استفسار عن قبول خريجي دبلوم عالي في بريطانيا

الأسطرلاب كتب:

السلام عليكم خوتنا واخواتنا

عندي سؤال نحن خريجي المعاهد العليا نقروا في سنة اللغة وبعد سنة اللغة نقروا في حاجة اسمها بري ماستر

كم مدتها لو سمحتوا ؟
وهل التكلفة محسوبة ضمن تكاليف الأيفاد والا نخلصوها احنا   


مشكوررررين ونستنى ف الرد لو سمحتم اللي عنده معلومة مؤكدة

افيدوني بالله عن pre master course

مشكووووووووووووورين
على الأفادة وبارك الله فيكم

بسم الله الرحمن الرحيم ....السلام عليكم جميعا أخوتى الأعزاء أنا عندى قرار إفاد للدرسة وعندى قبول لغة من معهد فى بريطانيا وكذلك عندى رسالة الدعم المالى لغرض التاشيرة من إدارة البعثات والحمد لله ولكن كيف ماتعرفو وضع لبلاد السفرات قفلت ابوابها واصبح من الضرورى الذهاب الى تونس ولكن قالولى أن هناك نسبة رفض واجدة لتأشير الطالب الزائر للى عندة معلومة أو أى شخص قدم ع التاشيرة قريب من تونس إفيدنى ويجاوبنى وبارك الله فية وبماذا ينصحنى أخوتى العزاء أرجو الرد على أستفساراتى لأنة حائر ومش عارف كيف نصرف.....اللهم لاسهل إلا ماجعلتة لنا سهلا فأنت تجعل الحزن الصعب إذا شئت سهلا
أعجبني · الرد · منذ 41 دقائق

السلام عليكم اخي ابو محمد
اعانك الله ع عملك الطيب واسأل الله ان يزيدك من العلم والرزق الحلال
نبيك تجاوبني ع الاسئلة الاتية:
-انا عندي شهادة من بريطانيا HND في هندسة التشغيل ونظم تحكم نقدر نقدم بيها في الجامعات بدون قبول مشروط عادي ونقدر ناخد بيها تاير فور او ضروري ايلس 4 او اكثر.
-اما افضل معهد تابع للجامعة اومستقل مع العلم انن نبي نقدم ع التاير فور لانا زوجتي وابني مرافقين معاي  في الوقت لي نعرف ان المعهد تابع الجامعة يعطيك 3 شهور كورس وهذا غير مقبول في التاير فو باش نرفع عيلتي شن احل في رايك.
-انا نبي نحضر ماجستير ادارة اعمال وين تنصحني نقرا في شيفيلد- مانشستر - ليدز- برمينغهام او نوتينغهام وين افضل مكان من حيث رخص السكن
-بالنسبة للقبول نبي تخصص سهل في ادارة الاعمال شن تنصحني فيه كورس بري ماستر في شيفيلد اسمه Graduate Diploma Business and English (pre-masters course هل ممكن نقراه والجامعة تزيدلي مواد  باش ناخد الماستر او نكتفي بيه.....

ارجو منكم السماح كثرت عليكم هلبا من الاسئلة والكلام...

تحياتي للجميع وموفقين...

عدل سابقا من قبل Abu Mohamed في الأحد 04 يناير 2015, 4:54 pm عدل 1 مرات (السبب : العنوان غير واضح)

mazen ennwili كتب:

السلام عليكم اخي ابو محمد
اعانك الله ع عملك الطيب واسأل الله ان يزيدك من العلم والرزق الحلال
نبيك تجاوبني ع الاسئلة الاتية:
-انا عندي شهادة من بريطانيا HND في هندسة التشغيل ونظم تحكم نقدر نقدم بيها في الجامعات بدون قبول مشروط عادي ونقدر ناخد بيها تاير فور او ضروري ايلس 4 او اكثر.
-اما افضل معهد تابع للجامعة اومستقل مع العلم انن نبي نقدم ع التاير فور لانا زوجتي وابني مرافقين معاي  في الوقت لي نعرف ان المعهد تابع الجامعة يعطيك 3 شهور كورس وهذا غير مقبول في التاير فو باش نرفع عيلتي شن احل في رايك.
-انا نبي نحضر ماجستير ادارة اعمال وين تنصحني نقرا في شيفيلد- مانشستر - ليدز- برمينغهام او نوتينغهام وين افضل مكان من حيث رخص السكن
-بالنسبة للقبول نبي تخصص سهل في ادارة الاعمال شن تنصحني فيه كورس بري ماستر في شيفيلد اسمه Graduate Diploma Business and English (pre-masters course هل ممكن نقراه والجامعة تزيدلي مواد  باش ناخد الماستر او نكتفي بيه.....

ارجو منكم السماح كثرت عليكم هلبا من الاسئلة والكلام...

تحياتي للجميع وموفقين...

وعليكم السلام ورحمة الله
بالنسبة لاستفسارك الأول يعتمد على الجامعة ممكن تراسل الجامعات وتشوف لأنه ماعندي خلفية على HND

السؤال الثاني إجابته موجودة في هذا الموضوع
 

أيهم أفضل معهد لغه خاص أو معهد لغه تابع لجامعة

بالتسبة لسؤال الثالث ماعندي فكرة على تخصصك
الاستفسار الرابع مكن تشوف هذا الموضوع
 

استفسار عن قبول خريجي دبلوم عالي في بريطانيا