hmde1974 كتب: السلام عليكم
غريب جدا ان العضو الفعال زاهد الدنيا يرد على نقد الجميع , ولكنه لم يرد على نقد اخت الرجال القريب الي الاتهام بالمتاجرة بقبولات الطلبة واخذ نسبة على الطالب .
السلام عليكم
اهلا وسهلا بارك الله فيك خوي
الحقيقة ان كلامك تشرفت بيه الله يخليك
واني ليبي ومن مدينتي الخمس وطرابلس
نحترم وجهة نظرك في كل ما كتبت بل بلعكس نشد على ايدك وانا دائما نقول للطلاب صلوا صلاة الاستخارة حتى قبل التعامل معاي وان كان في متتبع للطلبة يقرا في كلامي نتمناهم يشاركوا ويقولوا ان كنت قلت الكلام هدا او لا وممكن لو تبحت في الارشيف رح تلقى ما يثبت
مش رح نرد رد معمق على وجهة نظرك بان الجامعة اللي تستخدم التجارة في جلب الطلاب تعني جامعة فاشلة لان نجاح الجامعة من فشلها مانحدداش اني او اي " تاجر " التصنيف العالمي ونسبة النشر ونسبة البحث والاستفسار عن الجامعة والاتفاقيات وبرامج التؤمة للجامعة هي اللي تحدد مدى نجاح الجامعة من فشله رخصة الابت الامريكية هي الي تحدد الجامعة
ولكن ان كانت الجامعة تخرج طلاب في التجارة لا بل ترتيبها العالمي في قسم التجارة والادارة 200 على العالم كيف ماتستخدمش العلم اللي تمنحه للطلاب حتى توصل الترتيب الاول على العالم وينفدوا خطتهم المستقبلية بان الجامعة يكون فيها 50 الف طالب مع حلول 2030 هدي رغبة مشروعة مع طريقة جدا مشروعة بان توزع وكلائها حول العالم او المتحدثين باسمها لن توصل صوتها ولا قضية دولة شمال قبرص الاسلامية للعالم الا بطرق المشروعة بان توزع وكلاء حول العالم تعطيهم مقابل او بدون مقابل لا يعني للطالب شيء الا انه يعنيه جودة التعليم اللي خلت امركيا تمنحها شهادة الابت لا بل ترتيب عالمي متقدم جدا لا بل الامر اجتاز هدا وداك بانها تحمل مركز من بين 30 جامعة حول العالم تستخدم التقنية الشبكية في التعليم
جامعة تملك التكنو بارك مركز للاختراعات
الصراحة عندي اشارة استفهام كبيرة فيما يتعلق بالجزاء من ردك هدا نستغرب ان نجاح الشيء يجب ان يكون بدون ميديا او بطرق الدعاية في الحالة هدي لن يكون هناك الا جامعة اوكسفورد وهاردفورد واحتمال معهد اسوشستس فقط
طيب ان كان الدعاية شيء مقبول لكن منح المتكفلين بهده الدعاية هوا المرفوض سيكون ااشارة استفهام اكبر من الاولي
عموما نعتقد ان الجامعة هدي انجح جامعة ستكون على اقل تقدير لانهم استخدموا هدا النوع من الدعاية وهوا اختاروا ان يكون الدعائيين من ابناء جلدة ولغة الطلاب
نرجع ونقول اني نحرم وجهت نظرك ...!
باختصار من يقيم الجامعة هل شخص دخل الانترنت وحلل هوا من في يده يقيم جامعة او المنظمات الدولية والعالمية المختصة اللي تزور الجامعة كل عام علشان تحدد جودتها ...؟!
بالنسبة لموقع الوفد في عدم مصداقيته وجعله فقط كامرجع للمعلومات اخي الفاضل الموقع هدا ليه الفضل على الاف الطلبة من ليبيا ومن كل دول العالم العربي امام الله والتاريخ ويشهد الله من كل حد وصوب ساعدهم الموقع هدا في الدراسة ومند مدة مش بسيطة وهما يقدموا الخدمات للطالب بدون ما يدفع اي قرش
اخي الفاضل الموقع هدا لم نجد فيه الا كل احترام ومصداقية على عكس الصفحات والمواقع الاخرى والحقيقة نستغرب كلام حضرتك في هدا الامر ...!؟
الحقيقة
بالنسبة للتجارة بمستقبل ليبيا وشبابها ومستقبل احفادها
شوف ولاول مرة نقولها على الملاء واني عارف هدا ضد زهير ( زاهد الدنيا ) مانتمناش نرجع لي ليبيا
ولكن يشهد الله عز وجل عليا اني بامكاني نسجل طلاب في جامعات خاصة ونستلم ضعف المبلغ اللي انت دكرته ولكن مارضيتش لنفسي ولا التاريخ ورغم اني اخطئت وسجلت طلاب وكنت نضن ان الجامعات كويسة وبعد ماتاكدت بان الجامعات غير كويسة عاهدت الله عز وجل لن نسجل اي طالب في اي جامعة خاصة من الاساس ويعلم الله ويشهد التاريخ لو اني تقاضيت اي مبلغ مالي مقابل اني نسجل طالب في جامعة خاصة وانا موجود ومعروف في قبرص وانا مستعد لاي رد بالخصوص ولاي مناضرة
بالنسبة لاستفسارك في عدم الرد علي الشخص اللي دكرته
الناس الاولى يقولوا يا اما تحشم ولا خاف
ولكن اني ناكدلك وامام الله اني لا من هدي ولا من هدي اني والله وبالله وتالله ( تركت كل شي لله )
كلفت الله بان ياخد حقي ان كان لي حق وان كان ماليش حق وانا ظالم ( ياخد فيا الحق )
لكل الانتقادات اللي رديت عليها ليست موجهة ليا او خلي نقولوا مش تصفية حساب
بس ناكدلك ان الرد اللي دكرته هوا تصفية حساب وعندي ما نقول في هدا الموضوع ولكن والله وتالله وبالله اني تركت كل شيء لله فقط وربي شاهد عليا
يعلم الله ويشهد التاريخ مادرت شيء يضر بمستقبل اولاد ليبيا ولا درت شيء مش في صالح الليبيين وليبيا
وان كنت اشتغلت بما يرضي الله لاني غير موفد وان اكلت نفسي بدون ما نمد يدي للغير هدا لا يعني في مجال للشك او خلي نقولوا البزنس .
اخيرا نحب نقول ان الرزق متكفل بيه الله عز وجل ولله اللي رزق الطير في الجو والحوت في البحر لن ناخد الا اللي كتبه الله عز وجل
مرة تانية ناكدلك باني والله سعيد بردك
الله يفتح عليك
