التاشيرة الانجليزية من تونس

mair.msh كتب:

السلام عليكم:
الحمد لله اسمي موجود في القوائم التي نشرتها الملحقية الثقافية الليبية في تونس لكن هناك خطا في حرف من اسمي. هل يؤثر ذلك علي التاشيره؟ و ماالحل؟ عندي تقديمي علي التاشيرة هل ارفق صورة من القوائم مع اوراقي اة ان ادارة البعثات تتولي ارسالها الي السفارة البريطانية في تونس.
ارجو الافادة و اتمني التوفيق للجميع

وعليكم السلام

لا أعتقد يؤثر خاصة أنهم يكتبوا في رقم جواز السفر ولو فيه إمكانية تغييره يكون أفضل وممكن توة تقدمي بالموجود وبعدين لما يصلحوا اسمك يبعثوه مع القاءمة اللي بعدها
أعتقد الملحقية حسب ماسمعت تبعث في القوائم للسفارة الإنجليزية ولكن الأفضل تقدمي نسخة مع الأوراق متاعك أنت.

مشكورة أختي نجوى العلاقي عالرد

ال 27 والساحلي والزاوية أمنه كلها والحمد لله ، لكن الله اعلم هل مفتوحة او مسكرة ، اما بالنسبة للزهراءتخوف شوية لكن لو انتم عائلة مايكلمكم حد ان شاء الله

بالنسبة لل dhl اسبوع او 5 ايام ، والتوصيل لعند باب الحوش

السلام عليكم
اختي في الاول انتي وين ساكنة بالضبط باش انوجهوك لي أأمن طريق باهي ,,,,,,,,,,, ولكن ,,,,,كانك من سكان المناطق الي بعد العزيزية الطريق من بئر الغنم الي بوابة ذهيبة عبر نالوت أمنة 100% والحمد لله .
وكانك من سكان طرابلس وتبي أضمن طريق حنعطيك أضمن طريق بإذن الله انك من طرابلس عن طريق قصر بن غشير وتمشي للسبيعة ومتكمليش الطريق طول لان كان اتكملي الطريق طووووول تطلعي في العزيزية في السبيعة فيه فتحة يستعملوا فيها سكان غريان وحتلقيها واضحة وتقدري تسألي الناس فادي ايوجهوك عادي اطلعك علي منطقة الهيرة البوابة الرئيسية التحتية لغريان وبعد البوابة مباشرة فيه فتحة علي ايدك اليسار ادخلك للرابطة وطريق الرابطة يطلعك علي قبل فرقة بئر الغنم الي ادخل للزاوية باهي تاخدي يسار وهني أنتي عندك حرية الاختيار أما التوجه لرأس جدير أو معبر ذهية وللعلم والله علي ما أقول شهيد انها من أأمن الطرق واني نستعمل فيها وأنتي زيدي شاوري ونتمني من الله سبحانه وتعالى اني أفدتك حتي بشوية .....
والسلام على من أتبع الهدى

يالنسبه لسؤال الدول التي زرتها هل يؤثر اذا لم اذكر بعض الدول لم اتمكن مي حجز الموعد من غير انهاء الابليكيشن وفي نفس الوقت لا يمكنني ادارج زيارتي الى تونس لغرض التقديم على التاشيره قبل تاريخ ذهابي الى تونس فهل اتجاهل الموضوع عادي لا يؤثر على التاشيره

وعليكم السلام
أني من سكان سبها يا خوي أحمد ... وصحيت على مجهودك وبارك الله فيك ...

لو في جوازك الي بتقدم فيه سفرات أكتبهم , ويستحسن أنك تكتبهم كلهم يعني مش حتخسر شئ
اما بالنسية لرحلة الذهاب لتونس وانت قاعد في ليبيا ماتكتبهاش لأنها عمليا لاتجوز انك تكتب انك سافرت لتونس وانت قاعد في ليبيا
موفق ان شائ الله

السلام عليكم
كيف الحال ياشباب
اليوم قدمت من جديد على التأشيرة البريطانية بعد ماذقت مرارة الرفض للمرة الأولى بسبب عنوان العائلة واجراءات السفر , مع العلم بأني تقريبا أول ليبي قدمت عليها من تونس في 18/07 واليوم 1/09 قدمت عليها من جديد والورق الي درته هوا :-
قبول لغة ملون
ورقة من المدرسة تفيد بأنهم مسؤلين عليا طيلة فترة أقامتي في UK
ورقة أستقبال من المطار
حجز غير مؤكد عالخطوط الفرنسية
كشف حساب من شهر 1 الى 18/08 أي ليه 14 يوم من تاريخ التقديم
تعريف طالب
اذن موافقة بالسفر
تعريف عمل من الوالد
شهادة مرتب من الوالد
ورقة من الوالد تفيد بأنه متكفل بمصاريفي
ورقة من الوالد تفيد بأنه موافق على سفري لوحدي والأقامة مع عائلة بالتنسيق مع المدرسة
ورقة من الوالد موقع عليها هوا وأني تفيد بأنا وكالة BSS وهيا الي درت منها القبول بأنها بتستقبلني في المطار
شهادة ميلادي نسخة من كتيب العائلة ومترجمة .
وهذا ورقي ياشباب بالنسبة لورقة أستقبال من المطار مكتوب تاريخ الوصول TBC معرفتش أختصار لشنو مع العلم بأن الكورس بتاعي يبدأ في 29/09/2014 وتاريخ الوصول درته في 27/09/2014 وفي حساب بوي أيداع قيمة 12.500 يوم 8/07/2014 وتاريخ الاستحقاق يوم 16/07 مع العلم ياشباب بأن حساب بوي فيه قيم عالية تخش وتطلع فهل هذا يسبب مشكلة وخاصة لأن تاريخ كشف الحساب يوم 18/08
والسلام عليكم ورحمة الله
والسلام عليكم ورحمة الله

Libya Libya كتب:

يالنسبه لسؤال الدول التي زرتها هل يؤثر اذا لم اذكر بعض الدول لم اتمكن مي حجز الموعد من غير انهاء الابليكيشن وفي نفس الوقت لا يمكنني ادارج زيارتي الى تونس لغرض التقديم على التاشيره قبل تاريخ ذهابي الى تونس فهل اتجاهل الموضوع عادي لا يؤثر على التاشيره

زي ماقاللك الأخ محمد

حاول تكمل وتحجز بسرعة لأن مرات ماتحصل موعد قريب
فيه عندي 4 مواعيد يوم 5-9 احتمال كبير نلغيهم اليوم لأن أعتقد الأشخاص اللي حجزتهم لهم مش حيحتاجوهن

أخي Mohamed Oun إن شاء الله المرة هذه تأخذ التأشيرة
TBC= To be confirmed
يعني جاري التأكيد

عدل سابقا من قبل Abu Mohamed في الثلاثاء 02 سبتمبر 2014, 7:37 am عدل 1 مرات

لكم جزيل الشكر جميعا ويا ريت لو فيه حد عنده موعد يوم الاثنين 9/8 ويريده يلغيه يتواصل معي وشكرا

شكرا بارك الله فيك ياأخ ابو محمد ، المهم استفساري الأخير عن كشف الحساب هل فيه اي مشكلة
وجزاك الله الف خير خوي ابومحمد

شوفوا شن صار معاي
كشف حساب الوالد الي قدمت بيه يوم 18/08 ويوم التقديم 1-09 مع العلم ان فيه ايداع شيك بقيمة 12.500 يوم 8-07 وتاريخ الاستحقاق اي تاريخ دخول الفلوس للحساب يوم 16/07 هل في مشكلة في الموضوع .
مع العلم بأن الحساب فسطه قيم عالية 15000 و 12000 تخش وتطلع ولما قدمت المرة الأولى في أسباب الرفض لم يذكروا لي بأن لدي مشكلة في كشف الحساب
أفيدونا وجزاكم الله الف خير

Mohamed Oun كتب:

شوفوا شن صار معاي
كشف حساب الوالد الي قدمت بيه يوم 18/08 ويوم التقديم 1-09 مع العلم ان فيه ايداع شيك بقيمة 12.500 يوم 8-07 وتاريخ الاستحقاق اي تاريخ دخول الفلوس للحساب يوم 16/07 هل في مشكلة في الموضوع .
مع العلم بأن الحساب فسطه قيم عالية 15000 و 12000 تخش وتطلع ولما قدمت المرة الأولى في أسباب الرفض لم يذكروا لي بأن لدي مشكلة في كشف الحساب
أفيدونا وجزاكم الله الف خير

المفروض يكون فيه تبرير لهذه القيم مدعوم بالمستندات بس مرات مايعدلوا على الموضوع خاصة أنه حساب والدك ومش حسابك أنت وربما كان هذا السبب أنهم لم يعلقوا عليه المرة الماضية ولكن توة أنت قدمت خلاص ماعندك إلا تستنى وتدعي

ان شاء الله يارب العالمين , وعمر كشف الحساب 14 اليوم يعني شبه حديث ولا !!

السلام عليكم

اليوم كان حافل في مكتب التأشيرات

وصلو 60 جواز سفر ليبي اليوم

كل من تقدم للتاير 4 وخدي جوازه اليوم تحصل علي التأشيرة ماعدا شخص واحد فيه تضارب مابين كشف حسابه وشهادة المرتب. اكثر من 10 تاير 4 تحصلو عالتأشيرة وهم موفدين من جهات مختلفة ، مابين التعليم ومؤسسة النفط

بالنسبة للطالب الزائر للأسف مشفناش واحد حصل التأشيرة

ايه مزبوط ياأخ سامي الهاشمي , الحمد لله بوادر انفراج للأزمة , انا لاأعرف لماذا الى حد الأن لايوجد قبول لتأشيرة الطالب الزائر
ربي يسهل عالناس , وبالتوفيق للجميع

السلام عليكم
بارك الله فيكم عالاخبار الحلوة،،، وأنا بكرة ان شاء الله بنمشي نستلم جوازي وتو انقولولكم بكرة شن صار امعاي بإذن الله.

سامي الهاشمي كتب:

السلام عليكم

كل من تقدم للتاير 4 وخدي جوازه اليوم تحصل علي التأشيرة ماعدا شخص واحد فيه تضارب مابين كشف حسابه وشهادة المرتب. 

وعليكم السلام وجزاك الله خيرا

إذا كانه مقدم على التير-4 يفترض مايقدم شهادة مرتب لأنها مش مطلوبة وحتى في استمارة التقديم مايسألوا في التير-4 على الوظيفة أو المرتب وإذا هو مقدمها فهو حصل روحه بروحه

ان شاء الله خير

بنسألك خوي أبو محمد

صلاحية رسالة دعم التأشيرة 4 شهور من يوم التقديم او يوم بدء الدراسة

يعني لو واحد خدي رسالة دعم التأشيرة في شهر 7 وقدم عالتأشيرة في شهر 9 وبداية دراسته في شهر 12 ، هل اموره تمام ؟

السلام عليكم

اليوم وبحمد الله تواصل ضهور تأشيرات التاير 4 لليبيين.

حيث تحصل أكثر من 15 طالب وطالبة علي تأشيرة تاير 4 ولم يتم رفض اي شخص متقدم للتاير 4 هذا اليوم.

اما بالنسبة للطالب الزائر فللأسف تواصل الرفض وتم رفض اكثر من 5 طلبة وقبول طالبة واحدة زوجها يحمل الجنسية الانجليزية

مع العلم ان هناك من قدم بتاريخ 15 - 8 للتاير 4 وتحصل عالتأشيرة يوم الامس.

السلام عليكم اخى هاشم بارك الله فيك وبشرك بالخير عندي سؤال هل وصلتلهم رسايل من الموقع لايميلاتهم لاني قدمت يوم 12 \8 وما جانيش ايميل منهم وجزاك الله خيرا

معضمهم وصلوهم ايميلات بأن جوازاتهم وصلو

لكن تقريبا فيه بنت جت بتراجع لقت انه جوازها واصل رغم ان قالت مبعتوليش ايميل

الله اعلم مرات وصلها الايميل في ال Spam لكن مشافاتاشي ، لأن معظم اللي مشو وصلهم ايميل أمس نهاية النهار

لكن علي كلامها جت صدفة لقت جوازها