طلعت التأشيرة بعد تسليم منحة شهر 7

حسبنا الله ونعم الوكيل .. والله الواحد معاد عرف وين بيمشي

ما فيش حاجه في يدنا انديروها زي نكلموا وزارة التعليم العالي والا نمشولها يقدموا ضمانات للمكتب الكندي او حتى يطمنوهم انهم حيدفعوا تكاليف الدراسه و انا متاكدة انه هدا سبب الرفض

اللي شايف انه فيه امل في كلامي او عنده اي فكرة تاني او اي راي ياريت تشاركونا لعل نطلعوا براي ينفعنا

بصراحة الموظفين متاع الاميجريشن زفتين بكل
تصورو انا وصلت لمطار مونتريال وقالولي الايمجريشن بنردوك لليبيا
انت مش جاي تقرا
كيف بنقنعهم وريتهم كل الاوراق قالولي لا مش مصدقينك
وفي الاخير قلتلهم ليبيا المطارات كلها مسكرة وماعنديش كيف نرجع
وبعد انتظار ساعة وافقو يعطوني شهرين وقعدت نجري على تجديد الاقامة من جديد
بصراحة موظفينهم يخدمو بجوهم,,,,

انشاالله ناويه نسافر الشهر الجاي زعما يردوني؟؟؟؟؟؟؟؟؟؟

انا بنسافر بعد اسبوعين وان شاءالله مايردوني زي ما صارلك يا اخت maryem.الصبر وخلاص..نسال الله التوفيق للجميع.

السلام عليكم، رأي لابد تدخل وزارة التعليم العالي بهذا الشأن، و الدليل أن الذين تم رفضهم جميعا موفدين من قبل وزارة التعليم العالي، و هناك موفدين من قبل وزارة الدفاع استلموا التأشيرة خلال الأيام القليلة الماضية.

جديد الخبر هدا خوي تميم بالله نبيك بعد اذنك تأكدلي صحة الخبر ادا ممكن بالاسماء بيش على هالاساس نشوفوا روحنا وكيف بنديروا

الموضوع حدث معي كالاتي: كنت أخبر زميلي في العمل بأنه تم رفض طلبي في التأشيرة الكندية و للأخرين، استغرب الزميل و أبلغني أن صديقه تحصل على التأشيرة الكندية خلال هذه الفترة و بعد الاستفسار منه تيبن أن صديقه يتبع وزارة الدفاع، و سأحاول التحصل على معلومات أدق إن شاء الله.

يا ريت لو تتحصل على المعلومات بالك على اساسها نقدروا نحلوا هالقصه