يلي يبي شي يبعث مكسد اسبوعين راحة و ما عندكمش مشكلة

السلام عليكم بارك الله فيكم جميعا ، عندي إستفسار هل يمكن قبول الدبلوم العالي في الجامعات الكندية الممتازة ؟

ILAC اني ما نقدرش انقيمه لاني ما مشيتلاش بكل بس حسب تقييم بعض الطلبة يلي كانو فيه يشكرو فيه 
و عموما لو لغتك يعني المحادثة تقدر تتكلم ممتاز و تسمع و تفهم كويس عدي لي معهد جامعة طول وكان شايف ان المحادثة ضعيفة امشي لمعهد خاص زي ILAC و بعدين غير لي معهد جامعة

اني هدي تجرتبي قعدت مع كابلان 5 شهور لين حصلت درجة الايلس و الاسبوع الجاي نبدا في جامعة تورنتو بيش انقوي الكتابة متاعي و كانت طريقة ناجحة و الحمد لله... 

نصيحة سنة اللغة لو عندك كيف تاخدها كاملة خودها ما اتضيعهاش ... لو لغتك مش تمام راح تتعب في الجامعة لما تبدا دراسة و صدقني راح تأثر حتى علي درجاتك ... و هدا من تجربة اصدقاء ليا

إن شـاء الله فى ميزان حسناتك

مافيش مشكلة خوي كنت حاصل زمان حتى اني و ما عرفتش شن اندير

بالنسبة خوي يلي يسأل علي الدبلوم العالي و القبولات ...... ما نقدرش انقولك ما اتحصلش قبلو في كندا لا عادي احتمال تحصل ... بس الجامعات القوية بكل زي تورنتو و الله و بصدق صعب القبول فيها لان فيه ناس متخرجة من جامعات في ليبيا و بتقديرات عالية و ما قدروش ايحصلو قبول فيها .... عدد الطلبات يلي اتجيهم كبير جدا و هما يشرطوووو .....

شكرا 
Hanan_Canada, Latawish, Awity,Osama44
ولكم جزيل الشكر على رودودكم وبالتوفيق والنجاح

السلام عليكم : إخى حياك الله

الرجاء التكرم بتقديم مساعدة :

انا موظف متحصل على قرار ايفاد لدراسة اللغة الانجليزية لمدة 6 أشهر في احدى الدول الناطقة باللغة الانجليزية ، وأنا أرغب في السفر الى كندا ، الرجاء مساعدتى بتزويدى باسماء أفضل الجامعات الكندية وكيفية الحصول على القبول ، وللعلم إننى أود استكمال دراستى العليا بنفس الجامعة تخصص حقوق ( قانون ادارى ) .  

         وبارك الله فيك وجزاك الله خيرا

و عليكم السلام هلا خوي 
والله شني بنقولك مادام انت تبي تكمل دراستك معناها المفروض تشوف الجامعة يلي فيها برنامج الماجستير يلي يمشي معاك و تبيه قبل ... بعدين اتشوف برنامج اللغة متاعهم ... ماعنديش فكرة علي برامج اللغة في الجامعات كلهن بس يلي يشكرو فيهن جامعة تورنتو و اوتاوا و يورك 

موفق

بارك الله فيك خوى atiwesh :

ممكن نستفسر منك على جامعة كاندى في مدينة فانكوفر واود ان اسئل على مستوى المعيشة وافضل وقت للسفر .

ياودي كان هذا اللي حكيت عليه مكسد سامحني عليها لأني ماعرفتش أسمك معناها واحد يغير ماليزيا وخلاصقصدي حتى 3 الاف دولار مايكفوش على أية حال ان شاء الله ربي يعينك ويوفقك

اسمي اكرم يا خوي و اني عطيتك يلي عشته هنا ما زدت عليك شي و تقدر تقرا اراء الناس يلي هنا كلهم ... كلهم يعطو نفس النقد ... منحة المتزوج بيش ايعيش في كندا غير كافية لان البلاد غالية نار بس لو انت عزابي تعال و ما عندكش مشكلة تقدرها و المنحة تسد بالريح بس التوفير يلي ايفكرو فيه اغلب الشباب فوته ما تفكرش فيه واجد ... ولا بتعيش مبهدل وستين حاجة تشوفها ما تاخدهاش

انت شاب يعني بتاكل في مطاعم و بتشري ملابس و بتخش سينما ولا بترفه علي نفسك مرة مرة ولا بتقعد عايش مع مجموعة ليبيين و تقسمو الاجار و تحكو ليبي طول الفترة ... ماعاش ايصير من لغة هكي ... و بلاد غربة و عزابي كان ما تفرهدش علي روحك بتفد و تكره لمعيشة .... بالتالي المنحة للعزابي تسد بس المتزوجين ربي ايكون في عونهم الحق خاصة لما المنحة اتطول

بالله اخي نبي قبول لغة في جامعة ساسكتشوان كيف انقدم وشكرا

السلام عليكم ... اولا الف شكرللجميع وبالاخص اخي اكرم الذي تطوع بأن يساعد مجانا وبالتالي علينا ان نعرف بأنه يفيدنا من خلال تجربته الشخصية الواقعية والانية فلا يحق لنا التشكيك او الرد والمجادلة معه ... انا تعرفت على الاستاذ اكرم في هذا لامنتدى ومازال لديا اتصالات معه ولم نلتقي ابدا وهو من الطلبة المميزين وقد تحصل على الايلس بدرجة امتياز وك\لك قبول في جامعة مرموقة واكن له احترام كبير ... معنى ذلك فقط علينا شكره وليس مجادلته وله مني فائق التقدير

بارك الله فيك يا خوي عويطي قدرك محفوظ و تسلم والله 
عادي خوي احني مدايرينها لوجه ربي و ربي ايوفق الكل