التأشيرة و السفار الامريكية في تونس

اخت aman
هل سبق لك ان دهبتي الى امريكا؟؟ اما انها المره الاولى التي تسفرين فيها؟؟
ايضا, هل قدمتي بالاوراق المستلمه من المكتب الكندي؟
ثالثا, كم استغرق حصولك على هده الاوراق من المكتب الكندي من تاريخ تقديمك على رسالة الدعم المالي في ليبيا؟

لم اسافر لامريكا من قبل لكن كانت عندي تاشيرة وانتهت صلاحيتها واوراقي كانت كاملة ابتداء من كشف الدرجات والقبول والدعم المالي من الحكومة اللليبية ومن المكتب الكندي
بالنسبة لللمكتب الكندي مسجلة فيه من 2010 لكنهم في الفترة الاخيرة بدوا غير متعاونين بسبب الاوضاع في ليبيا المهم لماراسلتهم مشرفة الساحة الامريكية ارسلوا لي الدعم المالي في ظرف ايام وهو قالي بالحرف لا نعطي تاشيرة بقبول اللغة فقط لابد من القبول الاكاديمي
والسلام عليكم

السلام عليكم
انا تحصلت علي التأشيرة بقبول اللغة فقط و كان معايا صديقي حتي هو نفس وضعي و تحصل علي التأشيرة بدون اي قبول اكاديمي و كانوا الجماعة في السفارة متعاونين معايا
و ان شاء الله خير و ربي ايوفقك الجميع في اجرائاته و دراسته

السلام عليكم ممكن الاجراءات هدي حديثة ممكن خايفين من الهجرة وبدؤا يخطون خطوات السفارة البريطانية وكدلك الالمانية
انا شخصيا مش فاهمة؟؟؟؟؟؟؟؟

السلام عليكم ورحمة الله وبركاته جميعاً
أنا مقابلتي غدوة إن شاء الله ... ادعولى ربي يوفقني ونحصل التأشيرة سريعاً.
و بالتوفيق للجميع ان شاء الله.

ربي ايوفقك ويسدد خطاك وانشالله عقبالنا

السلام عليكم
انا درت التأشيرة السنة اللي فاتت في طرابلس وانتهت صلاحيتها من شهر ونبي نجددها في مصر بحساب انها الاقرب لنا، ف اللي يعرف هل مصر تطلب في نفس الاجراءات اللي في السفارة الأمريكية في تونس ولا لا؟ قصدي ع ورقة الدعم والقبول الاكاديمي، مع العلم اني متحصلة على التفويض فهل هذا حيسهل الاجراءات معاي؟

السلام عليكم ورحمة الله وبركاته جميعاً
بارك الله فيك أختي سلام وجزاكي الله خيراً .... نحب نبشركم بأني تحصلت على التأشيرة ولله الحمد من تونس، عملت المقابلة وكانت أسئلة بسيطة وثاني يوم عطوني التاشيرة. زى ما قال خونا معاذ الجماعة متساهلين ومش معقدين الامور. أدعو لكم بالتوفيق جميعاً.

وفيك بارك الله
الف الف مبروك وهده بداية الطريق ربي ايوفقك ويناولك مرادك ، دعواتك لينا
وبالتوفيق انشالله

الف مبروك لتحصلك علي التأشيرة و ان شاء الله ربي ايوفقك

وفيكم بارك الله و جزاكم الله خيراً،،، وبالتوفيق لكم جميعاً.

اخي alabed الف مبروك بس ياريت تعطينا تفاصيل المقابله وهل عندك قبول لغة بس وهل اول مرة تمشي لأمريكا؟؟؟
ارجو الإفادة

شكرا أخت DR A ، بالنسبة للمقابلة كانت سهلة وبسيطة، سألونى عن مشروع الماستر اللي نبي نشتغله غادي وكذلك سألني عن زوجتي كيف تعرفت عليها وشن صلة القرابة بيناتنا وسألني كذلك عن دول كنت سافرت اليها مسبقاً .. وبالنسبة للقبول ، نعم عندي قبول لغة فقط،، وهادي أول مرة نمشي لامريكا بس للأمانة جوازي ملئ بالتأشيرات... بس على العموم المقابلة سهلة والاجراءات بسيطة ،،، أسهل مما كنت أتوقع . فقط توكلو على الله... وبالتوفيق لكم جميعأ .

alabed كتب:

شكرا أخت DR A ، بالنسبة للمقابلة كانت سهلة وبسيطة، سألونى عن مشروع الماستر اللي نبي نشتغله غادي وكذلك سألني عن زوجتي كيف تعرفت عليها وشن صلة القرابة بيناتنا وسألني كذلك عن دول كنت سافرت اليها مسبقاً .. وبالنسبة للقبول ، نعم عندي قبول لغة فقط،، وهادي أول مرة نمشي لامريكا بس للأمانة جوازي ملئ بالتأشيرات... بس على العموم المقابلة سهلة والاجراءات بسيطة ،،، أسهل مما كنت أتوقع . فقط توكلو على الله... وبالتوفيق لكم جميعأ .

هل ضروري قبول لغه واكاديمي ام لغه يكفي

بالنسبه للأخ المرافق هل يعطوه تأشيره ام لا
مثلا لو اسمه مذكور فى الدعم المالي الخاص بالتاشيره الموفد

ممكن توضحلنا القصه بالضبط

السلام عليكم
زي ما ذكرت آنفا أخي محمد مطلوب قبول لغه فقط ، وبالنسبة للأخ المرافق المفروض يعطوه علاش لا؟ طالما اسمه مرفق فى رسالة الدعم المالي للتاشيرة .

السلام عليكم
لمن لديه معلومات ايهما اسهل استخراج التاشيرة من السفارةتونس او القاهرة ؟

و عليكم السلام و رحمة الله تعالي و بركاته,
انا قبل ما انقدم لي التأشيرة استفسرت علي الموضوع هذا من ناس مجربين الاثنين, و قالولي ما اتفكرش عدي لتونس لعدة اسباب:
اولها : الموعد للتأشيرة في تونس اسهل حيث انه اتحدد الموعد عن طريق النت و اتحصل موعد دغري تلقي في نفس الاسبوع موعد, اما مصر لازم اتحدد الموعد عن طريق الاتصال بالسفارة عن طريق رقم مصري , و انهم ايقطمروك واجد في المكالمة و ممكن تقعد شهر او اكثر بيش اتحصل الموعد, و هذا الشئ مكتوب حتي في موقعهم انه ممكن اتطول واجد بيش اتحصل الموعد.
ثانيا: المعاملة اولا في تونس المعاملة محترمة كيف ما جربتها انا حتي انا و ما ايطولوش معاك اتحس عندهم وسعة بال , حسيت انه افضل من الي السفارة الي في ليبيا. اما في مصر كما سمعت انه عندهم نسبة لؤم و حتطول واجد في المقابلة حيث انها زحمة اكثر.
و بناء علي ما سبق تقدر اتقول انه بما ان تونس اقل زحمة ففي الا غلب انه التأشيرة كان ان شاء الله وافقولك عليها حتكون اجرائتها اسرع في تونس. و هو الموضوع الي يفرق لو انك تسكن في الشرق حيكون اسهلك تمشي لمصر و لو كنت في الغرب حيكون اسهلك في تونس . و لاكن علي انا نسكن في بنغازي بس مشيت لتونس لكي اندير التأشيرة فهذه وجهة نظري و الله اعلم.
السلام عليكم و رحمة الله تعالي و بركاته.

السلام عليكم ورحمة الله وبركاته
نبي نسال اخي العبد اوصلت لامريكا والله مازال
وبالتوفيق انشالله

Assalamu Alikom
For Mr Fatah I think Mr Moad is right as my experienced
And for Ms Salam, thank you for your asking
I just arrived the USA three days ago and every thing going smooth right now and I wish to you all the best

امتا نقدر نقدم انقدم علي الموعد التاشيرة ؟ نقدر نقدم علي الموعد قبل الدراسه 4 شهور ؟

السلام عليكم ورحمة الله وبركاته
تقدر تقدم على التاشيرة قبل اربعه شهور عادي بس ما يحقلكش الدخول قبل 30 يوم من موعد بدأ الدراسة الى الولايات المتحده . لانه اول مطار بتدخله في امريكا ضروري ما تبرز الاي تونتي ويشوفو موعد الدراسة ويختمو عليه .

اذا انا قدمت على دراسة اللغة هل يجب ان ادفع رسوم الدراسة ام مجرد قبول عادى وهل اذا كان هناك رفض هل سيكون الرفض على الجواز السفر ام لا

اعلان هام لكافة طالبي التأشيرة الأمريكية في تونس :

ابتداء من تاريخ 1 مارس 2010 يجب على كافة طالي تأشيرات الاقامة المأقتة الامريكية في تونس استعمال النموذج الالكتروني الجديد 160 - DS .
http://arabic.tunisia.usembassy.gov/non_immigrant_visasar.html

السلام عليكم اتمني للجميع التوفيق في دراستهم ولكني اتمني من اي احد يجاوبني هل التاشيرة من تونس صعبة لاني لدي موعد الاسبوع القادم ومن كلامكم شكلة الموضوع صعب ربي يسهل للجميع