التأشيرة و السفار الامريكية في تونس

السلام عليكم و رحمة الله تعالي و بركاته

نظرا لان السفارة الأمريكية في طرابلس مغلقه فأن علي الطلبة الذين يريدون الذهاب لأمريكا اما التوجه للسفارة الامريكية في مصر او تونس.
فالرجاء لمن لديه معلومات عن السفارة الامريكية في تونس يشارك بيها و مثلا من حيث المعاملة في السفارة و سرعة الحصول علي موعد و هل صحيح انها الحصول علي التأشيرة من تونس اصعب؟!

و سؤال اخير علي موعد السفارات عامة هل ورقة التأكيد للموعد الي تطلعلك لما اتحدد الموعد مطلوبه في السفارة؟ لانها تطلع مرة وحده فقط و لو ما كان عندك طابعة فلا يمكنك ان تجدها او انه انقطع الضي و هذه ممكن يحدث في اي وقت. فهذا الشئ حدث معي اول ما حددت الموعد انقطع الضي بس تحدد الموعد و ما قدرت نطبعها الورقة.
و جازاكم الله كل خير

السلام عليكم اختي السفارة الامريكية ي تونس يدققوا على الاوراق لازم تكون كاملة لذلك لا تستعجلي اذا الوقت يسمح خي موعدتاني واطبعه ممكن تحفظيالصفحة علكمبيوتر ثم تطبعيه
المهملازم يكو ن معك نسخة من افادة لتخرج لانهم طلبوا مني والاهم هي الدعم المالي لغرض التاشيرة من البعثات وكذلك cbieلاني لم اطبع ورقة الدعم المالي لغرض التاشيرة التي حصلت عليها من المكتب الكندي وفي المقابلة شددوا علي لازم نجيبها ولكن من وين المهم لم احصل على التاشيرة قالولي ارجعي ومعك الدعم المالي من المكتب الكندي والدعم المالي من البعثات لم يهتموا بها اطلاقا!

السفارة المفتوحه في طرابلس شنو مهمتها احنا نتشرد ونمشي لتونس مشوار مرات منحصلش التأشير في سبه ورقة نقصت او شيء اخر وبعدين هذا كله على حساب الطالب .. مش معقول هذا الامر ارجو ان ينظر في الامر ....مشكورين

مشكورة أختى أيمان على معلومتك بس ياريت نعرفوا امتى كانت مقابلتك ؟ وثانياً وحسب علمي ان المكتب الكندي ما يعطيش فى رسالة الدعم المالى للتاشيرة فكيف تحصلتي عليها أختى ؟ اللى معانا فقط رسالة الدعم من البعثات إذا مش كافية فهادي مشكلة . فكيف تنصحي بيش انحصلو على الرسالة من المكتب الكندي ومشكورة أختي.

alabed كتب:

مشكورة أختى أيمان على معلومتك بس ياريت نعرفوا امتى كانت مقابلتك ؟ وثانياً وحسب علمي ان المكتب الكندي ما يعطيش فى رسالة الدعم المالى للتاشيرة فكيف تحصلتي عليها أختى ؟ اللى معانا فقط رسالة الدعم من البعثات إذا مش كافية فهادي مشكلة . فكيف تنصحي بيش انحصلو على الرسالة من المكتب الكندي ومشكورة أختي.

السلام عليكم
حتى أنا عندي نفس المشكلة بعد ما التغت تأشيرتي لكندا قررت نمشي لأمريكا وياريت أعضاء المنتدى الموفدين لأمريكا وحصلوا التأشية الأمريكية يفيدونا لأن ما عندي فكرة واضحة ع الورق بالضبط وحاجة ثانية شن هيا ورقة الدعم لمالي من المكتب الكندي أول مرة نسمع بيها
أفيدونا أفادكم الله
وشكرا

السلام عليكم و رحمة الله و بركاته
بارك الله فيك يا اخت aman انا ورقة الدعم المالي من المكتب الكندي حصلتها منهم بس ورقة الدعم من البعثات مازالت ما طلعت فهل الورقة من البعثات مهمة و ينظروا فيها ام لا؟و ممكن اتقوليلي شن الاوراق الي خذيتيهن امعاك للسفارة؟ و شن الاوراق الي كان من المفترض انك تأخذيهن امعاك؟ و في حاجة اخري الصورة الشخصية هل حطيتيها في الابليكيشن؟ ام خذيتيها امعاك للسفارة اصلا ما القيتش من وين انزلها في النت.
وورقة الدعم المالي من المكتب الكندي بالنسبة ليا انا لما طولوا البعثات في اخراج الورقة دزيت رسالة للمكتب الكندي قالولي في الاول دزلنا معلوماتك والاوراق الي حصلتهن من البعثات و دزولي ابليكيشن علي النت عبيته و في اليوم الثاني دارولي ورقة دعم مالي للتأشيرة و هما ايضا دارولي ورقة الدعم المالي للقبول و دزوها ايضا للمعهد الي نبي نقري فيه.
فالي يبي منهم اي خدمة يقدر يسألهم من الايميل و هما حيقولوا لو كانوا يقدروا ايساعدوا او لا .
و ان شاء الله ما ايصير الا كل خير

السلام عليكم ورحمة الله
أني مش عارف منين نبدأ لكن نبي نحط كل شيء في نقاط وياريت الكلام هذا يساعدكم لأني شحورت اني وزوجتي ومانبي حد يشحور.
أولا بالنسبة للصورة في الأبليكاشن مرات ماتطلع مادورها لأنه اذا الموقع ماعنده خلاص فوتها.
ثانيا بالنسبة المكتب الكندي هذا مكتب مسؤوول عن الطلبة الليبيين في امريكا لذلك خش علي الموقع متاعه ونزل بياناتك باش يفتحولك ملف وتقعد تراسلهم ويعرفوك؟
ثالثا اللي المكتب الكندي مابعثله ورقة دعم مالي وحدة لغرض القبول والتانية للتأشيرة يمشي طول للبعتات ويكلم مشرفة الساحة الامريكية وينقنق عليها وكان استدعى الأمر يخش على الدكتور طاهر بروحه لأنه جماعة المكتب الكندي يمشوا بالعين الحمراء من الأخير. طبعا الأبلة المشرفة تكلم المكتب الكندي وتاني يوم ان شاء الله تلقى ورقتك ع الأيميل مبعوتة.
ثالثا ورقة الدعم المالي من المكتب الكندي بإذن الله كافية .

السلام عليكم ورحمة الله
ان شالله نقدر نفيد حد بتجربتي لأني تمنيت نحصل من يفيدني قبل ما نمشي وللأسف لم اجد
القصة اني مشيت لتونس درت مقابلة يوم 31- 9 .. واهم شي:
- بالنسبة لورقة تأكيد الموعد مطلوبة وضرورية.
- الصورة اذا لم تستطيع ان تحملها على النت من الضروري اخذها معك للمقابلة
المهم رفعت الاي تونتي الصلية وافادات تخرجي ورسائل الدعم المالي من البعتاث.
والنتيجة كانت الرفض...... والسبب ضروري ان تأتي بورقة دعم مالي من المكتب الكندي بأمريكا. وانا طبعا لم أسمع بهذا الشي من قبل... يعني مشية وتشحويرة ودفع فلوس وفي الأخير علي ورقة ناقصة...
الحمدلله على كل حال
المهم اخواني هل في حد حصل تأشيرة من تونس؟؟؟؟؟؟؟؟
ياريت يفيدنا بتجربته وشن طلبو منه بالضبط

عذرا اخي ولكن هل تحصلت على التأشيرة بهذه الورقة؟ ,,وما هي الخطوات لفتح ملف لدى المكتب الكندي؟

aman كتب:

السلام عليكم ورحمة الله
أني مش عارف منين نبدأ لكن نبي نحط كل شيء في نقاط وياريت الكلام هذا يساعدكم لأني شحورت اني وزوجتي ومانبي حد يشحور.
أولا بالنسبة للصورة في الأبليكاشن مرات ماتطلع مادورها لأنه اذا الموقع ماعنده خلاص فوتها.
ثانيا بالنسبة المكتب الكندي هذا مكتب مسؤوول عن الطلبة الليبيين في امريكا لذلك خش علي الموقع متاعه ونزل بياناتك باش يفتحولك ملف وتقعد تراسلهم ويعرفوك؟
ثالثا اللي المكتب الكندي مابعثله ورقة دعم مالي وحدة لغرض القبول والتانية للتأشيرة يمشي طول للبعتات ويكلم مشرفة الساحة الامريكية وينقنق عليها وكان استدعى الأمر يخش على الدكتور طاهر بروحه لأنه جماعة المكتب الكندي يمشوا بالعين الحمراء من الأخير. طبعا الأبلة المشرفة تكلم المكتب الكندي وتاني يوم ان شاء الله تلقى ورقتك ع الأيميل مبعوتة.
ثالثا ورقة الدعم المالي من المكتب الكندي بإذن الله كافية .

لفتح ملف بالمكتب الكندي بالنسبه لي انا ارسلت لهم ايميل فدزولي رابط ابليكيشن و عبيته و دزيتلهم الاوراق الي حصلتهن من البعثات عن طريق الايميل ( مع العلم انا كنت امكمل جميع الاوراق من البعثات التفويض و تعريف طالب و الابراق الخ) و بعد ممكن يومين قالولي تمام فتحنالك ملف و طلبت منهم رسالة دعم مالي للتأشيرة و في اليوم الثاني كانت واتيه.
هذا رابط فيه معلومات فتح ملف لدي المكتب الكندي http://www.cbie.ca/data/libya/US1/NominatedStudents/NominatedStudents.htm

هذا رابط النموذج الي لازم اتعبيه لفتح ملف
https://web.cbie.ca/sm/app_nominee.html
فبالامكان انك تعطيهم معلوماتك كاملة و شن درتي من اجرئات لحد الأن و هما حيقولولك بالزبط شن لازم اتدير
انا ان شاء الله موعد مقابلتي يوم الاثنين القادم فأن شاء الله حنقوللكم شن صار ادعولي انحصل التأشيرة.
و السلام عليكم و رحمة الله تعالي و بركاته

Moad elshieky كتب:

لفتح ملف بالمكتب الكندي بالنسبه لي انا ارسلت لهم ايميل فدزولي رابط ابليكيشن و عبيته و دزيتلهم الاوراق الي حصلتهن من البعثات عن طريق الايميل ( مع العلم انا كنت امكمل جميع الاوراق من البعثات التفويض و تعريف طالب و الابراق الخ) و بعد ممكن يومين قالولي تمام فتحنالك ملف و طلبت منهم رسالة دعم مالي للتأشيرة و في اليوم الثاني كانت واتيه.
هذا رابط فيه معلومات فتح ملف لدي المكتب الكندي http://www.cbie.ca/data/libya/US1/NominatedStudents/NominatedStudents.htm

هذا رابط النموذج الي لازم اتعبيه لفتح ملف
https://web.cbie.ca/sm/app_nominee.html
فبالامكان انك تعطيهم معلوماتك كاملة و شن درتي من اجرئات لحد الأن و هما حيقولولك بالزبط شن لازم اتدير
انا ان شاء الله موعد مقابلتي يوم الاثنين القادم فأن شاء الله حنقوللكم شن صار ادعولي انحصل التأشيرة.
و السلام عليكم و رحمة الله تعالي و بركاته

\
ربي يوفقك بس وين بتقدم في تونس ؟ وهل عبيت الابليكشن للتأشيرة وانت في ليبيا وحتى الموعدد حددته وانت في ليبيا وبعدين بتمشي لتونس مرة وحدة والا كله لازم اديره في تونس؟

السلام عليكم.
رسالة الدعم المالي من المكتب الكندي ضرورية وخاصة في الظروف اللي احنا فيها توا, من عدم تواجد السفارة في بلدنا والبلاد في مرحلة انتقاليه لذلك سلم خوي افتح ملف في المكتب الكندي .

مشكور

انا سجلت في موقع المكتب الكندي وما يعطيش في الرسالة هكي ضروري يراسلوه من البعثات لان حسب ما فهمت من مشرفة ساحة امريكا وكندا ضروري يكون عن طريقهم
والله أعلم

هو اتعبي الابليكيشن و اتحدد الموعد و كل حاجة من ليبيا .
و لاكن ضروري رسالة الدعم المالي من المكتب الكندي لاني شفت قدامي كم واحد في السفارة الي في تونس مش معاهم و رفضوهم في نفس الوقت. و حتي لما سألت السفارة الامريكية قالولي لازم رسالة دعم من المكتب الكندي. انا ممكن تحصلت عليها لاني صادرلي تفويض مالي بس كيف ما سمعت انك اتقدم علي الرسالة من البعثات و هما يتصلوا بالمكتب الكندي بيش يصدرولك وحده. و انا الحمد لله تحصلت علي التأشرة في اليوم التالي السفارة في تونس احسن من الي في ليبيا و مصر اجرائتهم سريعة و اتحصل موعد في اوقات قريبة .

السلام علكيم
عندي استفسار على الدراسة على حسابي الخاص هل ممكن ولا لا
وكيف ادير باش تمشي يعطوهالك
والتانية التاشيرة السياحية يعطو فيه ولا ميعطوهاش
بالله عليكم افيدوني

الان قصه جديده وهي رساله الدعم المالى من مكتب الكندي اول مره نسمع بيها
انا قدمت على رساله دعم مالي من اجل القبول هو اول شى قدمت عليه

و عليكم السلام و رحمة الله تعالي و بركاته
رسالة الدعم المالي من المكتب الكندي اتكون عن طريق الايميل ايدزوها لك و تطبعها وحدك

انا الحمد لله وصلت حتي لأمريكا توا
بالنسبة لموضوع المقابلة كانت اسهل و اقصر مما اتصور كان الي دار معايا المقابلة شخص ودود و مجرد انه سألني اني شن نبي نقري اول ما نوصل و اين ولاية ماشي و شن تخصصي بعد ما انكمل اللغة و بعدها اعطاني وصل ال140 دولار الخاصة بالمقابلة و فيهن بطاقة مدبسة و بعدها قعد ايدخل في معلوماتي .
و بعد ممكن دقيقتين قالي تعال بكره لكي تستلم تأشيرتك و قالي جيب امعاك البطاقة بيش تدخل للسفارة و طبعا خذي الاي توينتي و جواز السفر. ممكن قالي تعالي في اليوم الثاني لأني عندي تأشيرة من قبل . الله اعلم و لاكن لاحظت طبعا من الكساد و انا انراجي في مقابلتي انه معظم المتقدمين علي التأشيرة يأما يقابلهم بالرفض في نفس الوقت يأما ايقوللهم في حوالي اسبوعين حتوتي التأشيرة هذا في حالة كان في اي مشكلة او انه يحتاج لتفحص ملفك اكثر ( في الاغلب اذا كنت متقدم جديد علي التأشيرة يعني ما عمرك حصلت تأشيرة) و ثالث حالة ايقوله تعال في اليوم الثاني و في الحالة الاخيرة كانوا معظمهم متحصلين علي تأشيرات من قبل او كانوا في امريكا و قادمين زيارة لأوطانهم.
نصيحة اذا كنت امكمل اجرائاتك كلها و جميع اوراقك كاملة للمقابلة توكل علي الله و امشي لأنه السفارة الي في تونس اجرأتهم اسرع.
و كان عندك اي سؤال حنحاول ما انقصرش ان شاء الله.

السلام عليكم ورحمة الله وبركاته
بارك الله فيك يا اخوي وجزاك الله كل خير

[b][b][color=blue]السلام عليكم ورحمة الله وبركاته
نصيحة الى كل الاخوة الذين ينوون السفر الى تونس للحصول على التاشيرة الامريكية التريث ريثما تستقر الاوضاع .امس كان عندي موعد في السفارة الامريكية في تونس وسافرت ونقلت معي كل المستندات المطلوبة ودفعت علي وعلى العيلة؛لاني من شهرين مشيت ورفضوني بحجة ورقة الدعم المالي من المكتب الكندي،عالعموم امس بعد ان اطلع على الاوراق وتاكد اني دفعت الرسوم واوراقي كاملة رجعلي جوازات السفروقالي ان التاشيرة لا تعطى بقبول لغة وانه ينبغي ان احصل على قبول اكاديمي والا لن احصل على تاشيرة حتى في المرات القادمة وهدي تاني مرة نمشي لتونس على خاطر التاشيرة وترفض لسبب واهي خاصة امس ما كان فيه سبب سوى ان الجنسية ليبية.بالله اذا فيه حد حصل تاشيرة في المدة القريبة الماضية او اللاحقة يخبرنا شن المشكلة الحقيقية.