تجربة مسافر كندا

اخي رياض سالت صاحب المكتب قال انا اعمل في تورنتوا والامكان القريبه منها فقط
وليس لديه فرع في اوتاوا

أختي لينا بارك الله فيك على مجهودك  وأسال الله الكريم رب العرش العظيم أن يوفقك.
(ملاحظة اسمي رضا وليس رياض)

شكرا للأخت لينا وان شاء الله ربى يوفقك وجميع الموفدين ,, راح نحاول نحط تجربة السفر ان شاء الله عن قريب وبالتفصيل الممل ,, انتظرونا ولا تنسونا من دعائكم

السلام عليكم 
بالنسبه لموضوع السفر وتجربة كل واحد اعتقد انه موضوع صعب شويه لاختلاف وجهات النظر في اهمية الموضيع واحيانا ينسى الشخص شي مهم بالاضافه ان قد ياخذ وقت وفي نظري يكون ممل عندما يكون الموضوع طويل ، لكن من باب اولا ان الموفد الجديد او الطالب اللي عنده مشكله او استفسار انه هو يطرحه في الموفد واي شخص عنده فكره على الموضوع يقدر يجاوبه وهذه وجهة نظري الشخصيه

السلام عليكم
مشكوره جداً يا أختي Laina
غير حبيت نسالك علي الأخ زكريا صاحب مكتب الطالب
نبي كيف نوصل فيه رقم موبايله أيميله ،،،،أي شي.
هل انتي تعرفيه شخصيا وإلا هو الي كملك كل شئ من غير ما تعرفيه

قصدي الراجل هذا مضمون ،، يعني انتي كيف ماطلبتي لقيتي .

بالله ما تنسيش تحطيلنا ايميله أو رقم هاتفه أو فايبر

مشكوره

sharf_s2003 كتب:

السلام عليكم
مشكوره جداً  يا أختي Laina
غير حبيت نسالك علي الأخ زكريا صاحب مكتب الطالب
نبي كيف نوصل فيه  رقم موبايله أيميله ،،،،أي شي.
هل انتي تعرفيه شخصيا وإلا هو الي كملك كل شئ من غير ما تعرفيه

قصدي الراجل هذا مضمون ،، يعني انتي كيف ماطلبتي لقيتي .

بالله ما تنسيش تحطيلنا ايميله أو رقم هاتفه أو فايبر

مشكوره

وعليكم السلام اخي
الاخ زكريا انا كنت نتعامل معه من شهر 11 سنة 2012  هو الي جابلي قبول المعهد ولما ياخذ اي مقابل ماعدا 150 دولار حق التسجيل application fee  و اخذ اتعابه من المعهد علي عكس مكتب اي دي بي في طرابلس الي خذا مني 460 دينار يشمل حق التسجيل بس في معهد اخر في فانكوفر المهم زكربا جددلي القبول 3 مرات بدون مقابل وكل ما نساله او نستفسر عن شي كان يرد عليا وباله واسع وكنت واثقه فيه جدا لدرجة اني حولته 1600 دولار بدون ما نعرف حتي وجهه بس هو كان محتفظ بصور جوزات السفر امتعتي وامتع زوجي عشن يعرفنا لما نوصلوا المهم هو واحد مضمون مليون في المئه ولو انت حاب مثلا انك تختار الشقه علي ذوقك يقترح عليك انه يحجزلك في استديوا اسبوع  او في فندق رخيص يسموه موتيل تقريبا لمدة 3 ايام  او يومين لعندما تتفرج علي الشقق المتوفره وتختار بروحك والله بصدق انا وفر عليا واجد وساعدني واجد الي  اليوم كان عندي ووكان يبي يشيلني هو وزوجته الي عياده الدكتوره الي حولتني عليها دكتورة العائله بدون مقابل لاني ما نعرفش مكانه  بس للاسف لما اتصلت بالعيادة طلعت الدكتوره مش جايه اليوم و اجلنا المشوار لعند يوم الاثنين وان شاء خير
وهو الان في طريقه الي مطار لاستقبال شاب من ليبيا من شباب منتدي الموفد , وان شاء يحكيلكم عليه وان كان التعامل معه كويس اولا لان الاراء ممكن انه تختلف
و لو قررت انك تتعامل معه ماتخافش اطلب وبكل اريحيه وتقدر تشرط عليه لي تبيه وهو يقولك الي يقدر عليه والمتوفر و الاحسن
وانا شاء الله بالتوفيق[url=http:// ( عفوا يمنع نشر المواقع الربحية {إدارة المنتدى} ) ][/url]
altaleb( عفوا, يمنع نشر البريد الإلكتروني, استعمل الرسائل الخاصة )ca

Zakriya Bamatref  
Student Consultant
Altaleb Student Services
105 Dundas Street East, 2nd Floor
Toronto, Ontario   M5B 1E1   T :001 416 824-8118

وعلي الفيس

Zakriya Bamatref 

ولو كنت ناوي تتعامل معه قوله انا من طرف ليلي عشن يثق فيك لانه شباب السعوديين يتعبه فيه واجد وطافش منهم حتي ناوي انه يفتح مكتب في ليبيا لما تستقر الاوضاع فيها
وان شاء الله خير

مشكوره يا اختي ليله 
نعم انا اريد التعامل معه ان شاء الله ... بنحاول نتواصل معه بالفيس بوك 

يا اختي ... هل الاخ زكاريا ليبي والا من وين ؟
وحاجه تانيه انتي ان شاء الله ماشيه بتقري ماستر في اي قسم ؟

ربي يوفقك ان شاء الله

انا كنت نحسبه سعودي بس طلع يمني حضرمي  واهله عايشين في سعوديه والامارات وزوجته عارقيه
هو قال افضل شي التوصل علي الايميل بس الايميل ما بش يطلع سع نبعث لكي علي الخاص
وانصح اي شخص قادم لكندا وما عندش خلفيه علي كيفة التعامل والاجار والفنادق وووو يعني ما يعرفش يخلص روحه وما عندش حد يعرفه مثلا قريبه صديقه  او اي طالب ليبي جاي قبله و يقدر يساعده انه يتعامل مع هذا الشخص علي الاقل يوفر عليك العناء والمصاريف لعندما انت تعرف المكان وتقدر تتصرف وحدك بصدق والله مع ان عندي اقاربي واجد في كندا في هميلتون وفي حتي تورنتوا  لم استطيع الاعتماد عليهم لان محدش فاضيلي ولا حتي حد منهم فكر انه يسال عليا ويزوني باستناء عمي وهو وحده جاي من فتره قريبه وساكن في كبيك ولايه فرنسيه وجاي يوم الاثنين عشن يزورني ان شاء الله

انا نبي نقرا ماستر  صحه عامه باذن الله
وان شاء الله ربي يوفقنا جميعا

مشكوره جدا 

  نبي نعرف حاجه ... قصدي نتوكل علي الله ونبدا نراسل في زكريا وكان وصلت معاه لي انا نبيه  نحول الفلوس من غير خوف .

 انا نعرف كيف نتصرف بس الحق ما عندي حد غادي ابداااا ابدااا 

عندي شخص في فانكوفر مرات نربطه معاه 

اهو انا بعتله علي الفيس بوك وان شاء الله ربي يفقني ويوفق الجميع 
انا يا اختي ليله كان صار من المشي لكندا  حندورك مرات تبيني نجيبلك حاجات معاي 

هيا تحياتي

بارك الله فيك يا اخي مشكور وما اتقصر  وانا شاء الله ربي يوفقك  ويسهلك امورك وتوصل بالسلامه

اختي ليله ..اريد التواصل معك علي الفيس بوك لوو وافقتي 
هدا حسابي بالايميل هدا ( Sharf_S2003@yahoo,com
تلقيه باسم شرف سالم 

صحيتي

بعتلك ايميل يا شارف علي الفيس شوفه كانا اللي قالتلك عليه ابله لينا ما دارلكش حل نبعتلك تيليفون مكتب اتصور يخدمك

خوي علي الدين مشكور جداً
الأيميل ماوصلش

السلام عليكم 
للاخوه اللي يبو قبول لغه فيه مكتب خدمات في فانكوفر ليبي يوفر في قبول اللغه مجاني ويمكن ان يقدملك باقي الخدمات بس ما نعرفش التكاليف الاخرى من تاجير واستقبال في المطار الشباب كويسين وخدومين اللي يبي يتواصل معهم يبعتلي على الخاص

السلام عليكم ورحمة الله وبركاته كلا من الاخت laina والاخ sharaf اود الاستفسار منكما فاننى تابعت محادثتك ياختى واحببت ان استفسر لان اختى ان شاء الله قادمة الى كندا فقد حصلت على التأشيرة وتم حصولها على قبول بمعهد اللغة ce english فى فان كوفر  فاود منك هل يستطيع الاخ زكريا مساعدتى فى ايجاد شقة ومعرفة المعيشة هناك وماذا يجب على اختى ان تجلب معها من اى شىء بالتحديد اما عنك ياأخ اشرف فاود سؤالك ماهو المعهد الذى حصلت فيه على قبول لغة وماذا تعرف بالتحديد عن فان كوفر لانه ليس لديها ادنى فكرة عن المنطقة ولكما جزيل الشكر

أخت رهف علي حسب مقالات إلاخت لينا انه زكريا راجل خدوم ويفعل 
بالنسبه ليا لعند توا ما عنديش ولا قبول وحاجه تانيه عندي صديق يقرأ في فانك وفكر قالي قويه هلبه وجميله ونظيفه 

حاليا قاعد نراسل ف زكريا أن شاء الله خير

بالله يا خوي محمد اشطيبه ممكن تبعت لي عنوانهم وإلا أي ميلهم الأولاد أهما الي في فانك وفر 

صحيت

السلام عليكم جميعاً .. أنا اللي قالت عليه الأخت لينا بارك الله فيها إن الأستاذ زكريا ماشي للمطار باش يستقبلني .. أنا لا أزكي على الله أحداً لكن الحق يقال الراجل يمكنك أن تثق فيه وخدوم والشهادة لله واقف معاي وقفت أخ مش شخص يؤدي في عمل .. مع أن تواصلي معاه كان في أخر لحظة (قبل سفري بأقل من يوم تقريباُ) عن طريق أختي لينا جازاها الله خير هي الأخرى على جميلها معاي .. يا هكي المعاملة يا بلاش .. يا أخي sharf s2003 إذا كنت محتار أنصحك بشدة بالأستاذ زكريا .

صحيت يا محمد 

بالله كان عندك رقم هاتفه او سكايب او فايير للاخ زكريا ابعتهولي علي الخاص 

لانه بعتله علي الفيس وايضا ايميل ماردش ... شكله ما يشتغلش ف الويك اند 

مشكور

نريد سكايب الاخ زكريا

iهذا رقم هاتفه  4168248118 001   
هو حيرد عليك بس احسب انت فارق الوقت توا عندنا الساعه 6 و نص الفجر

السلام عليكم شكرا لك يااخى شرف وياريت من الاخ mohammad bizan ,والاخت liana اود الاستفسار عن الاخ زكريا هل يستطيع مساعدة اختى لانها تريد فى فان كوفر وانا علمت منكما ان الاخ زكريا وانتما فى تورنتو ولكم جزيل الشكر

السلام عليكم اختي الكريمه الاخ زكريا قال انه فقط يعمل في تورنتو و الاماكن القريبه منها زي  اشاوا مثلا ولندن اونتاريو