سؤال محرج سامحوني!!!!

لوزا ماتعدليش على حد ..
انتي من حقك تسالي وتسفسري من الشئ اللي مش عارفتيه
مش عيب انه الانسان ينوع في نقاشاته و اسئلته و حواراته
مش من العيب ان الشخص يسئل اخوانه على شئ مش فاهمة او مش عارفه

لكن المؤسف ان ارى اصحاب العلم هم من يستهزون ويسخرون من شخص لايعرف
و يردون عليه باسلوب اقل شئ يقال عليه انه اسلوب تحقير لسؤال البنت ...

ياريت تحسنوا اسلوبكم شوية يا علماء ليبيا ...

يا لوزا ...

القعمول هذا نوع من انواع الخرشوف او الارضي شوكي و هو متوفر في منطقة جنوب الجبل الاخضر فقط
اما القمحي هذا نوع من انواع الفطر وهو متوفر في منطقة جنوب الجبل الاخضر بس توا مستحيل تلقيه لانه موسمه في الخريف تقريبا في شهر 11
لكن تقدري تشري فطر طازج من سوق الخضار

والله يانورا ياعسوله انتي وساندي السموحه قريت كلامكن اللي يهبل
وينحط علي الجرح يبرا,,,,,,حبيبتي نورا من زمان وانا عندي عقدة من الجنس
الاخر,,,,,,وانقول بالك انا غلطانه وعندي حساسية منهم,,بالك يتغيروا بعد الثورة,,بس توه بعد تعليقات الجنس الخشن تاكدت اني علي حق في احساسي واعتقادي,,,,قلت بالك الجماعه الموفده غير بالك يختلفوا,,,بالك يغيروا نظرتي في الجنس الاخر,,,لكن فيك ياوادي
انا اصلا قاعده في المنتدي عشان خاطر عيون الموفدات العسولات اللي لسانهن ينقط
عسل...هذا الرجل الليبي عنده جفاف في كل شئ ,,,,,الله غالب شن نبوا انديروا
هذا ابتلاء لكل فتاة ليبيه,,,,ولازم نصبروا عشان انخشوا الجنه,,,,,,,
المفروض نحنا نفرحوا لان ربي يبتلي الانسان اللي يحبه,,,,ونحنا بنات ليبيا ربي يحبنا......

نورا خليك محضر خير حنا واخذينها شوية جد وشوية بصارة
كان علقنا تقولو واااااااااااك وكان ماعلقناش تقولوا وااااااااكين
خلوها بجوها مرة هكي ومرة هكي

ضرورى انجيبوا واحد يحز بيناتكم ويكون منصف للطرفين وضرورى انراضوكم وانا توا انجيب صحن فيه قعمول وقمحى وانضوقكم منه .

اختى لوزا القعمول توا وقته وقاعد يبيعوا فى عالطريق لكن للاسف القمحى هلب وقته توا لكن موجود فى السوق ممكن تعدى تشرى منه صحه وهنا. تحياتى لك اختى لوزا