استفسار عن قبول خريجي دبلوم عالي في بريطانيا

السلام عليكم
اريد استفسار عن قبول خريجي دبلوم عالي ، انا تخصصي هندسة كهربائية دبلوم عالي ، من لديه اي معلومة بهدا الخصوص ايفيدنا وله مني جزيل الشكر والاحسان ...

والله حتى انى زيك يا خوي دبلوم عالي ادارة اعمال ونبي انكمل فى بريطانيا ومش عارف كيف برنامج المعادلة غادي... ان شاء الله حد يرد علينا.

السلام عليكم اني زيكم عندي دبلوم عالي بس السفارة اعطتنا حق دراسة البري ماستر الي هو تجهيز للماستر لتعديل الشهادة يعني اني درست سنة لغة وسنة بري ماستر وسنة ماستر

وبالتوفيق

الامور ان شاء الله متيسرة فيه بعض الطلبة بعد سنة اللغة درسوا طول الماستر وفيه البعض درس سنة لغة و9 اشهور بري ماستر بحسب رغبتهم لكن العديد من الجامعات تقبل في طلبة الدبلوم العالي مثل الدي يحمل بكالوريوس وتساعدك في القبول لو عندك شهادة خبرة مختومة ومترجمة ونعرف العديد من طلبة الدبلوم العالي اخدوا الماستر بعد سنة اللغة مباشرتا طبعا سفارة ليبيا من عام 2009 سمحت لطلبة بدراسة سنة تمهيدي ماستر اي بري ماستر لمن يرغب في دلك

السلام عليكم

مافيش مشكلة ابداً بعد الدبلوم العالي تقري ماستر في بريطانيا ..ومعظم قرارات ايفاد خريجي المعاهد العليا لبريطانيا...ام في حالة المواد الاستدراكية فيه جامعات عندهم كورس اسمه pre-master انتي زي ماتبي لو عندك نية تقدريه عادي ..اخيرا المواد اللي درستيها هنا في ليبيا لو كان هما نفس مواد الماستر في بريطانيا تقدري تلغيهم ماعندهمش مشكلة... اترجمي المواد وكشف الدرجات وقوليلهم انا درست نفس المواد في ليبيا . راح يلغوهملك علي الفور
اما موضوع تغيير التخصص مشكلة كبيرة .. لان عندما تتقدمي للتعيين لازم اتكون الماستر نفس تخصص الدبلوم العالي هذا شرط التعيين وكذلك الملحقية الثقافية في لندن راح ترفض تغيير المسار
السلام عليكم

اجابة كافية مشكور خوى انا كان عندى نفس السؤال بس لقيت الاجابة
موفقين

اخي وبارك الله فيك وان شاء الله في ميزان حسناتك

بس قالوا جامعة كاردف تقبل فى المعاهد وانا حاب ندرس فيها كان ربى وفقنا أن شاالله
وبالتوفيق للجميع

السلام عليكم
زوجتى لديها قرار ايفاد وانا إن شـاء الله اريد ان اكون مرافق لها متحصل على دبلوم عالى هندسة كهربائية وعمرى 38 سنة هل يمكننى مواصلة دراسة الماجستير فى بريطانيا
والسلام عليكم

ياريت يا اخي الكريم Ali Adamتحط عناوين الجامعات في الموضوع باش الكل يستفيد

عدل سابقا من قبل ِAbu Mohamed في الثلاثاء 08 يناير 2013, 9:12 pm عدل 2 مرات (السبب : خطأ مطبعي)

يا اخ علي آدم
مشكور لمحاولة المساعدة ولكن اسمح لي ببعض الاسئلة

هل انت ليبي؟

وثانيا صديقك الذي تتحدث عنه والذي جلب لك القبول هل جلبه لك بالمجان ام بمقابل

ولماذا لا تعطينا اسمه فلعلنا نعرفه ونزود الاخوة والاخوات بما نعرفه عنه وعن مصداقيته ودقته ان كان يتعامل بشكل تجاري مع الموضوع


وشكرا لك

Ali Adam كتب:

يا أخوي الرجال ما ياخذ منك أي رسوم هو يتعامل مع الجامعة

ماشالله عليه يساعد أي واحد من ليبيا أو من الخليج

لو تبغى الرقم أقدر أعطيك يا هو في بريطانيا بس ما ياخذ منك ولا درهم

الله معك

السلام عليكم اخى الكريم اى مساعده من بريطانيا انا حاليا موجود فى مانشستر وهذا رقمى لاى مساعده*********** يمنع نشر الأرقام والبريد الألكتروني استعمل الرسائل الخاصة

عدل سابقا من قبل ِAbu Mohamed في السبت 12 يناير 2013, 12:50 am عدل 1 مرات (السبب : مخالفة قوانين المنتدى)

السلام عليكم
انا مرافق وعمرى 38 سنة وارغب فى دراسة الماجستير فى بريطانيا هل عمرى يسمح بدلك خاصتا ان عمر 35 سنة ينطيق على الموفدين نامل الافادة بدلك

اخواني اني الان في بريطانيا و اكتر من جامعة راسلتهم فبعضهم رفض مطلقا و البعض رفض و فال ادا بتخش معانا pre master course لو نجحت فقبوللك بعدها مضمون .. سوألي هل فعلن مضمون القبول بعدها ؟؟ و السؤال التاني و الاهم هل السفارة تخلص رسوم pre master course؟؟؟
و ادا كان تخلص السفاره هل تتبع اللغة او يبي قرار ضم علما بأني مرافق

اخى الكريم هل انت لديك دبلوم عالى وتريد تدرس ماجستير؟ اذا نعم ماهو تخصصك؟ لكى استطيع مساعدتك

Inception كتب:

في اعلى الصفحة الثالثة من هذا الدليل مذكور انه يجب الحصول على موافقة إدارة البعثات اولاً
 http://culturalaffairs.libyanembassy.org/wp-content/uploads/2012/09/student_guide.pdf

لا اخي اني خريج كلية طب الاسنان جامعة طرابلس الفاتح سابقا
الرجاء الافادة منطم في اسرع وقت

Inception كتب:

في اعلى الصفحة الثالثة من هذا الدليل مذكور انه يجب الحصول على موافقة إدارة البعثات اولاً
 http://culturalaffairs.libyanembassy.org/wp-content/uploads/2012/09/student_guide.pdf

هذا الرابط لايعمل

هيثم عبدالصمد كتب:

Inception كتب:

في اعلى الصفحة الثالثة من هذا الدليل مذكور انه يجب الحصول على موافقة إدارة البعثات اولاً
 http://culturalaffairs.libyanembassy.org/wp-content/uploads/2012/09/student_guide.pdf

هذا الرابط لايعمل

الرابط يعمل ممكن بطئ شوية في التحميل لأنه PDF

عدل سابقا من قبل Abu Mohamed في الإثنين 11 مارس 2013, 3:27 am عدل 1 مرات

http://culturalaffairs.libyanembassy.org/wp-content/uploads/2012/09/student_guide.pdf

السلام عليكم
اني شهادتي دبلوم عالي شبكات كمبيوتر وارغب في دراسة الماجسيتر في بريطانيا ...
شنو تنصحوني من جامعات معتمدة ..
وهل يمكن القبول بسهولة واني شهادتي دبلوم عالي ..
علما بان تقديري
84.7 %

علي حسب ما قرأت من مساهمات سابقه لبعض الاعضاء
بان الدبلوووم العالي في بريطانيا يمكن الحصول علي قبول بسهوله
لجميع الجامعات المملكه ,,,علي خلاف امريكيا وكندا
والله أعلم.....!

وفقك الله ..