دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


حجز الفندق لامستردام و غيره من الفنادق

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
وكيف درتوا في الصلاة في المطار وفي الطيارة ؟؟؟؟؟؟
الخميس 28 أكتوبر 2010, 10:52 pm

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz

السلام عليكم ورحمة الله وبركاته

اولاً حمد لله على سلامة الوصول أخي alous2030 انت والعيلة

alous2030 كتب:
بارك الله فيكم اجمعين..................الرحله كويسه بس الي تعبوني الصغار كان هدا فهي تجربه جديده و ادهوريه مليحه من بلاد لبلاد و خاصة مطار امستردام رائع و متحسش بالوقت فيه...........
يا ريت اي حد يبي يكتب معلومه او ينزل صوره يتاكد قبل ..اني الغلطه الي صارتلي سببها احد المشاركات الي كانت بصور الفندق فلما مشيت للوكاله و دفعتلهم كنت بناء علي الصور الي ريتها في المنتدى .. ردو بالكم راهو الي بيكتب حاجه مسؤول عليه و تشحويرتي اني و العيله يوم امستردام كان سببها اني خديت الكلام الي مكتوب على محمل الجد دون التدقيق في مصداقيته.....تني تو مشكلتي بس الحوش الجامعه مش معاديه غدوه بنبدا الكورس وربي يست متطولش قعدتي في الفندق
ملاحظه: متكتروش حوايج و بضاعه ارفعو الضروري الضروري كل شي متوفر و اسعار زي طرابلس الخضره ارخص من طرابلس لكن المواد الغدائيه التانيه شويه غاليه مع دلك ماشي حالها.....متخافوش و متلخبطوش روحكم و لاي استفسار عن الخطوط و المطارات ..انا في الخدمه............
في المطار يطلبو في الى 20 ضروري جداااااااااا...ومادا بيكم تشرو شنطة ظهر زي ماقال الخ THE GOOD مره و بارك الله فيه لان نصيحته كانت في محلها و حتى زوجاتكم عادي يلبسوهم اريح ليكم و ليهم من تكركير اليدين .و مادابيكم زوجاتكم ميلبسوش ذهب او اي اكسسوار معدني لان كل مره حيطلب منهم ينحوه....والبسو حداء مريح و ساهل اللبس لان حتى هو بينحوه ويحطوه في الماكينه............
لو جاكم الحجز ع الخطوط الهولنديه قولو للواكاله تذكر انكم مسلمين بش يوفرولكم اكل اسلامي راهو الرحله طويل و حتجوعو.اني مبلغتش الوكاله ( المفروض هدا شغلهم) المهم لحسن حظي فضل من اكل النباتيين وجبات عطوهالي ومشي الحال نوعا ما
ع العموم هدا الي تفكرته توا و لو تبو تسالو تفضلو مادامني قاعده المعلومات طازه
تمنياتي بالتوفيق للجميع
عصام


بالنسبة لحجز الفندق . اى شخص قبل الحجز لازم ما يستفسر عن مكان الفندق وبعده عن المطار في حال وجوده خارج المطار وبعدين تقدرو تشوفو مكان الفندق عن طريق القوقل ايرث , وايضا تستفسرو عن المواصلات بين الفندق والمطار وعن الاكل زي الافطار هل يكون مع سعر الغرفة يعني اى شي استفسرو عنه مش راح تخسرو شي .

درت زيارة لمكتب الخيمة في برج الفاتح بعد ما زكيته لنا , وخذيت منهم شوي معلومات عن الفنادق واليومين الجايات بنمشيلهم ونحجز فندق بالقرب من مطار هيثرو .

بالنسبة لمكتب الخيمة هو مقابل بركيدجو البرج يمين الباب الرئيسي الخلفي .

بالنسبة للمعلومات الموجودة في المنتدى بعضها منقول من مواقع ومنتديات اخرى ,يعني copy , paste ومش عن تجربة خاضها البعض .و
ويقع جزء من الغلط علينا , لانه المفروض نأخذو المعلومات من اشخاص سبقونا بالتجربة ومسافرين قبلنا .

ايه شنطة الظهر مهمة وانا راح نحط فيها صلاية ومنشف صغير وجوايج نوم والفشرة والمعجون وبعض الغيارات زي الجوارب, احتياطاً في حال قعدت حقيبتي اللي فيها حوايجي في الشحن اثناء ذهابي للفندق في لندن .


وزي ماقلت الحذاء يكون مريح لان الرحلة طويلة من اوروبا الي امريكا وراح تنحيه اثناء التفتيش , واللبس كذلك يكون مريح ومش فورمل لان الرحلة اكثر من 8 ساعات .

ويفضل ان تبلغ الخطوط عن نوع الاكل اللي تبيه اسلامي , نباتي , اكل اطفال وغيره وتقدر تحجز الاكل ومقعدك اون لاين لما تستلم التذكرة وذلك بأذخال رقم الرفرنس واللقب .
وفي البعض مايحبوش اكل الطائرات يديرو احتياطهم ويرفعو معاهم اى حاجة ياكلوها زي الشكلاطة " سنكرس تفي بالغرض *_^
لان الرحلة طويلة زي ماقال اخي alous2030
بالنسبة للمقعد تقدر تختاره قبل الرحلة بــ 24 ساعة ويكون مجاني ام قبل ذلك الوقت فهو غير مجاني .

بارك الله فيك على هذه المعلومات ولو خطر عليا اى سؤال راح نسألك اياه

وحمد لله على السلامة مرة تانية




_______________________________



حجز الفندق لامستردام و غيره من الفنادق - صفحة 2 The-go10

Everybody needs some people to stand with him

All people need help from each other


الجمعة 29 أكتوبر 2010, 12:51 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
بارك الله فيك يا اخ the good .....بالنسبه للفندق موجود فعلا في المطار لكن لازم تطلعله برا و من غير فيزا متقدرش تخش امستردام...الغلطه فعلا غلطي و اني نلوم في نفسي لان لما مشيت للوكاله وروني الصور الي اني طابقتها بالصور الموجوده بالمنتدى و توقعت انه الفندق عنده باب يفتح ع المطار و اني ماشي للوكاله و رافع اسم الفندق الي خديته من المنتدى برضو....توقعت اني بنكسب وقت وخديت الكلام على محمل الجد و المصداقيه .........................متوقعتش ان حد يكتب معلومات و يحط صور و هو مش متاكد؟؟؟

ع العموم ايه المكتب موجود في البركيدجو الخلفي على اليمين...زيد تأكد منهم لكن بالنسبه ليا اني قارنته بالنت طلع ارخص بهلبا وتمشي وانت مستريح غير انشد قبل مديرش عملتي Sad
اسمع الرحله حلوه ممتعه اني قلقوني الصغار بس و حتى الوقت يفوت من غير متحس بيه فعلا البس ملابس مريحه اني لما مشيت لامريكا نحيت الرسمي و لبست توته مرتبه و لقيتهم كلهم زيني حتى الصغار لبستهم توت ..لان سبته السروال كل مره بينحوهالك وانت في طابور اقعد البس و نحي............امتى مسافر ان شاء الله؟ لما بتقعد في فندق حتلقا فوط و شامبو ومعجون ( على حسبالفندق) اني كرركرتهم و حصلت فيهم...كتنساش شيشة ميه فاضيه للاستنجاء ( زي معارف معندهمش الا الكلينكس)
كل منتفكر حاجه تو نكتب
الجمعة 29 أكتوبر 2010, 2:39 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
Almofad2010 كتب:
وكيف درتوا في الصلاة في المطار وفي الطيارة ؟؟؟؟؟؟


يوم الي مشيت صليت جمع تقديم ظهر و عصر ولما وصلت لامستردام صليت المغرب و العشي لكن غير متأكد من اتجاه القبله تاني يوم هو الي صارتلي فيه مشكله لان صلينا الصبح و الطياره طلعت الساعه واحد ووصلنا ميتشغان الساعه 3:30 مع اني قضيت 9 ساعات في الطريق لكن لحقت علي صلوات اليوم التاني بس صليتهم كلهم مع بعض في الليل خديت تركينه في المطار و صليت لان قبلها مفيش وين وكيف تصلي و ع العموم ياريت تسألو شيخ قبل متطلعوا.....زالصلاة في الطياره صعبه خاصة ان الكراسي ع الهولنديه ضيقات و مفيش كيف تتوضأ في الطياره زي متعرف حمام الطياره ضيق........................رقم الفندق و الله منعرفه لكن تو نشوفه في النت و نكتبه لما يتوفر عندي لان لازم تحجز من ليبيا كان هدا تتبهدل هلبا زي اني..زكلفتني الليله 180 دولار من غير فطور لكن الفندق قنين و مريح الحجره مجهزه علي مستوى عالي
الجمعة 29 أكتوبر 2010, 7:43 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
هاشمي كتب:
السلام عليكم و رحمة الله و بركاته. الحمدلله علي سلامتكم. جزاك الله خيرا على مصداقيتك. بالفعل ناخدو في المكتوب بمحمل الجد. و مش لازم نكتبو معلومة فقط لملأ فراغ او "show off" . العازب يتحمل اي طارئ لكن صاحب العيلة ربي يكون معاه. خوي alous ياريت تقوللنا علي الاجراءات اللي مريت بيها في مطار امريكا. مثلا كيفية التفتيش و نوع الاسئلة الي تطرح ..... اي حاجة تفيدنا للأستعداد. و ياريت تبعتلي معلومات عن الجامعة و كيفية القبول اعني هل يمكن الحصول علي قبول مشروط منهم؟ و جزاك الله خيرا. اني رحلتي حتكون علي ال British Airways ان شاء الله في شهر 12 الى دنفر/كولورادو علي خاطر اولادي "زي ما تعرف المدرسة الليبية غادي" قبل ناوي نسافر مع بداية الشهر الجاي بس قالولي قانون امريكا ما يسمحليش بالدخول بأكثر من شهر قبل موعد الدراسة. و ربي يسترها معانا الموفدين اجمعين.


بالنسبه للاجراءات تبدا من هولندا لو معك عائله حيسكدوك انت الاول و بعدين يبدا موظف الامن يسأل فيك :
علاش ماشي؟ ووين ؟ و ليش هدا المكان بالتحديد؟ وناوي تقعد ولا لأ؟ ولاني ماشي مرافق مع زوجتي و منعرفش ندوي انجليزي بدي يسأل بالعربي و ركزلي علي نقطه ان زوجتك بتقرا و انت شن بدير؟ و كيف متتكلمش انجليزي وجاي لامريكا!! وقعد يسأل في زوجتي عن تخصصها و ليش هدا التخصص؟ اسئله كلها عامه واجابتها ان شاء الله حتكون واتيه
وبعدين يبد التفتيش الشخصي فيه موظفه للنساء
تم جمارك امريكا:
كل الاسئله الي فاتت و زيد عليهم : من ضم معاكم اشناطي؟ من تعرف في امريكا؟ شن لون عيونك و شعرك وتواريخ ميلاد الوالد و الولده ووين تسكن في ليبيا؟ وبعت حوشك قبل متجي و لا لأ؟ عندك سياره و لا لأ؟ تبي تخدم في امريكا و لا لأ؟ ومن متحمل مصاريف قرايتك ؟ و قداش المنحه؟ووووووووووووو اسئله هلبا لين راسك يدوخ و طبعا للنساوين في موظفه لهده الاسئله...لكن منعرفش لو كانت الزوجه F2 حيسألوها هلبا و لا لأ,,,اني زوجتي سئلوها هلبا حتى شن تقري في بلادك و كيف انت تدوي انجليزي و هو لأ...........متخممش الاسئله في متناولك غير هي التشحيطه مع الصغار لو في زحمه تربكك.......و سئلو هلبا ع الفلوس قداش رافع معاك و لازم لو رافع 10,000 تبلغ عليهم
لو كملت اجراءاتك تعال قبل الوقت باسبوعين اني الى الان محصلتش حوش وهده اكبر مشاكلي
الجامعه تعطي قبول مشروط لكن زوجتي رفضوها لان التوفل 523 وهما قالو ان القبول المشروط يبد من 520 !!!! مش عارف كيف!!!
المهم خشت لدراسة اللغه لقيت روحها مستواها اقوى من المستويات الي عندهم!!!! من الاخير انتم جماعة الانجليزي خلو تقتكم قويه بنفسكم رهو حتى القرايه في الفاتح بالنسبه للي كان يقرا بجد مهياش ساهله و مستواكم اكيد مليح وحتى انت حيحطوك في اعلي مستوى في اللغه ....
الجامعه ممتازه بكل المقاييس كبيره جدا و اغلب طلابها امريكان , نسبة البيض 90% لا يوجد بها عرب كتيرون حتى انك بالكاد تراهم نبي واحد عربي يقولي وين الجامع ملقيتش؟
المدينه صغيره وريفيه نوعا ما لكن كل شي متوفر فيها " الا السكن" صعب!!!!!!!!!!!!
لا يوجد مدارس ليبيه و هده مشكله تانيه للي عنده صغار في المدرسه!!!!!!!!!!!
هدا الي الان و تفضلو لاي سؤال
تمنياتي بالتوفيق للجميع
عصام
الجمعة 29 أكتوبر 2010, 8:10 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
السلام عليكم , كيف يتم الحجز بالتلفون للفندق الموجود بالمطار ممكن أرقام الهواتف تكتبوهم وايميل الفندق وهل الحجز بالفيزا كارد من ليبيا أو تخلص الفندق لما توصل, وشكرا لكم.
الجمعة 29 أكتوبر 2010, 11:52 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
alous2030 كتب:
بارك الله فيك يا اخ the good .....بالنسبه للفندق موجود فعلا في المطار لكن لازم تطلعله برا و من غير فيزا متقدرش تخش امستردام...الغلطه فعلا غلطي و اني نلوم في نفسي لان لما مشيت للوكاله وروني الصور الي اني طابقتها بالصور الموجوده بالمنتدى و توقعت انه الفندق عنده باب يفتح ع المطار و اني ماشي للوكاله و رافع اسم الفندق الي خديته من المنتدى برضو....توقعت اني بنكسب وقت وخديت الكلام على محمل الجد و المصداقيه .........................متوقعتش ان حد يكتب معلومات و يحط صور و هو مش متاكد؟؟؟

ع العموم ايه المكتب موجود في البركيدجو الخلفي على اليمين...زيد تأكد منهم لكن بالنسبه ليا اني قارنته بالنت طلع ارخص بهلبا وتمشي وانت مستريح غير انشد قبل مديرش عملتي Sad
اسمع الرحله حلوه ممتعه اني قلقوني الصغار بس و حتى الوقت يفوت من غير متحس بيه فعلا البس ملابس مريحه اني لما مشيت لامريكا نحيت الرسمي و لبست توته مرتبه و لقيتهم كلهم زيني حتى الصغار لبستهم توت ..لان سبته السروال كل مره بينحوهالك وانت في طابور اقعد البس و نحي............امتى مسافر ان شاء الله؟ لما بتقعد في فندق حتلقا فوط و شامبو ومعجون ( على حسبالفندق) اني كرركرتهم و حصلت فيهم...كتنساش شيشة ميه فاضيه للاستنجاء ( زي معارف معندهمش الا الكلينكس)
كل منتفكر حاجه تو نكتب


شكرا اخي alous2030 , وان شاء الله راح نمشي بنصائحك

واكيد لازم من الملابس والحذاء المريح , وشيشة المية من الضروريات . ونحن في انتظار اضافاتك .

بنسالك عن الوقت اللي استغرقه الاجراء مع الجمارك الامريكية. حوالي : بضع دقائق ام اكثر من ساعة ؟

وعن اسم الفندق اللي اقمت فيه في مطار امستردام ؟

وعن المدة المستغرقة لاكمال الاجراءات ونزول المنحة عند المكتب الكندي ؟


بارك الله فيك ..


_______________________________



حجز الفندق لامستردام و غيره من الفنادق - صفحة 2 The-go10

Everybody needs some people to stand with him

All people need help from each other


السبت 30 أكتوبر 2010, 2:30 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
بارك الله فيك وربي يوفقك
السبت 30 أكتوبر 2010, 10:11 pm

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
هدا موقع الفندق ابعتلهم ايميل قبل متحجز ع الاحتياط لان الفندقين نفس الاسم بس واحد برا وواحد داخل.....خايف نعطيكم واحد منهم يطلع غلط و ملقيتش صور بش نتاكد...بصراحه فندق قنين و مريح لليله وفيه شاور مش عادي ... و فيه فندق تاني اسمه يوتل yotel hotel ردو بالكم تحجزو فيه لان الار ضيقه جدا زي السفينه و يضيق الخلوق مدا بيكم تقعدو ع ال mercure بس الي داخل المطار مش mercure amesterdam airport .... اه تفكرت ..لما خديت التذاكر من مكتب الامازون قالولولي انه يديرو في حجوزات علي فندق المطار ياريتني سمعت كلامهم اني لما لقيته نفس الاسم مخطرش في بالي انه في واحد برا و احد داخل ....

http://www.mercure.com/gb/reservation/recherche_destination.shtml

بالنسبه للجمارك : نزلت بينا الطياره الساعه 3:30 و كملنا مع الجمارك الساعه 6:15 حتى لاني عيله خدي مني وقت و كان فيه شويه زحمه رغم انه لما لقو الصغار ينقنقو سقدوني اني الاول علي خاطر الصغار...

الشناطي غلفتهم من ليبيا بالنايلو و محد قربهم بس سألوني شن فيهم و من ضمهم معاك...المأكولات الجافه لا بأس بيها لكن اي حاجه ممكن تفسد لا ..تمنيت اني رفعت رب للعصيده لان الجو صقع متع عصيده........

امس بس كيف فتحت حساب بالبنك ويوم الاتنين حنبعت للكندي بش ينزلزلي ...تو نقلكم قداش خدي وقت...........لاني قاعد بال حوش وممكن بعد اسبوع نحصل فيه و احد بيطلع

معهد اللغه الي زوجتي فيه مش قوي بكل و متشكرش فيه لكن الجامعه ممتازه جدا ومعترف بيها و اغلب طلابها امريكان من كل امريكا....جربو قدمولها ع القبول الاكاديمي بس لا لغه لا انصح ابدا...

حني بدينا مع المكتب الكندي من ليبيا كل شي بعتناه حتى صوره من التذاكر و توا بس يبو صوره من I-94 وصوره من الاي 20 مختومه من الجوازات و الجمارك و حساب البنك...

بالتوفيق

عصام


الأحد 31 أكتوبر 2010, 1:37 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
ربي يوفقك خوي ..... مش عارف علاش عطلت مع الجمارك حوالي 3 ساعات!!!!!!!!! عادة ما ياخذش منك حتى خمس دقايق..شن فيهم الشناطي؟؟؟ عادي بضاعة عادية...اوكي ...وتمشي على حالك ..وبعدين هو حيركز في النموذج اللي عبيته في الطايرة لو لقى فيه انك كاتب انك جايب شي (زي الفوود Food) وانت أشرت عليه في النموذج جيسألك شن نوع الفوود بس... وبعدين مايعطلكش....
اللي فعلا يعطل هو التسجيل الخاص ... Special registration ... وهذا للي مش امريكي وحتعطل فيه اشوي ...أسئلة شخصية ...الخ.
بالنسبة للمكتب الكندي ...عادة مايتأخرش من اسبوع الى اسبوعين ...مايعطلوش عليك....
بالنسبة للرُب ...شيك اون لاين شوف اي محل عربي (او ايراني) في مدينتك اكيد حتلقى فيه رب...(فيه حتى السمن البلدي) كل شي متوفر ولله الحمد

موفق خوي...
الأحد 31 أكتوبر 2010, 5:21 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
السلام عليكم ورحمة الله ان شاء الله الامور ماشية معاكم تمام وان شاء الله ربي يوصلكم سالمين وحبيت نضيف على كلام خوي عصام انا لما قعدت في الفندق Mercure سالتهم عن كيفية الحجز عطوني هدا الايميل
mercure@hmshost.net وقالولي راسلنا عليه وهدا تليفونهم
31206041339
المهم زي ماقلت في السابق ونزيد نعاود الاوراق اللي طلبوهن (جواز السفر+I-20 )ولابد تكتب العنوان اللي انت ماشيله بالزبط مكان المنزل بالرقم والشارع او الفندق وراكم تنسوا شيشة المية وحقيبة الظهر راهي جدا مفيدة وتساعدك في التنقل والشي اللي نوصيكم بيه اللي هو البك اب من المطار ضروري ضروري ضروري لابد نسق فيه من ليبيا هدا اللي ماعنداش حد يستقبله وراهي الامور بالمجمل بسيطة وماتستاهلش هلبة اصعب شي لما تطلع من الحوش وتودع الاهل الله قديش صعبة ان شاء ربي يسهل للجميع كل صعب والله ولي التوفيق

_______________________________

لا تمدّن إلى المعالي يدا قصرت عن المعروف
الأحد 31 أكتوبر 2010, 5:34 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
وخطرها علي نمودج I-94 راهو مش لازم تعبيه في الطائرة حتى في المطار فيه نمادج بالعربي تقدر تقراهم وتعبي اخر انجليزي بس للفهم . وان شاء الله ربي يسهل والله ولي التوفيق

_______________________________

لا تمدّن إلى المعالي يدا قصرت عن المعروف
الأحد 31 أكتوبر 2010, 5:38 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
انا بعد ماقريت الحديت من البداية وجدت استفسار عن وين تقدر تصلي في مطار امسترردام راهو فيه مسجد "دار للعبادة" وتقدر تصلي حتى جماعة ويصلوا فيها مسلمين من كل الجنسيات وفيه مصاحف ومصليات وبصراحة 100% ومكانه اول ماتطلع الدور التاني وماشي لفندق mercure يجي على يدك اليسار في بداية الممر والعلامة قدامه صالونات للجلوس. والغرفة مكتوب عليها MEDITATION CENTER وهي عبارة عن دار للعبادة لكافة الديانات لكن الاغلبية مسلمين .
والله ولي التوفيق

_______________________________

لا تمدّن إلى المعالي يدا قصرت عن المعروف
الأحد 31 أكتوبر 2010, 6:07 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
لما قريت هذا الكلام حسيت ان النصائح طالعة من القلب وبمشاعر صادقة بدليل ان اللي دار خطأ يحذر فينا باش مانديروشي...
ربي يحفظكم ويبارك فيكم ويسهلها قدامكم
الأحد 31 أكتوبر 2010, 8:48 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
ربي يوفق الجميع فعلا حطيتونا في الحدث
الأحد 31 أكتوبر 2010, 10:53 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
Romar كتب:
ربي يوفقك خوي ..... مش عارف علاش عطلت مع الجمارك حوالي 3 ساعات!!!!!!!!! عادة ما ياخذش منك حتى خمس دقايق..شن فيهم الشناطي؟؟؟ عادي بضاعة عادية...اوكي ...وتمشي على حالك ..وبعدين هو حيركز في النموذج اللي عبيته في الطايرة لو لقى فيه انك كاتب انك جايب شي (زي الفوود Food) وانت أشرت عليه في النموذج جيسألك شن نوع الفوود بس... وبعدين مايعطلكش....
اللي فعلا يعطل هو التسجيل الخاص ... Special registration ... وهذا للي مش امريكي وحتعطل فيه اشوي ...أسئلة شخصية ...الخ.
بالنسبة للمكتب الكندي ...عادة مايتأخرش من اسبوع الى اسبوعين ...مايعطلوش عليك....
بالنسبة للرُب ...شيك اون لاين شوف اي محل عربي (او ايراني) في مدينتك اكيد حتلقى فيه رب...(فيه حتى السمن البلدي) كل شي متوفر ولله الحمد

موفق خوي...


مش كل الوقت كان مع الجمارك فيه النزول من الطياره و التوجه للجمارك وكان زحمه هلبه وبالنسبه للشناطي مفتحوهمش بكل .... وكان قدامي قريب عيلتين و لا تلاته .. طبعا في استثناءات في حكاية الوقت مرات ميخدش 10:00 دقايق لو كل امور تمام و ني على فكره معنديش اي عنوان مشيله كتبتلهم عنوان الجامعه و لما سالوني قلتلهم محصلتش حوش من ىالنت و جاي بش ندور بروحي و حنقعد في فندق سالوني اما فندق قلتلهم الي بنلقاه طبعا سالوني علاش محجزتش من ليبيا رديت و قلتلهم اني معنديش فيزا كارد للحجز و هكدا............و نفس الاسئله سالولها لزوجتي
الأحد 31 أكتوبر 2010, 4:53 pm

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
نصائح مفيدة وكلام من واقع تجربة ...بارك الله فيكم جميعا
والله المنتدى معبي بمواضيع لاتسمن ولا تغني من جوع (في مجموعه امدايرين جو مش فاهمه ) ربك يستر
الأحد 31 أكتوبر 2010, 10:48 pm

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
الحمد لله على سلامة الوصول
و الله يااوخي خليتنا نحسوا كنا حني الي سافرنا ربي يهنيكم وترجعوا بأعلى الشهادات
وانت تحكي ع صغارك خطرت عليا صغاري وشن ايديروا فيا في المطار و كيف يقلقوا من الانتظار Mad فنصيحة لكل واحد عنده طفل صغير يرفعه في العربة متاع الصغار والله يرتاح هلبة يحبسه فيها وقت الحاجة حجز الفندق لامستردام و غيره من الفنادق - صفحة 2 420560 خاصة في مواقف تتطلب هدوء ورزانة من الاطفال silent وتستفيد منها لما يرقد الطفل حجز الفندق لامستردام و غيره من الفنادق - صفحة 2 241993 خاصة وان الرحلة طويلة وتساعدك انت في حمل الاشياء Laughing والله العظيم جدااااااااا مهمة العربة في المطار غي هكي يركبوها معاك في الطيارة يعني لا شحن ولا وزن و اول ماتنزل تلقاها قدامك .
الإثنين 01 نوفمبر 2010, 9:03 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
العربة هما يعطوهالك والا تشريها وترفعيها معاك؟؟؟؟؟؟؟؟
الإثنين 01 نوفمبر 2010, 7:56 pm

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz

السلام عليكم ورحمة الله وبركاته

اخي عصام واخي الغراري واخي Romar واختي star2010

شكراً على المعلومات والنصائح , فعلاً معلومات مهمة وان شاء الله راح نستفيذو منها

بالنسبة للمكتب الكندي هل يطلب صورة من التذاكر ؟

وعن عقود الايجار . هل لما توقع عقد سنوي أو ستة شهور , هل لازم ان تدفع مبلغ كل الشهور التي اتفقت عليها مقدما ام لا ؟

وهل الرب ودقيق الشعير والزميطة مسموح بدخولها لامريكا ام لا ؟

وعن عربة الاطفال هل لازم ان تبلغ عنها لما تأخذ التذاكر ام لا ؟

بارك الله فيكم

_______________________________



حجز الفندق لامستردام و غيره من الفنادق - صفحة 2 The-go10

Everybody needs some people to stand with him

All people need help from each other


الإثنين 01 نوفمبر 2010, 9:15 pm

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
السلام عليكم اخوتي في الله ,بالنسبة للمكتب الكندي يطلب في الاتي
If you are still in Libya, please scan and email any documents from the Ministry of Education and Scientific Research related to your scholarship. As you receive your I-20, Letter of Acceptance, and F1 visa to enter the United States, please scan and email these to me as well. For the time being, the photograph and English pages of your Libyan passport will be helpful in starting your file.
وبالنسبة لما توصل امريكا على خير ان شاء الله يبو الاتي


Once you arrive in the United States, or if you have already arrived, I will need copies of your stamped I-20 and stamped I-94. In order to issue your allowances and medical insurance, I will need a void check from an American bank account, as well as information about where you will be staying in the United States. Please complete the Contact Information and Academic Consent forms from our web site, and send the completed forms along with the I-20, I-94, and void check. Additionally, if you would like to receive the Settling-in Allowance, a loan repaid over the course of two years, please complete the Settling-in Allowance Agreement.

وهده هي المستندات اللي يطلبها المكتب الكندي وانا حبيت انقل حرفيا لزيادة الاطمئنان والمصداقية بس انت ارسلهم ايميل وقوللهم انا طالب وعندي منحة دراسية توة هما يبعتولك ايميل ويفتحولك ملف ويعطوك كافة المستندات اللي يبوها انت بس تعبيها وتوقع وتديرلها سكان وتبعتها بالايميل وان شاء الله ربي يوفق وبالنسبة للايجار او المعيشة هما ماليهم علاقة بس يبو يعرفوا وين عنوانك وهما بيصرفولك المنحة "المعيشة" وانت وتصرفك فيها ,وبالله نصيحة اللي عنده كيف يجدد جواز السفر يجدده من غادي راهو هنا بس سنتين ولمرة وحدة وهنا اهم شي الجواز وI-20يكونن ساريات المفعول وان شاء الله ربي يسهلها للجميع.

والله ولي التوفيق
المرفقات
Settling-in Allowance Agreement.doc

لا تتوفر على صلاحيات كافية لتحميل هذه المرفقات.

(184 Ko) عدد مرات التنزيل 11

Consent-Academic US.docx

لا تتوفر على صلاحيات كافية لتحميل هذه المرفقات.

(121 Ko) عدد مرات التنزيل 11

CBIE Student Application Form Libya US.docx

لا تتوفر على صلاحيات كافية لتحميل هذه المرفقات.

(153 Ko) عدد مرات التنزيل 10


_______________________________

لا تمدّن إلى المعالي يدا قصرت عن المعروف
الثلاثاء 02 نوفمبر 2010, 4:20 am

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
بنت ليبيا كتب:
اخى msasi
الحياة فى امريكا كلها بالنسبة لى كدارسة هندسة مدنية كلها بين المحاضرات والمكتبة والمعامل يعنى غارقة فى القرايةز
بالنسبة لللسيدات المرفقات فهن يقضين اوقاتهن فى تعليم اولادهم منهاج الدراسة المقررة بليبيا وفى بعض المناسبات التى تحدث وفى قضاء وشراء حاجيات البيت من الاسواق


السلام عليكم

اختي بنت ليبيا انا تخصصي بكالوريوس هندسة مدنية والماجستير هندسة بيئية ياريت تفيدنا عن الجامعات اللي فيهن التخصص
وهل يمكن ان احضر دكتوراة في احد تخصصات الهندسة المدنية لاني حاب اغير من الهندسة بيئية الى التربة او الطرق او الخرسانات
وشكرا مقدما
الأربعاء 03 نوفمبر 2010, 1:59 pm

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
Almofad2010 كتب:
العربة هما يعطوهالك والا تشريها وترفعيها معاك؟؟؟؟؟؟؟؟

أختي العربة هي الكروسة متاع الصغار أنت تشريها من السوق "أكيد عرفتيها"
الخميس 04 نوفمبر 2010, 8:22 pm

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
THE GOOD كتب:

السلام عليكم ورحمة الله وبركاته

اخي عصام واخي الغراري واخي Romar واختي star2010

شكراً على المعلومات والنصائح , فعلاً معلومات مهمة وان شاء الله راح نستفيذو منها

وعن عربة الاطفال هل لازم ان تبلغ عنها لما تأخذ التذاكر ام لا ؟

بارك الله فيكم

العفو أخي مادرتش حاجة
العربة أنا مانبلغش عليها نحط فيها ولدي لعند باب الطيارة لما يأخدوا منك كرت الصعود يأخد المضيف العربة ويدخل بيها الطيارة ومتشوفهاش لعند توصل و أول ما تنزل تلقاها منزلينها قبلك
الخميس 04 نوفمبر 2010, 8:28 pm

descriptionحجز الفندق لامستردام و غيره من الفنادق - صفحة 2 Emptyرد: حجز الفندق لامستردام و غيره من الفنادق

more_horiz
msasi كتب:
بنت ليبيا كتب:
اخى msasi
الحياة فى امريكا كلها بالنسبة لى كدارسة هندسة مدنية كلها بين المحاضرات والمكتبة والمعامل يعنى غارقة فى القرايةز


السلام عليكم

اختي بنت ليبيا انا تخصصي بكالوريوس هندسة مدنية والماجستير هندسة بيئية ياريت تفيدنا عن الجامعات اللي فيهن التخصص
وهل يمكن ان احضر دكتوراة في احد تخصصات الهندسة المدنية لاني حاب اغير من الهندسة بيئية الى التربة او الطرق او الخرسانات
وشكرا مقدما


الحمد لله لقيت حد تخصصي أنا أيضا هندسة مدنية وماجستير هندسة بيئة ونتمنى نغير تربة بس ماعتقدش التغيير سهل لانك لازم تقرا مواد إضافية .
بس قولي أخي msasi وين وصلت في الاجراءت وهل حصلت قبول أكاديمي ؟
الخميس 04 نوفمبر 2010, 8:35 pm
صلاحيات هذا المنتدى:
لاتستطيع الرد على المواضيع في هذا المنتدى