تأشيرة كندا اون لاين

mabrokly
السلام عليكم
هل رسالة البايومترك تجي مع تأكيد التسجيل ولا تعطل

السلام عليكم
هل رسالة البايومترك تجي مع تأكيد التسجيل ولا تعطل

و عليكم السلام

انا جتني مباشرة بعد ماعبيت اونلاين يعني بعد دفع الفلوس مباشرة , و كان عندي موعد في مكتب التاشيرات من غدويتها , سحبتها و مشيت للمكتب في حي الاندلس

بارك الله فيك اخ bosafy

السلام عليكم انا متزوجه وعندي ثلاث اطفال تحت سن الدراسة ممكن تساعدوني شني الاوراق اللي يكونوا عندي جاهزين باش نقدم اونلاين

أختي فطمة كل موفدوراقيه يختلفوا على الثاني .... ويشتركوا كلهم في الصورة الشخصية بالمواصفات المطلوبة وصور جوازات السفر عربي وانجليزي والتجديد والنماذج المطلوبة ... لكن قبل كل شي فيه اسئلة في صفحة cic يجاوبوا عليها اللي بيقدموا اونلاين وعلى ضوؤها يبعثولك checklist فيها المطلوب منك ولكل افراد عائلتك .... بالتوفيق

مشكورة اختي احلام

فطمه عبدالقادر كتب:

السلام عليكم انا متزوجه وعندي ثلاث اطفال تحت سن الدراسة ممكن تساعدوني شني الاوراق اللي يكونوا عندي جاهزين باش نقدم اونلاين

وخيتي فطفط انتي مازال حتي ماقدمتيش ..نحسابك حتي بديتي القراية ^_^

سقدي روحك فيسع المكتب الكندي والبعتات ماليهمش امان كل مرة يطلعو براي توة يقولو باهي اللي فوتنالكم القرار الاخير بتزيدهوا ...معنها فييييييسع


افتحي هني
http://www.cic.gc.ca/english/study/study.asp

افتحي هدي وشوفي انك اوكي تقدمي وتكملي ولا لا

before you apply

وبعدين ششوفي

Apply—Study permits

في المجمل والمشترك زي ماقالتك اختي احلام

You need the following documents to apply for a study permit:

Proof of acceptance قبول المعهد
Proof of identity بابسورتك
Proof of financial support دعم التاشيرة او الدعم اللي بيغطيلك قرايتك .. كانك موفد او علي حسابك
Letter of explanation ورقة الشرح اللي علي الوورد واكتبي فيها اللي تبيه تقوليهولهم متلا نوع التاشيرة معلومات عنك وشن تبي من كندا ياعني معلومات تبي توصليهالهم واسحبيها ووقعيها وديرلها سكان وحمليها تاني ع الموقع ومعاها الصورة الشخصية
وبعدين افتحي هدي
http://www.cic.gc.ca/english/information/applications/student.asp
وهو فيه النمادج اللي تبيهم واللي هما

Document checklist [IMM 5483] (PDF, 155 KB) March 2014
Application for a Study Permit Made Outside of Canada [IMM 1294] (PDF, 334 KB) February 2014
Family Information [IMM 5645] (PDF, 59 KB) September 2009
Schedule 1 – Application for Temporary Resident Visa [IMM 5257 – Schedule 1] (PDF, 367 KB)
وفيه مواصافات الصورة واللي اي مصور يعرفها المواصفات قوليله للتاشيرة الكندية نفس المواصفات تقريبا لباقي التاشيرات بالدات الامريكية والكندية

الرد ملخبط ...بس حاولي شوفي شن كتبتلك ع الاقل نبدة مختصرة

السلام عليكم اريد ان اعرف هل الساحة الصربية مفتوحة وايضا الساحة الفنلندية اتمني ممن عنده معلومة ان يفيدنا و جعل الله ذلك في ميزان حسناته

شكرا اختي سرسوبه بس انشالله عند الله خير كل خطوة انديرها ضروري يصير فيها تعطيل توا قاعدة نستنى في دعم التاشيرة والمندوب كل يوم يقول حاجه بس بادن الله نمشي لطرابلس نشوفه بروحي احسن والا ممكن نبدا في التقديم قبل لا يعطوني الدعم لانهم مش حيطلبوه على طول

باهي ربي يوفقك

لكن في التقديم بتحطي دعم التاشيرة ولا ؟؟؟؟؟؟ ياعني وراه المندوب لين يجيبه لك
مرخيين هلبة المندوبين ..انا الحق كل ورقة ووراقي غيري نوقف عليها بطولي ويالله ^_^

بتقدمي اون لاين ولا في مكتب ؟؟؟ وين وصلتي في القرار ؟؟وقبول المعهد واخديته لسبعة شهور مش ستة القدام ولا كيف ؟

اوكي من عيوني يا خوي كله الا حد ينشكحن عيونه بسباي ههههههههههههه

السلام عليكم ممكن المساعدة انا عندي فيزا طالب وتو نبي نقدم لزوجتي ع فيزا زائر او ن لاين خشيت ع موقع بس ف الاخر النتيجة يعطيني
Supporting Documents
Letter of Support
Family Information (IMM5645)
Itinerary, Travel
Proof of Financial Resource of Supporter
Purpose of Travel - Other
Proof of Means of Financial Support
Passport or travel document
Digital Photo
Proof of Relationship
Travel History
Invitation Letter
هل انا علطت ف طريقة التعبئة لان طالب اوراف واجد زي رسالة دعوة والغرض من السفر وموارد مالية ,, بالله ساعدونا ع visa vistor ,, وانا عندي رسالة دعم تاشيرة الاخيرة معايا المدام

السلام عليكم ورحمة الله وبركاته

نبي نستفسر عالدراسة على حسابي الخاص في كندا :

من وين نبدى ؟
شن الاجراءات المطلوبة ؟
والتكاليف تقريبا ؟

بارك الله فيكم

السلام عليكم ..
نشكرك ياخويا علي مجهودك الطيب .. طبعا انا مازالت مابديت في شي .. المهم نبي نعرف انا كمرافق لأختي كطالب بكالوريوس ونبي ندرس هل فيه بند في التسجيل يسمح للمرافق الأخ بأخذ التأشيره

نصيحة لكم جميعا قدمو مباشرة وابتعدو عن التقديم اون لاين او التقديم عند المكاتب لانه يستخدمون بطاقات الفيزا نت لدفع مصاريف التاشيرة وهى بطاقات محرمة لانها رباويه لهدا توكلو على الله وقدمو مباشرة باوراقكم للسفارة وهدا الافضل والله اعلم

الأخ خالد شكرا أولا للنصيحة ولكن هنا في كتدا التعامل كله بالفيزا وانت مضطر لاستخدامها في كل شي وهده معلومه لك فالكاش لا يستخدم الا في اضيق الحدود نظرا لمنع التهرب الضريبي في البلد وبالنسبة للتقديم اونلاين فهدا هو الاجراء الوحيد الممكن في وضع البلد الحالي وادا كنت تبي تجى كندا وبتقرا فيها راهومفروض عليك استعمال الفيزا في التقديم على الجامعات او حتى في الشراء هده الفيزا بنوعيها الديبت والكريدت كارد المصرف ياخد في نسبة وكدلك في مصارفنا المصارف تاخد في نسبة وان كانت في كندا اقل وراهو وضحتلك الصورة وهدا الموجود

يا اخى انا ابديت راى الشرع فى هده البطاقات ولا اظن انها مسكرة لهده الدرجة بمعنى ياتستعمل البطاقات يا حتقعد من غير دراسة وحتقعد من غير عمل, الخير يااخى فى مرضاة الله والابتعاد عن مانهى والربا هده احدى الاشياء التى نهانا عنها الله,واخيرا اسئل اهل العلم عن حكم هده البطاقات وهل يجب استعمالها او لا, هدا والله اعلم.

medo_ly كتب:

السلام عليكم ممكن المساعدة انا عندي فيزا طالب وتو نبي نقدم لزوجتي ع فيزا زائر او ن لاين   خشيت ع موقع بس ف الاخر النتيجة يعطيني
Supporting Documents
Letter of Support  
Family Information (IMM5645)  
Itinerary, Travel  
Proof of Financial Resource of Supporter  
Purpose of Travel - Other  
Proof of Means of Financial Support  
Passport or travel document  
Digital Photo  
Proof of Relationship  
Travel History  
Invitation Letter
هل انا علطت ف طريقة التعبئة لان طالب اوراف واجد زي رسالة دعوة  والغرض من السفر وموارد مالية ,,  بالله ساعدونا ع visa vistor ,, وانا عندي رسالة دعم تاشيرة الاخيرة معايا المدام

السلام عليكم

أخي الكريم هذه الاوراق المطلوبة للتقديم على تاشيرة زائر ولابد من ارفاقها عند التقديم اون لاين

وشكرا

العربي للخدمات التعليمية