اسباب رفض التاشيرة البريطانية من ليبيا (القديم)

السلام عليكم
اود السفر الى بريطانيا لمدة اسبوعان او ثلاثة اسابيع
وسفري ليس له علاقة بالدراسة هي سياحة فانا انوي
السفر في نهاية شهر 12/2012 .
فهل استطيع الحصول على تاشيرة السفر وخصوصا
بعد ما قراءت من مواضيعكم عن مشكلة عدم قبول
الفيزا
افيدوني افادكم الله

السلام عليكم ورحمة الله وبركاته

اهلا بيكم اخوتي بالمنتذى

ومبارك لكل من تحصل على التأشيرة وبالتوفيق والنجاح ان شاء الله

اما بخصوص مشكلة الزوجة اذا لغتها الانجيلزية متوسطة وتستطيع الحصول على 4.5 فى امتحان الايلتس فتستطيع التقدم على تأشيرة التاير 4 وفى هذه الحالة يسمح لها بمرافق اما لو لغتها الانجليزية ضعيفة فالحل هو

تغير قبول اللغة الى كورس 6 اشهر وتقدم لتأشيرة طالب زائر

والمرافق الزوج يقدم فى تأشيرة سياحية لمدة 6 اشهر

والله المستعان

السلام عليكم

بالله عندي استفسار .. اني عندي منحة دراسية "ماجستير" لبريطانيا ... وحابة نرفع معاي الوالد والوالدة كمرافقين .. عبيت الابليكشن ومشيت اليوم قدمت ... بس للأسف طلع القبول اللي عندي مايسمحش بوجود مرافقين لأنه قبول سنة لغة فقط في الـ EF

توا بنعاود اجراءاتي من جديد وماعرفتش شن اندير ... وللعلم درت امتحان الايلتس اهني وجبت فيه 6 ...

وجامعة london met عطتني قبول مشروط والدراسة تبدا في شهر 9 / 2013 وقبلها 3 شهور لغة ...

موضوع تأشيرات الدراسة اول مرة انخش عليه واجراءاتهم حسيتها معقدة شوية ... ياريت اللي يعرف ايقولي الأوراق اللي المفروض نرفقها شن هي ...
وبالنسبة للوالد والوالدة مالقيتش الابليكيشن اللي يمشي معاهم اونلاين ... لقيت بس tier 4 dependent parent or tier 4 dependent child

محمد لاصيبعي كتب:

السلام عليكم

حسب معرفتي في حالتك تقدري تقدمي علي تاشيرة تاير 4 ليك و تاشيرة زائر للوالد و الوالده.. للاسف تاشيرة التاير 4 حسب ما نعرف تقتصر علي اصطحاب الزوج او الزوجه و كذلك الاطفال و ما تسمحلكش باصطحاب الاب و الام...

لهذا كخطوه اولى.. تقدمي علي قبول و اطلبي الكاس نمبر و قدمي علي تأشيرة التاير 4 ليك
و كخطوه ثانيه قدمي للوالد و الوالده علي تاشيرة زائر..

و اهم شي ان اسمك و اسم الوالد و الوالده يكونوا علي رسالة الدعم المالي للتاشيره ..موفقه

بارك الله فيك ع التوضيح
وبالفعل اسم الوالد والوالدة موجودين في رسالة الدعم معاي .... وإن شاء الله خير

ايهاب الظافري كتب:

السلام عليكم

لو سمحتم عندي استفسار.

انا ناوي ادرس ماستر محاسبه على حسابي الخاص في بريطانيا. ولقد امتحنت التوفل وان شاءالله انجيب درجة كويسة. بس من خلال كلامكم ان ضروري ايلس. وانا متزوج ولدي طفلان صغيران لايدرسان

لو حصلت قبول مشروط كبف اتكون اجراءات الفيزا. مع العلم اني اعمل في عمل حكومي وممكن انوفر ورقة من العمل او تعهد اني سوف اعود

مع العلم اني كنت عايش في بريطانيا من 1982 الى 1988 كان والدي يحضر الدكتوراء هناك فهل يعرفوها .

بالنسبة للجامعات مش ضروري أيلتس يعني حتى توفل ممكن يمشي بس التاشيرة مش متأكد بس يمكن عادي لأنهم في موقعهم مش كاتبين أيلتس أو توفل كاتبين بس مستوي B1 تقريبا أو مايعادله.

السلام عليكم .. اني نبي نمشي ناخد كورس لغة في بريطانيا 11 شهر نبي نصيحة علي المناطق الرخيصة والمهاعد المناسبة لدراسة
(والله لايضيع اجر المحسنين)

doctoramjed كتب:

السلام عليكم .. اني نبي نمشي ناخد كورس لغة في بريطانيا 11 شهر نبي نصيحة علي المناطق الرخيصة والمهاعد المناسبة لدراسة
(والله لايضيع اجر المحسنين)

حسب معلوماتي مانشستر ممتازة من ناحية الدراسة والمدينة مش غالية كذلك نيوكاسل مش غالية بس لازم تأكد على قبول في معهد وتحجز مكان قبل ما تسافر

حتى ليدز رخيصة وفيها معاهد كويسة

عدل سابقا من قبل Abu Mohamed في الجمعة 26 ديسمبر 2014, 11:53 am عدل 1 مرات

مفتاح محمد كتب:

الاخ ليبيا المستقبل:
الف مبروك الحصول على التأشيرة.. كم عدد افراد الاسرة لو سمحت وكم عمر اكبرهم؟

الله يبارك فيك يا خوي مفتاح ......5 أطفال ...اكبرهم ..16سنة ...واصغرهم 1.5 ...وعقباللك يا خوي مفتاح ...ما تخافش ..تصور الورق اللي درته كله ردجعوه لي ...صور واصل ...تقول ما خذو شي ....الامور متيسرة ,,,,اللحمد لله توكل على الله بس ..ولاتنسى الاستخارة ...فهي مفتاح النجاح انشاءالله

سلام عليكم
انا قدمت علي فيزا تيا فورا في 30-7-2012 وانا و زوجي واولادي 3 وكل الاوراق المطلوبة عملتها وانا متحصله علي 5.5 في الايلس و الجامعة تبي 6.5 جامعة نتونقهام وسجلت في معهد السلي متاع نوتنقهام لدراست اللغة لمدة 30 اسبوع ورسوم الكورس حوالي 8.700 باوند اي حوالي 290باوند كل اسبوع هل صحيح ان السفارة الليبية مش حتدفعلي اكثر من 200 باوند في الاسبوع يعني انا نكمل المبلغ من عندي والي الان لم ياتي رد الفيزا والكورس يبدا في 9-10-2012 وانا خايفه انا التفويض المالي ياخذ اكثر من شهر ؟
والله ياريت تنصحوني ماّا اعمل هل ناجل الكورس الي شهر 1-1-2013 او نمشي علي حسابي الخاص الي ان تنزل المنحة او نغير المعهد وكيف نحصل علي كاس نمبر جديد ؟

doctoramjed كتب:

مبروووك خوي والعقبه للي مزال ان شاء الله ... بالله ياخوتي نبي ناصيحة علي مدينة بورنموت المعيشه فيها والمعاهد هل كويسين وله لا وهل رخيصه متلا 6 شهور قداش تكلف ؟ وهل تعتبر باهية ليا انا كامبتدأ في اللغة الانجليزية

المعيشة في بورمث وكل مدن الجنوب غالية شوية بس لو عازب مافيش مشكلة كبيرة لأن منحة العازب كويسة وبورمث فيه معاهد كويسة للغة.

مرحبااا
بالرغم من كل الأجراءت واخدنا جميع الاحتياطات
تم رفض التأشيرة لمدة 11 شهر لي و ل زوجي
نبي نصيحة الجميع واصحاب الخبرة بالدات
كيف الحل ؟؟

ارجو مساعدتى فى هذا الموضوع ..انا قدمت على فيزا طالب زائر و للاسف رفضونى ..وكتبولى الاسباب وانا مش فاهمة ليش بالرغم المبالغ المالى كبير ..المشكلة انا كيف متخرج ومانشتغلش ونبى نقرا على حساب هلى و هم حولولى المبلغ الى حساب خاص بيى على 3 دفعت ...فى الفيزا ابلكيشن قالولى من يصرف عليك انا قالت ولدى و ناخذ فى مصروف ما يقرب عن 150-250 ..وبعدين سالونى قالولى كم تصرفى فى الشهر قالتلهم 250 ..فاهم يتسالوا من وين حصلت المبلغ بالرغم عطيتهم كشف بالحساب شن المفروض اندير ؟؟ ..والحاجة الاخرى قالولى ليش تبى تقرى غادى قالتهم لتحسين مستوى الانجليزى ابتاع..ماعجبتهمش الاجابة وقالولى ماهو فيه معاهد فى ليبيا يبوا اجابة بى التفصيل ...ارجو من اى حد عنده خبره فى الموضوع يساعدنى ..لانى نبى نقدم على الفيزا من جديد؟؟؟

فيها خيرة وماتزعلى على شئ بيد الله وان شاء حد ينصحك

اختى معليش ماتزعليش وربى يعوضك خيرا شو كان سبب الرفض لو ممكن 

شكرا اختى الفاضلة على التعاون بارك الله فيك

سبب الرفض انه المبالغ كبير تحول الى حسابى على 3 مراحل .. المبالغ هو 14 الف فى البداية اهلى حولولى 10 الف وبعدها انا وضعت فى حسابى 3 لاف وبعدها بى فترة وضعت الف وقبل المقابلة بى ايام حولولى اهلى مبلغ صغير عشان يبقى الحساب فيه 14 الف...السبب التانى هو لما سالونى فى الابلكيشن عليش نبى نقرا فى بريطاينا انا قالتلهم عشان تحسين اللغة ابتاعى ماعجبتهمش الاجابة

ارجو الا يقدر يساعدنى انا نبى نقرا 6 شهور فى معاهد غادى هل المبالغ شوية وللعلم انا معهد حيوفرلى مسكن مع عائلة ... شن المفروض اندير نفتح حساب جديد وننتظر 6 شهور ولا ...؟؟؟

عيب بورموث هو أنها مليئة بالليبيين والعرب بس كونك اعزب المنحة ممتازة بس لو متزوج مننصحكش بيها بورموت وبرايتون مشهورة بالليبيين ومغباك في الليبيين وقت يكثرو ربي يسهلك

مرحبااا
مساعده بليزززززززز :

تم رفض تاشيرتي و زوجي تاشيرة طالب زائر 11 شهر للاسباب التالية :

طالبين تفرغ من العمل في فترة الكورس واني سارجع لليبيا

حساب خاص لينا مع ان معي ورقة الدعم المالي تتعهد الدولة بدفع كل التكاليف

بسال :

في طلب التاشيرة الاول وضعت ورقة الدعم المالي لغرض التاشيرة الاصلي ..كيف الحل ؟
معي صورة هل تكفي لاعادة التقديم ع التاشيرة ؟
وهل انقدم الان او استني ؟
وباقي الاوراق يلي قدمتها هل المفروض ترجع لي او انجهز اوراق من جديد لتاشيرة جديدة

aman كتب:

مرحبااا
مساعده بليزززززززز :

تم رفض تاشيرتي و زوجي تاشيرة طالب زائر 11 شهر للاسباب التالية :

طالبين تفرغ من العمل في فترة الكورس واني سارجع لليبيا

حساب خاص لينا مع ان معي ورقة الدعم المالي تتعهد الدولة بدفع كل التكاليف

بسال :

في طلب التاشيرة الاول وضعت ورقة الدعم المالي لغرض التاشيرة الاصلي ..كيف الحل ؟
معي صورة هل تكفي لاعادة التقديم ع التاشيرة ؟
وهل انقدم الان او استني ؟
وباقي الاوراق يلي قدمتها هل المفروض ترجع لي او انجهز اوراق من جديد لتاشيرة جديدة

1- في طلب التاشيرة الاول وضعت ورقة الدعم المالي لغرض التاشيرة الاصلي ..كيف الحل ؟
هل أستلمتوا الجوازات من مكتب التقديم؟
المفروض لما تمشي تستلمي الجوازات يعطوك جميع الأوراق الأصلية اللي قدمتوا بيهن وإلا ممكن تطلعوا وحدة ثانية من البعثات

2-معي صورة هل تكفي لاعادة التقديم ع التاشيرة ؟
لا لازم من الأصل

3- .. وهل انقدم الان او استني ؟
على حسب إمكانية توفير الاوراق المطلوبة.

رجعوا لنا الباسبورت و ورقتين المدكور فيها اسباب الرفض و التعليق من السفارة
هل انراجع المكتب علي باقي الاوراق او كيف الحل ؟؟

aman كتب:

رجعوا لنا الباسبورت و ورقتين المدكور فيها اسباب الرفض و التعليق من السفارة
هل انراجع المكتب علي باقي الاوراق او كيف الحل ؟؟

انا يااختى نفس وضعك بعد الرفض رجعوا الجوزات وسبب الرفض وباقى الاوراق لم يرجعوهم حتى ورقة كشف حساب خاصة بزوجى لو يرجعوها...........
وتعرفى قدمت على ورقة ضمان مالى جديدة والان ليا اكثر من شهر لم تتطلع حسبى الله ونعم الوكيل فى هذه الادارة
بس نصيحتى ليك قدمى من توا على ورقة الضمان المالى وفى هذه الفترة جهزى القبول وباقى الاوراق و