كل مايتعلق يآيرلندا

الاخ عثمان

يمكنك مراسلتنا عبر الموقع لأي استفسارات

www.lictes.com
والسلام عليكم

اجو الاجابة الكافية من لديه خبرة كم المدة التى تستغرقها التاشىرة الايرلندية وهل يمكن الحصول عليها بقبول لغةفقط مع العلم لديا ايفاد دراسة ماجستر وهل يمكن الحصول عليها للمرفقين ويمكن تجديدها من ايرلندا بعد الانتهاء من اللغة
ارجو الرد

الشلام عليكم ، أنا عندي إيفاد دكتوراه وارغب في الدراسة بأيرلندا علما باني مش عارف هل ضروري ان يكون عندك لغة بيش تحصل على التأشيرة وكذلك هل هناك قبولات في تخصص الأحياء وياريت لو في معلومات عن المعيشة والسكن والأسعار علما باني متزوج ولدي أطفال

السلام عليكم خوتي ,,,,,
بالله عليكم نبي نستفسر عن أفضل الجامعات للطب ؟؟؟؟ و بالذات الجامعات اللي تقبل تسجيل مشروط و اللي معاملاتها بسيطة و الرد يكون سريع و اللي فيها معاهد لغة بالله اللي يعرف ايقولي !!!!!
و نبي نعرف أما أفضل المكاتب اللي اتم في هادي الاجراءات في طرابلس ؟؟؟ و شكرااا و بارك الله فيكم

فيه تخصص طب بشري فيه جامعة ترينتي في ايرلندا ؟؟؟؟

---

و هل يقبلوا في تسجيل مشروط ؟؟؟؟

يا جماعة قولولي عن أفضل المعاهد لتعليم اللغة الانجليزية في ايرلندا , و هل الكلية الملكية فيها كورسات لتعليم الانجليزي لاني مستواي جيد جيدا و محتاجة لكورس تحضير للايلتس بس؟؟؟؟؟

https://www.youtube.com/watch?v=8VTitV5N9x0&feature=player_embedded

Ireland كتب:

مدينة كورك تقع في جنوب أيرلندا.... بس لو تتدرس في دبلن أفضل حيث ستكون فرصة الحصول على فبول اكاديمي افضل واسهل لكثرة الجامعات فيها وكذلك دبلن مدينة حية وفيها جالية مسلمة وليبية كثيرة تشعرك وكأنك بين أهلك لكثرة الانشطة الثقافية والاجتماعية...

يمكنك الاتصال بالمكتب الايرلندي لمعرفة المزيد من المعلومات

ياخوي ايرلندا هل من الممكن تقوللنا الجامعات في دبلن او غيرها اللي ممكن تتعامل معها للحصول لنا على قبول اكاديمي



ولكم جزيل الشكر

نفس استفسار خوي المنتصر بالله ....

السلام عليكم جميعاً
بالله عليكم كان في حد قدم على التأشيرة الأيرلندية وحصلها ينورنا الله ينوره ، ويقولنا شن الأوراق اللي بعثها بالضبط ؟
وهل بعث صور وإلا الأوراق الأصلية ؟
وهل بعثهم بنفسه بالبريد السريع المسجل DHL وإلا عن طريق مكتب أو وكالة؟
ولما جاته المواققة هل بعث الجوازات وإلا مشي بروحه لأبوظبي لاستلام التأشيرة ؟
وكم يوم أخذت التأشيرة حتى صدرت ؟
وهل قدم لوحده وإلا معاه أسرته ؟
وهل قدم بقبول لغة وإلا أكاديمي ؟
أرجوأ ان تفيدونا من تجاربكم، الله يفتح علينا وعليكم جميعاً

يا خوي و الله اني أحرف منك و ما نعرفش الاجوبة ع هادي الاسئلة المهمة و لكن عندي معلومة و ان شاء الله تفيدك اني تواصلت مع المركز الايرلندي الليبي و قالولي انهم ايديروا في التأشيرة و يساعدوا في ايرلندا لان عندهم مكتب و يكملولك كل اوراقك هل الكلام ميه في الميه صح ؟ ما نعرفش لكن تواصل معاهم و استفسر و ربي ايقدم اللي فيه الخير و موفق,,,,,

...

السلام عليكم ورحمة الله وبركاته
ياريت لو حد يعرف عنوان موقع ايضم كافة الجامعات الإيرلندية يكتبه ليا
ولو عند أي حد فكره عن الجامعات اللي تقبل حملة الدبلوم العالي لدراسة الماستر منها ،والمدن اللي تكون أسعار السكن فيها والمعيشه مناسبه للطلبه الليبيين
أيضاً نبي نعرف هل ضروري من إجراء امتحان الأيلتس عشان التأشيرة لإيرلندا الجنوبية أم لا حالياً في هذه الفتره لأن بريطانيا مثلا لازم للحصول على تأشيره لها تكون متحصل على درجة 4 أو 4.5 في الأيلتس زي ما سمعت
ونبي نعرف قيمة مُنحة الطالب العازب وكذلك مُنحة الطالب المتزوج مع ثلاثة أطفال؟؟
ومشكورين على تعاونكم مُقدماً

السلام عليكم ,,,... الاخت لوزا امدايرة موضوع في موقع مش عادي بكل بارك الله فيها دور فيه الموضوع اسمه every thing here

و بالنسبة للتأسيرة اللي نعرفه انه تبي رسالة قبول من معهد لغة مش امتحان ايلتس و زيد اسئل و يخصوص المنحة سألت عليها قالولي زي بريطانيا 1070يورو بالنسبة للاعزب اما بالنسبة للمتزوج ما نعرفش

التأشيرة في مراكز ايديروا فيها شوفهم و تواصل معاهم بالك ايفيدوك

و موفق ,,..

illusion كتب:

السلام عليكم ورحمة الله وبركاته
ياريت لو حد يعرف عنوان موقع ايضم كافة الجامعات الإيرلندية يكتبه ليا
ولو عند أي حد فكره عن الجامعات اللي تقبل حملة الدبلوم العالي لدراسة الماستر منها ،والمدن اللي تكون أسعار السكن فيها والمعيشه مناسبه للطلبه الليبيين
أيضاً نبي نعرف هل ضروري من إجراء امتحان الأيلتس عشان التأشيرة لإيرلندا الجنوبية أم لا حالياً في هذه الفتره لأن بريطانيا مثلا لازم للحصول على تأشيره لها تكون متحصل على درجة 4 أو 4.5 في الأيلتس زي ما سمعت
ونبي نعرف قيمة مُنحة الطالب العازب وكذلك مُنحة الطالب المتزوج مع ثلاثة أطفال؟؟
ومشكورين على تعاونكم مُقدماً

هذا موقع يضم الجامعات الآيرلندية
http://www.universitiesireland.ie/
وهذه قائمة بالجامعات والكليات في جمهورية آيرلندا
http://en.wikipedia.org/wiki/List_of_higher_education_institutions_in_the_Republic_of_Ireland
وممكن تشوف المواضيع هذه يمكن تكون مفيدة
http://www.travel4study.com/vb/archive/index.php/t-60.html
http://www.mbt3th.us/vb/forum66/thread120511.html
وبالنسبة للمدن أعتقد أنه تمت الإجابة عليه في الصفحات السابقة من هذا الموضوع

شيني هيا الleaving cert ,و وين تندار يعني في مدرسة ثانوية ايرلندية منفصلة أو في نفس الجامعة ؟؟؟؟؟

و هل في أحد في المنتدى دارها ؟؟؟

التأشيرة لاتحتاج ايلس , إلا قبول اللغة..وباقي المستندات المعروفة لتقديم التأشيرة. ويمكن اللي معه عائلة يقدم لهم في نفس الوقت... فيه مجموعة من الطلبة الجدد المدة اللي فات كيف دخلوا أيرلندا ويدرسوا حالياً في اللغة... وأغلبهم تحصل على التأشيرة ما بين أسبوعين وشهر... والتأشيرة تقدم في أبوظبي وتأخذها من تونس أو مصر أو مالطال حسب طلبك.. وأغلب الليبين يأخذوا فيها من القنصلية في تونس... وبالنسبة لأبوظبي فهي مسئولة على جميع دول المغرب العربي حتى اللي عندهم قنصليات مثل تونس والجزائر والمغرب...

ياريت تعطينا لينك موقع السفاره أخي الكريم lazord

السلام عليكم لو سمحت نبيك تفيديني بدراسة تخصص التخدير في ايرلاندا ،،،،،،او تعطيني ايميل اي احد في ايرلاندا يساعدني بالمعلومات ،،، تحياتي

http://www.embassyofireland.ae/home/index.aspx?id=85102

السلام عليكم هذا لينك السفارة الايرلندية في ابوطبي تعبي الابليكاشن اون لاين وتسحب النوذج وتبعته بوحدة من شركات الشحن الي ابوظبي وبعدين هما حيتصلو بيك ويقولولك شن صار وكل اسبوع اينزلو في قرارات الفيزا من حيت القبول والرفض وهذا موقع الجنسية والفيزا الايرلندي وفيه كل التفاصيل

http://www.inis.gov.ie/

aymeneloud
جزاك الله خيرا

لو فيه حد حصل التأشيرة الايرلندية او سمع بحد حصلها ياريت ايقول



وياخوي بس قوللنا الموقع يقول حسب اعتقادي عبي الابلكيشن ودز الاوراق اتاشمنت عبر ايميل السفارة مش بالبريد... نورونا الله يفتح عليكم راهوا حايسين

موفقين

هل المعهد او الجامعة الاتي معتمد من ادارة البعثات ام لا؟

waterford institute of technology

المعهد في ايرلندا

نرجو للأهمية الرد

عدل سابقا من قبل المنتصربالله في الإثنين 23 يوليو 2012, 8:07 am عدل 3 مرات (السبب : مستعجل)