سؤال محرج سامحوني!!!!

السلام عليكم ورحمة الله وبركاته
وصلي الله علي سيدنا محمد

يا جماعه وانا صغيره كنت عايشه في منطقه ريفيه
وفي الربيع كنت ناكل في قعمول وقمحي

توه انا خاطري في قعمول وقمحي
القعمول متوفر بس المشكله في القمحي,,,
انا والله خاطري في القمحي بس مش عارفه
وين نلقاه ومنين نحصله,,,,,ياريت اللي
عنده فكره وين نلقاه يدلني عليه,,,

انا عارفه ان الموضوع مش شور الايفاد
بس ممكن اي حد عنده فكره علي القمحي(الفطر)

ماذا تقصدين بالقمحي غير معروف في المنطقة الغربية

قصدك الترفاس

تشن هو القعمول هدا؟

القمحى هو فطر عيش الغراب وام القعمول فيوجد فى الجبل الاخضر وبنغازى وهى مثا البيضة عليها شوك من الخارج ويتم كسرها واستخراج الثمرة من داخلها وهى كجم اللوزة

قعمول ؟؟؟؟؟؟؟؟؟؟؟؟؟
قمحي؟؟؟؟؟؟؟؟؟؟

عربي والا عبري هذا؟؟؟؟؟؟؟

كنت اتمنى أن يكون هناك أسئلة لها علاقة بالعلم وليس بالطعام!!!

ملاحظة . تحدييير: أتذكر في أيام التانوية .قال أحد المدرسين أن مجموعة من الطلاب طلعوا رحلة مدرسية وفي أحد الأماكن في الهواء الطلق والباين أنه وقت ربيع أكل بعض الطلاب (السندوتشات) وبعد لحظات مرض مجموعة منهم وتم إسعافهم . وبعد البحث في الأمر أكتشفوا أن الطلاب حصل لهم تسمم بسبب ملامستهم بأيديهم عيش الغراب (فطر).
ربما الإستاد يريد أن يظرب سوق عيش الغراب !!!!

حتوي الفطر على عناصر غذائية ومواد بروتينية أدت بالانسان لأن أطلق عليه اسم اللحم النباتي.
وبما أن الفطر منشط للجسم، ويوصف في حالات فقر الدم والإرهاق ونقص المعادن في الجسم، فهو مفيد للبدينين والمصابين بالسكري.


بالإضافة لاعتقاد الباحثين بأن تناول الفطر بشكل منتظم، يحافظ على صحة الجسم بعيداً عن المرض، فهو بشكل عام يقوي الجهاز المناعي وينشط الجسم، وتجدر الإشارة إلى أن الفطر يعد من مصادر الحصول على البنسلين، المضاد الحيوي المعروف بتأثيراته المضادة للعوامل الجرثومية الممرضة.

وللاستفادة من القيمة الغذائية للفطر، وخصائصه الطبية، ينصح بالالتزام بالإرشادات التالية:

ـ يغسل وينظف الفطر جيداً قبل تناوله.
ـ ينصح بتناول الفطر الطازج، وإن لم يكن متوفراً يمكن تناول الفطر المجفف أو المحفوظ.
ـ عند شراء الفطر الطازج يجب أن يكون جامداً، وجافاً، وغير تال

السلام عليكم
القمحي أول مرة نسمع بالأسم هذا.....! لكن ع ما فهمت منكم ان القمحي هو الفطر وعيش الغراب يعني أكيد الفقاع ...والفقاع لهوا القمحي موجود في المحلات الغذائية محفوظ في علب زجاجية المسماه بالفازو .............. يا والله حاله

افحمتوني بالاطراء والنقد والعبارات المفعمه بالمعاني القويه
انا عرفت ان المنتدي ليبي من كثرة الهزوه,,,,
شكرا يا مجهول وان شالله تتعرف علي روحك وما تطول وانت مجهووووول.
يا قطعاني بارك الله فيك كلامك صح كله وربي يزيدك من علمه ويحفظك.
عبد الناصر سا محنا خذينا من وقتك مرتين في قراية الموضوع وفي الرد.
يا دكتور الاسنان نحنا مش في تل ابيب ولا غزه الله يسامح قنوات الاخبار.
عبد المعين القمحي مش سام بدليل الصين تصدر فيه للدول العربيه في فازوات.
يا الاصبعي انا متاكده انك وااااكل منه القعمول لين بااااااااطل نحنا ليبين!!!!!
اكرم,,,,,انا نقصد القمحي اللي اسمه الفقاع يعني الفطر ...
يا عبيد موجود الفطر في المناطق الغربيه الجبليه بس انت ممكن ما شفته ولا ذقته...

شكرا علي كافة الردود تو انا ندور عليه بروحي

و الله ممكن غير تلخبطت عليا الاسماء. كانك تتكلمي على الفقاع فواخذ فيه راحتي لكن ليا هلبا ما كليتاش,, على العموم الفقاع موجود في الدول الاجنبيه وخصوصا بريطانيا.. فيه بيتزه بالفقاع حاجه مش عادية

القمحي حاليا خلاص وقته بس اشريه من المحلات وخلاص راه ايجيبو في من مصر حاليا اما القعمول مازال وقته اشوي بس اقريب خلاص....تحياتي البيضاء ليبيا

واحد موفود و واحد باله في الحلوي

انت فاهم ولا مش فاهم
لاني انا مش فاهمه التعليق
اذا كنت فاهم فهمني وفهم الموفدين
لان مافي حد فاهم اللي كتبته يااااافااااهم

حلوى ...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ القعمول تما حلوى؟؟؟؟؟

هذي اخرتها ههههههههههههههههههههههههههههههههه

للعلم القعمول من القنفوذيات لكثرة الأشواك المحاطة به

يعني واحد مشغول بالدراسة وواحد يسأل علي القعمول (وهدا مثل شعبي واحد مشنوق وواحد باله في الحلوي)أ

الاخ فاهم يسحاب الي يطلعوا اكلهم شادينها قراية و خلاص.. راهو جزء كبير منهم و خاصة الي فات عمر 30 منهم شادينها مرابيع و هدرزة و شاهي و الاوكشن .. اخر حاجة يتفكروا فيها هي القراية..

لا اله الا الله,,,,,كنكم معايا عليش الهجوم هذا كله
انا اوراقي واتيه غير نرجي في السفاره الاستراليه
تو نسافر ونكمل قرايتي,,,,,يعني تبيني يا فاهم
نحرق في روحي لعند السفر,,,,,وبعدين ساعه
لقلبك وساعه لربك,,,,,استغفر الله وخلاص

وانت يا محمد الاصبعي قلت اللي فاتوا الثلاثين
لالالالا مازال ما فتت الثلاثين وبعدين انا نقرا توه
مش كيف ما قلت مرابيع وهدرزه واكشن....

انا كرهت القعمــــــــــول بكل بكل ومعش نبيه هو ولا القمحي!!!!!

akram huossian كتب:

آآآآآآآآآآآآآآآآآآآآآآآه ه ه ه ه ه ه ه ه
ممكن اني عرفته القعمول
لكن نبي اختي لوزا تصححلي إذا كنت غالط مع التعليق
القعمول:
هو نبات يخرج في فصل الربيع شكله يشبه الي حد كبير الي الورده لكن يحيط به اشواك خضراء اللون كما تحيط الاوراق بالورده بل أكثر , ويوجد بمنتصفها شئ ناعه يشبه الريش يعني ناعم الملمس لونه بنفسجي
وعندما تريد اكله لابد من إزالة الاشواك وإزالة (الريش)
تحصل على قطعه خضراء اللون وومستديرة الشكل بجحم (العشره قروش) يمكن اكلها واكيييييييييد بعد الغسل
واذا كان كلامي مزبوط معناها اني كليت القعمول لما كنت صغير
وهو متوفر عندنا لاكن بصراحه نسيت اسمه

وصف دقيق للقعمول

لوزا مادام ماشية لاستراليا اكيد حتلقيه غادي
استراليا معبية قعمول و قمحي
لكن اهم حاجة ماتنسيش القراية غادي وتلهي بالقعمول والقمحي