طلعت التأشيرة بعد تسليم منحة شهر 7

هل فيه حد طلعتله التأشيرة بعد ما انحلت المشكلة الماليه مع المكتب الكندي و استلم الطلبه
منحتهم لانه على اساس هدا هو سبب التأخر في اعطاء التأشيرة
تربحوا حد يطمني يقول خديتها
وليه الحلوان

فطمه عبدالقادر كتب:

هل فيه حد طلعتله التأشيرة بعد ما انحلت المشكلة الماليه مع المكتب الكندي و استلم الطلبه
منحتهم لانه على اساس هدا هو سبب التأخر في اعطاء التأشيرة
تربحوا حد يطمني يقول خديتها
وليه الحلوان

السلام عليكم

امقدم من يوم 18-03-2014 و لليوم مافيش جديد .

امقدم في التأشيرة من 3-3-2014 عن طريق VAC حتى الكشف الطبي درتا من 27-3-2014 و إلى الآن لا يوجد رد ...... إن شاء الله ربي يسهل على الجميع

مقدم يوم 8-5 ، درت البصمة و الكشف الطبي و لعند اليوم مافيه شيء !!! بس نعرف صديق اليوم ردوا عليه بالرفض مع العلم ان داير حتى الكشف الطبي بس على ما اعتقد مش متأكد ان المكتب الكندي باعثله FSL و الاكيد ان فاتح ملف في المكتب الكندي

Mohamed Guessail كتب:

مقدم يوم 8-5 ، درت البصمة و الكشف الطبي و لعند اليوم مافيه شيء !!! بس نعرف صديق اليوم ردوا عليه بالرفض مع العلم ان داير حتى الكشف الطبي بس على ما اعتقد مش متأكد ان المكتب الكندي باعثله FSL و الاكيد ان فاتح ملف في المكتب الكندي

السلام عليكم

ممكن نعرفوا أمتى قدم صديقك على التأشيرة و ما هي أسباب الرفض ، لان السفارة تذكر في أسباب الرفض .

صديقي بعدي بعدي و دار الكشف الطبي بعدي ( تاريخ تقديمة 24-5 تقريبا )
سبب الرفض كان عدم قناعتهم بالسبب اللي انت جاي علي خاطره ( الدراسة )
اوخيي السبب ما تدوراش راهو نفس السبب يحطوا فيه هالالاخير توزيعة

Mohamed Guessail كتب:

صديقي بعدي بعدي و دار الكشف الطبي بعدي ( تاريخ تقديمة 24-5 تقريبا )
سبب الرفض كان عدم قناعتهم بالسبب اللي انت جاي علي خاطره ( الدراسة )
اوخيي السبب ما تدوراش راهو نفس السبب يحطوا فيه هالالاخير توزيعة

شكرا و بارك الله فيك.

بصراحة الموظفين متاع الاميجريشن زفتين بكل
تصورو انا وصلت لمطار مونتريال وقالولي الايمجريشن بنردوك لليبيا
انت مش جاي تقرا
كيف بنقنعهم وريتهم كل الاوراق قالولي لا مش مصدقينك
وفي الاخير قلتلهم ليبيا المطارات كلها مسكرة وماعنديش كيف نرجع
وبعد انتظار ساعة وافقو يعطوني شهرين وقعدت نجري على تجديد الاقامة من جديد
بصراحة موظفينهم يخدمو بجوهم

الله المستعان
اكيد يشبحوا في وضع البلاد ويقولوا هاديم هاربين من الموت و ما يبوش يردوا بكل

حسب تقديري أهم شيء في التقديم على التأشيرة بحيث يكون عندك رغبة في الدراسة و إنك بترجع إلى ليبيا بعد إكمال الدراسة.... بالرغم من أنهم بعثولي إيميل بعد الكشف الطبي بتاريخ 5-5-2014 يبو يعرفو نشاطي خلال سنة 2011 و هل شاركت في الحرب و أسلة زي هكي ... جاوبت عليها وبعثتها لكن لم يردو عليا بإيميل إلى حد اللحظة لا أدري هل قبول أم يتم الرفض ..... والله طال الانتظار و بدأت أشعر باليأس والقلق يعني بعد الواحد ضيع وقت و جهد و فلوس ... الله المستعان في من كان السبب في التأخير وتعرقيل الاجرءات

فيه حد من المعارف قالي انه ادا تمشي لتونس للسفارة الكندية وتحسسهم باهتمامك بالموضوع ومتابعتك وحرصك على الدراسة وتاكدلهم على انك تبي تروح بعد تكمل حيعطوك اوكي ما مدى صحة الموضوع

مشية لتونس تحرك الموصوع والا كيف يا جماعه

شهر 5 الماضي كنت في تونس قلت خلي اندير دوره علي السفاره , المهم مشيت , مابوش يدخلوني علي اساس انه ما يستقبلوش في اي حد. كل شي بالنت.

السلام عليكم... اني وصلني ايميل من السفارة علي اساس التاشيرة بتصدر بعد حل المشكلة الماليه مع المكتب الكندي و استلام الطلبه منحتهم وبعد ما انحلت ردو عليا في 10 من رمضان بان قريب تصدرلي التاشيرة في نهاية الشهر وبعدها ماجانيش اي رد منهم

أضمن شي الواحد قبل يمشي لتونس يبعتلهم ايميل يطلب فيه موعد

السلام عليكم
قدمت على التأشيرة من يوم 18-3-2014 و يوم 12-6-2014 اتصلوا بيا من تونس و قالوا بمجرد تأكيد منجة الدراسة و المعيشة في كندا نتصلو بيك و تكمل الفيزا و اليوم 26-8-2014 بعثوا الرفض ، يعني بعد أكثر من 5 شهور من الانتظار . أما أسباب الرفض فهي
1-You have not satisfied me that you would leave Canada at the end of your stay. In reaching this
decision, I considered several factors, including

2- your travel history

3- purpose of visit
عموما الحمد لله خيرها في غيرها

أخي bosafy السلام عليكم، قدر الله ما شاء فعل و الحمد لله دائما على كل حال، وضعي مثل وضعك تماما، بعثوا لي إيميل بتاريخ 06/12 به نفس المعلومات و بتاريخ 08/26 بعثوا نفس أسباب الرفض المذكورة عندك. و نظرا للظروف التي تمر بها البلاد و كذلك صدمة الرفض لا أعرف ما هي الخطوة القادمة التي يتوجب عليا فعلها، النصيحة بالله عليكم.

السلام عليكم
أخي تميم ربي يعوضك أحسن من كندا إن شاء الله .. نصيحيتي ليك ماتوقفش .. شوف بلاد ثانية وتوكل علی الله وأبدأ في الإجراءات

الله المستعان ربي يدل على الخير وانشالله ما يضيع تعب وربي يستر انا مازال نستنى ونبي ادا حد عنده ايميل السفارة في تونس نبي ناخد منهم موعد

تميم التركي كتب:

أخي bosafy السلام عليكم، قدر الله ما شاء فعل و الحمد لله دائما على كل حال، وضعي مثل وضعك تماما، بعثوا لي إيميل بتاريخ 06/12 به نفس المعلومات و بتاريخ 08/26 بعثوا نفس أسباب الرفض المذكورة عندك. و نظرا للظروف التي تمر بها البلاد و كذلك صدمة الرفض لا أعرف ما هي الخطوة القادمة التي يتوجب عليا فعلها، النصيحة بالله عليكم.

قدر الله و ما شاء فعل و ربي يزيل عنك الصدمة ، نصيحتي ليك إنك تسأل نفسك ليش كندا بالذات ، إذا كانت عندك غاية أخرى غير الدراسة يعني هجرة و ما شابه فأعد الكرة و استعن بالله ، و إذا كانت غايتك الدراسة فقط فأنصحك ببريطانيا ، جامعاتها راقية و مستواها معروف أو أي ساحة قريبة . ربي يوفقك .

السلام عليكم، و بارك الله فيكم، و شكرا على الردود، و عوضنا الله خيراً جميعا، و أصلح حال بلادنا. غرضي من السفر إلى كندا هو المستوى العالي في الدراسة لى و لأطفالي، و حتى بريطانيا المستوى ممتاز و لكن المشكلة في الحصول على التأشيرة خاصة في هذه الظروف، ربي يلهمنى الصواب إن شاء الله.

اللهم اعنا على مصابنا هدا وارشدنا الى الطريق الصحيح

السلام عليكم أخواتي واخوتي الحال من بعضه .. قدمنا علی التأشيرة نهاية 5 والان قوبلنا بالرفض 176 شخص جملة واحدة .. الحمدلله علی كل حال والله المستعان

أخت هند كان الرفض للجميع دون استثناء يعني 176 حالة رفض والله رقم ،،،،، لكن المضحك إن السفارة بعثولي الرفض يوم 27-8 وزادو بعثولي رفض ثاني أمس .... الله المستعان فيهم