التاشيرة الانجليزية من تونس

السلام عليكم حتى انا نفس المشكله القيت المواعيد كلها مغلقة الا الاتنين فحجزت الاتنين وماعرفتش الاتنين عطلة العيد هل يخدمو او نلغي الموعد

كندة عيسى كتب:

السلام عليكم حتى انا نفس المشكله القيت المواعيد كلها مغلقة الا الاتنين فحجزت الاتنين وماعرفتش الاتنين عطلة العيد هل يخدمو او نلغي الموعد

بالنسبة للموعد مادام موجود في المنظومة معناها يخدمو في ذلك اليوم، ومش لازم تلغي الموعد لو كنتي متخوفة، يمكنك ان تحاولي تحديث الموعد(Update appointment) بدون إلغائه من فينة إلي أخري إلي ان تجدي موعد انسب ان وجد وإلا وان داهمك الوقت تذهبي في نهاية المطاف في الموعد الحالي.

استاد محمد ان شاء الله بالتوفيق وتطلعلك التأشيرة حتي اني مقدم علي زائر طالب لغة وموعدي كان يوم 6 من هذا الشهر بس تتبع الطلب Tracking ما يعطيش في معلومات بكل!! زعمة وراقي مشو لبريطانيا؟ ولو انت تقدر اتبع الطلب متاعك كيف الطريقة؟

بارك الله فيك امشيت اليوم سالتهم وطلعو غالطين لكن قالولي نحن ملزومين نعوضولك الموعد وغيروه ليوم الجمعه

الجمعة هاذي ياكندة عيسى .

نعم هذا الذي كنت اشك فيه ياأخ ابو محمد .

مشكور جدا اخ ابومحمد على مجهوداتك وبارك الله فيك

نعم اخ محمد الجمعه اللي بعد العيد واحد تمانية وبالنسبه لسؤال عبد الهادي انا ماجانيش سؤال هكى السؤال اللى قابلنى هل اقامتك قانونية فى البلد اللي قدمت منها

اخ عبد الهادي اكتب هذه الصيغة
Hello
I came to tunisia to i apply for visa because the consular center in tripolis is closed and course date is soon
Thank you very much
بالنسبة لمقطع course date is soon اذا كان الكورس لغة خليه وفي حالة انه الجامعة غيره وااكتب study is soon

بالتوفيق ياكندة عيسى وبالله أسأليهم هل الورق يقعد في تونس والسفارة تعطي في التأشيرة ولا الورق يبعتوه في لبريطانيا .
واذا تحصلتي على التأشيرة ان شاء الله اكتبي موضوع مفصل عليه خلي الأخوة يستفيدوا منه .

Abdalhadui banhander كتب:

السلام عليكم
عندي بعض الاستفسارات اخوتي
كان نبي نبي نحجز من تونس يطلعلي سوأل يقول هل انت مقيم في الدولة طبعا منكتب لا وبعد يطلعلي سأل اخر ايقول سبب الحجز في هذه الدولة شن نكتب ؟؟؟ ارجوا الرد

وعليكم السلام

لايوجد سؤال هكذا يبدو أنك أخطأت في فهم السؤال
السؤال في البداية عند التسجيل وقبل ان تفتح استمارة التقديم وهو فقط عن المكان الذي ستقدم منه وهو بهذه الصيغة Location
أما السؤال الذي بعده فهو عن بلد الإقامة الأصلي وتكتب ليبيا
لو ماتقدر تعبي بروحك أو خايف تلخبط الأفضل تشوف حد عنده خبرة يعبيلك أو يراجعلك خاصة لو مقدم على طالب زائر ولكن أحذر المكاتب التجارية أغلبهم يعبوا بسرعة وملعوماتهم ناقصة وغير دقيقة

عدل سابقا من قبل Abu Mohamed في السبت 26 يوليو 2014, 6:12 pm عدل 1 مرات

السلام عليكم، أني غدوة نكون مقدم أوراقي (طالب زائر 11شهر) ليا 21 يوم في المكتب بليبيا حيث كان موعدي يوم 6 من الشهر الحالي، نبي نعرف كيف حيتواصلو معاي توا وهل في امل يبعثولي اوراقي في ظروف البلاد الحالية؟
أفيدونا بالله عليكم

لا يأخ ابو محمد يوجد هذا السؤال في الاستمارة عندما يسألك هل انت مواطن من نفس البلد الذي تقيم فيه بتكتب لا ، بتطلعلك فراغ بتكتب فيها الصيغة الي درتها
والله الموفق والمستعان.

Mohamed Oun كتب:

لا يأخ ابو محمد يوجد هذا السؤال في الاستمارة عندما يسألك هل انت مواطن من نفس البلد الذي تقيم فيه بتكتب لا ، بتطلعلك فراغ بتكتب فيها الصيغة الي درتها
والله الموفق والمستعان.

نعم أخي محمد صحيح يوجد ولم انتبه له وشكرا لتفطيني 

العفو

مقدم أوراقي (طالب زائر 11شهر) ليا 21 يوم في المكتب بليبيا حيث كان موعدي يوم 6 من الشهر الحالي، نبي نعرف كيف حيتواصلو معاي توا وهل في امل يبعثولي اوراقي في ظروف البلاد الحالية؟
أفيدونا بالله عليكم

السلام عليكم ورحمة الله وبركاته,,
بالله لو سمحتو اللي قدم عالتأشيرة من تونس يوصفلي عنوان مكان التقديم  بالليبي
مشكورين

عنوان مكتب التقديم على التاشيرة البريطانية في تونس

تونس العاصمة / منطقة ضفاف البحيرة / بالقرب من السفارة البريطانية
اسم المكتب TLS contact

السلام عليكم ..
أنا موجود في ليبيا حاليا, عبيت أبليكايشن وحجزت موعد في مكتب التأشيرات في تونس يوم 7 Aug
لقيت في الأبليكايشن انك لازم ادير حساب على هذا الموقع لتأكيد الحجز http://www.ge2tn.tpcontact.co.uk/
درت حساب لكن ما نعرفش هل فيه خطوة ثانية مهمة
هل من معلومات عالموضوع ؟
بارك الله فيكم

خلاص دير حساب بس .

.

عدل سابقا من قبل Mohamed Oun في الجمعة 01 أغسطس 2014, 7:55 pm عدل 1 مرات

السلام عليكم
كل عام وانتم بخير ياشباب انا ناوي بنقدم على التاشيرة من تونس وسوف سافر بالسيارة مع الاسرة هذه الايام فهل الطريق امنة للسفر او بها مشاكل خاصة المسافة من غوط الرمان وحتي راس جدير

من فرّج على مؤمن كربة فرج الله عنه كربة يوم القيامة
بالله أنتم أعلم بوضع البلاد أنا نبي نقدم عالتأشيرة البريطانية (( تأشيرة 11 شهر)) من تونس ممكن أو لا
و شن المطلوب
وكم تقعد بالزبط
ونسبة القبول والرفض
علما بأن رسالة الدعم المالي للتأشيرة متاعي فات الثلاث أشهر وانتم عارفين الوضع في طرابلس
أفيدونا بارك الله فيكم

السلام عليكم
الاخوة اللذين قدمو على التأشيرة من تونس او الذين لديهم معلومات,, ما هو وضع الطريق البري الى تونس هل هو امن,, وبالنسبة للمعلومات عن سعر صرف الدينار الليبي مقابل التونسي هل حقا انخفض الدينار الليبي و اصبح الدينار الليبي ب 800 مليم تونسي ارجو الافادة لان هذه المعلومات يتوقف عليها سفري انا والعائلة الى تونس من عدمه..