أخي
معهد
ممكن اتقولنا الفرق الي بين الصيغة القديمه والجديدية
يعني في شني التغيير؟
ومشكور

اخي كوكي ... بعد السلام
الفرق في انهم زادو فقرة يتم التفصيل في الدراسة اي ان كاتبين دراسة اللغة سنة كاملة وسنتين ماستر وباقي الرسالة نفس القديمة ....

مشكور خوي علي الرد

معهد كتب:

السلام عليكم ورحمة الله وبركاته
انا اليوم اخدت رسالة دعم التأشيرة من مندوب المعاهد ( علي دخيل ) قال لي لابد من تغيير الصيغة القديمة وفيه صيغة جديدة للموفدين لبريطانيا لانهم يرفضو في التأشيرة بالصيغة القديمة وغيرت الرسالة وان شاء الله خير

ممكن تحط الصيغة القديمة والجديدة أو الجديدة على الأقل.

اليوم خديت ورقة الدعم المالى للتاشيرة البريطانيةعالصيغة الجديدة وهذا مضمون الدعم الجديد
وربى ايسخر الامور

راجية رحمة ربى كتب:

اليوم خديت ورقة الدعم المالى للتاشيرة البريطانيةعالصيغة الجديدة وهذا مضمون الدعم الجديد
وربى ايسخر الامور
[left]
To whom it may concern..
This is to confirm that the student named above is dependent Libyan student sponsored by the scholarship department at the ministry of higher education&scientific research in Libya for English language courses and postgraduate study in u .k

بس الصيغة هذه خطأ لغويا لأنهم كاتبين أن الطالب dependent وهذه الكلمة معناها تابع وهم قصدهم بها مدعوم من الدولة بس الإنجليز يستخدموا في الكلمة في معنى آخر وهو تابع أو معتمد على شخص آخر (وليس جهة آخرى) لأن في الحالة الثانية المفروض يكتبوا مدعوم sponsored وليس تابع فربما تسبب في إشكالية.
والله أعلم

عدل سابقا من قبل Abu Mohamed في الأحد 02 يونيو 2013, 3:14 am عدل 1 مرات

صحيح

مع احترامي لكن لكن اكذبوا في هل النقطة



plus the additional costs and mandatory fees. Student will also receive a full medical insurance coverage (including coverage for accompanying family members ) until the complete period of study in the u.k


الله يلعنكم من كذابين