استفسارات بخصوص جواز السفر

Medona كتب:

لا جوازي غير منتهي الصلاحية

إذا كان غير منتهي لماذا تريد نقل التاشيرة؟
عموما كما قال لك الأخوة لايوجد داع لأن تنقلها إلى جواز جديد وأرجو الإطلاع على المشاركات في هذا الموضوع وسيتم نقل مشاركتك إليه
استفسارات بخصوص جواز السفر

مصطفي محمد محمد كتب:

السلام عليكم
جواز سفري ينتهي 15/3/2015  ومتحصل على قبول اكادیمي للدكتوراه غیر مشروط بدایة  1/10/2014 سوف نقدم على التایر 4  في منتصف شهر 7  هل يجب علي استخراج جواز سفر جديد او نستخدم الاول
لاني محتار في الموضوع فالبعض يقول عادي مافیش مشكلة قدم به وسوف يعطوك المدة كلها والبعض الاخريقول سوف يعطوك مدة التأشيرة على حسب مدة صلاحية الجواز ِ

وعليكم السلام
نعم مافيش مشكلة يعطوك على حسب مدة الدراسة وليست حسب صلاحية الجواز الذي يمكن تجديده

السلام عليكم ورحمة الله وبركاته

ارغب في التقديم علي تاشيرة TIER4 ولدي اطفال مضافين معي في جواز السفر اقل من 12سنة . هل التقديم للفيزا المذكورة يشترط ان يكون للاطفال جوازات سفر خاصة بهم او لايوجد اي موانع للتقديم وهم مسجلين معي في جواز سفري.

نأمل تكرمكم بالتوضيح

وشكرا للجميع

ام الحبيب كتب:

السلام عليكم ورحمة الله وبركاته

ارغب في التقديم علي تاشيرة TIER4 ولدي اطفال مضافين معي في جواز السفر اقل من 12سنة . هل التقديم للفيزا المذكورة يشترط ان يكون للاطفال جوازات سفر خاصة بهم او لايوجد اي موانع للتقديم وهم مسجلين معي في جواز سفري.

نأمل تكرمكم بالتوضيح

وشكرا للجميع

وعليكم السلام ورحمة الله وبركاته
لايوجد أي موانع إن شاء الله
توكلي على الله

السلام عليكم ورحمة الله وبركاته
استفسار بسيط , هل يمكن نقل التأشيرة البريطانية (طالب زائر) من الجواز القديم الى الازرق ؟ علمآ بأني قاعد في ليبيا
ياريت اللي يعرف يقولي كيف بالزبط اندير وكم تاخذ وقت
وبارك الله فيكم

Malekr كتب:

السلام عليكم ورحمة الله وبركاته
استفسار بسيط , هل يمكن نقل التأشيرة البريطانية (طالب زائر) من الجواز القديم الى الازرق ؟ علمآ بأني قاعد في ليبيا
ياريت اللي يعرف يقولي كيف بالزبط اندير وكم تاخذ وقت
وبارك الله فيكم

وعليكم السلام ورحمة الله وبركاته 

أرجو الإطلاع على هذا الموضوع وسيتم نقل مشاركتك إليه وأرجو أيضا التقيد بقوانين المنتدى
http://www.almofad.com/t2197p300-topic#194777

يا خوي اني نبي نعرف الاجابة علي سؤالي المتعلق بالسفارة الانجليزية
والموضوع اللي نقلتني ليه مفهمتش منه حاجة ومعرفتش هل السفارة اللي نقلتهلم التأشيرة انجليزية ولالا .

Malekr كتب:

يا خوي اني نبي نعرف الاجابة علي سؤالي المتعلق بالسفارة الانجليزية
والموضوع اللي نقلتني ليه مفهمتش منه حاجة ومعرفتش هل السفارة اللي نقلتهلم التأشيرة انجليزية ولالا .

أخي الإجابة اللي في الموضوع كانت واضحة وصريحة وهي أنه مافيش داع تنقل التأشيرة وتشيل معاك الجواز القديم اللي فيه التأشيرة والجديد.
http://www.almofad.com/t2197p300-topic#194777
وحتى الإنجليز كاتبينها لك صريحة مافيش داع
You don’t have to transfer your visa - you can carry both your old and new passports when travelling to or from the UK instead.
https://www.gov.uk/transfer-visa
ولو أصريت وتبي تنقلها فيه عليها رسوم تدفعهم 109 باوند يعني قريب 250 دينار ليبي

السلام عليكم لدي استفسار فى حالة وجود تاشيرة لمدة سنة والجواز يحتاج الى تجديد الجلدة هل تلغى التاشيرة فى الجواز القديم او هناك اجراء اخر لاننى سمعت انه يتم تقديم الجواز الجديد والقديم للسفارة البريطانية ويتم تغييرها وسؤال واذا كان هدا صحيح كيف يتم اخذ موعد لهذا الغرض وبارك الله فيكم

كندة عيسى كتب:

السلام عليكم لدي استفسار فى حالة وجود تاشيرة لمدة سنة والجواز يحتاج الى تجديد الجلدة هل تلغى التاشيرة فى الجواز القديم او هناك اجراء اخر لاننى سمعت انه يتم تقديم الجواز الجديد والقديم للسفارة البريطانية ويتم تغييرها وسؤال واذا كان هدا صحيح كيف يتم اخذ موعد لهذا الغرض وبارك الله فيكم

وعليكم السلام
لا ماتلتغى التاشيرة حسب علمي بس خلي مكتب الجوازات يكتب نفس الاسم الانجليزي وبعدين يدبسو الجوازات ببعضهن
واكيد طبعا انه الجواز الجديد هيكون مكتوب فيه انه عندك جواز قديم وحيذكرو رقمة ومكان اصدارة
وان شاء الله تمشي الامور وربي يوفقك
اما بخصوص تقديم الجوازات لسفارة البريطانية و ويتم تغيرها ما عندي علم بيها ممكن بعض الاخوة عندهم خبرة اكثر مني يفيدوك

كندة عيسى كتب:

السلام عليكم لدي استفسار فى حالة وجود تاشيرة لمدة سنة والجواز يحتاج الى تجديد الجلدة هل تلغى التاشيرة فى الجواز القديم او هناك اجراء اخر لاننى سمعت انه يتم تقديم الجواز الجديد والقديم للسفارة البريطانية ويتم تغييرها وسؤال واذا كان هدا صحيح كيف يتم اخذ موعد لهذا الغرض وبارك الله فيكم

أرجو الإطلاع على هذا الموضوع وسيتم نقل مشاركتك إليه
http://www.almofad.com/t2197p300-topic#196420

السلام عليكم
أنا عندي جوازين, الجديد ينتهي في 2017, الجواز القديم مش واخذ فيه تأشيرة من قبل إلا لبلاد الحرمين وذكرتها في الاستمارة في إجابة سؤال (هل عمرك سافرت لأي بلاد باستثناء بريطانيا ؟), هل يجب علي مع الجواز الجديد تقديم الجواز القديم ؟

غَيور كتب:

السلام عليكم
أنا عندي جوازين, الجديد ينتهي في 2017, الجواز القديم مش واخذ فيه تأشيرة من قبل إلا لبلاد الحرمين وذكرتها في الاستمارة في إجابة سؤال (هل عمرك سافرت لأي بلاد باستثناء بريطانيا ؟), هل يجب علي مع الجواز الجديد تقديم الجواز القديم ؟

وعليكم السلام

نعم ... لو أشرت إلى الجواز القديم في الاستمارة وذكرت أنه مازال معك عندها يجب تقديمه مع صورة منه ،،، و هذا إجراء عادي وما فيشي مشكلة ... طبعاً حيرجعوه لك مع بقية المستندات الأصلية ...

السلام عليكم ... لقد قمت باضافة ابنائي في جواز السفر الخاص بي ولكن تم كتابة اسمائهم فقط وتاريخ ميلادهم من غير كتابة اسمي واللقب من قبل ادارة الجوازات . هل يؤثر هذا عند تقديمي للتاشيرة البريطانية لهم ؟؟ . بارك الله فيكم ..

ASHOUR كتب:

السلام عليكم ... لقد قمت باضافة ابنائي في جواز السفر الخاص بي ولكن تم كتابة اسمائهم فقط وتاريخ ميلادهم من غير كتابة اسمي واللقب من قبل ادارة الجوازات . هل يؤثر هذا عند تقديمي للتاشيرة البريطانية لهم ؟؟ . بارك الله فيكم ..

وعليكم السلام 
للأسف هذا مايفعل غالبية الموظفين في الجوازات وكان الأفضل لك لو طلعت لهم جوازات بروحهم ولكن لايوجد مشكلة 
أرفق شهادات ميلادهم وفيها تواريخ ميلادهم وممكن في التأشيرة يحطوا سنة الميلاد واليوم والشهر يكتبوه 01-01
ولكن ماهو نوع التأشيرة اللي حيقدموا عليها المرافقين الأبناء؟


ملاحظة تم مناقشة هذا الموضوع عدة مرات في موضوع والذي سيتم نقل مشاركتك إليه
استفسارات بخصوص جواز السفر 

المتوكل على الله كتب:

غَيور كتب:

السلام عليكم
أنا عندي جوازين, الجديد ينتهي في 2017, الجواز القديم مش واخذ فيه تأشيرة من قبل إلا لبلاد الحرمين وذكرتها في الاستمارة في إجابة سؤال (هل عمرك سافرت لأي بلاد باستثناء بريطانيا ؟), هل يجب علي مع الجواز الجديد تقديم الجواز القديم ؟

وعليكم السلام

نعم ... لو أشرت إلى الجواز القديم في الاستمارة وذكرت أنه مازال معك عندها يجب تقديمه مع صورة منه ،،، و هذا إجراء عادي وما فيشي مشكلة ... طبعاً حيرجعوه لك مع بقية المستندات الأصلية ...

جزاك الله كــــــــــــــــــــــــل خير

Abu Mohamed كتب:

ASHOUR كتب:

السلام عليكم ... لقد قمت باضافة ابنائي في جواز السفر الخاص بي ولكن تم كتابة اسمائهم فقط وتاريخ ميلادهم من غير كتابة اسمي واللقب من قبل ادارة الجوازات . هل يؤثر هذا عند تقديمي للتاشيرة البريطانية لهم ؟؟ . بارك الله فيكم ..

وعليكم السلام 
للأسف هذا مايفعل غالبية الموظفين في الجوازات وكان الأفضل لك لو طلعت لهم جوازات بروحهم ولكن لايوجد مشكلة 
أرفق شهادات ميلادهم وفيها تواريخ ميلادهم وممكن في التأشيرة يحطوا سنة الميلاد واليوم والشهر يكتبوه 01-01
ولكن ماهو نوع التأشيرة اللي حيقدموا عليها المرافقين الأبناء؟

بارك الله فيك ,, نوع التأشيرة ان شاء الله تير فور , تاريخ ميلادهم مكتوب صحيح في جوز السفر الخاص بي , لكن اسمائهم ليست ثلاثية , هل يكون سببا للرفض ام لا ؟؟ جزاكم الله خيرا

السلام عليكم . عندي مشكله بسبب استخراج جواز السفر الجديد لان اسمي في الجواز القديم كان في اختصارات بالاحرف لاسم الاب والجد بحرفين A . F. ولكن في الجواز الجديد كتبوا الاسمين كاملين يعني Abdullah / Frhat وفي شهادة الايليس اسمي الاول هو Ahmed A F في ورقة القبول من الجامعه للمجيستير نفس القصه هل سوف يعتبر هذا تغيير كامل للاسم ويسبب لي المشاكل في التاشيره ام انهم سوف يتفهمون هذا التغيير وجماعة الجوازات قالولي ما فيش مشكله هم يعرفوا الاختصارات هذه والمنظومه الجديده لا تسمح بكتابة الاختصارات حرف واحد لكل اسم لكن انا مانيش متطمن اشيروا علي بارك الله فيكم ما فيش حد واجهتها مثل هذه المشكله او المنظومه اكتبت الاختصارات بشكل عادي حرف واحد بدل من الاسم
وان شاء الله ربنا يفرج علينا

Libya Libya كتب:

السلام عليكم . عندي مشكله بسبب استخراج جواز السفر الجديد لان اسمي في الجواز القديم كان في اختصارات بالاحرف لاسم الاب والجد بحرفين A . F. ولكن في الجواز الجديد كتبوا الاسمين كاملين يعني Abdullah / Frhat وفي شهادة الايليس اسمي الاول هو Ahmed A F في ورقة القبول من الجامعه للمجيستير نفس القصه هل سوف يعتبر هذا تغيير كامل للاسم ويسبب لي المشاكل في التاشيره ام انهم سوف يتفهمون هذا التغيير وجماعة الجوازات قالولي ما فيش مشكله هم يعرفوا الاختصارات هذه والمنظومه الجديده لا تسمح بكتابة الاختصارات حرف واحد لكل اسم  لكن انا مانيش متطمن اشيروا علي بارك الله فيكم ما فيش حد واجهتها مثل هذه المشكله او المنظومه اكتبت الاختصارات بشكل عادي حرف واحد بدل من الاسم
وان شاء الله ربنا يفرج علينا

وعليكم السلام

أعتقد أنه يحب عليك مراسلة الجامعة وتبلغهم بتغيير جوازك وتبعث لهم نسخة من الجواز الجديد علشان يتم تحديث بياناتك لديهم ،،، وممكن تطلب منهم نسخة جديدة من القبول خصوصاً لو كان فيه رقم كاس و تبي تستعمله للحصول على التأشيرة ... و بجانب القبول يجب أن تكون رسالة الدعم المالي لغرض التأشيرة جسب بيانات الجواز الجديد من ناحية الاسم والرقم ...

أما لو كنت مترجم مستندات أخرى بالاسم اللي في الجواز القديم (بالاختصارات) أعتقد ما فيهاش مشكلة في حالة لم يذكر رقم هذا الحواز في اي من هذه المستندات ... خصوصاً لو كان اللقب مكتوب كاملاً في كلا الجوازين وبنفس الحروف (بدون تغيير) ...

شكرا على الرد وبخصوص شهادة الايليس كيف يصير فيها نطلب نغيرها ولا لا لان اسمي الاول مكتوب Ahmed A. F. يعني ما تاثرش لو ما غيرتش ومركز الايليس لا اعتقد انهم يرضوا يغيروه لو رسلتهم . الاسم الاول واللقب مكتوب بدون تغيير في الجواز الجديد ولكن الخوف من الحرفين الي كانوا باختصار وتم تحويلهم الى اسمبن كاملين وانا مترجم شهادة الجامعه وكشف الدرجات ورسائل التزكيه كلهم بنفس الجواز القديم . والله الحق خايف من القصه هذه كلها يسنرها الله وخلاص

أخي الكريم ... هل لقبك مكتوب كما هو في الجواز القديم والجديد ؟

نعم اللقب مكتوب في الجديد كما هو في القديم . ولكن المشكله عندي في الاختصارات في الجواز الجديد مكتوبه بالكامل وفي شهادة الايليس مكتبو السم الاول Ahmed A. F. وفي التاشيرتين السابقتين نفس الاسم خايف من استخراج الكاس نمبر يكون مخالف للاسم في شهادة الايليس

Libya Libya كتب:

نعم اللقب مكتوب في الجديد كما هو في القديم . ولكن المشكله عندي في الاختصارات في الجواز الجديد مكتوبه بالكامل وفي شهادة الايليس مكتبو السم الاول Ahmed A. F. وفي التاشيرتين السابقتين نفس الاسم خايف من استخراج الكاس نمبر يكون مخالف للاسم في شهادة الايليس

أخي الكريم ... طالما أن الاسم الأول واللقب (وهما الأهم لأي معاملة وخصوصاً في بريطانيا) مكتوبة زي ما هي في الجواز القديم والجديد (نفس الـ Spelling) ، و أن المستندات اللي ترجمتها ما فيهاش رقم الجواز  القديم ،،، في هذه الحالة ما فيش أي مشكلة إن شاء الله ، لأن ما فيش تغيير جوهري في بياناتك ... وحتى في شهادة الآيلتس إن شاء الله ما فيش مشكلة طالما اسمك ولقبك مكتوبة زي ما هي في الجوازين ،،، فقط لو احتجت للآيلتس في أي معاملة وطلب منك صورة من جواز السفر أبعث صورة من الحواز الجديد والقديم باعتبار رقمه موجود في الشهادة ...

أما رقم الكاس زي ما وضحت لك ،،، أبعث نسخة من الجواز الجديد للجامعة وخليهم يتعثوا لك القبول ورقم الكاس جسب بيانات هذا الجواز ، وهذه النقطة مهمة وضرورية ...

توكل على الله وإن شاء الله موفق ...